സ്വഭാവികമായി പഴുത്ത പഴങ്ങൾക്ക് സുന്ദരമായ നിറം ഉണ്ടായിരിക്കും. എന്നാൽ കൃത്രിമമായി പഴുപ്പിച്ചവയ്ക്ക് പാടുകൾ നിറഞ്ഞ, പച്ചകലർന്ന നിറമായിരിക്കും.
കൃത്രിമമായി പഴുപ്പിച്ചവ എല്ലാം ഒരേരൂപത്തിലായിരിക്കും. പ്രകൃതിദത്തമായി, സ്വാഭാവികമായി പഴുത്തവയ്ക്ക് ഓരോന്നിനും ഓരോ രൂപമായിരിക്കും. മാത്രമല്ല കൃത്രിമമായവയ്ക്ക് നല്ല തിളക്കവും ഉണ്ടായിരിക്കും.
സ്വാഭാവികമായി പഴുത്തവയ്ക്ക് പ്രത്യേകതരം മണം ഉണ്ടായിരിക്കണം, എന്നാൽ മറ്റുള്ളവയ്ക്ക് അസ്വാഭാവിക മണമോ മണം ഇല്ലാതിരിക്കുകയോ ചെയ്യും
സ്വാഭാവികമായി പഴുത്തവ അമർത്തി നോക്കുമ്പോൾ അവയ്ക്ക് ചെറിയ കട്ടിയുണ്ടായിരിക്കും. അല്ലാത്തവ അമിതമായി മൃദുലമായിരിക്കും.

കൃത്രിമമായി പഴുപ്പിച്ചവയ്ക്ക് അമിതമായ മധുരമോ ചെറിയ ചെറിയ പുളിപ്പോ ഉണ്ടായിരിക്കും.
കൃത്രിമമായി പഴുപ്പിച്ച വാഴപ്പഴം എങ്ങനെ കണ്ടെത്താം
സ്വാഭാവികമായി പഴുത്ത വാഴപ്പഴത്തിന് കറുപ്പ് അല്ലെങ്കിൽ തവിട്ട് നിറത്തിലുള്ള തണ്ടുകൾ ഉണ്ടാകും, രാസവസ്തുക്കൾ ഉപയോഗിച്ച് പഴിപ്പിച്ചന് നല്ല പച്ച നിറത്തിലുള്ള തണ്ടുകൾ ആയിരിക്കും ഉണ്ടാവുക.
കടും മഞ്ഞ നിറവും കറുപ്പ് നിറവുമുള്ള വാഴപ്പഴം സ്വാഭാവികമായി പഴുത്തതായിരിക്കും. എന്നാൽ ഇളം മഞ്ഞ നിറമുള്ള, മികച്ച നിറത്തിൽ കാണുന്നവ ഒഴിവാക്കണം.
അമർത്തി നോക്കുമ്പോൾ വാഴപ്പഴത്തിന്റെ ചില ഭാഗങ്ങൾ വളരെ മൃദുലവും ബാക്കി ഭാഗം വളരെ കടുപ്പമുള്ളതുമാണെങ്കിൽ അവ വാങ്ങരുത്.
