കുട്ടികൾക്കും മുതിർന്നവർക്കും ഇഷ്ടപ്പെട്ട മിക്സ്ചർ ഇനി കടയിൽ നിന്നും വാങ്ങേണ്ട, അവൽ ഉണ്ടെങ്കിൽ എളുപ്പത്തിൽ വീട്ടിൽ തയ്യാറാക്കാം കടയിൽ നിന്നും വാങ്ങുന്ന മിക്സചർ ഇനി വീട്ടിൽ തയ്യാറാക്കാം. അതിനായി മാവ് പ്രത്യേകം കുഴച്ച് തയ്യാറാക്കേണ്ട മസാലപ്പൊടികളും വേണ്ട. കുറച്ച് അവലും, കടലപരിപ്പും, നിലക്കടലയും, മധുരത്തിനനുസരിച്ച് പഞ്ചസാരയും മതി.
ചേരുവകൾ
വെളിച്ചെണ്ണ
അവൽ
നിലക്കടല
കടലപരിപ്പ്
പഞ്ചസാര
ഏലയ്ക്കപ്പൊടി
തയ്യാറാക്കുന്ന വിധം
അടികട്ടിയുള്ള ഒരു പാത്രം അടുപ്പിൽ വെച്ച് വെളിച്ചെണ്ണയൊഴിച്ചു ചൂടാക്കാം
അതിലേയ്ക്ക് ആവശ്യത്തിന് അവൽ ചേർത്ത് വറുത്തു മാറ്റാം.
അതേ എണ്ണയിൽ തന്നെ നിലക്കടലയും, കടലപരിപ്പും വറുത്തെടുക്കാം.
വറുത്ത അവലിലേയ്ക്ക് നിലക്കടലയും കടലപരിപ്പും ചേർക്കാം.
മധുരത്തിനനുസരിച്ച് പഞ്ചസാര പൊടിച്ചെടുക്കാം.
അവലിലേയ്ക്ക് പഞ്ചസാര പൊടിച്ചതും, ഒരു നുള്ള് ഏലയ്ക്കപ്പൊടിയും ചേർത്തിളക്കാം.
ആവശ്യനുസരണം കഴിക്കാം. നനവില്ലാത്ത പാത്രത്തിൽ ഏറെ നാൾ സൂക്ഷിച്ചു വെയ്ക്കാം.
