തൊണ്ടയില്‍ മുള്ള് കുടുങ്ങിയോ? പേടിക്കേണ്ട, മുള്ള് പോകാന്‍ ഒരു എളുപ്പവഴി

നമ്മളില്‍ പലരും നേരിടുന്ന ഒരു വലിയ പ്രശ്‌നമാണ് മീന്‍ കഴിക്കുമ്പോള്‍ മുള്ള് തൊണ്ടയില്‍ കുടുങ്ങുന്നത്. കുറേ വെള്ളം കുടിച്ചാലൊന്നും പെട്ടന്ന് തൊണ്ടയില്‍ കുടുങ്ങിയ മുള്ള് പോകാറുമില്ല. തൊണ്ടയില്‍ കുടുങ്ങിയ മുള്ള് എളുപ്പത്തില്‍ പോകാനുള്ള കുറച്ച് സിംപിള്‍ ടിപ്‌സുകളാണ് ചുവടെ കൊടുത്തിട്ടുള്ളത്.

തൊണ്ടയില്‍ മീന്‍ മുള്ള് കുടുങ്ങിയാല്‍, അതിന് പരിഹാരം കാണാന്‍ നാരങ്ങ നീരിന് കഴിയും. ഒരു ടേബിള്‍ സ്പൂണ്‍ നാരങ്ങ നീര്, ഒരു ടേബിള്‍ സ്പൂണ്‍ ഒലീവ് ഓയില്‍ എന്നിവ മിക്‌സ് ചെയ്യുക. ശേഷം കുടിക്കാം. ഇത് മുള്ള് സോഫ്റ്റ് ആയി തൊണ്ടയിലൂടെ ഇറങ്ങിപ്പോവാന്‍ സഹായിക്കുന്നു.

മുള്ള് കാണാന്‍ സാധിക്കുന്നുണ്ടെങ്കില്‍ കൈ കൊണ്ട് എടുക്കാന്‍ ശ്രമിക്കുക. ഒരു തവണ ശ്രമിച്ചിട്ട് നടന്നില്ലെങ്കില്‍ ഉപേക്ഷിക്കുക. പല പ്രാവശ്യം ശ്രമിച്ചാല്‍ കൂടുതല്‍ ഉള്ളിലേക്ക് പോകാന്‍ ഇടയാകും.

കറിയൊന്നുമൊഴിക്കാത്ത ചോറുരുട്ടി വിഴുങ്ങുക, പഴം കഴിക്കുക, അരികു മുറിച്ച ബ്രെഡ്, പുഴുങ്ങിയ മുട്ട എന്നിങ്ങനെയുള്ള മൃദുവായ ആഹാരം കഴിക്കുന്നതു വഴി ഒരുപരിധിവരെ ഈ പ്രശ്‌നത്തില്‍ നിന്നു രക്ഷപെടാമെന്ന് വിദഗ്ദര്‍ അഭിപ്രായപ്പെടുന്നു.

തൊണ്ട വേദനയില്‍ തുടങ്ങും, ശരീര വേദനയായും പനിയായും ചുമയായും മാറും; ‘വില്ലന്‍ പനി’ അത്ര നിസാരമല്ല, സൂക്ഷിക്കണം.

തൊണ്ട വേദനയില്‍ തുടങ്ങും, ശരീര വേദനയായും പനിയായും ചുമയായും മാറും; ‘വില്ലന്‍ പനി’ അത്ര നിസാരമല്ല, സൂക്ഷിക്കണം. ഫെബ്രുവരി പകുതി ആയപ്പോഴേക്കും കടുത്ത വേനലാണ് കേരളത്തില്‍. ദിനംപ്രതിയെന്നോണം ക്രമാതീതമായി ചൂട് കൂടുന്നു. പകല്‍ സമയങ്ങളില്‍ പുറത്തിറങ്ങാന്‍ കഴിയാത്ത അവസ്ഥ. ഈ എരിപൊരി കാലാവസ്ഥയക്കിടെ കുട്ടികളിലടക്കം പനിയും ചുമയും വ്യാപകമായിക്കൊണ്ടിരിക്കുകയാണ്. എല്ലാ ജില്ലകളിലും പനി ബാധിതരുടെ എണ്ണം കൂടിക്കഴിഞ്ഞു. സാധാരണ ഫെബ്രുവരി മാസങ്ങളില്‍ ഇത്തരമൊരു വൈറല്‍ പനി സാധ്യത താരതമ്യേന കുറവാണ്. വേനല്‍ക്കാലത്തിന് മുന്നോടിയായി വൈറല്‍ പനി പടര്‍ന്നുപിടിക്കാറുമുണ്ട്. കാലാവസ്ഥാ വ്യതിയാനമാണ് രോഗവ്യാപനത്തിന് പിന്നിലെ പ്രധാന കാരണം.

വൈറസിനെ ശരീരം പ്രതിരോധിക്കുന്നതിന്റെ ഭാഗമായി നീര്‍ക്കെട്ടും ചുമയും ഉണ്ടായേക്കാം. ചിലരില്‍ ഇത് ശബ്‍ദനാളത്തെയും ശ്വാസനാളത്തെയും അസ്വസ്ഥമാക്കുന്ന ചുമ മാത്രമായിരിക്കാം. മറ്റുചിലരില്‍ അല്‍പം കൂടി രൂക്ഷമായി വെളുത്ത കഫവും ശ്വാസംമുട്ടലും ഉണ്ടാക്കുന്ന ബ്രോങ്കൈറ്റിസ് ആവാനും സാധ്യതയുണ്ട്. പനിക്ക് ശേഷം രണ്ടാഴ്ച വരെ ഈ ചുമ തുടരുന്നുണ്ടെന്നാണ് ആരോഗ്യവിദഗ്ധര്‍ പറയുന്നത്. വിവിധ തരം ഇന്‍ഫ്‌ളുവന്‍സ വൈറസുകളാണ് പനിക്ക് കാരണമാരുന്നത്. പൊടിക്കൈകള്‍ മാറ്റി നിര്‍ത്തി ചികിത്സ തേടുക എന്നതുതന്നെയാണ് പ്രധാന പ്രതിവിധി. മാസ്‌ക് ധരിക്കുക, ശുചിത്വം പാലിക്കുക തുടങ്ങിയ പൊതുവായ കാര്യങ്ങള്‍ പിന്തുടരുന്നതിലൂടെ ഒരു പരിധി വരെ ഈ വില്ലന്‍ പനിയുടെ പിടിയില്‍നിന്നും രക്ഷപെടാം.

friends travels

ഇതോടൊപ്പം ചൂടിനെ പ്രതിരോധിക്കാനുള്ള മാര്‍ഗ്ഗങ്ങളും സ്വീകരിക്കുന്നത് നല്ലതാണ്. നിര്‍ജ്ജലീകരണം കൊണ്ടുള്ള ശാരീരിക അസ്വസ്ഥതകളെ ഒഴിവാക്കാന്‍ ഇക്കാര്യങ്ങള്‍ സഹായിക്കും. നിര്‍ജ്ജലീകരണം ഒഴിവാക്കാന്‍ ധാരാളം വെള്ളം കുടിക്കുകയും ജലാംശം കൂടുതലുള്ള ഭക്ഷണസാധനങ്ങള്‍ കഴിക്കുകയും ചെയ്യണം. ഇളം നിറത്തിലുള്ള അയഞ്ഞ വസ്ത്രങ്ങള്‍ ധരിക്കാന്‍ ശ്രദ്ധിക്കണം. ചൂടുകാലത്ത് തണുത്ത ബിയര്‍ കുടിക്കുന്നത് ആശ്വാസമെന്ന് തോന്നുമെങ്കിലും ഇത് നിര്‍ജ്ജലീകരണം കൂട്ടാനേ സഹായിക്കൂ. പ്രായമായവരുടെ ശരീരത്തില്‍ സോഡിയം കുറയുന്നുണ്ടോ എന്ന് ശ്രദ്ധിക്കണം. വൃത്തിഹീനമായ കടകളില്‍നിന്നും ജ്യൂസ് അടക്കമുള്ള പാനീയം ഒഴിവാക്കുന്നതാണ് നല്ലത്. രാവിലെ പത്തിനും മൂന്നുമണിക്കും ഇടയില്‍ പുറത്തിറങ്ങുന്നവര്‍ വെയിലിനെ പ്രതിരോധിക്കാന്‍ കരുതലുകള്‍ സ്വീകരിക്കണം.

koottan villa

ചുട്ടുപൊള്ളി കേരളം.

ഇന്ന് സംസ്ഥാനത്തെ ആറു ജില്ലകളില്‍ ഉയര്‍ന്ന താപനില മുന്നറിയിപ്പ്. എറണാകുളം, തൃശൂര്‍, കണ്ണൂര്‍ ജില്ലകളില്‍ ഉയര്‍ന്ന താപനില 37°C വരെയും ആലപ്പുഴ, കോട്ടയം, കോഴിക്കോട് ജില്ലകളില്‍ 36°C വരെയും രേഖപ്പെടുത്താൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. നിലവിലെ താപനിലയെക്കാള്‍ 2 മുതല്‍ 4 വരെ ഡിഗ്രി കൂടുതലായിരിക്കും അനുഭവപ്പെടുക. ഇന്നലെ തൃശൂര്‍ വെള്ളാനിക്കരയില്‍ 37 ഡിഗ്രി രേഖപ്പെടുത്തി. കൊച്ചി വിമാനത്താവളത്തിലായിരുന്നു ഏറ്റവും കുറഞ്ഞ താപനില. 32.8 ഡിഗ്രി.

“ജാഗ്രതാ നിര്‍ദേശങ്ങള്‍:

ഉയര്‍ന്ന ചൂട് സൂര്യാഘാതം, സൂര്യാതപം, നിര്‍ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്‌നങ്ങള്‍ക്ക് കാരണമാകും. അതുകൊണ്ട് പൊതുജനങ്ങള്‍ താഴെ പറയുന്ന നിര്‍ദേശങ്ങള്‍ പാലിക്കേണ്ടതാണ്.

പകല്‍ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തില്‍ കൂടുതല്‍ സമയം തുടര്‍ച്ചയായി സൂര്യപ്രകാശം ഏല്‍ക്കുന്നത് ഒഴിവാക്കുക.

പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.

നിര്‍ജലീകരണമുണ്ടാക്കുന്ന മദ്യം, കാപ്പി, ചായ, കാര്‍ബണേറ്റഡ് സോഫ്റ്റ് ഡ്രിങ്കുകള്‍ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

 

അയഞ്ഞ, ഇളം നിറത്തിലുള്ള കോട്ടണ്‍ വസ്ത്രങ്ങള്‍ ധരിക്കുക.

പുറത്തിറങ്ങുമ്പോള്‍ പാദരക്ഷകള്‍ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.

പഴങ്ങളും പച്ചക്കറികളും ധാരാളമായി കഴിക്കുക. ഛഞട ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.

മാര്‍ക്കറ്റുകള്‍, കെട്ടിടങ്ങള്‍, മാലിന്യശേഖരണ-നിക്ഷേപ കേന്ദ്രങ്ങള്‍ (ഡംപിങ് യാര്‍ഡ്) തുടങ്ങിയ ഇടങ്ങളില്‍ തീപിടുത്തങ്ങള്‍ വര്‍ധിക്കാനും വ്യാപിക്കാനുമുള്ള സാധ്യത കൂടുതലാണ്. ഫയര്‍ ഓഡിറ്റ് നടത്തേണ്ടതും കൃത്യമായ സുരക്ഷാ മുന്‍കരുതല്‍ സ്വീകരിക്കുകയും ചെയ്യേണ്ടതാണ്. ഇവയോട് ചേര്‍ന്ന് താമസിക്കുന്നവരും സ്ഥാപനങ്ങള്‍ നടത്തുന്നവരും പ്രത്യേകം ജാഗ്രത പാലിക്കുക.

ചൂട് അധികരിക്കുന്ന സാഹചര്യത്തില്‍ കാട്ടുതീ വ്യാപിക്കാനുള്ള സാധ്യതയുണ്ട്. വനമേഖലയോട് ചേര്‍ന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങള്‍ ഒഴിവാക്കണം. വനം വകുപ്പിന്റെ നിര്‍ദേശങ്ങള്‍ കര്‍ശനമായി പാലിക്കണം.

koottan villa

വിദ്യാഭ്യാസ സ്ഥാപനങ്ങളില്‍ വിദ്യാര്‍ഥികള്‍ക്ക് ശുദ്ധമായ കുടിവെള്ളം ഉറപ്പാക്കേണ്ടതും, ക്ലാസ്സ് മുറികളില്‍ വായു സഞ്ചാരം ഉറപ്പാക്കേണ്ടതുമാണ്. പരീക്ഷാക്കാലമായാല്‍ പരീക്ഷാഹാളുകളിലും ജലലഭ്യത ഉറപ്പാക്കണം.

വിദ്യാര്‍ഥികളുടെ കാര്യത്തില്‍ സ്‌കൂള്‍ അധികൃതരും രക്ഷിതാക്കളും പ്രത്യേകശ്രദ്ധ പുലര്‍ത്തേണ്ടതാണ്. കുട്ടികള്‍ക്ക് കൂടുതല്‍ വെയിലേല്‍ക്കുന്ന അസംബ്ലികളും മറ്റ് പരിപാടികളും ഒഴിവാക്കുകയോ സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്‌കൂളുകള്‍ 11 am മുതല്‍ 3 pm വരെ കുട്ടികള്‍ക്ക് നേരിട്ട് ചൂട് ഏല്‍ക്കുന്നില്ല എന്ന് ഉറപ്പ് വരുത്തുക.

അംഗനവാടി കുട്ടികള്‍ക്ക് ചൂട് ഏല്‍ക്കാത്ത തരത്തിലുള്ള സംവിധാനം നടപ്പാക്കാന്‍ അതാത് പഞ്ചായത്ത് അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.

മുഖം സുന്ദരമാക്കാൻ റോസ് വാട്ടർ ; ഈ രീതിയിൽ ഉപയോ​ഗിക്കൂ.

കണ്ണിന് ചുറ്റുമുള്ള കറുപ്പകറ്റാനും റോസ് വാട്ടര്‍ സഹായകമാണ്. ഇതിനായി, റോസ് വാട്ടര്‍  ഫ്രിഡ്ജില്‍ വച്ച് തണുപ്പിച്ചെടുക്കുക. ശേഷം തണുപ്പിച്ച റോസ് വാട്ടറിൽ പഞ്ഞി മുക്കിയെടുക്കുക. തുടര്‍ന്ന് ഈ പഞ്ഞി കണ്ണിന് മുകളില്‍ അല്‍പനേരം വയ്ക്കുക. ഇത് കണ്ണിനടയിലെ കറുത്ത പാടുകള്‍ അകറ്റാന്‍ സഹായിക്കും.

ചർമ്മസംരക്ഷണത്തിനായി പണ്ട് മുതൽക്കേ ഉപയോഗിച്ച് വരുന്ന ചേരുവകയാണ് റോസ് വാട്ടർ. പല വിധത്തിലുള്ള ചർമ്മ പ്രശ്‌നങ്ങൾക്കുള്ള പ്രതിവിധിയാണിത്. റോസ് വാട്ടറിലെ ആന്റി-ഇൻഫ്ലമേറ്ററി, ആൻ്റിമൈക്രോബയൽ, ആൻ്റി-ആക്‌സൈറ്റി, ആൻ്റിഓക്‌സിഡൻ്റ് ഗുണങ്ങൾ മുഖത്തിനും ചർമ്മത്തിനും നിരവധി ഗുണങ്ങൾ നൽകുന്നു.

മുഖക്കുരു മാറ്റാനും റോസ് വാട്ടർ സഹായിക്കും. അടഞ്ഞു പോയ സുഷിരങ്ങളിൽ നിന്ന് അടിഞ്ഞുകൂടിയ എണ്ണമയവും അഴുക്കും നീക്കം ചെയ്യാൻ കഴിയുന്ന ഒരു മികച്ച ക്ലെൻസറായും ടോണറായും ഇത് പ്രവർത്തിക്കുന്നു. റോസ് വാട്ടർ ചർമ്മത്തിലെ ജലാംശം നിലനിർത്താനും സഹായിക്കുന്നു. റോസ് വാട്ടറിന്റെ ആ്ന്റി ബാക്ടീരിയൽ ഗുണങ്ങൾ പാടുകൾ, മുറിവുകൾ എന്നിവ സുഖപ്പെടുത്താൻ സഹായിക്കുന്നു.

സുഷിരങ്ങൾ വൃത്തിയാക്കാനും ചർമ്മത്തെ ടോൺ ചെയ്യാനും സഹായിക്കുന്നതാണ് റോസ് വാട്ടർ. റോസ് വാട്ടർ ചർമ്മത്തിൽ പുരട്ടുന്നത് ചുവപ്പും പാടുകളും കുറയ്ക്കാൻ സഹായിക്കും. ഇതിലെ മോയ്സ്ചറൈസിംഗ് ഗുണങ്ങൾ ചുളിവുകൾ കുറയ്ക്കാനും ചുളിവുകൾ കുറയ്ക്കാനുള്ള കഴിവുണ്ട്. റോസ് വാട്ടറിൽ അടങ്ങിയിരിക്കുന്ന ആന്റിഓക്സിഡന്റുകൾ വാർദ്ധക്യത്തിന്റെ ലക്ഷണങ്ങളിലേക്ക് നയിക്കുന്ന ചർമ്മ കോശങ്ങളുടെ കേടുപാടുകൾ തടയാൻ സഹായിക്കുന്നു. 

കണ്ണിന് ചുറ്റുമുള്ള കറുപ്പകറ്റാനും റോസ് വാട്ടർ സഹായകമാണ്. ഇതിനായി, റോസ് വാട്ടർ  ഫ്രിഡ്ജിൽ വച്ച് തണുപ്പിച്ചെടുക്കുക. ശേഷം തണുപ്പിച്ച റോസ് വാട്ടറിൽ പഞ്ഞി മുക്കിയെടുക്കുക. തുടർന്ന് ഈ പഞ്ഞി കണ്ണിന് മുകളിൽ അൽപനേരം വയ്ക്കുക. ഇത് കണ്ണിനടയിലെ കറുത്ത പാടുകൾ അകറ്റാൻ സഹായിക്കും. രാത്രി ഉറങ്ങുന്നതിന് മുമ്പ് മുഖത്ത് റോസ് വാട്ടർ പുരട്ടുന്നത് നിറം വർധിപ്പിക്കാനും സഹായിക്കും. 

koottan villa

പകൽ ഇരുചക്ര വാഹനങ്ങൾ ഓടിക്കുന്നവരുടെ ശ്രദ്ധയ്ക്ക്!

കരിഞ്ഞുപോകുന്ന വേനലിനെ വെട്ടിച്ചു പായുന്നവരാണ് ഇരുചക്രവാഹന യാത്രികർ. കടുത്ത ചൂടിൽ ഏറെ നേരം വാഹനം ഓടിക്കുന്നത് ആരോഗ്യപ്രശ്നങ്ങൾക്കു കാരണമാകുമെന്നു വിദഗ്ധർ. പകൽ ഇരുചക്ര വാഹനങ്ങൾ ഓടിക്കുന്നവർ ശ്രദ്ധ പുലർത്തണം.

ഇരുചക്രവാഹനങ്ങൾ ഓടിക്കുന്നവർ വെയിൽ കൈകളിലേക്കു നേരിട്ട് അടിക്കാതെ മുഴുക്കൈ ഷർട്ട് ഇട്ടു വേണം ഓടിക്കാൻ.

 സ്ത്രീകളും മുഴുക്കൈ ഷർട്ട് ധരിക്കാത്തവരും കൈകൾ പൂർണമായും മറയ്ക്കുന്ന സോക്സുകൾ ഉപയോഗിക്കുക.

 മുഖം പൂർണമായും മറയ്ക്കുന്ന ഹെൽമറ്റ് ഉപയോഗിക്കണം. ഇതിനൊപ്പം മാസ്ക് ധരിക്കുന്നതും നല്ലതാണ്. യുവി– ആന്റിഗ്ലെയർ സംരക്ഷണമുള്ള ഗ്ലാസുകൾ ധരിക്കുന്നത് അഭികാമ്യം.

ചൂടുകാലാവസ്ഥ കാരണം യാത്ര പുറപ്പെടുന്നതിനു മുൻപും യാത്ര പൂർത്തിയായ ശേഷവും തിളപ്പിച്ചാറിയ ശുദ്ധജലം കൂടുതലായി കുടിക്കണം. പറ്റുമെങ്കിൽ പകൽ 11 മുതൽ 3 വരെ ഇരുചക്ര വാഹനങ്ങളിലെ യാത്ര ഒഴിവാക്കുക.

ചൂടു കൂടിനിൽക്കുന്ന സമയങ്ങളിൽ പ്രായമായവർ, ഗർഭിണികൾ, കൊച്ചുകുട്ടികൾ എന്നിവരുടെ ഇരുചക്രവാഹനയാത്ര ഒഴിവാക്കാം.


 ചൂടുസമയത്തെ യാത്രയ്ക്കിടെ ഐസ് ഇട്ട തണുപ്പിച്ച ശുദ്ധജലവും മറ്റും കുടിക്കുന്നതു നല്ലതല്ല. ജലദോഷം, പനി, തൊണ്ടയിലെ പ്രശ്നങ്ങൾ എന്നിവ ഉണ്ടാകാം.യാത്രയ്ക്കിടെ കുടിക്കുന്ന ജലം ശുദ്ധമല്ലെങ്കിൽ ഗുരുതരമായ ആരോഗ്യ പ്രശ്നങ്ങൾക്കു കാരണമാകും

 

 പകൽയാത്രയ്ക്കിടെ ശുദ്ധജലം കൊണ്ടുപോകാൻ ചില്ലുകുപ്പികൾ, സ്റ്റീൽ കുപ്പികൾ എന്നിവ  ഉപയോഗിക്കണം.

 ദേഹത്തു ചുവന്നുതുടുത്ത പാടുകൾ, ത്വക്ക് തടിച്ചുപൊങ്ങൽ, അസഹനീയമായ ചൊറിച്ചിൽ എന്നിവയുണ്ടെങ്കിൽ വൈദ്യസഹായം തേടുക.

ദിവസവും അല്‍പം നടക്കുന്നത് കൊണ്ടുള്ള ഈയൊരു ഗുണം അറിയാതെ പോകല്ലേ.

ദിവസവും നടക്കുന്നത് നമ്മുടെ ഉറക്കം നല്ലരീതിയില്‍ മെച്ചപ്പെടുത്തും. പ്രത്യേകിച്ച് ഉറക്കമില്ലായ്മയോ, ഉറക്കപ്രശ്നങ്ങളോ നേരിടുന്നവര്‍ക്ക് ഇത് ഏറെ ഗുണകരമായിരിക്കും. ആരോഗ്യമുള്ള ഏതൊരാളിനെ സംബന്ധിച്ചും ദിവസവും വ്യായാമം ചെയ്യേണ്ടത് സത്യത്തില്‍ നിര്‍ബന്ധമാണെന്ന് തന്നെ പറയാം. വ്യായാമം അല്ലെങ്കില്‍ എന്തെങ്കിലും വിധത്തിലുള്ള കായികാധ്വാനങ്ങള്‍ ആയാലും മതി. ശാരീരികമായി ഒന്നും ചെയ്യാതെ ഒരു ദിനം കടന്നുപോകുന്നത് വളരെ ദോഷകരമാണ് .എന്നുവച്ചാല്‍ ദിവസവും ജിമ്മില്‍ പോയി കഠിനമായി വര്‍ക്കൗട്ട് ചെയ്യണമെന്നല്ല. അവരവര്‍ക്ക് യോജിക്കും വിധത്തിലുള്ള- പ്രായത്തിനും ആരോഗ്യാവസ്ഥയ്ക്കുമെല്ലാം അനുസരിച്ചുള്ള വ്യായാമം ആയാല്‍ മതി. ഇത്തരത്തില്‍ എല്ലാവര്‍ക്കും ഒരുപോലെ ചെയ്യാവുന്നൊരു വ്യായാമമാണ് നടത്തം.

ദിവസവും നടക്കുന്ന ശീലമുള്ളവരില്‍ ഇതിന്‍റെ ഭാഗമായി തന്നെ പല മെച്ചവും ആരോഗ്യപരമായി കാണാം. എന്നാല്‍ പലര്‍ക്കും അറിയാത്ത, നടപ്പിന്‍റെ മറ്റൊരു പ്രയോജനത്തെ കുറിച്ചാണ് പങ്കുവയ്ക്കുന്നത്. മറ്റൊന്നുമല്ല, നടത്തം മാനസികാരോഗ്യത്തെ എങ്ങനെയെല്ലാം മെച്ചപ്പെടുത്തുന്നു എന്നതിനെ കുറിച്ചാണ് പറയുന്നത്. 

ഒന്നാമതായി ദിവസവും നടക്കുന്നത് നമ്മുടെ ഉറക്കം നല്ലരീതിയില്‍ മെച്ചപ്പെടുത്തും. പ്രത്യേകിച്ച് ഉറക്കമില്ലായ്മയോ, ഉറക്കപ്രശ്നങ്ങളോ നേരിടുന്നവര്‍ക്ക് ഇത് ഏറെ ഗുണകരമായിരിക്കും. ഉറക്കം ശരിയാകുമ്പോള്‍ തന്നെ നമ്മുടെ മാനസികാവസ്ഥ വളരെയധികം നന്നായി വരും. 

സ്ട്രെസ് അകറ്റാനും നടത്തം ഏറെ ഉപകരിക്കും. സ്ട്രെസ് നമുക്കറിയാം ഒരുപാട് ആരോഗ്യപ്രശ്നങ്ങളിലേക്ക് നമ്മെ നയിക്കാറുണ്ട്. സ്ട്രെസ് അകറ്റാനും പ്രയാസമാണ്. എന്നാല്‍ നടത്തം ഇതിന് ഒരുപാട് സഹായിക്കുമെന്ന് മനശാസ്ത്ര വിദഗ്ധര്‍ തന്നെ സാക്ഷ്യപ്പെടുത്തുന്നു. 

koottan villa

മൂഡ് പ്രശ്നങ്ങളുള്ളവര്‍ക്കാണെങ്കില്‍ ഇതില്‍ നിന്ന് ആശ്വാസം കണ്ടെത്തുന്നതിനും നടത്തം പ്രയോജനപ്പെടും. ഉത്കണ്ഠ (ആംഗ്സൈറ്റി) കുറയ്ക്കാനും വിഷാദം നേരിടുന്നവര്‍ക്ക് ഇത് സംബന്ധിച്ച പ്രയാസങ്ങള്‍ അകറ്റുന്നതിനുമെല്ലാം നടത്തം സഹായിക്കുന്നു. ഇത്രയും മാനസികാരോഗ്യ ഗുണങ്ങള്‍ നടത്തത്തിനുണ്ട് എന്നത് പലരും തിരിച്ചറിയുന്നില്ലെന്ന് മാത്രം. നടക്കുന്നതായാലും മറ്റ് ഏത് വ്യായാമമായാലും പക്ഷേ സന്തോഷപൂര്‍വം ആയിരിക്കണം ചെയ്യുന്നത്. സമ്മര്‍ദ്ദത്തില്‍ ഇത് ചെയ്യാൻ പോയാല്‍ ഗുണത്തിന് പകരം അത് ദോഷമായി വരാം. അതിനാല്‍ നടത്തവും ‘ഈസി’യായി എടുക്കാം. പ്രത്യേകിച്ച് തുടക്കക്കാര്‍.

ശരീരത്തിൽ അയേണിന്‍റെ കുറവുണ്ടോ? അറിയാം ഈ ലക്ഷണങ്ങള്‍

എപ്പോഴും ക്ഷീണമാണോ? അകാരണമായ ക്ഷീണം പല രോഗങ്ങളുടെയും ലക്ഷണം ആണെങ്കിലും ശരീരത്തിലെ അയേണിന്‍റെ കുറവു മൂലവും ക്ഷീണം ഉണ്ടാകാം. ശരീരത്തിന് ഏറെ ആവശ്യമായ ധാതുവാണ് അയേണ്‍ അഥവാ ഇരുമ്പ്. ഹീമോ​ഗ്ലോബിന്‍റെ ഉല്‍പാദനത്തിന് സഹായിക്കുന്നത് ഇരുമ്പാണ്. ചുവന്ന രക്താണുക്കൾക്ക് ഓക്സിജനെ വഹിക്കാൻ സഹായിക്കുന്ന ഒരു പ്രോട്ടീനാണ് ഹീമോ​ഗ്ലോബിൻ. അതിനാല്‍ ശരീരത്തിൽ ഇരുമ്പിന്‍റെ അംശം കുറഞ്ഞാല്‍ വിളര്‍ച്ച ഉണ്ടാകാം. വിളര്‍ച്ചയുടെ പ്രധാന ലക്ഷണമാണ് ക്ഷീണം. ആരോഗ്യകരമായ രോഗപ്രതിരോധ സംവിധാനത്തിനും പേശികളുടെ ശക്തിക്കും ഇരുമ്പ് ആവശ്യമാണ്. കുട്ടികളുടെ തലച്ചോറിന്റെ ആരോഗ്യകരമായ വളർച്ചയ്ക്കും ഇരുമ്പ് പ്രധാനമാണ്. സ്ത്രീകളുടെ ആരോഗ്യത്തിനും അയേണ്‍ ആവശ്യമാണ്.

ഇരുമ്പിന്‍റെ കുറവുള്ളവരില്‍ കാണുന്ന ലക്ഷണങ്ങൾ എന്തൊക്കെയാണെന്ന് നോക്കാം…

ഒന്ന്…

അമിത ക്ഷീണവും തളര്‍ച്ചയുമാണ് ഇരുമ്പിന്‍റെ കുറവുള്ളവരില്‍ കാണുന്ന ഒരു പ്രധാന ലക്ഷണം. ഇത്തരം ക്ഷീണത്തെ നിസാരമായി കാണേണ്ട.

രണ്ട്…

തലക്കറക്കം, തലവേദന, ഉന്മേഷക്കുറവ്, ഒന്നും ചെയ്യാന്‍ തോന്നാത്ത അവസ്ഥ തുടങ്ങിയവയും അയേണിന്‍റെ കുറവിനെ സൂചിപ്പിക്കുന്ന ലക്ഷണങ്ങളാകാം.

മൂന്ന്…

വിളറിയ ചര്‍മ്മവും നഖങ്ങളും സൂചിപ്പിക്കുന്നതും ചിലപ്പോള്‍ ഇരുമ്പിന്‍റെ കുറവിന്‍റെ ലക്ഷണങ്ങളാകാം.

നാല്…

ശ്വസിക്കാനുള്ള ബുദ്ധിമുട്ടും ചിലപ്പോള്‍ അയേണിന്‍റെ കുറവ് മൂലം ഉണ്ടാകാം. 

അഞ്ച്… 

കാലും കൈയുമൊക്കെ തണുത്തിരിക്കുന്നതും അയേണിന്‍റെ കുറവിന്‍റെ സൂചനയാകാം. 

 

 

 

friends travels

 

ആറ്…

തലമുടി കൊഴിച്ചില്‍, തലമുടി വരണ്ടതാകുക തുടങ്ങിയവയും ഇരുമ്പിന്‍റെ കുറവുള്ളവരില്‍ കാണുന്ന ലക്ഷണങ്ങൾ.

ഹീമോഗ്ലോബിന്‍റെ അളവ് കൂട്ടാനും രക്തത്തിലെ ഓക്സിജന്‍റെ അളവ് കൂട്ടാനും ഇരുമ്പ് അടങ്ങിയ ഭക്ഷണങ്ങള്‍ സഹായിക്കും. ഇരുമ്പ് അടങ്ങിയ ചില ഭക്ഷണങ്ങളെ പരിചയപ്പെടാം…

ഇലക്കറികൾ, ബീറ്റ്റൂട്ട്, മാതളം, ഈന്തപ്പഴം, ലിവര്‍, പയറുവര്‍ഗങ്ങള്‍, മത്തങ്ങാ വിത്തുകള്‍, ഡാര്‍ക്ക് ചോക്ലേറ്റ് തുടങ്ങിയവയിലൊക്കെ അയേണ്‍ അടങ്ങിയിട്ടുണ്ട്.

ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ ‘കൺസൾട്ട്’ ചെയ്യുക. അതുപോലെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.”

koottan villa

ഒരു നുള്ള് മല്ലി, 2 കപ്പ് വെള്ളവും മാത്രം മതി, കുടവയറും പൊണ്ണത്തടിയും മറന്നേക്കൂ; ഇങ്ങനെ കഴിക്കണം

പൊണ്ണത്തടിയും അമിത ഭാരവും നിങ്ങളെ അലട്ടുന്നുണ്ടോ? എങ്കിര്‍ തീര്‍ച്ചയായും ശ്രദ്ധിക്കണം. അതിനൊപ്പം കുടവയര്‍ കൂടി വന്നാല്‍ കൂടുതലായി നമ്മള്‍ ശ്രദ്ധിക്കേണ്ട സമയമാണ്. നമ്മുടെ ആരോഗ്യത്തിന് കാര്യമായ പ്രശ്‌നം ഉണ്ടെന്ന് ശരീരം തന്നെ നല്‍കുന്ന സൂചനയാണിത്. പക്ഷേ ഇതൊക്കെ മാറ്റിയെടുക്കാനുള്ള മാര്‍ഗങ്ങള്‍ നമ്മുടെ മുന്നില്‍ തന്നെയുണ്ട്.

പക്ഷേ കൃത്യമായി നമ്മള്‍ അത് പാലിക്കാന്‍ തയ്യാറാവണം. എങ്കില്‍ മാത്രമേ വേഗത്തില്‍ ഫിറ്റ്‌നെസ് വീണ്ടെടുക്കാന്‍ സാധിക്കൂ. ഭാരം കുറയ്ക്കാന്‍ ഏറ്റവും സഹായിക്കുന്നൊരു കാര്യം മല്ലിയാണ്. കൊത്തമല്ലിയെന്നും ഇവ അറിയപ്പെടാറുണ്ട്. മല്ലിയിട്ട വെള്ളം ശരീരത്തെ അടിമുടി മാറ്റും. അത് എങ്ങനെയാണെന്ന് നോക്കാം.

നമ്മുടെ വയറിന് ചുറ്റും അടിഞ്ഞ് കൂടിയിരിക്കുന്ന കൊഴുപ്പിനെ നീക്കം ചെയ്യാന്‍ മല്ലി ചേര്‍ത്ത വെള്ളം കൊണ്ട് സാധിക്കും. മൂന്ന് കാര്യങ്ങളാണ് ഇതില്‍ വേണ്ടത്. മല്ലിയില, കൊത്തമല്ലി, വെള്ളം എന്നിവ ചേര്‍ത്താണ് ഈ പാനീയം ഉണ്ടാക്കുക. ആദ്യം തന്നെ മല്ലിയില നന്നായി കഴുകണം. അതില്‍ അടങ്ങിയിരിക്കുന്ന എല്ലാ കറകളും നീക്കം ചെയ്യുക.

ഏറ്റവും ഫ്രഷായി തന്നെ മല്ലിയില നിലനിര്‍ത്തണം. അതിലേക്ക് ഒരു ടീസ്പൂണ്‍ കൊത്തമല്ലി ചേര്‍ക്കുക. ഇവ ചേര്‍ത്ത് വെക്കുക. പിന്നീട് ഫ്രഷായിട്ടുള്ള മല്ലിയിലയും കൊത്തമല്ലിയും ഒരു ഗ്ലാസ് വെള്ളവും ബ്രെന്‍ഡര്‍ ഉപയോഗിച്ച് പേസ്റ്റ് രൂപത്തിലാക്കുക. തുടര്‍ന്ന് കുറച്ച് കട്ടിയുള്ള പേസ്റ്റ് രൂപത്തിലാക്കുക.

ഇതില്‍ വെള്ളം ചേര്‍ത്ത് ദ്രാവക രൂപത്തിലാക്കുക. ഇത് ഉണ്ടാക്കിയ ശേഷം ഉടനെ തന്നെ കഴിക്കണം. രാവിലെ എഴുന്നേറ്റ ഉടന്‍ വെറും വയറ്റില്‍ കുടിക്കുന്നത് ഏറെ ഗുണം ചെയ്യും. ഇനി എന്തൊക്കെ ഗുണങ്ങള്‍ മല്ലിയില്‍ ഉണ്ടെന്ന് പറഞ്ഞ് തരാം. വിറ്റാമിന്‍ കെ, സി, എ, എന്നിവയ്‌ക്കൊപ്പം ഫൈബറും ആന്റിഓക്‌സിഡന്റുകളും മല്ലിയില്‍ ഉണ്ട്.

ഇവ നമ്മുടെ മെറ്റാബോളിസത്തെയും, രോഗ പ്രതിരോധ ശേഷിയെയും ഒരുപോലെ വര്‍ധിപ്പിക്കും. നമ്മുടെ ശരീരത്തിലെ അനാവശ്യ കൊഴുപ്പുകളെ സ്വാഭാവികമായും ഇവ നീക്കം ചെയ്യും. നമ്മുടെ ശരീരത്തിന്റെ ദഹനത്തെ മെച്ചപ്പെടുത്തി, ആരോഗ്യവാനാക്കും. കിഡ്‌നി സംബന്ധമായ രോഗങ്ങളും മാറിക്കിട്ടും.

ശരീരത്തെ ഉന്‍മേഷത്തിലാക്കാന്‍ മല്ലിയില അടക്കം ചേര്‍ത്ത വെള്ളത്തിനാവും. വെറും വയറ്റില്‍ ഇവ കഴിക്കുന്നതോടെ ശരീരത്തിലെ ടോക്‌സിനുകളെ ഇവ നീക്കം ചെയ്യും. ഇതിനൊപ്പം ചെറുനാരങ്ങ നീരും, തേനും ചേര്‍ക്കുന്നത് ഭാരം കുറയ്ക്കാന്‍ ഏറ്റവും സൗകര്യപ്രദമായ കാര്യമാണ്. ധാരാളം ധാതുക്കളും ഇതില്‍ അടങ്ങിയിട്ടുണ്ട്.

നമ്മുടെ ചര്‍മത്തെ തിളക്കമേറിയതാക്കാനും, അതുപോലെ മുഖക്കുരുവിനെ നീക്കം ചെയ്യാനും, ചര്‍മ സംബന്ധമായ പ്രശ്‌നങ്ങളെ ഇല്ലാതാക്കാനും ഇവ സഹായിക്കും. ശരീരത്തെ ജലാംശമുള്ളതാക്കി നിര്‍ത്തി നമ്മളെ ഊര്‍ജസ്വലരായി മാറ്റാന്‍ മല്ലി കൊണ്ടുള്ള വെള്ളത്തിന് സാധിക്കും. വേഗത്തില്‍ ദഹനത്തിനും ഇവ സഹായിക്കും. നിത്യേന ഇത് കുടിക്കുന്നുണ്ടെന്ന് മാത്രം നിങ്ങള്‍ ഉറപ്പാക്കിയാല്‍ മതി.

തലച്ചോറിൻ്റെ ആരോഗ്യം വർദ്ധിപ്പിക്കാൻ ആഗ്രഹിക്കുന്നുണ്ടോ? വൈജ്ഞാനിക പ്രവർത്തനം മെച്ചപ്പെടുത്തുന്നതിന് ഈ 5 പ്രവർത്തനങ്ങൾ ഉൾപ്പെടുത്തുക

മൊത്തത്തിലുള്ള ക്ഷേമത്തിനും വൈജ്ഞാനിക പ്രവർത്തനത്തിനും ഒപ്റ്റിമൽ മസ്തിഷ്ക ആരോഗ്യം നിലനിർത്തേണ്ടത് അത്യാവശ്യമാണ്. പ്രായമാകുമ്പോൾ, നമ്മുടെ വൈജ്ഞാനിക കഴിവുകൾ സ്വാഭാവികമായും കുറഞ്ഞേക്കാം, എന്നാൽ മസ്തിഷ്ക ആരോഗ്യം പ്രോത്സാഹിപ്പിക്കുന്നതിനും മാനസിക മൂർച്ച വർദ്ധിപ്പിക്കുന്നതിനും നമുക്ക് സ്വീകരിക്കാവുന്ന മുൻകരുതൽ നടപടികൾ ഉണ്ട്. നമ്മുടെ ദൈനംദിന ദിനചര്യകളിൽ ചില പ്രവർത്തനങ്ങൾ ഉൾപ്പെടുത്തുന്നത് തലച്ചോറിൻ്റെ ആരോഗ്യം മെച്ചപ്പെടുത്തുന്നതിനും വൈജ്ഞാനിക പ്രവർത്തനത്തിനും ഗണ്യമായ സംഭാവന നൽകും. പതിവ് വ്യായാമത്തിന് മുൻഗണന നൽകുന്നത് മുതൽ സാമൂഹികമായി ഇടപഴകുന്നത് വരെ, നിങ്ങളുടെ തലച്ചോറിൻ്റെ ക്ഷേമത്തെ പിന്തുണയ്ക്കാനും സംതൃപ്തവും മാനസികമായി മൂർച്ചയുള്ളതുമായ ജീവിതം പ്രോത്സാഹിപ്പിക്കാനും നിങ്ങൾക്ക് കഴിയും. തലച്ചോറിൻ്റെ ആരോഗ്യം വർദ്ധിപ്പിക്കാൻ സഹായിക്കുന്ന അഞ്ച് പ്രവർത്തനങ്ങൾ ഇതാ.

പതിവ് വ്യായാമം

ആരോഗ്യകരമായ ശരീരം നിലനിർത്തുന്നതിന് ശാരീരിക പ്രവർത്തനങ്ങൾ നിർണായകമാണെന്ന് മാത്രമല്ല, തലച്ചോറിൻ്റെ ആരോഗ്യം വർദ്ധിപ്പിക്കുന്നതിൽ ഒരു പ്രധാന പങ്ക് വഹിക്കുന്നു. വ്യായാമം തലച്ചോറിലേക്കുള്ള രക്തയോട്ടം വർദ്ധിപ്പിക്കുകയും ആവശ്യമായ പോഷകങ്ങളും ഓക്സിജനും എത്തിക്കുകയും ചെയ്യുന്നു. ഇത് പുതിയ ന്യൂറോണുകളുടെ വളർച്ചയെ പ്രോത്സാഹിപ്പിക്കുകയും അവ തമ്മിലുള്ള ബന്ധം ശക്തിപ്പെടുത്തുകയും ചെയ്യുന്നു. ആരോഗ്യ പഠനങ്ങൾ അനുസരിച്ച്, നടത്തം, ജോഗിംഗ് അല്ലെങ്കിൽ നീന്തൽ തുടങ്ങിയ എയ്റോബിക് വ്യായാമങ്ങളിൽ ഏർപ്പെടുന്നത്, മെച്ചപ്പെട്ട വൈജ്ഞാനിക പ്രവർത്തനവുമായി ബന്ധപ്പെട്ടിരിക്കുന്നു, കൂടാതെ വൈജ്ഞാനിക തകർച്ചയുടെ സാധ്യത കുറയ്ക്കുന്നു.

മാനസിക ഉത്തേജനം

മസ്തിഷ്കത്തെ സജീവമായി നിലനിർത്തുന്നത് വൈജ്ഞാനിക ആരോഗ്യത്തിന് അത്യന്താപേക്ഷിതമാണ്. പസിലുകൾ, ക്രോസ്‌വേഡുകൾ, ചെസ്സ്, അല്ലെങ്കിൽ ഒരു പുതിയ വൈദഗ്ധ്യമോ ഭാഷയോ പഠിക്കുന്നത് പോലുള്ള മനസ്സിനെ വെല്ലുവിളിക്കുന്ന പ്രവർത്തനങ്ങൾ തലച്ചോറിൻ്റെ വിവിധ മേഖലകളെ ഉത്തേജിപ്പിക്കും. തുടർച്ചയായ മാനസിക ഉത്തേജനം വൈജ്ഞാനിക കരുതൽ കെട്ടിപ്പടുക്കാൻ സഹായിക്കുന്നു, ഇത് പ്രായവുമായി ബന്ധപ്പെട്ട വൈജ്ഞാനിക തകർച്ചക്കെതിരെ ഒരു ബഫറായി പ്രവർത്തിക്കുന്നു. നിങ്ങളുടെ ദിനചര്യയിൽ പ്രശ്‌നപരിഹാരം, മെമ്മറി തിരിച്ചുവിളിക്കൽ, വിമർശനാത്മക ചിന്ത എന്നിവ ആവശ്യമായ പ്രവർത്തനങ്ങൾ ഉൾപ്പെടുത്തുന്നത് പരിഗണിക്കുക.

മതിയായ ഉറക്കം

മൊത്തത്തിലുള്ള ആരോഗ്യത്തിന് ഗുണനിലവാരമുള്ള ഉറക്കം അത്യന്താപേക്ഷിതമാണ്, തലച്ചോറിൻ്റെ പ്രവർത്തനത്തിൽ ഇത് നിർണായക പങ്ക് വഹിക്കുന്നു. ഉറക്കത്തിൽ, മസ്തിഷ്കം ഓർമ്മകളെ ഏകീകരിക്കുകയും വിഷവസ്തുക്കളെ ഇല്ലാതാക്കുകയും ചെയ്യുന്ന പ്രക്രിയകൾക്ക് വിധേയമാകുന്നു. വിട്ടുമാറാത്ത ഉറക്കക്കുറവ് വൈജ്ഞാനിക വൈകല്യങ്ങൾ, മൂഡ് അസ്വസ്ഥതകൾ, ന്യൂറോ ഡിജനറേറ്റീവ് രോഗങ്ങളുടെ അപകടസാധ്യത എന്നിവയുമായി ബന്ധപ്പെട്ടിരിക്കുന്നു. ഒപ്റ്റിമൽ തലച്ചോറിൻ്റെ ആരോഗ്യം പ്രോത്സാഹിപ്പിക്കുന്നതിന് ഓരോ രാത്രിയും 7-9 മണിക്കൂർ ഗുണനിലവാരമുള്ള ഉറക്കം ലക്ഷ്യമിടുന്നു.

ആരോഗ്യകരമായ പോഷകാഹാരം

നാം കഴിക്കുന്ന ഭക്ഷണം നമ്മുടെ തലച്ചോറിൻ്റെ ആരോഗ്യത്തെ നേരിട്ട് സ്വാധീനിക്കുന്നു. ആൻറി ഓക്സിഡൻറുകൾ, ഒമേഗ -3 ഫാറ്റി ആസിഡുകൾ, വിറ്റാമിനുകൾ, ധാതുക്കൾ എന്നിവയാൽ സമ്പുഷ്ടമായ സമീകൃതാഹാരം വൈജ്ഞാനിക പ്രവർത്തനത്തെ പിന്തുണയ്ക്കുകയും ഓക്സിഡേറ്റീവ് സമ്മർദ്ദത്തിൽ നിന്ന് തലച്ചോറിനെ സംരക്ഷിക്കുകയും ചെയ്യുന്നു. കൊഴുപ്പുള്ള മത്സ്യം, പരിപ്പ്, പഴങ്ങൾ, പച്ചക്കറികൾ, ധാന്യങ്ങൾ തുടങ്ങിയ ഭക്ഷണങ്ങൾ തലച്ചോറിൻ്റെ ആരോഗ്യത്തിന് ആവശ്യമായ പോഷകങ്ങൾ നൽകുന്നു. ജലാംശം നിലനിർത്തുക, കാരണം നിർജ്ജലീകരണം ഏകാഗ്രതയെയും വൈജ്ഞാനിക കഴിവുകളെയും ബാധിക്കും.

സാമൂഹിക ഇടപെടൽ

ശക്തമായ സാമൂഹിക ബന്ധങ്ങൾ നിലനിർത്തുന്നത് വൈകാരിക ക്ഷേമത്തിന് മാത്രമല്ല, തലച്ചോറിൻ്റെ ആരോഗ്യത്തിനും അത്യന്താപേക്ഷിതമാണ്. സാമൂഹികവൽക്കരിക്കുന്നതും അർത്ഥവത്തായ സംഭാഷണങ്ങളിൽ ഏർപ്പെടുന്നതും മെമ്മറിയും പ്രശ്നപരിഹാരവും ഉൾപ്പെടെ വിവിധ വൈജ്ഞാനിക പ്രവർത്തനങ്ങളെ ഉത്തേജിപ്പിക്കുന്നു. ഒരു പഠനമനുസരിച്ച്, ഏകാന്തതയും സാമൂഹികമായ ഒറ്റപ്പെടലും വൈജ്ഞാനിക തകർച്ചയ്ക്കും ഡിമെൻഷ്യയ്ക്കും ഉള്ള സാധ്യതയുമായി ബന്ധപ്പെട്ടിരിക്കുന്നു. ഒരു പിന്തുണയുള്ള സോഷ്യൽ നെറ്റ്‌വർക്ക് പ്രോത്സാഹിപ്പിക്കുന്നതിന് സുഹൃത്തുക്കൾ, കുടുംബം, കമ്മ്യൂണിറ്റി എന്നിവരുമായി ബന്ധം നിലനിർത്താൻ ശ്രമിക്കുക.

“പനി മാറിയിട്ടും വിട്ടു മാറാത്ത വൈറൽ ചുമ വ്യാപകം; ഈ പൊടിക്കൈകൾ പരീക്ഷിക്കാം

തണുപ്പ്‌ കാലത്ത്‌ പനി, ജലദോഷം, ചുമ പോലുള്ള പ്രശ്‌നങ്ങള്‍ പൊതുവേ സ്വാഭാവികമാണ്‌. കുറഞ്ഞ പ്രതിരോധശേഷിയും ദീര്‍ഘനേരം അകത്തളങ്ങളില്‍ ചെലവഴിക്കുന്നതും വൈറല്‍ അണുബാധകള്‍ക്കു കാരണമാകുന്നുണ്ട്‌.പനി മാറി ഒന്നോ രണ്ടോ മാസം വരെയൊക്കെ ഈ പോസ്‌റ്റ്‌ വൈറല്‍ ചുമ തുടരാറുണ്ട്‌. കഫ്‌ സിറപ്പ്‌ കൊണ്ട്‌ കുറേയൊക്കെ കൈകാര്യം ചെയ്യാമെങ്കിലും ഈ ചുമയ്‌ക്ക്‌ കൃത്യമായ ചികിത്സയില്ല എന്നതാണ്‌ സത്യം. കഫം കഴുത്തിലേക്ക്‌ ചോരുന്ന പോസ്‌റ്റ്‌ നേസല്‍ ഡ്രിപ്പ്‌ മൂലമോ വായു കടന്ന്‌ പോകുന്ന നാളിയുടെ അണുബാധയോ നീര്‍ക്കെട്ടോ മൂലമോ ഇത്തരം ചുമ വരാമെന്ന്‌ യുസിഎല്‍എ ഹെല്‍ത്തിലെ വിദഗ്‌ധര്‍ പറയുന്നു. വൈറല്‍ അണുബാധയെ പൂര്‍ണ്ണമായും പുറന്തള്ളാന്‍ ശരീരമെടുക്കുന്ന കാലതാമസവും ഇത്തരം ചുമകള്‍ക്കു പിന്നിലുണ്ടാകാം. 

ഇത്തരം പോസ്‌റ്റ്‌ വൈറല്‍ ചുമകളെ നിയന്ത്രിക്കാന്‍ വീട്ടില്‍ തന്നെ പ്രയോഗിക്കാവുന്ന ചില പൊടിക്കൈകള്‍ പങ്കുവയ്‌ക്കുകയാണ്‌ .


1. ഗാർഗിൾ ചെയ്യുക (ചൂടുവെള്ളം തൊണ്ടയിൽ നിർത്തുക)
ഉപ്പിട്ട ചെറു ചൂട്‌ വെള്ളം കൊണ്ട്‌ തൊണ്ടയില്‍ കുലുക്കുഴിയുന്നത്‌ ചുമ ലഘൂകരിക്കാന്‍ സഹായിക്കും. ഒരു മണിക്കൂര്‍ ഇടവിട്ട്‌ ദിവസം അഞ്ചോ ആറോ തവണ ഇത്‌ ആവര്‍ത്തിക്കണമെന്നും കുലുക്കുഴിയുമ്പോള്‍ നല്ല ശബ്ദത്തോടെ തന്നെ അത്‌ ചെയ്യണമെന്നും റയാന്‍ പറയുന്നു”

2. പച്ച ഇഞ്ചി
പച്ച ഇഞ്ചി തേനും മഞ്ഞളും ചേര്‍ത്ത്‌ കഴിക്കുന്നതും ചുമ മാറാന്‍ സഹായകമാണ്‌. മഞ്ഞളും ഇഞ്ചിയും കഴുത്തില്‍ ഒരു ആന്റിസെപ്‌റ്റിക്‌, ആന്റി വൈറല്‍ ആവരണം രൂപപ്പെടുത്തുമെന്ന്‌ റയാന്‍ പറയുന്നു. ഇത്‌ കഴിച്ച ശേഷം ഒരു മണിക്കൂര്‍ നേരത്തേക്ക്‌ ഒന്നും കുടിക്കാതിരിക്കാന്‍ ശ്രദ്ധിക്കണം. “

 

3. ലോസഞ്ചുകള്‍
വായിലിട്ട്‌ നുണയുന്ന ഔഷധ ഗുളികകളായ ലോസഞ്ചുകളും തൊണ്ടയിലെ അസ്വസ്ഥത കുറയ്‌ക്കും. ദിവസും മൂന്ന്‌ നാലെണ്ണം വരെ ഇവ കഴിക്കാവുന്നതാണ്‌”

4. പേരയ്‌ക്ക
വൈറ്റമിന്‍ സി ധാരാളമായി അടങ്ങിയ പേരയ്‌ക്ക ചുമയ്‌ക്കും ജലദോഷത്തിനും ശമനമുണ്ടാക്കുമെന്നും റയാന്‍ ശുപാര്‍ശ ചെയ്യുന്നു. ഇവ പ്രതിരോധശേഷി വര്‍ദ്ധിപ്പിക്കും.

https://chat.whatsapp.com/I4d1IW3Kx7ALsQUjUtVZo9