മുന് രാഷ്ട്രപതി എ പി ജെ അബ്ദുല് കലാമിന്റെ ചരമ വാര്ഷിക ദിനവുമായി ബന്ധപ്പെട്ടു തൃശൂര് ശക്തന് മാര്ക്കറ്റിനടുത്ത് മിഷന് കൊട്ടെഴ്സു റോഡിലുള്ള ടി സി ഗോള്ഡ് ഉടമ ബിജു തെക്കിനിയത്തിന്റെയും സുഹൃത്ത് പ്രിന്സന് അവിണിശ്ശേരിയുടെയും സഹകരണത്തോടെ മൂവായിരം പവന് സ്വര്ണാഭരണങ്ങള് ഉപയോഗിച്ച് പത്തടി വലുപ്പത്തില് ആദരസൂചകമായാണ് സ്വര്ണചിത്രം നിര്മ്മിച്ചത്.
സ്വര്ണത്തിന്റെ വളയും മാലയും മോതിരവും പതക്കങ്ങളും കമ്മലും ചെയിനും ഒക്കെയായി അഞ്ചുമണിക്കൂര് സമയമെടുത്ത് വരച്ച ചിത്രമാണിത്.നൂറു മീഡിയത്തിലേയ്ക്കുള്ള ഡാവിഞ്ചി സുരേഷിൻ്റെ യാത്രയില് എഴുപത്തി ഒന്നാമത്തെ മീഡിയം ആണ് സ്വര്ണം.വ്യത്യസ്ത മീഡിയങ്ങളില് ചിത്രം രചിച്ച് അത്ഭുതപ്പെടുത്തുകയാണ് ഡാവിഞ്ചി സുരേഷ്.