ചെലവ് കൂടുതൽ; 2026 ലെ കോമണ്‍വെല്‍ത്ത് ഗെയിംസി‍ന് ആതിഥേയത്വം വഹിക്കാനാകില്ലെന്ന് ഓസ്ട്രേലിയ

ചെലവ് കൂടുതലായതിനാൽ 2026 കോമണ്‍വെല്‍ത്ത് ഗെയിംസിന് ആതിഥേയത്വം വഹിക്കാനാകില്ലെന്ന് ഓസ്ട്രേലിയയിലെ വിക്ടോറിയ സംസ്ഥാനം. ഇതോടെ ഗെയിംസി‍ന്റെ നടത്തിപ്പ് സംബന്ധിച്ച് സംഘാടകർക്കിടയിൽ ആശങ്കകൾ ഉയർന്നിരിക്കുകയാണ്. മുൻപ് നിശ്ചയിച്ച തുകയിൽ നിന്നും പുതിയ എസ്റ്റിമേറ്റ് തുക ഉയർത്തിയതാണ് പിന്മാറ്റത്തിന് കാരണമെന്നാണ് വിക്ടോറിയൻ ഭരണകൂടം അറിയിച്ചിരിക്കുന്നത്. ഈ തുക എങ്ങനെയെങ്കിലും കണ്ടെത്തി ഗെയിംസ് സംഘടിപ്പിച്ചാൽ തന്നെ തങ്ങൾക്ക് അത് വലിയ സാമ്പത്തിക ബാധ്യത വരുത്തി വെക്കുമെന്ന് വിക്ടോറിയൻ സംസ്ഥാനത്തിന്റെ പ്രീമിയർ ഡാനിയൽ ആൻഡ്രൂസ് വ്യക്തമാക്കി.

കോമണ്‍വെല്‍ത്ത് ഗെയിംസി‍നിന്റെ നടത്തിപ്പിന് ആദ്യം തീരുമാനിച്ചിരുന്ന തുക 2 ബില്യൺ ഓസ്‌ട്രേലിയൻ ഡോളർ ആയിരുന്നു. എന്നാലിത് പിന്നീട് ഏകദേശം 7 ബില്യൺ ഓസ്‌ട്രേലിയൻ ഡോളറായാണ് ഉയർത്തിയത്. ”ഞാൻ ഈ സ്ഥാനത്തിരുന്ന് ബുദ്ധിമുട്ടുള്ള ഒരുപാട് തീരുമാനങ്ങൾ എടുത്തിട്ടുണ്ട്. ഇത് അത്തരമൊരു തീരുമാനം അല്ല. സത്യം പറഞ്ഞാൽ, ഒരു കായിക മത്സരത്തിന് ഏഴ് ബില്യൺ ഡോളർ ചെലവാക്കുക എന്നത് റിസ്കുള്ള കാര്യമാണ്. ഞങ്ങൾ അത് ചെയ്യുന്നില്ല”, ഡാനിയേൽ ആൻഡ്രൂസ് മെൽബണിൽ സംഘടിപ്പിച്ച പത്രസമ്മേളനത്തിൽ പറഞ്ഞു.

”കഴിഞ്ഞ വർഷം കണക്കാക്കിയതിനേക്കാൾ മൂന്നിരട്ടിയാണ് ഇപ്പോഴത്തെ എസ്റ്റിമേറ്റ്. അത് സംഘടിപ്പിക്കാൻ ഞാൻ ആശുപത്രികളിൽ നിന്നും സ്കൂളുകളിൽ നിന്നുമൊന്നും പണം പിരിക്കില്ല. 2026ൽ വിക്ടോറിയയിൽ കോമൺവെൽത്ത് ഗെയിംസ് നടക്കില്ല”, എന്നും ഡാനിയേൽ പറഞ്ഞു. കരാറിൽ നിന്നും പിൻമാറാനുള്ള തങ്ങളുടെ തീരുമാനം കോമൺവെൽത്ത് ഗെയിംസ് അധികൃതരെ അറിയിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. 26 വിഭാ​ഗങ്ങളിലായി 20 കായിക ഇനങ്ങൾ ഉൾപ്പെടുന്ന കോമൺവെൽത്ത് ​ഗെയിംസ് വിക്ടോറിയയിലെ ഗീലോംഗ്, ബല്ലാരത്ത്, ബെൻഡിഗോ, ഗിപ്പ്‌സ്‌ലാൻഡ്, ഷെപ്പാർട്ടൺ തുടങ്ങിയ സ്ഥലങ്ങളിൽ നടത്താനാണ് ആദ്യം തീരുമാനിച്ചിരുന്നത്.

ഹബുകളുടെ എണ്ണം വെട്ടിക്കുറയ്ക്കുന്നതിനും ഗെയിംസ് വിക്ടോറിയ സംസ്ഥാന തലസ്ഥാനമായ മെൽബണിലേക്ക് മാറ്റുന്നതിനും തന്റെ ടീം ശ്രമിച്ചിരുന്നു എന്നും അതൊന്നും വിജയിച്ചില്ല ഡാനിയൽ പറഞ്ഞു. കരാറിൽ നിന്ന് പിൻമാറുന്നതിന് തങ്ങളുടെ ഭാ​ഗത്തു നിന്നും എത്ര തുക ചെലവാകും എന്ന ചോദ്യത്തോട് ഡാനിയൽ ആൻഡ്രൂസ് പ്രതികരിച്ചില്ല. കോമൺവെൽത്ത് ഗെയിംസ് ഫെഡറേഷനുമായുള്ള ചർച്ചകൾ സൗഹാർദപരമായിരുന്നു എന്നും അദ്ദേഹം പറഞ്ഞു. എന്നാൽ ഫെഡറേഷൻ ഭാരവാഹികൾ തങ്ങളുടെ തീരുമാനത്തിൽ അത്യന്തം നിരാശരായെന്നും ഡാനിയൽ കൂട്ടിച്ചേർത്തു.

”എട്ടു മണിക്കൂറിലെ നോട്ടീസിൽ ഞങ്ങളെ ഇക്കാര്യം അറിയിച്ചതിൽ വളരെയധികം നിരാശരാണ്. അവർ ഈ തീരുമാനത്തിലെത്തുന്നതിന് മുൻപ് സംയുക്തമായി ഒരു ചർച്ച നടത്തുന്നതിനോ അവരുടെ ആശങ്കകൾക്ക് പരിഹാരം കാണുന്നതിനോ സ്ഥിതിഗതികൾ ചർച്ച ചെയ്യുന്നതിനോ ഒരു ശ്രമവും ഉണ്ടായില്ല”, ഫെഡറേഷൻ ഒദ്യോ​ഗിക പ്രസ്താവനയിൽ പറഞ്ഞു. കോമൺ‌വെൽത്തിലെ 54 രാജ്യങ്ങളിൽ നിന്നുള്ള നാലായിരത്തിലധികം അത്‌ലറ്റുകളാണ് സാധാരണയായി ​ഗെയിംസിൽ പങ്കെടുക്കാനെത്തുന്നത്. ഇതിൽ പല രാജ്യങ്ങളും മുൻപ് ബ്രിട്ടീഷ് സാമ്രാജ്യത്തിന്റെ അധീനതയിൽ ഉള്ളവയായിരുന്നു. 2022ൽ ഇംഗ്ലണ്ടിലാണ് ഇതിനു മുൻപത്തെ കോമൺവെൽത്ത് ഗെയിംസ് നടന്നത്.

visat 1

കരാര്‍ പുതുക്കുക, അല്ലെങ്കില്‍ ക്ലബ് വിടുക! തീരുമാനം പത്ത് ദിവസത്തിനകം; എംബാപ്പെയ്ക്ക് പിഎസ്ജിയുടെ ശാസനം

 ട്രാന്‍സ്ഫര്‍ അഭ്യൂഹങ്ങള്‍ നിലനില്‍ക്കെ കിലിയന്‍ എംബാപ്പെ പിഎസ്ജിക്കൊപ്പം പ്രീ സീസണ്‍ പരിശീലനം തുടങ്ങി. ഭാവിയെ കുറിച്ച് തീരുമാനിക്കാന്‍ പത്ത് ദിവസത്തെ സമയമാണ് പിഎസ്ജി സൂപ്പര്‍താരത്തിന് നല്‍കിയിരിക്കുന്നത്. കരാര്‍ പുതുക്കുക. അല്ലെങ്കില്‍ ക്ലബ് വിടുക. എന്നതാണ് എംബാപ്പെയോട് പിഎസ്ജി നിര്‍ദേശിച്ചിട്ടുള്ളത്. തീരുമാനമെടുക്കാന്‍ പത്ത് ദിവസത്തെ സമയവും നല്‍കി. എന്നാല്‍ ഈ സീസണ്‍ കൂടി ക്ലബില്‍ തുടരുമെന്ന മുന്‍ തീരുമാനത്തില്‍ മാറ്റമൊന്നും ഇതുവരെ വരുത്തിയിട്ടില്ല എംബാപ്പെ.

 
 

പിഎസ്ജിയുടെ പ്രീ സീസണ്‍ ക്യാന്പിലെത്തി പരിശീലനം തുടങ്ങുകയും ചെയ്തു. പുതിയ കോച്ച് ലൂയിസ് എന്റിക്വേക്ക് കീഴിലാണ് പരീശീലന ക്യാംപ്. നെയ്മര്‍ ഉള്‍പ്പെടെയുള്ള താരങ്ങളും  ക്യാംപിനെത്തിയിട്ടുണ്ട്. നെയ്മറും എംബാപ്പെയും ആലിംഗനം ചെയ്യുന്നതിന്റെ ദൃശ്യങ്ങളും പുറത്ത് വന്നു. ചാംപ്യന്‍സ് ലീഗ് കിരീടം ഇത്തവണയും കൈവിട്ടതോടെയാണ് ക്ലബ് മാറ്റത്തെക്കുറിച്ച് എംബാപ്പെ തീരുമാനമെടുത്തത്. കരാര്‍ പുതുക്കില്ലെന്ന് പിഎസ്ജിയെ രേഖാമൂലം അറിയിക്കുകയും ചെയ്തു.

ഇതോടെ എംബാപ്പെയും പിഎസ്ജിയും തമ്മില്‍ ഉടക്കി. കരാര്‍ പുതുക്കില്ലെങ്കില്‍ താരത്തെ ഈ സീസണില്‍ തന്നെ വില്‍ക്കുമെന്ന് പിഎസ്ജി പ്രഖ്യാപിച്ചു. കരാര്‍ അവസാനിച്ച് ഫ്രീ ഏജന്റായി എംബാപ്പെയെ പോലൊരു വമ്പന്‍ താരത്തെ നഷ്ടമാകുന്ന ഒഴിവാക്കാനാണ് പിഎസ്ജിയുടെ ശ്രമം. എന്നാല്‍ കരാര്‍ പുതുക്കാനോ, ട്രാന്‍സ്ഫറിനൊ ഇതുവരെ എംബാപ്പെ തയ്യാറായില്ല. ഇതോടൊണ് അന്ത്യശാസനവുമായി പിഎസ്ജി എത്തിയിരിക്കുന്നത്.

WTC Final: രഹാനെ ഇന്ത്യയെ പറ്റിച്ചു! ടീമിലേക്കു തിരിച്ചുവിളിച്ചതോടെ തനിനിറം പുറത്ത്?

അന്താരാഷ്ട്ര കരിയര്‍ അവസാനിച്ചെന്നു എല്ലാവരും ഉറപ്പിച്ചിരിക്കെ ഇന്ത്യന്‍ ടീമിലേക്കു തിരിച്ചവിളിക്കപ്പട്ട താരമാണ് മുന്‍ ടെസ്റ്റ് വൈസ് ക്യാപ്റ്റനും സ്റ്റാര്‍ ബാറ്ററുമായ അജിങ്ക്യ രഹാനെ. അടുത്ത മാസം ഇംഗ്ലണ്ടില്‍ നടക്കാനിരിക്കുന്ന ഐസിസിയുടെ ലോക ടെസ്റ്റ് ചാംപ്യന്‍ഷിപ്പ് ഫൈനലിനുള്ള ഇന്ത്യന്‍ ടീമിലാണ് അടുത്തിടെ അദ്ദേഹത്തെ ഉള്‍പ്പെടുത്തിയത്. ആഭ്യന്തര ക്രിക്കറ്റിലെ മികച്ച പ്രകടനങ്ങളും ഐപിഎല്ലില്‍ ചെന്നൈ സൂപ്പര്‍ കിങ്‌സിനു വേണ്ടി കളിച്ച ഇടിവെട്ട് ഇന്നിങ്‌സുകളും രഹാനെയ്ക്കു തുണയാവുകയായിരുന്നു. എല്ലാവരെയും ഞെട്ടിക്കുന്ന പ്രകടനമാണ് സിഎസ്‌കെയ്ക്കായി മൂന്നാം നമ്പറില്‍ അദ്ദേഹം കാഴ്ചവച്ചത്.

WTC Final: ഇഷാനെ ടെസ്റ്റ് ടീമിലെടുത്തത് ഇന്ത്യയുടെ വന്‍ അബദ്ധം! പണിയുറപ്പ്, മൂന്ന് കാരണങ്ങള്‍
എന്നാല്‍ ഇന്ത്യന്‍ ടീമിലേക്കു തിരികെ വിളിക്കപ്പെട്ട ശേഷം രഹാനെയുടെ ഐപിഎല്ലിലെ പ്രകടനത്തില്‍ വലിയ ഇടിവാണ് സംഭവിച്ചിരിക്കുന്നതെന്നു കാണാം. ഇതോടെ ഇന്ത്യന്‍ ടീമും ആശങ്കയിലായിരിക്കുകയാണ്. താരത്തെ ടീമിലെടുത്തത് അബദ്ധമായിപ്പോയോ എന്നു പോലും സെലക്ടര്‍മാര്‍ സംശയിക്കുന്നുണ്ടാവും. കാരണം രഹാനെയുടെ പ്രകടനത്തില്‍ അത്രയും വലിയ വ്യത്യാസമാണ് ടീമിലെത്തുന്നതിനു മുമ്പും ശേഷവും സംഭവിച്ചിരിക്കുന്നതെന്നും കണക്കുകള്‍ അടിവരയിടുന്നു.

ഓസ്‌ട്രേലിയയുമായുള്ള ലോക ടെസ്റ്റ് ചാംപ്യന്‍ഷിപ്പ് ഫൈനലിനായി ഇന്ത്യന്‍ ടീമിലുള്‍പ്പെടുത്തും മുമ്പ് ചെന്നൈ സൂപ്പര്‍ കിങ്‌സില്‍ രഹാനെയുടെ ശരാശരി 52.25ഉം സ്‌ക്ക്രൈ് റേറ്റ് 199.05ഉം ആയിരുന്നു. പക്ഷെ ഇന്ത്യന്‍ ടീമില്‍ ഇടം നേടിയ ശേഷം ശരാശരിയും സ്‌ട്രൈക്ക് റേറ്റും കുത്തനെ താഴ്ന്നിരിക്കുകയാണ്. 19 എന്ന മോശം ശരാശരിയും 114 എന്ന ശരാശരിയുമാണ് ടീമിലേക്കു തിരികെ വിളിക്കപ്പെട്ട ശേഷം രഹാനെയ്ക്കുള്ളത്. ആദ്യത്തെ രണ്ടു മല്‍സരങ്ങളിലും പുറത്തിരിക്കപ്പെട്ട ശേഷമായിരുന്നു സിഎസ്‌കെയുടെ പ്ലെയിങ് ഇലവനില്‍ അദ്ദേഹത്തിനു ഇടം ലഭിച്ചത്.

തനിക്കു ലഭിച്ച അവസരം രഹാനെ ശരിക്കും മുതലാക്കുകയും ചെയ്തു. 10 മല്‍സരങ്ങളില്‍ എട്ടു ഇന്നിങ്‌സുകളിലാണ് താരത്തിനു ബാറ്റ് ചെയ്യാന്‍ അവസരം ലഭിച്ചത്. ഇവയില്‍ നിന്നും 38 ശരാശരിയില്‍ 171.61 സ്‌ട്രൈക്ക് റേറ്റോടെ 266 റണ്‍സെടുക്കുകയും ചെയ്തു. രണ്ടു ഫിഫ്റ്റി പ്ലസ് സ്‌കോറുകള്‍ ഇതിലുള്‍പ്പെടും.

ഡല്‍ഹി ക്യാപ്പിറ്റല്‍സുമായുള്ള ചെന്നൈ സൂപ്പര്‍ കിങ്‌സിന്റെ അവസാന മല്‍സരത്തില്‍ 21 റണ്‍സെടുത്ത് അജിങ്ക്യ രഹാനെ ക്രീസ് വിടുകയായിരുന്നു. 20 ബോളുകളില്‍ നിന്നും രണ്ടു ഫോറുകളോടെയായിരുന്നു ഇത്. ലളിത് യാദവായിരുന്നു താരത്തിന്റെ വിക്കറ്റ് സ്വന്തമാക്കിയത്. ക്രീസിനു പുറത്തേക്കിറങ്ങി ഷോട്ടിനു ശ്രമിച്ച രഹാനയെ സ്വന്തം ബൗളിങിലാണ് ലളിത് കിടിലൊനു ക്യാച്ചിലൂടെ പുറത്താക്കിയത്. മിന്നല്‍ വേഗത്തില്‍ വന്ന ഷോട്ട് അംപയറെയടക്കം ഞെട്ടിച്ചായിരുന്നു ലളിത് കൈകളിലൊതുക്കിയത്.

IPL 2023: ക്യാപ്റ്റന്‍ സഞ്ജു സീസണില്‍ വരുത്തിയത് മൂന്ന് തെറ്റുകള്‍! റോയല്‍സ് പുറത്തേക്ക്?

അതേസമയം, ഫൈനലിനുള്ള ഇന്ത്യന്‍ ടെസ്റ്റ് ടീമിലേക്കു വിളിക്കപ്പെട്ട ശേഷം രഹാനെയുടെ പ്രകടനത്തില്‍ സംഭവിച്ച ഇടിവിനെക്കുറിച്ച് സോഷ്യല്‍ മീഡിയയിലൂടെ ആരാധകരും പ്രതികരിച്ചിരിക്കുകയാണ്. ഡബ്ല്യടിസി ടെസ്റ്റ് ചാപ്യന്‍ഷിപ്പ്. അതുകൊണ്ടു തന്നെ അജിങ്ക്യ രഹാനെ ടെസ്റ്റിനു വേണ്ടി മാത്രം ഇപ്പോള്‍ പരിശീലനം നടത്തിക്കൊണ്ടിരിക്കുകയാണ്.

ഇന്ത്യല്‍ ടീമില്‍ ഇടം ലഭിച്ച ശേഷം തൊട്ടടുത്ത മല്‍സരത്തില്‍ തന്നെ അജിങ്ക്യ രഹാനെ ടെസ്റ്റ് മോഡിലേക്കു മാറിയിരിക്കുകയാണ്. ഇതാണ് യഥാര്‍ഥ ആത്മസമര്‍പ്പണം. ഇപ്പോഴത്തെ മോശം സ്‌ട്രൈക്ക് റേറ്റിലൂടെ അജിങ്ക്യ രഹാനെ ടെസ്റ്റിനായി പരിശീലിച്ചു കൊണ്ടിരിക്കുകയാണ്. ഞാന്‍ ഇക്കാര്യം പറഞ്ഞാല്‍ നിങ്ങള്‍ എനിക്കെതിരേ ആഞ്ഞടിക്കുമെന്നറിയാം.

പക്ഷെ ദേശീയ ടീമില്‍ തിരിച്ചെത്തുകയെന്ന തന്റെ ജോലി കഴിഞ്ഞതിനു ശേഷം അജിങ്ക്യ രഹാനെയുടെ പ്രകടനത്തില്‍ ഇടിവ് സംഭവിച്ചതായി എന്റെയും ശ്രദ്ധയില്‍ പെട്ടിരുന്നു. അജിങ്ക്യ രഹാനെയുടെ നേരത്തേയും ഇപ്പോഴുമുള്ള പ്രകടനങ്ങളില്‍ തെറ്റായി ഒന്നുമില്ല. ദേശീയ ടീമിനായി അദ്ദേഹം തയ്യാറായിക്കൊണ്ടിരിക്കുകയാണെന്നും ആരാധകര്‍ അഭിപ്രായപ്പെട്ടു.

ചെപ്പോക്കിൽ ഡ‍ൽഹിയെ തകർത്തെറിഞ്ഞ് ചെന്നൈ പ്ലേ ഓഫിനരികെ

IPL 2023: രോഹിത്തിനെ ചതിച്ചു! അത് ഔട്ടല്ല, അംപയര്‍ക്കു നിയമം അറിയില്ലേ?

ഐപിഎല്ലില്‍ റോയല്‍ ചാലഞ്ചേഴ്‌സ് ബാംഗ്ലൂരുമായുള്ള പോരാട്ടത്തില്‍ മുംബൈ ഇന്ത്യന്‍സ് ക്യാപ്റ്റന്‍ രോഹിത് ശര്‍മയുടെ പുറത്താവല്‍ വിവാദത്തിനു തിരി കൊളുത്തിയിരിക്കുകയാണ്. ഈ സീസണില്‍ മോശം ഫോമിലൂടെ പോയ്‌ക്കൊണ്ടിരിക്കുന്ന ഹിറ്റ്മാന് ഈ കളിയിലും ബാറ്റിങില്‍ ക്ലിക്കാവാന്‍ സാധിച്ചില്ല. ഏഴു റണ്‍സ് മാത്രമെടുത്ത് രോഹിത്ത് പുറത്താവുകയായിരുന്നു. എട്ടു ബോള്‍ നേരിട്ട അദ്ദേഹം ഒരു ഫോറാണ് നേടിയത്.

WTC Final: ഇഷാന്‍ എന്തിന് ടെസ്റ്റില്‍? മുംബൈ ഇന്ത്യന്‍സ് ലോബി! സഞ്ജുവോ, സാഹയോ ബെസ്റ്റ്
ശ്രീലങ്കന്‍ സ്പിന്നര്‍ വനിന്ദു ഹസരംഗയെറിഞ്ഞ അഞ്ചാം ഓവറിലെ അവസാനത്തെ ബോളിലാണ് രോഹിത് എല്‍ബിഡബ്ല്യുയായി ക്രീസ് വിട്ടത്. നാലാമത്തെ ബോളില്‍ ഇഷാന്‍ കിഷനെ (42) വിക്കറ്റ് കീപ്പര്‍ അനൂജ് റാവത്ത് ക്യാച്ച് ചെയ്ത് പുറത്താക്കിയിരുന്നു. ഇതിനു പിന്നാലെയായിരുന്നു രോഹിത്തും മടങ്ങിയത്. ക്രീസിനു പുറത്തേക്കിറങ്ങി ലെഗ് സൈഡിലേക്കു ഷോട്ട് കളിക്കാനായിരുന്നു രോഹിത്തിന്റെ ശ്രമം. പക്ഷെ ബോള്‍ നേരെ പാഡിലാണ് പതിച്ചത്. ആര്‍സിബി താരങ്ങള്‍ അപ്പീല്‍ ചെയ്‌തെങ്കിലും അംപയര്‍ നോട്ടൗട്ട് വിധിച്ചു..

തുടര്‍ന്ന് ആര്‍സിബി ക്യാപ്റ്റന്‍ ഫഫ് ഡുപ്ലെസി റിവ്യു എടുക്കുകയായിരുന്നു. റീപ്ലേ പരിശോധിച്ച തേര്‍ഡ് അംപയര്‍ ബാറ്റില്‍ എഡ്ജില്ലെന്നും ബോള്‍ ട്രാക്കിങില്‍ വിക്കറ്റില്‍ തന്നെ ബോള്‍ പതിക്കുമെന്നും കണ്ടതോടെ ഔട്ട് വിധിക്കുകയും ചെയ്തു. പക്ഷെ ഇതുകൊണ്ടു മാത്രം രോഹിത് ഔട്ടാവില്ലെന്നതാണ് ഏറ്റവും പ്രധാനപ്പെട്ട കാര്യം. കാരണം ക്രീസിനു പുറത്തേക്ക് ഇറങ്ങിയാണ് അദ്ദേഹം സ്‌ട്രൈക്ക് നേരിട്ടത്.

എല്‍ബിഡബ്ല്യു നിയമത്തില്‍ 3 മീറ്റര്‍ നിയമത്തെക്കുറിച്ച് പരാമര്‍ശിക്കുന്നുണ്ട്. ഇത് അനുസരിച്ച് ബോള്‍ പാഡില്‍ പതിക്കുമ്പോള്‍ സ്റ്റംപുകളും ബാറ്ററും തമ്മിലുള്ള അകലം മൂന്ന്് മീറ്ററോ, അതിനു മുകളിലോ ആണോയെന്നു പരിശോധിക്കും. അങ്ങനെയാണെങ്കില്‍ ബോള്‍ വിക്കറ്റില്‍ പതിക്കുന്നതായി ബോള്‍ ട്രാക്കിങില്‍ വ്യക്തമായാലും അതു നോട്ടൗട്ടാണ്.

ആര്‍സിബിയുമായുള്ള ഈ മല്‍സരത്തിലേക്കു വന്നാല്‍ രോഹിത് ക്രീസിന് ഏറെ പുറത്തു നിന്നാണ് സ്‌ട്രൈക്ക് നേരിട്ടത്. അതുകൊണ്ടു തന്നെ അദ്ദേഹവും സ്റ്റംപുകളും തമ്മിലുള്ള അകലം 3.7 മീറ്ററുണ്ടെന്നാണ് തെളിഞ്ഞിരിക്കുന്നത്. ഈ കാരണത്താല്‍ തന്നെ തേര്‍ഡ് അംപയര്‍ ഇക്കാര്യം കണക്കിലെടുത്ത് രോഹിത്തിനെതിരേ നോട്ടൗട്ട് ആയിരുന്നു നല്‍കേണ്ടിയിരുന്നത്. പക്ഷെ തീരുമാനം തനിക്ക് എതിരായതോടെ ഞെട്ടലോടെയും നിരാശയോടെയുമാണ് അദ്ദേഹം ക്രീസ് വിട്ടത്. അതേസമയം, രോഹിത്തിന്റെ നിര്‍ഭാഗ്യകരമായ പുറത്താവല്‍ മല്‍സരത്തില്‍ മുംബൈയെ കാര്യമായി ബാധിച്ചില്ല.

 

IPL 2023: ക്യാപ്റ്റന്‍ സഞ്ജു സീസണില്‍ വരുത്തിയത് മൂന്ന് തെറ്റുകള്‍! റോയല്‍സ് പുറത്തേക്ക്?
ഹോംഗ്രൗണ്ടായ വാംഖഡെയില്‍ റണ്‍മഴ കണ്ട പോരാട്ടത്തില്‍ മുംബൈ ആറു വിക്കറ്റിനു റോയല്‍ ചാലഞ്ചേഴ്‌സ് ബാംഗ്ലൂരിനെ തകര്‍ത്തുവിടുകയായിരുന്നു. ഈ ജയത്തോടെ പോയിന്റ് പട്ടികയില്‍ ഈ സീസണില്‍ ആദ്യമായി മുംബൈ ടോപ്പ് ഫോറിലെത്തുകയും ചെയ്തു. മൂന്നാംസ്ഥാനത്തേക്കാണ് അവര്‍ കയറിയിരിക്കുന്നത്. ടോസ് നഷ്ടപ്പെട്ട് ബാറ്റിങിനു അയക്കപ്പെട്ട ആര്‍സിബി ആറു വിക്കറ്റിനു 199 റണ്‍സെടുക്കുകയായിരുന്നു.

മറുപടിയില്‍ വെറും 16.3 ഓവറില്‍ നാലു വിക്കറ്റ് മാത്രം നഷ്ടത്തില്‍ മുംബൈ അനായാസം വിജയത്തിലേക്കു കുതിച്ചെത്തി. സൂര്യകുമാര്‍ യാദവിന്റെ (83) വെടിക്കെട്ടും നെഹാല്‍ വദേരയുടെ (52*) തുടര്‍ച്ചയായ രണ്ടാം ഫിഫ്റ്റിയുമാണ് മുംബൈയുടെ യം എളുപ്പമാക്കിയത്. സൂര്യ 35 ബോളില്‍ ഏഴു ഫോറും ആറു സിക്‌സുമടിച്ചപ്പോള്‍ വദേര 34 ബോളില്‍ നാലു ഫോറും മൂന്നു സിക്‌സറും പറത്തി. 21 ബോളില്‍ നാലു വീതം ഫോറും സിക്‌സറുമടിച്ച ഇഷാന്‍ കിഷനാണ് മറ്റൊരു സ്‌കോറര്‍.

IPL 2023: അടിച്ചു തകര്‍ക്കുന്നു, ഇന്ത്യന്‍ ടി20 ടീമിലേക്ക് തിരിച്ചുവരവ് സാധ്യതയേറെ! നാല് പേരിതാ

മുംബൈ: ഇന്ത്യന്‍ പ്രീമിയര്‍ ലീഗിന്റെ 16ാം സീസണ്‍ ആവേശകരമായി പുരോഗമിക്കുകയാണ്. പ്ലേ ഓഫിനോടടുക്കവെ പോരാട്ടം മുറുകയാണ്. ആരൊക്കെ പ്ലേ ഓഫ് കളിക്കുമെന്ന് പറയാനാവാത്ത അവസ്ഥയാണ് നിലവിലുള്ളത്. ആദ്യ റൗണ്ടുകളില്‍ മികവ് കാട്ടിയ പല ടീമുകള്‍ക്കും പ്ലേ ഓഫിനോടടുക്കുമ്പോള്‍ തിരിച്ചടി നേരിടുന്നതായാണ് കാണുന്നത്. ആദ്യ റൗണ്ടുകളില്‍ മികവ് കാട്ടിയ പല താരങ്ങളും മത്സരങ്ങള്‍ പുരോഗമിക്കുമ്പോള്‍ പിന്നോട്ട് പോകുന്നതും ഇപ്പോള്‍ കാണാം.

IPL 2023: കളി തോല്‍പ്പിച്ചത് ഹൂഡ! ലഖ്‌നൗവിന്റെ വലിയ മണ്ടത്തരം- രൂക്ഷ വിമര്‍ശനം
ഇന്ത്യന്‍ പ്രീമിയര്‍ ലീഗിലെ പ്രകടനം ദേശീയ ടീമിലേക്കുള്ള ചവിട്ടുപടിയാണെന്ന് പറയാം. യുവതാരങ്ങള്‍ക്ക് ദേശീയ ടീമിലേക്കെത്താനും ടീമിന് പുറത്തുള്ള താരങ്ങള്‍ക്ക് തിരിച്ചുവരാനുമുള്ള അവസരവും ഐപിഎല്ലിലൂടെ ലഭിക്കുന്നു. നിലവില്‍ ഇന്ത്യയുടെ ടി20 ടീമിന് പുറത്തുള്ള ചില താരങ്ങള്‍ ഇത്തവണ ശ്രദ്ധേയ പ്രകടനം കാഴ്ചവെച്ച് തിരിച്ചുവരവ് പ്രതീക്ഷ നല്‍കുന്നുണ്ട്. അത് ആരൊക്കെയാണെന്ന് നോക്കാം.

 

ഒന്നാമത്തെ താരം റുതുരാജ് ഗെയ്ക് വാദാണ്. 2024ലെ ടി20 ലോകകപ്പ് മുന്നില്‍ക്കണ്ട് ഇന്ത്യ വളര്‍ത്തിക്കൊണ്ടുവരാന്‍ സാധ്യതയുള്ള താരമാണ് റുതുരാജ്. ഈ സീസണിലും മികച്ച പ്രകടനം റുതുരാജ് കാഴ്ചവെക്കുന്നു. ഐപിഎല്ലില്‍ ഓറഞ്ച് ക്യാപ് നേടിയിട്ടുള്ള റുതുരാജ് ഈ സീസണിലെ 11 മത്സരങ്ങള്‍ പൂര്‍ത്തിയാക്കുമ്പോള്‍ 384 റണ്‍സാണ് നേടിയത്. 42.67 ശരാശരിയും 148.26 സ്‌ട്രൈക്കറേറ്റും റുതുരാജിനുണ്ട്.

ക്ലാസിക് ഷോട്ടുകളിലൂടെ റണ്‍സുയര്‍ത്താന്‍ മിടുക്കനാണ് റുതുരാജ്. ഈ സീസണില്‍ ഡെവോണ്‍ കോണ്‍വേയ്ക്ക് ഓപ്പണിങ്ങില്‍ മികച്ച റെക്കോഡ് സൃഷ്ടിക്കാനും റുതുരാജിന് സാധിച്ചിട്ടുണ്ട്. ഇന്ത്യക്കായി 9 ടി20 കളിച്ച റുതുരാജിന് 135 റണ്‍സാണ് ആകെ നേടാനായത്. ഇതില്‍ ഒരു 57 റണ്‍സ് പ്രകടനവും ഉള്‍പ്പെടും. 2022 ജൂണ്‍ 26നാണ് താരം അവസാനമായി ഇന്ത്യക്കായി ടി20 കളിച്ചത്.

ഇത്തവണത്തെ പ്രകടനം വിലയിരുത്തി ഇന്ത്യ തിരിച്ചുവരവ് അവസരം നല്‍കാന്‍ സാധ്യതയുള്ള താരമാണ് റുതുരാജ് ഗെയ്ക് വാദ്. സിഎസ്‌കെയുടെ ഇടം കൈയന്‍ ഓള്‍റൗണ്ടര്‍ ശിവം ദുബെയാണ് സാധ്യത കല്‍പ്പിക്കുന്ന മറ്റൊരാള്‍. തമിഴ്‌നാട് പ്രീമിയര്‍ ലീഗില്‍ തകര്‍പ്പന്‍ പ്രകടനം കാഴ്ചവെച്ച ദുബെ ഇന്ത്യക്കായി 13 ടി20 കളിച്ചു. 105 റണ്‍സും അഞ്ച് വിക്കറ്റുമാണ് ദുബെ നേടിയത്. 2019ല്‍ ഇന്ത്യക്കായി അരങ്ങേറ്റ ടി20 കളിച്ച താരം 2020 ഫെബ്രുവരിക്ക് ശേഷം ഇന്ത്യന്‍ ടീമിന് പുറത്താണ്.

IPL 2023: രോഹിത് നയിക്കും, റായിഡു നാലാമന്‍- ഈ സീസണിലെ ഫ്‌ളോപ്പ് 11 ഇതാ
ഇത്തവണ സിഎസ്‌കെയ്ക്കായി ഗംഭീര ബാറ്റിങ്ങാണ് ദുബെ കാഴ്ചവെക്കുന്നത്. 11 മത്സരങ്ങളില്‍ നിന്ന് 290 റണ്‍സാണ് ദുബെയുടെ ഈ സീസണിലെ സമ്പാദ്യം. 36.25 ശരാശരിയുള്ള ദുബെക്ക് 156.75 സ്‌ട്രൈക്കറേറ്റുമുണ്ട്. മൂന്ന് ഫിഫ്റ്റിയും താരം നേടിക്കഴിഞ്ഞു. ഏത് ബാറ്റിങ് പൊസിഷനിലും കളിച്ച് മികവ് കാട്ടാന്‍ ദുബെക്ക് സാധിക്കുന്നു. വലിയ ഷോട്ടുകള്‍ കളിക്കുന്ന താരം സ്പിന്നിനെതിരേയാണ് കൂടുതല്‍ നന്നായി കളിക്കുന്നത്.

ഇതേ പ്രകടനം തുടര്‍ന്നാല്‍ ദുബെ ഇന്ത്യയുടെ ടി20 ടീമിലേക്ക് തിരിച്ചെത്താന്‍ സാധ്യതയുണ്ട്. മധ്യനിരയില്‍ മികച്ച ഇടം കൈയന്‍മാരെ തേടുന്ന ഇന്ത്യക്ക് പരിഗണിക്കാവുന്ന താരമാണ് ദുബെ. രവി ബിഷ്‌നോയിയാണ് മറ്റൊരു താരം. വലം കൈയന്‍ സ്പിന്നര്‍ ഇന്ത്യക്കായി 2022 ഫെബ്രുവരിയിലാണ് ടി20 അരങ്ങേറ്റം നടത്തിയത്. സെപ്തംബറില്‍ അവസാന ടി20 കളിച്ചു. അതിന് ശേഷം ഇന്ത്യക്കായി ടി20 കളിക്കാന്‍ ബിഷ്‌നോയ്ക്കായിട്ടില്ല.

ഈ സീസണില്‍ ലഖ്‌നൗ സൂപ്പര്‍ ജയ്ന്റ്‌സിനൊപ്പം മികച്ച പ്രകടനമാണ് ബിഷ്‌നോയ് നടത്തുന്നത്. 11 മത്സരങ്ങളില്‍ നിന്ന് 12 വിക്കറ്റ് വീഴ്ത്തിയ താരത്തിന് 7.91 എന്ന മികച്ച ഇക്കോണമിയുമുണ്ട്. ഇന്ത്യക്ക് ഭാവിയിലേക്ക് മികച്ച സ്പിന്നര്‍മാരെ വേണമെന്നതിനാല്‍ വളര്‍ത്തിക്കൊണ്ടുവരാന്‍ സാധ്യതയുള്ള താരമാണ് ബിഷ്‌നോയ്. മോശം ഫോമിനെത്തുടര്‍ന്ന് നിലവില്‍ ഇന്ത്യന്‍ ടി20 ടീമിന് പുറത്തുള്ള ബൗളറാണ് അര്‍ഷദീപ് സിങ്.

ഇടം കൈയന്‍ പേസര്‍ 10 മത്സരത്തില്‍ നിന്ന് 16 വിക്കറ്റുകളാണ് വീഴ്ത്തിയത്. 9.80 എന്ന ഇക്കോണമി അല്‍പ്പം പ്രശ്‌നമാണെങ്കിലും ഇന്ത്യ അര്‍ഷദീപിനെ ടി20 ടീമിലേക്ക് തിരികെ വിളിച്ചേക്കും. മുഹമ്മദ് സിറാജിനും ടി20യില്‍ കൂടുതല്‍ അവസരം ലഭിക്കാന്‍ സാധ്യതയുണ്ട്. എന്നാല്‍ മികവ് കാട്ടുന്നുണ്ടെങ്കിലും മുഹമ്മദ് ഷമിയും ഭുവനേശ്വര്‍ കുമാറും ദേശീയ ടീമിലേക്ക് തിരിച്ചെത്താന്‍ സാധ്യത കുറവാണ്.

IPL 2023: രോഹിത്താണ് കുറ്റക്കാരന്‍, മണ്ടത്തരം കാട്ടി തോല്‍പ്പിച്ചു- ക്യാപ്റ്റന്‍സി ഒഴിയൂ

ചെന്നൈ: ഇന്ത്യന്‍ പ്രീമിയര്‍ ലീഗിലെ എല്‍ക്ലാസിക്കോയില്‍ ചെന്നൈ സൂപ്പര്‍ കിങ്‌സിനോട് രണ്ടാം തവണയും തോറ്റിരിക്കുകയാണ് മുംബൈ ഇന്ത്യന്‍സ്. ആറ് വിക്കറ്റിനാണ് മുംബൈയെ സിഎസ്‌കെ തോല്‍പ്പിച്ചത്. ആദ്യം ബാറ്റ് ചെയ്ത മുംബൈ എട്ട് വിക്കറ്റിന് 139 റണ്‍സെടുത്തപ്പോള്‍ മറുപടിക്കിറങ്ങിയ സിഎസ്‌കെ 14 പന്ത് ബാക്കിനിര്‍ത്തി ആറ് വിക്കറ്റിന് ജയിക്കുകയായിരുന്നു. ഏക പക്ഷീയ ജയമാണ് സിഎസ്‌കെയുടേതെന്ന് പറയാം.

IPL 2023: ഇവര്‍ ഇന്ത്യന്‍ ടീം മറന്നേക്കൂ, ഇനിയൊരു തിരിച്ചുവരവില്ല! അഞ്ച് പേരിതാ
രോഹിത് ശര്‍മയുടെ തീരുമാനങ്ങളെല്ലാം ചെന്നൈയില്‍ പിഴച്ചു. ടോസ് നഷ്ടപ്പെട്ടതോടെ മുംബൈ പകുതി തോറ്റ അവസ്ഥയിലായിരുന്നു. മഴ പെയ്തുതോര്‍ന്ന പിച്ചില്‍ രോഹിത് ഓപ്പണിങ് ഇറങ്ങാതിരുന്നതോടെ ഇഷാന്‍ കിഷനൊപ്പം കാമറൂണ്‍ ഗ്രീനാണ് ഓപ്പണറായെത്തിയത്. ഈ തീരുമാനം പാളി. മികച്ച പ്രകടനം നടത്തിയിരുന്ന ഗ്രീനിനെ ഓപ്പണിങ് ഇറക്കിയതോടെ താരത്തിന് മികവ് കാട്ടാനായില്ല. രണ്ടാം ഓവറില്‍ത്തന്നെ ഗ്രീന്‍ പുറത്തായി. ഇത് മുംബൈയെ വലിയ സമ്മര്‍ദ്ദത്തിലാക്കി.

മൂന്നാമനായി ക്രീസിലെത്തിയ രോഹിത് നായകനെന്ന നിലയില്‍ യാതൊരു ഉത്തരവാദിത്തവും കാട്ടിയില്ല. ഇഷാന്‍ കിഷന്‍ പുറത്തായ മൂന്നാം ഓവറില്‍ മോശം ഷോട്ട് കളിച്ചാണ് രോഹിത് മടങ്ങിയത്. ഒരേ ഓവറില്‍ രണ്ട് വിക്കറ്റ് വീണതോടെ മൂന്ന് ഓവറില്‍ മൂന്ന് വിക്കറ്റെന്ന നിലയിലേക്ക് മുംബൈ പതറി. ഈ സമ്മര്‍ദ്ദത്തില്‍ നിന്ന് കരകയറാന്‍ മുംബൈക്ക് സാധിക്കാതെ പോയി. രോഹിത് ശര്‍മ ബാറ്റിങ് ഓഡറില്‍ വരുത്തിയ മാറ്റം ടോപ് ഓഡറിന്റെ തകര്‍ച്ചക്ക് കാരണമായെന്ന് പറയാം.

മറ്റൊരു പ്രധാന പ്രശ്‌നം ബാറ്റിങ് നിരയില്‍ വരുത്തിയതാണ്. തിലക് വര്‍മ പരിക്കേറ്റ് പുറത്തായപ്പോള്‍ പകരക്കാരനായെത്തിയത് ട്രിസ്റ്റന്‍ സ്റ്റബ്‌സാണ്. ഡെവാള്‍ഡ് ബ്രെവിസിനെ ബെഞ്ചിലിരുത്തിയാണ് മുംബൈ സ്റ്റബ്‌സിന് അവസരം നല്‍കിയത്. സ്റ്റബ്‌സിനെക്കാളും മികച്ച ബാറ്റിങ് റെക്കോഡുള്ള താരമാണ് ബ്രെവിസ്. ബേബി എബിഡി എന്നറിയപ്പെടുന്ന താരത്തിന് അവസരം നല്‍കിയിരുന്നെങ്കില്‍ അതിവേഗം റണ്‍സുയര്‍ത്താന്‍ അദ്ദേഹത്തിന് സാധിക്കുമായിരുന്നു.

ഇത് മുംബൈയെ പിന്നോട്ടടിക്കുന്നതിന് കാരണമായി. സ്റ്റബ്‌സ് 21 പന്തില്‍ 20 റണ്‍സാണ് നേടിയത്. രണ്ട് ബൗണ്ടറി മാത്രമാണ് ഇതില്‍ ഉള്‍പ്പെടുക. അതിവേഗം റണ്‍സുയര്‍ത്താന്‍ സ്റ്റബ്‌സിന് സാധിച്ചില്ല. പന്തുകൊണ്ട് ഉപകാരിയായതിനാലാണ് സ്റ്റബ്‌സിനെ മുംബൈ പരിഗണിച്ചതെന്ന് പറയാം. എന്നാല്‍ ഇത് ബാറ്റിങ്ങിനെ കാര്യമായി ബാധിച്ചു. ടിം ഡേവിഡിനെ ബാറ്റിങ് ഓഡറില്‍ അല്‍പ്പം കൂടി നേരത്തെ ഇറക്കേണ്ടതായിരുന്നു. ഇതും രോഹിത്തിന്റെ കണക്കുകൂട്ടല്‍ തെറ്റിച്ചു. ഡേവിഡ് 4 പന്തില്‍ രണ്ട് റണ്‍സ് മാത്രമാണ് നേടിയത്.

IPL 2023: നാലാം നമ്പറില്‍ ഇന്ത്യയുടെ ഭാവി ഹീറോയാര്? മത്സരിച്ച് അഞ്ച് പേര്‍! ആരാണ് ബെസ്റ്റ്
ബൗളിങ് നിരയില്‍ അര്‍ഷാദ് ഖാനെ മുംബൈ പരിഗണിക്കുന്നതും മണ്ടത്തരമാണ്. പവര്‍പ്ലേയില്‍ നന്നായി പന്തെറിയുന്ന അര്‍ജുന്‍ ടെണ്ടുല്‍ക്കറെ ഈ സ്ഥാനത്ത് മുംബൈ പരിഗണിക്കേണ്ടതായിരുന്നു. ബാറ്റുകൊണ്ടും നിര്‍ണ്ണായക സംഭാവന ചെയ്യാന്‍ കഴിവുള്ളവനാണ് അര്‍ജുന്‍. എന്നാല്‍ മുംബൈ അര്‍ഷാദ് ഖാനെ പിന്തുണക്കുന്നു. എന്നാല്‍ അര്‍ഷാദ് തല്ലുകൊള്ളിയായി മാറുന്നതല്ലാതെ കാര്യമായൊന്നും ചെയ്യുന്നില്ല.
 

ശിവം ദുബെ ക്രീസിലേക്കെത്തിയപ്പോള്‍ പേസറെ പരീക്ഷിക്കാതിരുന്നതും രോഹിത്തിന്റെ പിഴവ്. മികച്ച കായിക ക്ഷമതയുള്ള ദുബെ ഈ സീസണില്‍ സ്പിന്നര്‍മാരെ നന്നായി പ്രഹരിച്ചിരുന്നു. ദുബെക്കെതിരേ പേസിനെ പരീക്ഷിച്ച് തുടക്കത്തിലേ വിക്കറ്റ് നേടാന്‍ രോഹിത് ശ്രമിച്ചില്ല. ഇതോടെ രാഘവ് ഗോയലിന്റെ ഓവറില്‍ രണ്ട് സിക്‌സറടക്കം പറത്തി സിഎസ്‌കെയുടെ സമ്മര്‍ദ്ദം ഒഴിവാക്കാന്‍ ദുബെക്ക് സാധിച്ചു.

ദുബെ നിലയുറപ്പിക്കുന്നതിന് മുമ്പ് തന്നെ ആര്‍ച്ചറെ പരീക്ഷിക്കാമായിരുന്നു. ഇതിന് രോഹിത് മുതിരാതിരുന്നത് ടീമിനെ പ്രതികൂലമായി ബാധിച്ചു. രോഹിത്തിന്റെ ബാറ്റിങ്ങിലെ മോശം ഫോം മുംബൈയെ വല്ലാതെ ബാധിക്കുന്നുണ്ട്. സീസണില്‍ താരത്തിന്റെ രണ്ടാമത്തെ ഡെക്കാണിത്. രോഹിത് ഫ്രീ വിക്കറ്റായി മാറുന്നത് മുംബൈയെ തുടക്കത്തിലേ സമ്മര്‍ദ്ദത്തിലാക്കുന്നു. രോഹിത്തിനെ പുറത്തിരുത്തി സൂര്യകുമാര്‍ യാദവിനെ ക്യാപ്റ്റനാക്കണമെന്ന അഭിപ്രായവും ശക്തമാവുന്നു.

ആകാശ് മദ് വാളിനെ അല്‍പ്പം കൂടി നേരത്തെ മുംബൈക്ക് ഉപയോഗിക്കാമായിരുന്നു. 17ാം ഓവര്‍ എറിയാനെത്തിയതാരം ഡെവോണ്‍ കോണ്‍വേയുടെ വിക്കറ്റ് നേടിയിരുന്നു. താരത്തെ നേരത്തെ കളത്തിലിറക്കാതിരുന്നതും നായകന്റെ പദ്ധതിയിലെ പാളിച്ചയാണെന്ന് പറയാം.

IPL 2023: എല്‍ ക്ലാസിക്കോയില്‍ മുംബൈ തരിപ്പണം! വമ്പന്‍ ജയം കൊയ്ത് സിഎസ്‌കെ

ചെന്നൈ: ക്രിക്കറ്റ് ലോകം കാത്തിരുന്ന ഐപിഎല്ലിലെ എല്‍ ക്ലാസിക്കോയില്‍ ചിരവൈരികളായ മുംബൈ ഇന്ത്യന്‍സിനെ തരിപ്പണമാക്കി ചെന്നൈ സൂപ്പര്‍ കിങ്‌സ്. ഹോംഗ്രൗണ്ടായ ചെപ്പോക്കില്‍ രോഹിത് ശര്‍മയെയും സംഘത്തെയും എംഎസ് ധോണിയുടെ മഞ്ഞപ്പട വാരിക്കളയുകയായിരുന്നു.

IPL 2023: ഒരു കളി പോലും നല്‍കിയില്ല, ഫ്രാഞ്ചൈസികള്‍ ‘വഞ്ചിച്ച’ മലയാളി താരങ്ങള്‍
ആറു വിക്കറ്റിന്റെ ആധികാരിക വിജയമാണ് ചെന്നൈ സ്വന്തമാക്കിയത്. ഈ സീസണില്‍ മുംബൈയ്ക്കുമേല്‍ സിഎസ്‌കെയുടെ രണ്ടാം ജയം കൂടിയാണിത്. നേരത്തേ മുംബൈയിലും ധോണിപ്പട വിജയക്കൊടി പാറിച്ചിരുന്നു. ഇന്നത്തെ മല്‍സരത്തിില്‍ നേടിയ ജയത്തോടെ 13 പോയിന്റുമായി സിഎസ്‌കെ ലീഗില്‍ രണ്ടാംസ്ഥാനത്തേക്കും കയറിയിരിക്കുകയാണ്.

 

140 റണ്‍സിന്റെ ചെറിയ വിജയലക്ഷ്യമായിരുന്നു ചെന്നൈയ്ക്കു മുംബൈ നല്‍കിയത്. തുടക്കത്തില്‍ തന്നെ ഒന്നോ, രണ്ടോ വിക്കറ്റുകളെടുത്താല്‍ മാത്രമേ മുംബൈയ്ക്കു സാധ്യതയുണ്ടായിരുന്നുള്ളൂ. എന്നാല്‍ ഓപ്പണിങ് വിക്കറ്റില്‍ റുതുരാജ് ഗെയ്ക്വാദ്- ഡെവന്‍ കോണ്‍വേ സഖ്യം 46 റണ്‍സ് നേടിയതോടെ ചെന്നൈ പിടിമുറുക്കുകയായിരുന്നു. 44 റണ്‍സെടുത്ത കോണ്‍വേയാണ് ടോപ്‌സ്‌കോറര്‍. 42 ബോളുകള്‍ നേരിച്ച അദ്ദേഹം നാലു ഫോറുകള്‍ നേടി.

റുതുരാജ് വളരെ അഗ്രസീവ് ഇന്നിങ്‌സായിരുന്നു കളിച്ചത്. വെറും 16 ബോളില്‍ നാലു ഫോറും രണ്ടു സിക്‌സറുമടക്കം 30 റണ്‍സ് താരം അടിച്ചെടുത്തു. അജിങ്ക്യ രഹാനെ (21), അമ്പാട്ടി റായുഡു (12) എന്നിവരാണ് പുറത്തായ മറ്റുള്ളവര്‍. ശിവം ദുബെയും (26*) ആറാമനായി ക്രീസിലെത്തിയ നായകന്‍ എംഎസ് ധോണിയും (2*) ചേര്‍ന്നാണ് സിഎസ്‌കെയുടെ ജയം പൂര്‍ത്തിയാക്കിയത്. സ്‌കോര്‍: മുംബൈ എട്ടിന് 139, ചെന്നൈ 17.4 ഓവറില്‍ നാലിനു 140.

നേരത്തേ ടോസ് നഷ്ടപ്പെട്ട് ബാറ്റിങിനയക്കപ്പെട്ട മുംബൈ എട്ടു വിക്കറ്റ് നഷ്ടത്തിലാണ് 139 റണ്‍സ് നേടിയത്. ടോപ് ഓര്‍ഡര്‍ പാളിയ മുംബൈയെ രക്ഷിച്ചത് മധ്യനിരയാണ്. യുവതാരം നെഹാല്‍ വദേര 64 റണ്‍സോടെ ടീമിന്റെ ടോപ്‌സ്‌കോററായി മാറി. 51 ബോളുകള്‍ നേരിട്ട താരത്തിന്റെ ഇന്നിങ്‌സില്‍ എട്ടു ഫോറും ഒരു സിക്‌സറുമുള്‍പ്പെട്ടിരുന്നു. സൂര്യകുമാര്‍ യാദവ് (26), ട്രിസ്റ്റണ്‍ സ്റ്റബ്‌സ് (20) എന്നിവരാണ് രണ്ടക്കം കടന്ന മറ്റുള്ളവര്‍. ബാറ്റിങ് ഓര്‍ഡറില്‍ മുംബൈ നടത്തിയ പരീക്ഷണം ഈ മല്‍സരത്തില്‍ വന്‍ ഫ്‌ളോപ്പാവുകയായിരുന്നു.

IPL 2023: അര്‍ഹിച്ച തോല്‍വി! സഞ്ജുവിന്റെ മണ്ടന്‍ ക്യാപ്റ്റന്‍സി, പിന്നെയെങ്ങനെ ജയിക്കും?
ഓപ്പണിങില്‍ നിന്നും മാറി മൂന്നാം നമ്പറില്‍ ബാറ്റ് ചെയ്യാനുള്ള രോഹിത്തിന്റെ നീക്ക് ക്ലിക്കായില്ല. അദ്ദേഹം തുടരെ രണ്ടാം മല്‍സരത്തിലും ഡെക്കായി ക്രീസ് വിട്ടു. ഇഷാന്‍ കിഷനോടൊപ്പം ഓപ്പണ്‍ ചെയ്തത് കാമറൂണ്‍ ഗ്രീനായിരുന്നു. രണ്ടു പേരും ബാറ്റിങില്‍ ഫ്‌ളോപ്പായി. ഗ്രീന്‍ ആറും ഇഷാന്‍ ഏഴും റണ്‍സാണ് നേടിയത്. മൂന്നോവറിനുള്ളില്‍ തന്നെ മൂന്നു വിക്കറ്റുകള്‍ മുംബൈയ്ക്കു നഷ്ടമായിരുന്നു.

ഇഷാനും രോഹിത്തും ഒരേ ഓവറിലാണ് മടങ്ങിയത്. ദീപക് ചാഹറാണ് ഇരുവരെയും പുറത്താക്കി മുംബൈയ്ക്കു ഇരട്ട പ്രഹരമേല്‍പ്പിച്ചത്. ഇതോടെ മുംബൈ മൂന്നിന് 14 റണ്‍സിലേക്കു വീണു. തുടര്‍ന്നായിരുന്നു മുംബൈയെ രക്ഷിച്ച കൂട്ടുകെട്ട്. നാലാം നമ്പറിലേക്കു പ്രൊമോഷന്‍ ലഭിച്ച വദേരയും അഞ്ചാമനായെത്തിയ സൂര്യയും ചേര്‍ന്ന് ഫിഫ്റ്റി പ്ലസ് റണ്‍സ് ടീം സ്‌കോറിലേക്കു കൂട്ടിച്ചേര്‍ത്തു. 55 റണ്‍സാണ് ഇരുവരും ചേര്‍ന്നടുത്തത്. ഈ കൂട്ടുകെട്ട് കരുത്താര്‍ജിക്കവെയാണ് അപകടകാരിയായ സൂര്യയെ ബൗള്‍ഡാക്കി ജഡേജ സിഎസ്‌കെയ്ക്കു നിര്‍ണായക ബ്രേക്ക്ത്രൂ നല്‍കിയത് (നാലിന് 69).

അഞ്ചാം വിക്കറ്റില്‍ മറ്റൊരു ഫിഫ്റ്റി പ്ലസ് കൂട്ടുകെട്ട് കൂടി മുംബൈ ഇന്നിങ്‌സില്‍ കണ്ടു. വദേര- ട്രിസ്റ്റണ്‍ സ്റ്റബ്‌സ് സഖ്യം 54 റണ്‍സ് നേടിയതോടെ മുംബൈയുടെ ടോട്ടല്‍ 120 കടന്നു. 150 പ്ലസ് റണ്‍സായിരുന്നു മുംബൈ ലക്ഷ്യമിട്ടതെങ്കിലും ഡെത്ത് ഓവറുകളില്‍ ചെന്നൈയുടെ ഉജ്ജ്വല ബൗളിങ് അവരെ പിടിച്ചുകെട്ടി.

മൂന്നു വിക്കറ്റുകളടുത്ത ശ്രീലങ്കന്‍ പേസര്‍ മതീശ പതിരാനയാണ് സിഎസ്‌കെ ബൗളര്‍മാരില്‍ ഏറ്റവും മികച്ചുനിന്നത്. നാലോവറില്‍ 15 റണ്‍സ് മാത്രം വിട്ടുകൊടുത്താണ് അദ്ദേഹം മൂന്നു പേരെ പുറത്താക്കിയത്. ദീപക് ചാഹറും തുഷാര്‍ ദേശ്പാണ്ഡെയും രണ്ടു വിക്കറ്റുകള്‍ വീതം പങ്കിടുകയും ചെയ്തു.

ടോസിനു ശേഷം സിഎസ്‌കെ ക്യാപ്റ്റന്‍ എംഎസ് ധോണി ബൗളിങ് തിരഞ്ഞെടുക്കുകയായിരുന്നു. മഴയെ തുടര്‍ന്നുള്ള പിച്ചിലെ ഈര്‍പ്പം കണക്കിലെടുത്താണ് ബൗളിങ് എടുക്കുന്നതെന്നു അദ്ദേഹം വ്യക്തമാക്കി. കഴിഞ്ഞ മല്‍സരത്തിലെ അതേ ടീമിനെ ചെന്നൈ നിലനിര്‍ത്തിയപ്പോള്‍ മുംബൈ ടീമില്‍ ചില മാറ്റങ്ങളുണ്ടായിരുന്നു. സ്പിന്നര്‍ കുമാര്‍ കാര്‍ത്തികേയക്കു പകരം രാഘവ് ഗോയല്‍ ഈ മല്‍സരത്തിലൂടെ മുംബൈയ്ക്കായി അരങ്ങേറി. പരിക്കു കാരണം തിലക് വര്‍മയ്ക്കു പുറത്തിരിക്കേണ്ടി വന്നപ്പോള്‍ പകരം ട്രിസ്റ്റണ്‍ സ്റ്റബ്‌സ് ടീമിലേക്കു വന്നു.

IPL 2023: ഇത് ഒത്തുകളി തന്നെ! തെളിവുകള്‍ നിരവധി- സഞ്ജുവില്‍ നിന്ന് ഇത് പ്രതീക്ഷിച്ചില്ല

ജയ്പൂര്‍: ഇന്ത്യന്‍ പ്രീമിയര്‍ ലീഗിന്റെ 16ാം സീസണിലെ പ്ലേ ഓഫ് പോരാട്ടങ്ങള്‍ കടുക്കുമ്പോള്‍ മത്സരം കൂടുതല്‍ ആവേശമാവുകയാണ്. സൂപ്പര്‍ ഫോറില്‍ നില്‍ക്കുന്നവരുടെ വഴിമുടക്കി അവസാന സ്ഥാനക്കാര്‍ ഉയര്‍ന്നുവരുന്നതോടെ ടൂര്‍ണമെന്റ് ആവേശകരമാവുകയാണ്. അവസാന മത്സരത്തില്‍ രാജസ്ഥാന്‍ റോയല്‍സിനെ സണ്‍റൈസേഴ്‌സ് ഹൈദരാബാദ് നാല് വിക്കറ്റിന് തോല്‍പ്പിച്ചിരിക്കുകയാണ്. അവസാന പന്തിലേക്ക് നീണ്ട ആവേശത്തിനൊടുവിലാണ് ഹൈദരാബാദിന്റെ ജയം.

IPL 2023: കളി തോല്‍പ്പിച്ചത് ഹൂഡ! ലഖ്‌നൗവിന്റെ വലിയ മണ്ടത്തരം- രൂക്ഷ വിമര്‍ശനം
ജയിക്കേണ്ട കളിയാണ് രാജസ്ഥാന്‍ കൈവിട്ട് കളഞ്ഞത്. ഒന്നും നഷ്ടപ്പെടാനില്ലാത്തവരെപ്പോലെ ഹൈദരാബാദ് കളം നിറഞ്ഞ് കളിച്ചതോടെ രാജസ്ഥാന്‍ കളിമറന്നു. നായകനെന്ന നിലയില്‍ സഞ്ജു സാംസണിന്റെ തീരുമാനങ്ങളൊന്നും കളത്തില്‍ ക്ലിക്കായില്ലെന്നതും ദൗര്‍ഭാഗ്യകരം. ഇപ്പോഴിതാ രാജസ്ഥാന്റെ തുടര്‍ച്ചയായ രണ്ടാം തോല്‍വിക്ക് പിന്നാലെ ഒത്തുകളി ആരോപണം ശക്തമായി ഉയര്‍ത്തുകയാണ് ആരാധകര്‍. ഇതിന്റെ തെളിവുകളും ആരാധകര്‍ നിരത്തുന്നു.

ഫീല്‍ഡിങ്ങില്‍ വരുത്തിയ പിഴവുകളെയാണ് പ്രധാനമായും ആരാധകര്‍ ഒത്തുകളി സംശയമായി ഉയര്‍ത്തിക്കാട്ടുന്നത്. സഞ്ജു സാംസണ്‍ ഒരു അനായാസ റണ്ണൗട്ടവസരം പാഴാക്കി. ഇത് വിട്ടുകളയാമെങ്കില്‍ത്തന്നെ ഒബെഡ് മക്കോയി എറിഞ്ഞ 17ാം ഓവറിലെ രണ്ടാം പന്തില്‍ രാഹുല്‍ ത്രിപാഠിയുടെ അനായാസ ക്യാച്ച് സഞ്ജു പാഴാക്കിയിരുന്നു. സാധാരണ ഡൈവിങ് ക്യാച്ചുകള്‍ അനായാസമായി നേടുന്ന സഞ്ജു ഇത്രയും അനായാസ ക്യാച്ച് നഷ്ടപ്പെടുത്തിയത് എങ്ങനെയെന്നാണ് ആരാധകരുടെ ചോദ്യം.

മനപ്പൂര്‍വ്വം വിട്ടുകളയുന്ന പോലെയാണ് തോന്നിയതെന്നാണ് ആരാധകര്‍ പറയുന്നത്. തൊട്ടടുത്ത പന്തില്‍ ത്രിപാഠി സിക്‌സര്‍ പറത്തി. സഞ്ജു ത്രിപാഠിയുടെ ക്യാച്ചെടുത്തിരുന്നെങ്കില്‍ മത്സരം രാജസ്ഥാന് അനുകൂലമായി മാറുമായിരുന്നു. എന്നാല്‍ നായകന്‍ വരുത്തിയ വലിയ പിഴവില്‍ പിടിച്ചാണ് ഹൈദരാബാദ് വിജയത്തിലേക്ക് പിടിച്ചുകയറിയത്. സഞ്ജു സാധാരണ വിക്കറ്റിന് പിന്നില്‍ വലിയ മിടുക്കുകാട്ടുന്ന താരമാണെങ്കിലും ഹൈദരാബാദിനെതിരേ നിരാശപ്പെടുത്തി.

18ാം ഓവര്‍ എറിയാനെത്തിയ യുസ് വേന്ദ്ര ചഹാല്‍ മൂന്ന് റണ്‍സ് മാത്രം വിട്ടുകൊടുത്ത് രണ്ട് വിക്കറ്റ് വീഴ്ത്തി മത്സരം രാജസ്ഥാന് അനുകൂലമാക്കിയതാണ്. എന്നാല്‍ 19ാം ഓവര്‍ എറിയാനെത്തിയ കുല്‍ദീപ് യാദവ് എല്ലാം നശിപ്പിച്ചു. ആദ്യത്തെ മൂന്ന് പന്തും സിക്‌സര്‍ വഴങ്ങിയ താരം ഒരു ബൗണ്ടറിയും ഇതേ ഓവറില്‍ വിട്ടുകൊടുത്തു. ആദ്യത്തെ രണ്ട് സിക്‌സുകളും ഗ്ലെന്‍ ഫിലിപ്‌സ് നേടിയത് ഫുള്‍ട്ടോസിലാണ്. ജേസന്‍ ഹോള്‍ഡര്‍ മുംബൈക്കെതിരേ ചെയ്തതാണ് ഇപ്പോള്‍ കുല്‍ദീപും ചെയ്തിരിക്കുന്നത്.

IPL 2023: രോഹിത് നയിക്കും, റായിഡു നാലാമന്‍- ഈ സീസണിലെ ഫ്‌ളോപ്പ് 11 ഇതാ
24 റണ്‍സാണ് ഈ ഓവറില്‍ പിറന്നത്. അവസാന ഓവറില്‍ ഹൈദരാബാദിന് ജയിക്കാന്‍ 17 റണ്‍സായിരുന്നു വേണ്ടിയിരുന്നത്. സന്ദീപ് ശര്‍മ ഓവര്‍ ചെയ്യാനിരിക്കെ രാജസ്ഥാന് വിജയ പ്രതീക്ഷയുണ്ടായിരുന്നു. സിഎസ്‌കെയെ പിടിച്ചുകെട്ടിയ സന്ദീപിന് പക്ഷെ ഇത്തവണ പിഴച്ചു. അവസാന ഓവറിലെ ആദ്യ പന്തില്‍ അബ്ദുല്‍ സമദിന്റെ അനായാസ ക്യാച്ച് സൃഷ്ടിക്കാന്‍ സന്ദീപിനായെങ്കിലും മക്കോയി അനായാസ ക്യാച്ച് പാഴാക്കി. ഇതും സംശയം ഉയര്‍ത്തുന്ന കാര്യമാണ്.

ഓവറിലെ അവസാന പന്ത് പൂര്‍ത്തിയാക്കി വിജയം നേടിയ കണക്കെ സന്ദീപ് ആകാശത്തേക്ക് കൈകള്‍ ഉയര്‍ത്തവെയാണ് അത് നോബോളാണെന്ന വിധിയെത്തുന്നത്. ഇതോടെ ഫ്രീഹിറ്റായ പന്തിനെ സിക്‌സര്‍ പറത്തി അബ്ദുല്‍ സമദ് ഹൈദരാബാദിന് വിജയം സമ്മാനിക്കുകയായിരുന്നു. ഈ നോബോളും സംശയിക്കേണ്ടതാണെന്നും അവസാന പന്തുവരെ മത്സരം നീട്ടികൊണ്ടുപോകുന്നതിന് പിന്നില്‍ ഒത്തുകളി സംഘത്തിന്റെ ഇടപെടലുകളുണ്ടാവാമെന്നും ആരാധകര്‍ സംശയിക്കുന്നു.

ഒബെഡ് മക്കോയി ഡെത്ത് ഓവര്‍ സ്‌പെഷ്യലിസ്റ്റാണ്. ഇംപാക്ട് പ്ലയറായെത്തി ഓരോവര്‍ മാത്രമാണ് താരം പന്തെറിഞ്ഞത്. അല്‍പ്പം കൂടി നേരത്തെ പന്തെറിയാന്‍ ഇറക്കണമായിരുന്നുവെന്ന ആരോപണവും ശക്തമായി ഉയരുന്നു. 19ാം ഓവറില്‍ എന്തുകൊണ്ടാണ് മക്കോയി എറിയാത്തതെന്നാണ് ആരാധകര്‍ ചോദിക്കുന്നത്. കുല്‍ദീപ് യാദവിനെക്കാളും അനുഭവസമ്പന്നനും ഡെത്ത് ഓവര്‍ എറിഞ്ഞ് പരിചയസമ്പത്തുള്ളവനായിട്ടും താരത്തിന് 19ാം ഓവര്‍ നല്‍കാതിരുന്നതും കളി തോല്‍ക്കാന്‍ കാരണമായെന്ന് പറയാം.

ഐസിസി ഏകദിന ലോകകപ്പ്: തിരുവനന്തപുരം ഗ്രീൻഫീൽഡ് സ്റ്റേഡിയം വേദിയായേക്കും

തിരുവനന്തപുരം: ഈ വര്‍ഷം ഇന്ത്യയില്‍ നടക്കുന്ന ഏകദിന ലോകകപ്പിന് തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയവും വേദിയായേക്കും. ബിസിസിഐ പുറത്തിറക്കിയ ലോകകപ്പ് വേദികളുടെ ചുരുക്കപ്പട്ടികയിലാണ് കാര്യവട്ടം ഗ്രീന്‍ഫീല്‍ഡ് സ്റ്റേഡിയവും ഉൾപ്പെട്ടത്.

അഹമ്മദാബാദ്, നാഗ്പുർ, ബെംഗളൂരു, തിരുവനന്തപുരം, മുംബൈ, ഡൽഹി, ലക്നൗ, ഗുവാഹത്തി, ഹൈദരാബാദ്, കൊൽക്കത്ത, രാജ്‌കോട്ട്, ഇൻഡോർ, ധരംശാല, ചെന്നൈ എന്നീ വേദികളാണ് ചുരുക്കപ്പട്ടികയിലുള്ളത്.

പരിശീലന മത്സരങ്ങൾ ഉൾപ്പടെ ഇവിടെയായിരിക്കും നടത്തുക. ഇവയിൽ ഏഴു വേദികളിൽ മാത്രമായിരിക്കും ഇന്ത്യയുടെ ലീഗ് മത്സരങ്ങൾ ഉണ്ടാകുക. ഐപിഎല്ലിന് ശേഷമാകും ഇതു സംബന്ധിച്ച ഔദ്യോഗിക പ്രഖ്യാപനമുണ്ടാകുക.