സംസ്ഥാനത്തെ വിവിധ സഹകരണ സ്ഥാപനങ്ങളിലെ വ്യത്യസ്ത തസ്തികയിലുള്ള ജോലി ഒഴിവുകളിലേക്ക് അപേക്ഷ ക്ഷണിച്ചു. ജൂനിയർ ക്ലാർക്ക്/കാഷ്യർ -സ്പെഷൽ ഗ്രേഡ് ക്ലാസ്സ് ഒന്ന് ബാങ്കുകൾ (150 ഒഴിവുകൾ), ജൂനിയർ ക്ലാർക്ക്/കാഷ്യർ- സൂപ്പർ ഗ്രേഡ് ബാങ്കുകൾ (57), ജൂനിയർ ക്ലാർക്ക്/കാഷ്യർ – ക്ലാസ്സ് 2 മുതൽ ക്ലാസ്സ് 7 വരെയുള്ള ബാങ്കുകൾ (21), അസിസ്റ്റന്റ് സെക്രട്ടറി/ചീഫ് അക്കൗണ്ടന്റ് (12), ഡേറ്റ എൻട്രി ഓപ്പറേറ്റർ (7), സിസ്റ്റം അഡ്മിനിസ്ട്രേറ്റർ (3) , ടൈപ്പിസ്റ്റ് (2), സെക്രട്ടറി (1) എന്നിങ്ങനെയാണ് വിവിധ സഹകരണ സംഘം/ബാങ്കുകളിൽ വ്യത്യസ്ത തസ്തികകളിലെ ഒഴിവുകൾ.
അപേക്ഷ സമർപ്പിക്കുന്ന രിതി
ഒറ്റത്തവണ റജിസ്ട്രേഷൻ നടത്തിയിട്ടില്ലാത്ത ഉദ്യോഗാർഥികൾ പ്രസ്തുത റജിസ്ട്രേഷൻ പൂർത്തിയാക്കിയതിനു ശേഷവും, നിലവിൽ റജിസ്റ്റർ ചെയ്തിട്ടുള്ളവർ അവരുടെ പ്രൊഫൈലിലൂടെയും ഓൺലൈനായി സഹകരണ പരീക്ഷ ബോർഡിൻ്റെ വെബ്സൈറ്റിലൂടെ അപേക്ഷ സമർപ്പിക്കേണ്ടതാണ്. ഇതു സംബന്ധിച്ച വിശദ വിവരങ്ങൾ സഹകരണ സർവീസ് പരീക്ഷ ബോർഡിന്റെ വെബ്സൈറ്റിൽ ലഭ്യമാണ്.
തപാൽ വഴിയുള്ള അപേക്ഷകൾ സ്വീകരിക്കുന്നതല്ല. അപേക്ഷ ഓൺലൈനിൽ ഓഗസ്റ്റ് 31 നകം നൽകണം. വെബ്സൈറ്റ്: www.cseb.kerala.gov.in വിവരങ്ങൾക്ക്: www.keralacseb.kerala.gov.in
