ഫോൺ ഒന്ന് നിന്നുപോയാൽ, അല്ലെങ്കിൽ അമിതമായി വേഗത കുറഞ്ഞാൽ, എന്തെങ്കിലും ആപ്പുകൾ പ്രവർത്തിച്ചിട്ടില്ലെങ്കിൽ, നമ്മൾ ആദ്യം ചെയ്യുന്നത് ഫോൺ ഒന്ന് റീസ്റ്റാർട്ട് ചെയ്യുക ആണല്ലോ. ഇങ്ങനെ ചെയ്യുമ്പോൾ ഫോൺ വേഗത കൂടും എന്നൊരു വിശ്വാസം നമുക്ക് ഉണ്ട്. എന്നാൽ ഇത് ചെയ്യാത്തവരുമുണ്ട്. അവരോടാണ് ഇനി പറയാൻ പോകുന്നത്.
എല്ലാത്തിനും കാരണം റാം തന്നെയാണ്. ഫോണിലെ റാം. നമ്മൾ ഉപയോഗിക്കുന്ന ഓരോ ആപ്പുകൾക്കും ആവശ്യമായ മെമ്മറി നൽകി അവയെ നിലനിർത്തുന്ന ഈ റാം, പ്രോസസറിന്റെ സഹായത്തോടെ കാര്യങ്ങൾ സുഗമമാക്കുന്നു. പക്ഷെ ആപ്പുകൾ കൂടുതലായി ഉപയോഗിക്കുന്നതിലൂടെ ഈ റാം മെമ്മറി തീരുകയും അത് ഫോൺ പ്രവർത്തനങ്ങളെ ബാധിക്കുകയുമാണ് ചെയ്യുന്നത്.
റാമും മറ്റ് ആപ്ലിക്കേഷനുകളും നിറഞ്ഞതിനാല്‍ ഫോണ്‍ പ്രവര്‍ത്തിക്കുന്നത് മന്ദഗതിയിലാകുന്നു. വേഗത്തില്‍ ബാറ്ററി തീര്‍ന്നുപോകുന്നു, ഓപ്പറേറ്റിങ് സിസ്റ്റം ഹാങ് ആവുകയോ, ഫ്രീസ് ആവുകയോ തെയ്യും. അപ്‌ഡേറ്റുകള്‍ കൃത്യമായി ഇന്‍സ്റ്റാള്‍ ചെയ്യപ്പെടില്ല. തന്നെയുമല്ല നെറ്റ്‌വര്‍ക്ക് പ്രശ്‌നങ്ങളോ, കാള്‍ പ്രശ്‌നങ്ങളോ ഉണ്ടാകാന്‍ ഇടയുണ്ട്.
പതിവായി റീസ്റ്റാര്‍ട്ട് ചെയ്യാതിരിക്കുന്നത് അപ്‌ഡേറ്റുകള്‍ തടസ്സപ്പെടുത്തുകയും സോഫ്റ്റ്‌വെയര്‍, ഓഎസ് അപ്‌ഡേറ്റുകള്‍ കൃത്യമായി നടപ്പിലാക്കുന്നത് തടയുകയും ചെയ്യും. അത്യാവശ്യമായ സെറ്റിങ്ങ്‌സുകള്‍, ഡേറ്റ അപ്‌ഡേറ്റ് എന്നിവയെയും അത് ബാധിക്കും. ഇപ്രകാരം ചെയ്തില്ലെങ്കില്‍ കോളുകള്‍ ഇടയ്ക്ക് കട്ടായിപോകുന്നതിനും നെറ്റ്‌വര്‍ക്ക് കണക്ടിവിറ്റിക്കും കാരണമാകും.
പതിവായി റീസ്റ്റാര്‍ട്ട് ചെയ്യുന്നത് മെമ്മറി ക്ലിയര്‍ ചെയ്യുന്നതിനും സിസ്റ്റം സ്റ്റബിലിറ്റി മെച്ചപ്പെടുത്തുന്നതിനും ചെറിയ സോഫ്റ്റ്‌വെയര്‍ ബഗുകള്‍ ഫിക്‌സ് ചെയ്യുന്നതിനും സഹായിക്കും. നെറ്റ്‌വര്‍ക്ക് കണക്ടിവിറ്റി മെച്ചപ്പെടുത്തുന്നതിനും അപ്‌ഡേറ്റുകള്‍ കൃത്യമായി ഇന്‍സ്റ്റാള്‍ ചെയ്യുന്നതിനും ഇത് സഹായിക്കും. ഒപ്പം ഫോണ്‍ അമിതമായി ചൂടാകുന്നത് തടയും.
ആഴ്ചയില്‍ ഒരു തവണ എങ്കിലും ഫോണ്‍ റീസ്റ്റാര്‍ട്ട് ചെയ്യണം. അതുപോലെ സോഫ്റ്റ്‌വെയര്‍ അപ്‌ഡേറ്റിന് ശേഷവും ഫോണിന്റെ പ്രവര്‍ത്തനം മന്ദഗതിയിലാകുമ്പോഴും അമിതമായി ചൂടാകുമ്പോഴും ഫോണ്‍ റീസ്റ്റാര്‍ട്ട് ചെയ്യാം.
