പബ്ലിക് പ്രൊവിഡന്റ് ഫണ്ടിൽ ഒരു കോടി സമ്പാദിക്കാൻ എത്ര സമയം വേണം.

പലിശയുടെ കാര്യം പരിഗണിക്കുമ്പോൾ, പ്രസ്തുത മാസം 5 -നോ അതിനുമുമ്പുള്ള തീയതിയിലോ നടത്തിയ നിക്ഷേപങ്ങൾക്കുള്ള പലിശയാണ് ആ മാസത്തിൽ കണക്കുകൂട്ടുക. ഒരു മാസത്തിലെ തീയതി 5 മുതൽ മാസാവസാനം വരെയുള്ള തുകയ്ക്കാണ് പലിശ നിശ്ചയിക്കുന്നത്. ഒരു പി.പി.എഫ് അക്കൗണ്ട് ക്ലോസ് ചെയ്യണമെങ്കിൽ, അക്കൗണ്ട് ഉടമയുടേയോ അല്ലെങ്കിൽ ബന്ധപ്പെട്ടവരുടെയോ ചികിത്സയ്ക്കുള്ള തുകയ്ക്കായി ആവശ്യമെങ്കിൽ മാത്രമേ അക്കൗണ്ട് ക്ലോസ് ചെയ്യാൻ സാധിക്കൂ. അക്കൗണ്ട് തുറന്ന വർഷാവസാനം മുതൽ 5 വർഷം തികയുന്നതിന് മുമ്പ് ഒരു കാരണവശാലും ഒരു പി.പി.എഫ് അക്കൗണ്ട് ക്ലോസ് ചെയ്യാൻ സാധിക്കില്ല.പ്രതിവർഷം 1,50,000 രൂപ നിക്ഷേപിക്കുന്നതിലൂടെ, അക്കൗണ്ട് കാലാവധി പൂർത്തിയാകുമ്പോൾ 15 വർഷത്തിനുള്ളിൽ നിങ്ങൾക്ക് 40.68 ലക്ഷം രൂപ സമാഹരിക്കാനാകും. കാലാവധി പൂർത്തിയാകുമ്പോൾ അക്കൗണ്ട് ക്ലോസ് ചെയ്യാതെ 5 വർഷം വീതമുള്ള 2 ബ്ലോക്കുകളിൽ 10 വർഷത്തേക്ക് കൂടി നിക്ഷേപം തുടരുകയും ചെയ്‌താൽ, സമ്പാദ്യം ഒരു കോടി രൂപയായി മാറും. അതായത്, 25 വർഷ കാലയളവിൽ നിങ്ങൾ 37.50 ലക്ഷം രൂപ നിക്ഷേപിക്കുകയും 65.58 രൂപ പലിശ നേടുകയും ചെയ്യുന്നു. നിക്ഷേപ കാലയളവ് അവസാനിക്കുമ്പോൾ നിങ്ങളുടെ മൊത്തം സമ്പാദ്യം 1.03 കോടി രൂപയാകുന്നു. അക്കൗണ്ട് കാലാവധി ദീർഘിപ്പിക്കുന്നതിനായി നിക്ഷേപകർ അക്കൗണ്ട് കാലയളവിന്റെ ഒരു വർഷത്തിനുള്ളിൽ ബന്ധപ്പെട്ട പോസ്റ്റ്‌ ഓഫീസിലോ ബാങ്കിലോ അറിയിക്കുകയും ഫോം സമർപ്പിക്കുകയും വേണം.

 

പലിശയുടെ കാര്യം പരിഗണിക്കുമ്പോൾ, പ്രസ്തുത മാസം 5 -നോ അതിനുമുമ്പുള്ള തീയതിയിലോ നടത്തിയ നിക്ഷേപങ്ങൾക്കുള്ള പലിശയാണ് ആ മാസത്തിൽ കണക്കുകൂട്ടുക. ഒരു മാസത്തിലെ തീയതി 5 മുതൽ മാസാവസാനം വരെയുള്ള തുകയ്ക്കാണ് പലിശ നിശ്ചയിക്കുന്നത്. ഒരു പി.പി.എഫ് അക്കൗണ്ട് ക്ലോസ് ചെയ്യണമെങ്കിൽ, അക്കൗണ്ട് ഉടമയുടേയോ അല്ലെങ്കിൽ ബന്ധപ്പെട്ടവരുടെയോ ചികിത്സയ്ക്കുള്ള തുകയ്ക്കായി ആവശ്യമെങ്കിൽ മാത്രമേ അക്കൗണ്ട് ക്ലോസ് ചെയ്യാൻ സാധിക്കൂ. അക്കൗണ്ട് തുറന്ന വർഷാവസാനം മുതൽ 5 വർഷം തികയുന്നതിന് മുമ്പ് ഒരു കാരണവശാലും ഒരു പി.പി.എഫ് അക്കൗണ്ട് ക്ലോസ് ചെയ്യാൻ സാധിക്കില്ല.

ഇന്ത്യയുടെ മുന്നേറ്റത്തില്‍ മൂലധന വിപണിക്ക് വലിയ പങ്ക് -സാമ്പത്തിക സര്‍വേ.

നാളെ കേന്ദ്ര ബജറ്റ് അവതരിപ്പിക്കുന്നതിനു മുന്നോടിയായി സാമ്പത്തിക സര്‍വേ പാര്‍ലമെന്റില്‍. ധനമന്ത്രി നിര്‍മല സീതാരാമനാണ് സര്‍വേ പാര്‍ലമെന്റില്‍ വെച്ചത്. ആഗോള രാഷ്ട്രീയ വെല്ലുവിളികള്‍ക്കിടയിലും ഇന്ത്യന്‍ സമ്പദ്‌വ്യവസ്ഥ ശക്തമായ അടിത്തറയിലാണ് നില കൊള്ളുന്നതെന്ന് ധനമന്ത്രി പറഞ്ഞു. കഴിഞ്ഞ സാമ്പത്തിക വര്‍ഷം പ്രതീക്ഷിച്ച സാമ്പത്തിക വളര്‍ച്ച 8.2 ശതമാനമാണ്. നടപ്പു വര്‍ഷം ആറര-ഏഴ്

ശതമാനത്തിനിടയിലാണ് സാമ്പത്തിക സര്‍വേയില്‍ പ്രതീക്ഷിക്കുന്ന വളര്‍ച്ച. നാണ്യപ്പെരുപ്പം 4.5 ശതമാനമായിരിക്കുമെന്നും നിയന്ത്രണ വിധേയമാണെന്നും സര്‍വേ പ്രതീക്ഷ പ്രകടിപ്പിച്ചു.

ഇന്ത്യയുടെ മുന്നേറ്റ കഥയില്‍ മൂലധന വിപണിക്ക് പ്രാമുഖ്യം ഏറി വരുന്നതായി സാമ്പത്തിക സര്‍വേ. സാങ്കേതികവിദ്യ, ഡിജിറ്റല്‍വല്‍ക്കരണം, കണ്ടുപിടിത്തങ്ങള്‍ എന്നിവയെല്ലാം വഴി നിക്ഷേപം, മൂലധന രൂപീകരണംഎന്നിവയില്‍ മൂലധന വിപണിയുടെ പങ്ക് വിപുലപ്പെടുകയാണ്. ആഗോള രാഷ്ട്രീയ, സാമ്പത്തിക പ്രതിസന്ധികളെ

അതിജീവിക്കുന്നതില്‍ ഇന്ത്യന്‍ വിപണികള്‍ കൂടുതല്‍ കരുത്ത് കാട്ടുന്നു. വളര്‍ന്നു വരുന്ന വിപണികളില്‍ലൊന്ന് ഇന്ത്യയുടേതാണ്. പലിശ നിരക്ക് ഉയരുന്നതിനും സാധന വിലകള്‍ ചാഞ്ചാടുന്നതിനും ഇടയില്‍ തന്നെയാണിത്.സെന്‍സെക്‌സ് കഴിഞ്ഞ സാമ്പത്തിക വര്‍ഷം 25 ശതമാനമാണ് ഉയര്‍ന്നത്. മുന്നേറ്റം നടപ്പു വര്‍ഷവും തുടരുകയാണ്.ഇതാദ്യമായി സെന്‍സെക്‌സ് 80,000 പോയന്റ് മറികടന്നു. ആഭ്യന്തരമായ വിശാല സാമ്പത്തിക സൂചികകള്‍ ശക്തമായതിനൊപ്പം ആഭ്യന്തര നിക്ഷേപ അടിത്തറ വിപുലപ്പെടുന്നതും ഈ മുന്നേറ്റത്തില്‍ പ്രധാന ഘടകങ്ങളാണ്.

സ്വര്‍ണവില വീണ്ടും കുറഞ്ഞു.

കേരളത്തില്‍ സ്വര്‍ണവില കുറഞ്ഞു. അന്താരാഷ്ട്ര വിപണിയില്‍ നേരിയ മുന്നേറ്റം കാണിച്ചെങ്കിലും താഴ്ന്നു. വരും ദിവസങ്ങളിലും സ്വര്‍ണവിലയില്‍ ചാഞ്ചാട്ടം പ്രതീക്ഷിക്കുന്നു. ബജറ്റില്‍ അനുകൂലമായ നിര്‍ദേശങ്ങളുണ്ടാകുമോ എന്ന് ഉറ്റുനോക്കുകയാണ് സ്വര്‍ണവിപണി. വരും ദിവസങ്ങളിലെ സ്വര്‍ണവില നിശ്ചയിക്കുക രണ്ട് കാര്യങ്ങളായിരിക്കും.ഈ മാസം സ്വര്‍ണവിലയില്‍ വലിയ മുന്നേറ്റമാണ് പ്രകടമായത്. 53000ത്തില്‍ തുടങ്ങിയ വില 55000 വരെ ഉയര്‍ന്നു. പിന്നീട് നേരിയ തോതില്‍ ഇടിഞ്ഞുവരികയാണ്. അഞ്ച് ദിവസത്തിനിടെ 840 രൂപയോളം കുറഞ്ഞു. എണ്ണ വില വീണ്ടും ഉയരുന്നു എന്നതാണ് പുതിയ വിവരം. ഇത് ഇന്ത്യ ഉള്‍പ്പെടെയുള്ള രാജ്യങ്ങള്‍ക്ക് ആശാസ്യമല്ല. പുതിയ സ്വര്‍ണവില സംബന്ധിച്ച് വിശദീകരിക്കാം.അമേരിക്കന്‍ രാഷ്ട്രീയത്തിലെ അസ്ഥിരതയാണ് ഇതിന് പ്രധാന കാരണം. ജോ ബൈഡന്‍ ഡെമോക്രാറ്റിക് പാര്‍ട്ടിക്ക് വേണ്ടി വരുന്ന പ്രസിഡന്റ് തിരഞ്ഞെടുപ്പില്‍ മല്‍സരിക്കില്ലെന്ന് വ്യക്തമാക്കി. കമല ഹാരിസ് മല്‍സരിക്കുമോ എന്നാണ് ഇനി അറിയേണ്ടത്. റിപബ്ലിക്കന്‍ പാര്‍ട്ടിക്ക് വേണ്ടി ഡൊണാള്‍ഡ് ട്രംപ് വീണ്ടും മല്‍സരിക്കുകയാണ്. ഡെമോക്രാറ്റുകളുടെ സ്ഥാനാര്‍ഥി ആര് എന്ന് ഉറ്റുനോക്കുകയാണ് വിപണി.

ഇന്ത്യയില്‍ ബജറ്റിലാണ് വിപണിയുടെ നോട്ടം. ചൊവ്വാഴ്ച പകല്‍ 11 മണിക്ക് ലോക്‌സഭയില്‍ ധനമന്ത്രി നിര്‍മല സീതാരാമന്‍ ബജറ്റ് അവതരിപ്പിക്കും. മൂന്നാം മോദി സര്‍ക്കാരിന്റെ ആദ്യ ബജറ്റാണിത്. നിര്‍മലയുടെ ഏഴാം ബജറ്റ് അവതരണവും. ആദായ നികുതി സ്ലാബില്‍ മാറ്റം വരുമോ എന്നാണ് ഏവരുടെയും നോട്ടം. സ്വര്‍ണത്തിന്റെ ഇറക്കുമതി നികുതി കുറയ്ക്കുമോ എന്നാണ് ജ്വല്ലറി രംഗത്തുള്ളവര്‍ നോക്കുന്നത്. നിലവില്‍ 15 ശതമാനം ഇറക്കുമതി നികുതിയും മൂന്ന് ശതമാനം ജിഎസ്ടിയും ഉള്‍പ്പെടെ 18 ശതമാനമാണ് സ്വര്‍ണത്തിന്റെ നികുതി. ഇറക്കുമതി ചുങ്കം 10 ശതമാനം കുറയ്ക്കണമെന്നാണ് സ്വര്‍ണവ വ്യാപാരികളുടെ ആവശ്യം. ഇവര്‍ക്ക് അനുകൂലമായ തീരുമാനം ബജറ്റിലുണ്ടാകുമോ എന്ന് അറിയാന്‍ കാത്തിരിക്കണം. അതേസമയം, ഡോളര്‍ നേരിയ തോതില്‍ ഇന്ന് കരുത്ത് കാട്ടി.104.30 എന്ന നിരക്കിലാണ് ഡോളര്‍ സൂചിക. നേരിയ മുന്നേറ്റം കാണിക്കുന്നുണ്ടെങ്കിലും പിന്നീട് താഴുമെന്നാണ് നിരീക്ഷകരുടെ വിലയിരുത്തല്‍. ഡോളറുമായി താരതമ്യം ചെയ്യുമ്പോള്‍ ഇന്ത്യന്‍ രൂപയുടെ മൂല്യം 83.65 ആണ്. പ്രവാസികള്‍ക്ക് പണം നാട്ടിലേക്ക് അയക്കാന്‍ അനിയോജ്യമായ സമയമാണിത്. ബ്രെന്റ് ക്രൂഡ് ഓയില്‍ ബാരലിന് 83.18 ഡോളര്‍ എന്ന നിരക്കിലേക്ക് മുന്നേറിയിട്ടുണ്ട്.

 

കെ.എസ്.ആർ.ടി.സിയിൽ ശമ്പളം ഒന്നിച്ചുനൽകും, ഓണത്തിന് മുമ്പ് നടപ്പാക്കാൻ ശ്രമം.

ഒറ്റത്തവണയായി പ്രതിമാസ ശമ്പളം നൽകാനുള്ള മാനേജ്മെന്റിന്റെ ശ്രമം വിജയത്തോട് അടുക്കുന്നു.ഓണത്തിനു മുമ്പ് സാദ്ധ്യമാവുമെന്നാണ് പ്രതീക്ഷ. ബാങ്ക് കൺസോർഷ്യത്തിൽ നിന്നെടുത്ത വായ്പയായ 3200 കോടിയിൽ 400 കോടി തിരിച്ചടയ്ക്കാൻ കഴിഞ്ഞതോടെ പുതിയ വായ്പ കിട്ടുമെന്ന് പ്രതീക്ഷിക്കുന്നു.സർക്കാർ നൽകുന്ന 50 കോടിയും വരുമാനത്തിൽ നിന്നുള്ള തുകയും ഉപയോഗിച്ചാണ് നിലവിൽ രണ്ടു തവണയായി ശമ്പളം നൽകുന്നത്.72 കോടിയാണ് പ്രതിമാസം വേണ്ടത്.

 സർക്കാരിന്റെ സാമ്പത്തിക സഹായം അധികനാൾ തുടരാനാകില്ലെന്ന് ധനവകുപ്പ് അറിയിച്ചിട്ടുണ്ട്.കൊവിഡ് പ്രതിസന്ധി ഉണ്ടായ നാൾമുതൽ സർക്കാർ സഹായത്തോടെയാണ് ശമ്പളവിതരണം.കൃത്യമായ ഓ‌ഡിറ്റ് റിപ്പോർട്ട് തയ്യാറാക്കിയുള്ള ഭരണനിർവഹണം കെ.

എസ്.ആർ.ടിസിയിൽഉണ്ടായിരുന്നില്ല

ബിജു പ്രഭാകർ എം.ഡി പ്രമോജ് ശങ്കറിന്റെ നേതൃത്വത്തിൽ ഓഡിറ്റിംഗ് വേഗത്തിലാക്കിയിട്ടുണ്ട്.കൃത്യമായ സാമ്പത്തിക സ്ഥിതിവിവരക്കണക്ക് നൽകിയാൽ മാത്രമേ ബാങ്കുകളിൽ നിന്ന് കൂടുതൽ വായ്പ ലഭ്യമാകൂ.മേയിൽ കെ.ടി.ഡി.എഫ്.സി നൽകാനുള്ള 650 കോടിയുടെ കടം സർക്കാർ സഹായത്തോടെ വീട്ടിയത് വലിയ ആശ്വാസമായി.

ബാങ്കുകൾ കനിഞ്ഞാൽ

 ദൗത്യം വിജയിക്കും

മാർഗം 1

 ശമ്പളത്തിനു വേണ്ടിയുള്ള തുകയ്ക്കു വേണ്ടി ബാങ്കുകളുമായി മാനേജ്മെന്റ് ചർച്ച നടത്തിവരികയാണ്

 മാർഗം 2

 കേരളബാങ്കിന്റെ സഹായത്തോടെ ശമ്പളം വിതരണം ചെയ്യുക.സർക്കാർ പണം ലഭ്യമാകുന്ന മുറയ്ക്ക് വരുമാനം കൂടി ചേർത്ത് അതത് മാസം ബാങ്കിൽ തിരിച്ചടയ്ക്കും.

പ്രതിമാസ വരവും ചെലവും
(2023-24 സാമ്പത്തിക വർഷം
ശരാശരി തുക കോടിയിൽ)
ഓപ്പറേറ്റിംഗ് വരുമാനം……..196.08
ടിക്കറ്റിതര വരുമാനം………27.89
ആകെ വരുമാനം……….223.97
ചെലവ്……..315.25
അന്തരം……..91.28

സർക്കാർ നൽകിയ

ധനസഹായം………5,747കോടി

 

രണ്ട് വർഷത്തിനകം ഇന്ത്യൻ ഹെലികോപ്റ്റർ H125; എയർബസിന് ടാറ്റ പങ്കാളി.

ഫ്രഞ്ച് എയറോസ്‌പേസ് കമ്പനിയായ എയര്‍ബസ് ഇന്ത്യയില്‍ നിര്‍മാണം ആരംഭിക്കാനൊരുങ്ങുന്നു. എയര്‍ബസിന്റെ ഹെലികോപ്റ്ററായ എച്ച് 125 എന്ന മോഡലാണ് ഇന്ത്യയില്‍ നിര്‍മിക്കുകയെന്നാണ് റിപ്പോര്‍ട്ട്. ഇന്ത്യയുടെ സ്വന്തം കമ്പനിയായ ടാറ്റയുമായി സഹകരിച്ചായിരിക്കും ഹെലികോപ്റ്റര്‍ നിര്‍മിക്കുകയെന്നാണ് വിവരം. എച്ച്125 ഹെലികോപ്റ്ററിന്റെ നിര്‍മാണത്തിനായി ടാറ്റ അഡ്വാന്‍സ്ഡ് സിസിറ്റം ലിമിറ്റഡ് ആയിരിക്കും സൗകര്യമൊരുക്കുകയെന്നാണ് റിപ്പോര്‍ട്ടുകള്‍.കേന്ദ്ര സര്‍ക്കാരിന്റെ അഭിമാന ഉദ്യമമായ ആത്മനിര്‍ഭര്‍ ഭാരതിന്റെ ഭാഗമായാണ് ഈ നേട്ടമെന്നാണ് വിലയിരുത്തലുകള്‍. ഹെലികോപ്റ്ററിന്റെ നിര്‍മാണത്തിനായി ഫ്രഞ്ച് കമ്പനിയായ എയര്‍ബസും ടാറ്റ അഡ്വാന്‍സ്ഡ് സിസ്റ്റം ലിമിറ്റഡ് (ടി.എ.എസ്.എല്‍) തമ്മില്‍ ധാരണ ആയതായാണ് റിപ്പോര്‍ട്ടുകള്‍. ഇതാദ്യമായാണ് ഇന്ത്യയില്‍ ഹെലികോപ്റ്റര്‍ നിര്‍മിക്കുന്നത് എന്നതാണ് ഇതിലെ പ്രധാന നേട്ടം. 2026-ഓടെ ആദ്യ ഇന്ത്യന്‍ നിര്‍മിത ഹെലികോപ്റ്റര്‍ പറന്നുയരുമെന്നാണ്പ്രതീക്ഷിക്കുന്നത്.

ഹെലികോപ്റ്ററുകള്‍ നിര്‍മിക്കുന്നതിന് എട്ട് സൈറ്റുകളാണ് ഞങ്ങള്‍ തിരഞ്ഞെടുത്തിരിക്കുന്നത്. ഇവയെ കുറിച്ചുള്ള വിലയിരുത്തലുകള്‍ ഇപ്പോള്‍ പുരോഗമിക്കുകയാണ്.ഇക്കാര്യത്തില്‍ അന്തിമ തീരുമാനം സ്വീകരിച്ചശേഷമായിരിക്കും ഔദ്യോഗിക പ്രഖ്യാപനം നടത്തുക. ഇത് ഏറെ വൈകാതെ തന്നെ സാധ്യമാകുമെന്നുമാണ് എയര്‍ബസ് ഹെലികോപ്റ്റര്‍ ഗ്ലോബല്‍ ബിസിനസ് വൈസ് പ്രസിഡന്റ് ഒലിവിയര്‍ മൈക്കലോണ്‍ അറിയിച്ചിരിക്കുന്നത്.എന്നാല്‍, ഹെലികോപ്റ്റര്‍ നിര്‍മാണ പ്ലാന്റ് ഒരുക്കുന്നതിനായി പരിഗണിച്ചിട്ടുള്ള സ്ഥലങ്ങള്‍ സംബന്ധിച്ച സൂചനകള്‍ എയര്‍ബസ് കമ്പനി നല്‍കിയിട്ടില്ല. എന്നാല്‍,ഒക്ടോബര്‍ മാസത്തോടെ പ്ലാന്റ് നിര്‍മിക്കുമെന്നുള്ള സൂചനകളാണ് കമ്പനി മേധാവികള്‍ നല്‍കിയിട്ടുള്ളത്. പ്രഥമിക ഘട്ടത്തില്‍ പത്ത് ഹെലികോപ്റ്ററുകള്‍ നിര്‍മിക്കാന്‍ ശേഷിയുള്ള പ്ലാന്റായിരിക്കും എയര്‍ബസും ടാറ്റയും ചേര്‍ന്ന് ഒരുക്കുന്നത്. എന്നാല്‍, വരും വര്‍ഷങ്ങളില്‍ നിര്‍മാണ ശേഷി 50 യൂണിറ്റിലേക്ക്ഉയര്‍ത്തുമെന്നാണ് വിവരം.

പത്ത് യൂണിറ്റ് നിര്‍മാണ ശേഷി എന്നത് വളരെ ചെറിയ സഖ്യയാണെന്ന് കമ്പനിക്ക് ബോധ്യമുണ്ട്. എന്നാല്‍, തുടക്കകാര്‍ എന്ന നിലയില്‍ 10 യൂണിറ്റ് എന്നത് ചെറിയ
സഖ്യയാണെന്ന് കമ്പനിക്ക് ബോധ്യമുണ്ട്. എന്നാല്‍, തുടക്കകാര്‍ എന്ന നിലയില്‍ 10 യൂണിറ്റ് എന്നത് ചെറിയ സഖ്യയായി ഞങ്ങള്‍ കാണുന്നില്ല. അതേസമയം, ഡിമാന്റ്
പരിഗണിച്ച് ഘട്ടംഘട്ടമായി പത്തില്‍ നിന്ന് അമ്പതിലേക്ക് ഉയര്‍ത്താനാണ് എയര്‍ബസിന്റെ പദ്ധതിയെന്നും കമ്പനി അറിയിച്ചു. നിലവില്‍ ഇന്ത്യയില്‍ വിവിധ
പ്രദേശങ്ങളിലായി പ്രവര്‍ത്തിക്കുന്ന നൂറോളം ഹെലികോപ്റ്ററുകള്‍ എയര്‍ബസ് നിര്‍മിക്കുന്നതാണെന്നാണ് റിപ്പോര്‍ട്ട്.

പുതിയ തലമുറയെ കാത്തിരിക്കുന്നത് അവസരങ്ങളുടെ ലോകം.

ലോകത്തിലെ ഏറ്റവും വേഗത്തിൽ വളരുന്ന സാമ്പത്തികശക്തിയായ ഇന്ത്യയിലെ യുവാക്കളെ കാത്തിരിക്കുന്നത് വലിയ അവസരങ്ങളുടെ ലോകമെന്ന് മുൻ കേന്ദ്ര ടെലികോം സെക്രട്ടറി അരുണ സുന്ദരരാജൻ. കേരളത്തിലെ ആദ്യത്തെ സ്വകാര്യ ഓട്ടോണമസ് എൻജനിയറിങ് കോളേജുകളിലൊന്നായ സെയ്ൻറ്ഗിറ്റ്സ് കോളേജ് ഓഫ്
എൻജിനിയറിങ്ങിൽനിന്നും ബാച്ചിലർ ബിരുദം പൂർത്തിയാക്കിയ ആദ്യ ബാച്ചിന്റെയും ബിരുദാനന്തര ബിരുദം പൂർത്തിയാക്കിയ മൂന്നാമത് ബാച്ചിന്റെയും കോൺവൊക്കേഷൻ ഉദ്ഘാടനംചെയ്ത് സംസാരിക്കുകയായിരുന്നു അവർ.

സെയ്ൻറ്ഗിറ്റ്സ് എൻജിനിയറിങ്‌ കോളേജിലെ ബി. ടെക്, എം.ടെക്, എം.ബി.എ., എം.സി.എ. ബാച്ചുകളിലെ വിദ്യാർഥികളാണ് ചടങ്ങിൽ പങ്കെടുത്തത്. ഡയറക്ടർ തോമസ് ടി.ജോൺ അധ്യക്ഷനായി. പ്രിൻസിപ്പൽ ഡോ. ടി.സുധ, എക്സിക്യുട്ടീവ് ചെയർമാൻ പുന്നൂസ് ജോർജ്, എം.സി.എ. ഡയറക്ടർ മിനി പുന്നൂസ്, ചീഫ് ഡിജിറ്റൽ ഓഫീസർ ഡോ. നവീൻ ജോൺ പുന്നൂസ്,ഗവേണിങ്‌ ബോർഡ് പ്രതിനിധി റോഷൻ ജോൺ ജോസഫ്, അസോസിയേറ്റ് ഡയറക്ടർ ഡോ. റീബു സക്കറിയ, വൈസ് പ്രിൻസിപ്പൽ ഡോ. റോജി ജോർജ്, കൺട്രോളർ ഓഫ് എക്സാമിനേഷൻസ് ഡോ. റിബോയ് ചെറിയാൻ, ഡോ. ജോസ് ജോയി തോപ്പൻ, ഡോ. എം.ഡി.മാത്യു, ഡോ. സൂസൻ ജോർജ് തുടങ്ങിയവർ പങ്കെടുത്തു.

കാറ്റടിച്ചാൽ പറക്കുവോ? 100 കിലോ ഭാരം കുറയും മൈലേജ് കൂടും, പുതിയ ആൾട്ടോ വരുന്നത് ഈ മാറ്റങ്ങളോടെ.

ഒരു കാർ എന്ന സ്വപ്‌നവും പേറിനടന്നവരുടെയെല്ലാം മോഹങ്ങൾ പൂവണിയിച്ചവരാണ് മാരുതി സുസുക്കി എന്ന ഇന്തോ-ജാപ്പനീസ് വാഹന നിർമാതാക്കൾ. അങ്ങ് ജപ്പാനിൽ നിന്നും പറന്നിറങ്ങി ഇന്ധിര ഗാന്ധി സർക്കാരുമായി സുസുക്കി കൈകോർത്തപ്പോൾ ഇന്ത്യയെന്ന മഹാരാജ്യത്തിന് കിട്ടിയത് പുതിയൊരു മുഖഛായ തന്നെയായിരുന്നു. 800 ഹാച്ച്ബാക്ക് നിരത്തുകൾ കീഴടക്കിയപ്പോൾ മാരുതി എന്ന പേര് ഓരോ ഇന്ത്യക്കാരന്റെയും മനസിൽ ആഴത്തിൽ പതിയുകയായിരുന്നു. അത് ഇന്നുവരെ അതേപടി നിലനിൽക്കുന്നുണ്ട് എന്നത് കൂടി കണക്കിലെടുക്കുമ്പോൾ ഈ കമ്പനിയുടെ റേഞ്ച് തന്നെ മനസിലാക്കാം. 800 പടിയിറങ്ങിയപ്പോൾ പകരക്കാരനായി ബ്രാൻഡ് നിയമിച്ചത് ആൾട്ടോ എന്നൊരു സുന്ദരനെയായിരുന്നു.ഇപ്പോൾ മുൻഗാമിയേക്കാൾ കൂടുതൽ ജനകീയനായി ആൾട്ടോ സ്ഥാനം പിടിച്ചപ്പോൾ ഏകദേശം 50 ലക്ഷത്തിന് അടുത്ത് ആളുകൾ വാങ്ങിയ കാർ എന്ന ബഹുമതിയും ആൾട്ടോയ്ക്ക് മാത്രമുള്ളതാണ്. ഇപ്പോൾ K10 വേഷത്തിലാണ് വിപണിയിലെത്തുന്നതെങ്കിലും ആളുകളുടെ പ്രിയപ്പെട്ടവനായി അരങ്ങുവാഴുകയാണ്. ഇതിനിടയിൽ അടുത്ത 10 വർഷത്തേക്കുള്ള സാങ്കേതിക തന്ത്രം ആവിഷ്ക്കരിച്ചിരിക്കുകയാണ് സുസുക്കി മോട്ടോർ കോർപ്പറേഷൻ.

ഇതിൽ കാറുകളെ കൂടുതൽ സാങ്കേതികമായി പുരോഗമിപ്പിക്കാൻ പോകുന്നതിനെ കുറിച്ചുള്ള കമ്പനിയുടെ പദ്ധതിയാണ് വിശദീകരിക്കുന്നത്. അതോടൊപ്പം തന്നെ CO2 ഉദ്‌വമനം കുറയ്ക്കാനും കാർബൺ ന്യൂട്രാലിറ്റി കൈവരിക്കാനും വാഹന നിർമാതാക്കൾ ലക്ഷ്യമിടുന്നുണ്ട്. അക്കൂട്ടത്തിലെ ഏറ്റവും നിർണായകമായൊരു തീരുമാനമാണ് ഇപ്പോൾ ചർച്ചയായിരിക്കുന്നത്. മറ്റൊന്നുമല്ല ആൾട്ടോയുടെ വരാനിരിക്കുന്ന പുതുതലമുറ ആവർത്തനത്തിന്റെ ഭാരം കമ്പനി കുറക്കാൻ പോവുന്നുവെന്ന തീരുമാനമാണ് ശ്രദ്ധനേടിയിരിക്കുന്നത്.നിലവിലെ മോഡലിനേക്കാൾ ഏകദേശം 100 കിലോ ഭാരം കുറവായിരിക്കും ഇനി നിർമിക്കാൻ പോവുന്ന ആൾട്ടോയ്ക്ക് എന്നാണ് ജാപ്പനീസ് വാഹന നിർമാതാക്കൾ പുറത്തുവിട്ടിരിക്കുന്ന വിവരം. സുസുക്കിയുടെ അഭിപ്രായത്തിൽ ഒരു വാഹനത്തിൻ്റെ ഭാരം 200 കിലോ കുറച്ചാൽ അതിന്റെ നിർമാണത്തിന് കുറച്ച് മെറ്റീരിയലുകൾ മാത്രമാണ് ആവശ്യമായി വരിക. കൂടാതെ പ്രൊഡക്ഷൻ സമയത്ത് ഏകദേശം 20 ശതമാനം ഊർജവും ഡ്രൈവിംഗ് സമയത്ത് ആറ് ശതമാനം ഊർജവും കുറവ് മതിയാകുമെന്നും കമ്പനി പറയുന്നു.

 

ആയതിനാൽ ആൾട്ടോയ്ക്ക് ഏകദേശം മൂന്ന് ശതമാനം കൂടുതൽ ഇന്ധനക്ഷമത നൽകാൻ സാധിക്കുമെന്നുമാണ് സുസുക്കി അഭിപ്രായപ്പെട്ടിരിക്കുന്നത്. ഇത് പ്രവർത്തനക്ഷമമാക്കുന്നതിന് ഷാസികൾക്കും എഞ്ചിൻ ഘടകങ്ങൾക്കുമായി ഭാരം കുറഞ്ഞ മെറ്റീരിയലുകൾ സുസുക്കി ഉപയോഗിക്കും. പുതിയ സ്വിഫ്റ്റിനൊപ്പം കാണുന്ന പുതിയ Z12 എഞ്ചിനാണ് ഇതിന് പ്രസക്തമായ ഉദാഹരണം.ഈ ഭാരം കുറഞ്ഞതും ഉയർന്ന കാര്യക്ഷമതയുള്ളതുമായ എഞ്ചിൻ പിന്നീട് വാഗൺആർ, ഡിസയർ, ബലേനോ, ഫ്രോങ്ക്സ് തുടങ്ങിയ മാരുതി കാറുകൾക്കൊപ്പവും ഉപയോഗിക്കാനുള്ള പദ്ധതിയും ബ്രാൻഡ് മുന്നോട്ടുവെക്കുന്നുണ്ട്. ഇന്ത്യയിൽ മൂന്നാംതലമുറ ആവർത്തനത്തിലാണെങ്കിലും വിദേശത്ത് ആൾട്ടോയ്ക്ക് പത്താംതലമുറ മാറ്റമാണ് അടുത്തതായി ലഭിക്കുന്നത്. ഇതിന് ഹാർട്ട്‌ടെക്റ്റ് പ്ലാറ്റ്‌ഫോമിൻ്റെ മെച്ചപ്പെട്ട പതിപ്പ് ഉപയോഗിക്കാനാണ് സാധ്യത.

ഒറ്റപ്പെട്ട ശക്തമായ മഴ പ്രതീക്ഷിക്കാം.

കേരളത്തിലെ ജില്ലകളിൽ ഇന്ന് ഒറ്റപ്പെട്ട ശക്തമായ മഴയ്ക്കുള്ള സാധ്യതയെന്ന് കേന്ദ്ര കാലാവസ്ഥാ വകുപ്പ്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് ഉദ്ദേശിക്കുന്നത്.ഇന്ന് കണ്ണൂർ, കാസറഗോഡ് എന്നീ ജില്ലകളിൽ കേന്ദ്ര കാലാവസ്ഥാവകുപ്പ് മഞ്ഞ അലർട്ട് പ്രഖ്യാപിച്ചിരിയ്ക്കുന്നു.

അടുത്ത 3 മണിക്കൂറിൽ കേരളത്തിലെ തിരുവനന്തപുരം, കൊല്ലം ജില്ലകളിൽ ഒറ്റപ്പെട്ടയിടങ്ങളിൽ ശക്തമായ മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യത. ആലപ്പുഴ ജില്ലയിൽ ഒറ്റപ്പെട്ടയിടങ്ങളിൽ മിതമായ മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും പത്തനംതിട്ട, കോട്ടയം, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥവകുപ്പ് അറിയിച്ചു

എന്താണ് ക്രൗഡ്സ്‌ട്രൈക്ക്? കമ്പ്യൂട്ടറുകള്‍ നിശ്ചലമായത് എങ്ങനെ

ആഗോള തലത്തില്‍ ലക്ഷക്കണക്കിന് വിന്‍ഡോസ് കംപ്യൂട്ടറുകളുടെ പ്രവര്‍ത്തനമാണ് കഴിഞ്ഞദിവസം തടസപ്പെട്ടത്. അടുത്തിടെ ഇന്‍സ്റ്റാള്‍ ചെയ്യപ്പെട്ട ക്രൗഡ് സ്ട്രൈക്ക് അപ്ഡേറ്റാണ് ഈ പ്രശ്നത്തിന് കാരണമായതെന്നാണ് വിലയിരുത്തല്‍. കംപ്യൂട്ടറുകള്‍ അപ്രതീക്ഷിതമായി ഷട്ട്ഡൗണ്‍ ആവുകയും റീസ്റ്റാര്‍ട്ട് ആവുകയും ശേഷം ബ്ലൂ സ്‌ക്രീന്‍ മുന്നറിയിപ്പ് കാണിക്കുകയുമാണ് ചെയ്തത്. ക്രൗഡ് സ്‌ട്രൈക്ക് എന്ന സൈബര്‍ സുരക്ഷാ സേവനം ഉപയോഗിക്കുന്നവരെയാണ് ഈ പ്രശ്‌നം ബാധിച്ചത്. യുഎസ് ആസ്ഥാനമായി പ്രവര്‍ത്തിക്കുന്ന സൈബര്‍ സുരക്ഷാ സ്ഥാപനമാണ് ക്രൗഡ് സ്‌ട്രൈക്ക്. സുരക്ഷയുമായി ബന്ധപ്പെട്ട വിവരങ്ങള്‍ ശേഖരിക്കുന്നതിനായി ഉപയോഗിക്കുന്ന ഫാല്‍ക്കണ്‍ സെന്‍സര്‍ അപ്ഡേറ്റ് ഇന്‍സ്റ്റാള്‍ ചെയ്തതാണ് പ്രശ്‌നത്തിന് കാണമായതെന്നാണ് അന്വേഷണത്തില്‍ കണ്ടെത്തിയത്.

ക്ഷേമ പെൻഷൻ ഉൾപ്പെടെ വീട്ടണം; കേന്ദ്ര ബജറ്റ് ദിവസം 1,000 കോടി കടമെടുക്കാൻ കേരളം.

ക്ഷേമ പെൻഷൻ വിതരണം ഉൾപ്പെടെയുള്ള സാമ്പത്തികാവശ്യങ്ങൾ നിറവേറ്റാനായി സംസ്ഥാന സർക്കാർ വീണ്ടും കടമെടുപ്പിന് ഒരുങ്ങുന്നു. കേന്ദ്ര ബജറ്റ് ദിവസമായ ജൂലൈ 23ന് റിസർവ് ബാങ്കിന്‍റെ കോർ ബാങ്കിങ്ങ്സൊല്യൂഷനായ ഇ-കുബേർ വഴി 1,000 കോടി രൂപയാണ് കടമെടുക്കുക.നടപ്പ് സാമ്പത്തിക വർഷം (2024-25) സംസ്ഥാന സർക്കാർ ഇതിനകം മാത്രം 11,500 കോടി രൂപ കടമെടുത്തു കഴിഞ്ഞു. നടപ്പുവർഷം ആകെ 21,253 കോടി രൂപ കടമെടുക്കാൻ കേരളത്തിന് അർഹതയുണ്ടെന്നാണ് കേന്ദ്രം നേരത്തേ വ്യക്തമാക്കിയിരുന്നത്.ജൂലൈ 23ന് 1,000 കോടി രൂപ കൂടി കടമെടുക്കുന്നതോടെ, നടപ്പുവർഷം പിന്നെ കടമെടുപ്പ് പരിധിയിൽ ശേഷിക്കുക 8,7.53 കോടി രൂപ മാത്രമാകും. സാമ്പത്തിക വർഷം അവസാനിക്കാൻ 9 മാസം കൂടി ബാക്കിയുണ്ടെന്നിരിക്കേയാണിത്.

വേണം പ്രത്യേക പാക്കേജ്
അതേസമയം, സാമ്പത്തിക പ്രതിസന്ധി മറികടക്കാൻ കേരളത്തിന് 24,000 കോടി രൂപയുടെ പ്രത്യേക പാക്കേജ് അനുവദിക്കണമെന്ന് കേന്ദ്രത്തോട് സംസ്ഥാന സർക്കാർ ആവശ്യപ്പെട്ടിട്ടുണ്ട്. കേന്ദ്രം ഇതുവരെ പ്രതികരിച്ചിട്ടില്ല.ചെലവ് കുറച്ചും നികുതി പിരിവ് ഊർജിതമാക്കിയും വരുമാനം കൂട്ടാനുള്ള ശ്രമങ്ങളും സംസ്ഥാന സർക്കാർ നടത്തുന്നുണ്ട്. പ്രതിസന്ധി മറികടക്കാൻ കേന്ദ്രത്തെ മാത്രം ആശ്രയിക്കുന്നത് തിരിച്ചടിയാകുമെന്ന വിലയിരുത്തലോടെയാണിത്.

നിലവിൽ ക്ഷേമ പെൻഷൻ ഉൾപ്പെടെ 22,667 കോടി രൂപയുടെ കുടിശിക വീട്ടാനുണ്ട് സംസ്ഥാന സർക്കാർ. സാമൂഹ്യക്ഷേമ പെൻഷൻ ഇനത്തിലെ കുടിശിക മാത്രം 4,250 കോടി രൂപയാണ്. ജീവനക്കാരുടെ ഡിഎ ഇനത്തിൽ 9,000 കോടി രൂപ. കരാറുകാർക്ക് വീട്ടാനുള്ളത് 2,500 കോടി രൂപയോളം

കടമെടുക്കാൻ 7 സംസ്ഥാനങ്ങൾ

 

കേരളം ഉൾപ്പെടെ 7 സംസ്ഥാനങ്ങളാണ് ജൂലൈ 23ന് കടമെടുപ്പിന് തീരുമാനിച്ചതെന്ന് റിസർവ് ബാങ്ക് വ്യക്തമാക്കി.ആകെ 12,100 കോടി രൂപയാണ് ഇവ സംയോജിതമായി അന്ന് കടമെടുക്കുക.

ബംഗാളും തമിഴ്നാടും തെലങ്കാനയുമാണ് കൂടുതൽ കടമെടുക്കുന്നത് (3,000 കോടി രൂപ വീതം). കേരളവും അസമും രാജസ്ഥാനും ആയിരം കോടി രൂപ വീതവും ഗോവ 100 കോടി രൂപയും കടമെടുക്കും. 8 മുതൽ 30 വർഷം വരെ കാലാവധിയുള്ള (മെച്യൂരിറ്റി) കടപ്പത്രങ്ങളിറക്കിയാണ് കടമെടുപ്പ്

Verified by MonsterInsights