ബ്രഹ്മപുരം തീപിടിത്തതിൽ പൊലീസ് അന്വേഷണവും വിജിലൻസ് അന്വേഷണവും പ്രഖ്യാപിച്ച് മുഖ്യമന്ത്രി പിണറായി വിജയൻ. നിയമസഭയിൽ ചട്ടം 300 അനുസരിച്ച് പ്രത്യേക പ്രസ്താവന നടത്തുകയായിരുന്നു മുഖ്യമന്ത്രി. തീപിടിത്തത്തിൽ ഇതുവരെ മുഖ്യമന്ത്രി പ്രതികരിക്കാത്തത് പ്രതിപക്ഷം ആയുധമാക്കിയിരുന്നു.
ബയോ റെമഡിയേഷന് പ്രക്രിയ നടപ്പിലാക്കുന്നതുമായി ബന്ധപ്പെട്ട് ഒപ്പിട്ട കരാര് പ്രകാരം കോര്പറേഷന്റെയും കരാറുകാരുടെയും ചുമതലകള് അതത് കക്ഷികള് എത്രത്തോളം പാലിച്ചിരുന്നു?, കൊച്ചി കോര്പറേഷന് പരിധിക്കുള്ളില് ജൈവ, അജൈവ മാലിന്യ ശേഖരണത്തിനും അവ സംസ്കരണ കേന്ദ്രത്തിലേക്ക് എത്തിക്കുന്നതിനുമുള്ള സംവിധാനം എന്തായിരുന്നു?, കരാറുകാരുടെ പ്രവര്ത്തനം വിലയിരുത്തിയത് എങ്ങനെയായിരുന്നു? തരം തിരിക്കാതെ മാലിന്യം ശേഖരിക്കുന്നതിനും ബ്രഹ്മപുരത്ത് നിക്ഷേപിക്കുന്നതിനും തീരുമാനിക്കാനുള്ള കാരണമെന്ത്? , ഇത് പരിഹരിക്കാനെടുത്ത നടപടികള് എന്തെല്ലാം?, വലിയ തോതിലുള്ള ഖരമാലിന്യം ഉണ്ടാവുന്ന കേന്ദ്രങ്ങളില് ഉറവിട മാലിന്യ സംസ്കരണം ഉറപ്പാക്കാന് എത്രത്തോളം സാധിച്ചിട്ടുണ്ട്?
![SAP TRAINING](https://20-20journals.in/wp-content/uploads/2023/03/www.globalbrightacademy.com-15-1024x1024.jpg)
പ്രവൃത്തിയില് ചൂണ്ടിക്കാണിച്ച ന്യൂനതകള് പരിഹരിക്കുന്നതിന് കരാറുകാര് സ്വീകരിച്ച നടപടികള് എന്തെല്ലാം?, കൊച്ചി കോര്പറേഷനിലെ ഖര മാലിന്യം സംഭരിക്കാനും സംസ്കരിക്കാനും ഉദ്ദേശിച്ച സ്ഥലത്ത് മറ്റ് തദ്ദേശ സ്ഥാപനങ്ങളുടെ മാലിന്യം കൂടി വരാനുള്ള കാരണമെന്ത്?, നിലവില് സ്ഥാപിച്ചിട്ടുള്ള വിന്ഡ്രോ കമ്പോസ്റ്റിംഗ് പ്ലാന്റിന്റെ പ്രവര്ത്തനത്തെ ബാധിക്കുന്ന ഘടകങ്ങള് എന്തെല്ലാം?, വിന്ഡ്രോ കമ്പോസ്റ്റിംഗ് പ്ലാന്റിന്റെ ശോചനീയാവസ്ഥക്കും നടത്തിപ്പിലെ വീഴ്ചകള്ക്കും ഉത്തരവാദികള് ആരെല്ലാം?, മുന്കാല മാലിന്യം കൈകാര്യം ചെയ്യാനെടുത്ത നടപടികളുടെ വിശകലനവും കാലതാമസത്തിനുള്ള കാരണങ്ങളും.
നിര്ദേശങ്ങള് നടപ്പാക്കുന്നതില് വീഴ്ച ഉണ്ടായിട്ടുണ്ടെകില് അതിന്റെ ഉത്തരവാദികള് ആരൊക്കെയാണ്?, വിന്ഡ്രോ കമ്പോസ്റ്റിംഗ് നടപ്പിലാക്കാന് ഏര്പ്പെട്ട ഉടമ്പടിയില് പിഴവുകള് ഉണ്ടായിരുന്നുവോ?, കൊച്ചി കോര്പറേഷന് ബ്രഹ്മപുരത്തെ പ്രവൃത്തി കൃത്യമായി നിരീക്ഷിച്ചിരുന്നുവോ? അതിന്റെ ഉത്തരവാദിത്തം ആര്ക്കായിരുന്നു? പ്രവൃത്തിയില് ന്യൂനതകള് ചൂണ്ടിക്കാണിച്ചിരുന്നോ ?