അടുക്കളയിൽ ഒതുക്കി വയ്ക്കാതെ ബീറ്റ്റൂട്ട് ഇനി ചർമ്മ പരിചരണത്തിനും ഉപയോഗിക്കൂ. മുഖത്തെ കരുവാളിപ്പും പാടുകളും അകറ്റാൻ ഈ ഫെയ്സ്മാസ്ക്കുകളിലൊന്ന് തിരഞ്ഞെടുക്കൂ. ബീറ്റ്റൂട്ടിൻ്റെ ഗുണങ്ങളെ കുറച്ച് കേട്ടിട്ടുണ്ടാകുമെല്ലോ?. ധാരാളം പോഷകങ്ങൾ അടങ്ങിയ ബീറ്റ്റൂട്ട് ചർമ്മാരോഗ്യത്തിന് ഏറെ ഗുണകരമാണ്. ചർമ്മത്തിൻ്റെ നിറം വർധിപ്പിക്കുന്നതിന് അധികം ആളുകളും സ്ഥിരമായി ഇത് ഉപയോഗിക്കാറുണ്ട്. ബീറ്റ്റൂട്ട് കഴിക്കുന്നതും പുറമേ പുരട്ടുന്നതും തിളക്കമുള്ള ചർമ്മം പ്രദാനം ചെയ്യും.
മുഖത്തിനു മാത്രമല്ല ശരീരത്തിനും കൂടിയുള്ള ഒരു മികച്ച ക്ലെൻസറായി ഇത് പ്രവർത്തിക്കുന്നു. മുഖക്കുരു, പാടുകൾ, പിഗ്മൻ്റേഷൻ എന്നിവ അകറ്റി തിളക്കമുള്ള തുടുത്ത ചർമ്മം നൽകുന്നു. ബീറ്റ്റൂട്ട് ചർമ്മ പരിചരണത്തിനായി എങ്ങനെ ഉപയോഗിക്കാം എന്ന് കൂടുതൽ അറിയാം.
ബീറ്റ്റൂട്ട് തൈര്.
രണ്ട് സ്പൂൺ ബീറ്റ്റൂട്ട് ജ്യൂസിലേയ്ക്ക് തൈര് ചേർത്തിളക്കി യോജിപ്പിക്കാം. ഈ പാക്ക് മുഖത്ത് പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. മുഖക്കുരുവും അതിൻ്റെ പാടുകളും നീക്കം ചെയ്യുന്നതിന് ഇതിൻ്റെ സ്ഥിരമായ ഉപയോഗം സഹായിക്കും.
ബീറ്റ്റൂട്ട് കറ്റാർവാഴ
ബീറ്റ്റൂട്ട് ജ്യൂസ് അൽപം കറ്റാർവാഴ ജെൽ ചേർത്ത് ഇളക്കി യോജിപ്പിക്കാം. ശേഷം മുഖത്ത് പുരട്ടുക. ആഴ്ചയിൽ ഒന്നോ രണ്ടോ തവണ ഈ പാക്ക് ഇടാം.
ബീറ്റ്റൂട്ട് പാൽ
ഒരു ടീസ്പൂൺ പാലിലേയ്ക്ക് 3 സ്പൂൺ വെളിച്ചെണ്ണ, 2 ടീസ്പൂൺ ബീറ്റ്റൂട്ട് ജ്യൂസ് എന്നിവ ചേർത്തിളക്കി യോജിപ്പിച്ച് മിശ്രിതമാക്കാം. ഈ പാക്ക് മുഖത്ത് പുരട്ടി മൃദുവായി മസാജ് ചെയ്യാം.15 മിനിറ്റിനു ശേഷം കഴുകി കളയാം. മുഖത്തെ കരുവാളിപ്പകറ്റാനും വരണ്ട ചർമ്മ അകറ്റാനും ആഴ്ചയിൽ രണ്ടു തവണയെങ്കിലും ഇത് ഉപയോഗിക്കുന്നത് ഗുണകരമാണ്.
