ന്യൂഡല്‍ഹി: 2021-22 സാമ്പത്തിക വര്‍ഷത്തില്‍ 8.7 ശതമാനം വളര്‍ച്ച നേടി ഇന്ത്യന്‍ സമ്പദ് വ്യവസ്ഥ. നാഷണല്‍ സ്റ്റാറ്റിസ്റ്റിക്കല്‍ ഓഫീസ് (എന്‍.എസ്.ഒ.) ചൊവ്വാഴ്ച പുറത്തുവിട്ട കണക്കുകളാണ് ഇക്കാര്യം വ്യക്തമാക്കുന്നത്. 2020-21-ല്‍ ഇന്ത്യയുടെ ജി.ഡി.പി. (മൊത്ത ആഭ്യന്തര ഉത്പാദനം) 6.6 ശതമാനമായിരുന്നു. ഇതില്‍നിന്നാണ് 2021-22-ല്‍ ജി.ഡി.പി. 8.7 ശതമാനം വളര്‍ച്ച നേടിയത് അതേസമയം എട്ട് കോര്‍ ഇന്‍ഡസ്ട്രികളുടെ കംബൈന്‍ഡ് ഇന്‍ഡക്‌സ് 2022 ഏപ്രിലില്‍ 143.2 ശതമാനമാണ്. 2021 ഏപ്രിലേതിനെ അപേക്ഷിച്ച് 8.4 ശതമാനം വളര്‍ച്ചയാണ് ഇതില്‍ ഉണ്ടായിരിക്കുന്നത്. കല്‍ക്കരി, ക്രൂഡ് ഓയില്‍, പ്രകൃതിവാതകം, റിഫൈനറി പ്രോഡക്ട്‌സ്, വളം, സ്റ്റീല്‍, സിമന്റ്, വൈദ്യുതി എന്നിവയാണ് എട്ട് കോര്‍ ഇന്‍ഡസ്ട്രികള്‍ 2021-22 സാമ്പത്തികവര്‍ഷം, ജനുവരി മുതല്‍ മാര്‍ച്ച് വരെയുള്ള പാദത്തില്‍ 4.1 ശതമാനമാണ് ജി.ഡി.പി. വളര്‍ന്നത്. തൊട്ടുമുന്‍പത്തെ പാദത്തില്‍ ഇന്ന് 5.4 ശതമാനമായിരുന്നു. അതേസമയം 2.5 ശതമാനമായിരുന്നു 2020-21 സാമ്പത്തിക വര്‍ഷത്തില്‍ ജനുവരി-മാര്‍ച്ച് പാദത്തിലെ ജി.ഡി.പി. വളര്‍ച്ചയെന്നും എന്‍.എസ്.ഒയുടെ കണക്കുകള്‍ വ്യക്തമാക്കുന്നു.
