ഇലക്ട്രിക്കൽ, പ്ലംബിങ് മേഖലകളിൽ സ്ത്രീകൾക്ക് പരിശീലനം.

വീടുകളിലെ ദൈനംദിന ആവശ്യങ്ങളുടെ ഭാഗമായുള്ള ഇലക്ട്രിക്കൽ, പ്ലംബിങ് ജോലികൾക്ക് സ്ത്രീകൾക്കു പരിശീലനം നൽകാൻ സഹകരണ വകുപ്പ് ഒരുങ്ങുന്നു. ജില്ലകളിലെ 30 സ്ത്രീകൾക്കു വീതമായിരിക്കും പരിശീലനം. പരിശീലന ശേഷം സഖി പദ്ധതിയുടെ മൊബൈൽ ആപ്പിലൂടെ ഇവരുടെ സേവനം പൊതുജനങ്ങൾക്കു ലഭ്യമാക്കി തുടങ്ങും.

വീട്ടിലെ ഇലക്ട്രിക്കൽ ജോലികൾക്കു പുറമേ രോഗീപരിചരണത്തിനും പ്രസവ ശ്രുശ്രൂഷയ്ക്കും വരെ പരിശീലനം നൽകുന്നുണ്ട്. സ്ത്രീകൾ മാത്രമുള്ള വീടുകളിൽ ഈ മൊബൈൽ ആപ്പിലൂടെ സ്ത്രീകളുടെ സേവനം ഉറപ്പാക്കാനും ഇതുവഴി സ്ത്രീകൾക്ക് കൂടുതൽ തൊഴിലവസരം ലഭ്യമാക്കാനുമാണ് പദ്ധതി. പരിശീലന പദ്ധതി ആദ്യം തുടങ്ങുന്നത് കോഴിക്കോട്, മലപ്പുറം, കണ്ണൂർ, കാസർകോട് ജില്ലകളിലായിരിക്കും. നാല് ജില്ലകളിലും സ്ത്രീകൾക്കു പരിശീലനം പൂർത്തിയായിക്കഴിഞ്ഞാൽ പൊതുജനങ്ങൾക്കു ‘സഖി’ ആപ് ഡൗൺലോഡ് ചെയ്യുന്നതിനുള്ള സൗകര്യം നൽകും. പരിശീലനം ലഭിക്കുന്നവർക്ക് സഹകരണ സംഘങ്ങൾ വഴി സ്കൂട്ടറിനും മറ്റും വായ്പ നൽകുന്നതിനും ആലോചനയുണ്ട്. രോഗീപരിചരണത്തിന് ആയുഷ് വകുപ്പുമായി ചേർന്നാണ് പരിശീലനം നൽകുന്നത്.

Verified by MonsterInsights