കേരളത്തില് ഓരോ ദിവസവും സ്വര്ണവില ഇടിയുന്നു. ആഭരണം വാങ്ങാന് ആഗ്രഹിക്കുന്നവര്ക്കും സ്വര്ണത്തില് നിക്ഷേപിക്കാന് കൊതിക്കുന്നവര്ക്കും ഇതൊരു അവസരമാണ്. വില കുറയുന്ന വേളയില് സ്വര്ണം വാങ്ങുന്ന പ്രവണത വര്ധിക്കുമെന്നാണ് ജ്വല്ലറി വ്യാപാരികള് പറയുന്നത്. അതേസമയം, വിലയില് ഇനിയും കുറവ് വരട്ടെ എന്ന് കാത്തിരിക്കരുത്.
മെയ് മാസത്തില് പവന് 55120 രൂപ വരെ വില ഉയര്ന്നിരുന്നു. പിന്നീടാണ് താഴാന് തുടങ്ങിയത്. കഴിഞ്ഞ കുറച്ച് ദിവസങ്ങളായി വില തുടര്ച്ചയായി ഇടിയുകയാണ്. ഇന്ത്യയില് ഓഹരി വിപണിയില് വലിയ ഉണര്വാണ് ഇന്ന് കാണുന്നത്. ഇന്ത്യന് രൂപ കരുത്ത് വര്ധിപ്പിക്കുന്നുണ്ട്. ഡോളറില് ഇടിവുണ്ടാകുകയാണ്. എണ്ണവില നേരിയ തോതില് കയറുന്നുണ്ട്. അറിയാം ഇന്നത്തെ സ്വര്ണവില സംബന്ധിച്ച്..
