സ്റ്റേറ്റ് ബാങ്ക് ഓഫ് ഇന്ത്യയിൽ ജൂനിയർ അസോസിയേറ്റ് (കസ്റ്റമർ സപ്പോർട്ട് ആൻഡ് സെയിൽസ്) തസ്തികയിലേക്കുള്ള വിജ്ഞാപനം പ്രസിദ്ധീകരിച്ചു. നേരത്തേ ക്ലാർക്ക് എന്ന പേരിൽ അറിയപ്പെട്ടിരുന്ന തസ്തികയാണിത്. ബിരുദധാരികൾക്കാണ് അപേക്ഷിക്കാൻ അവസരം.
14,191 (റഗുലർ-13,735, ബാക്ക് ലോഗ്-456) ഒഴിവുണ്ട്. ഇതിൽ 428 ഒഴിവ് കേരളത്തിലാണ് (റഗുലർ-426, ബാക്ക് ലോഗ്-2).
യോഗ്യത: അംഗീകൃത സർവകലാശാലയിൽനിന്ന് ഏതെങ്കിലും വിഷയത്തിൽ നേടിയ ബിരുദം/ തത്തുല്യമാണ് യോഗ്യത. 2024 ഡിസംബർ 31-നോ അതിനുമുൻപോ നേടിയതായിരിക്കണം യോഗ്യത. ഏത് സംസ്ഥാനത്തേക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശികഭാഷ (കേരളത്തിലെയും ലക്ഷദ്വീപിലെയും ഒഴിവുകളിലേക്ക് അപേക്ഷിക്കുന്നവർക്ക് മലയാളം) അറിഞ്ഞിരിക്കണം.
പ്രായം: 1.4.2024-ന് 20-28 വയസ്സ്. ഉയർന്ന പ്രായപരിധിയിൽ എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഇളവുണ്ട്.
വിധവകൾക്കും പുനർവിവാഹിതരാവാത്ത വിവാഹമോചിതകൾക്കും 35 വയസ്സുവരെ (എസ്.സി., എസ്.ടി.-40, ഒ.ബി.സി.-38) അപേക്ഷിക്കാം. എസ്.ബി.ഐ.യിൽ 30.11.2024-നോ അതിനുമുൻപോ അപ്രന്റിസ്ഷിപ്പ് വിജയകരമായി പൂർത്തിയാക്കിയവർക്ക് ജനറൽ/ ഇ.ഡബ്ല്യു.എസ്.-ഒരു വർഷം, ഒ.ബി.സി.-4 വർഷം, എസ്.സി., എസ്.ടി.-6 വർഷം, ഭിന്നശേഷി (എസ്.സി./എസ്.ടി)-16 വർഷം, ഭിന്നശേഷി (ഒ.ബി.സി.)-14 വർഷം ഭിന്നശേഷി (ജനറൽ/ ഇ.ഡബ്ല്യു.എസ്.)-11 വർഷം എന്നിങ്ങനെയും വയസ്സിളവിന് അർഹതയുണ്ടായിരിക്കും.
വിശദവിവരങ്ങൾക്കും അപേക്ഷിക്കുന്നതിനും sbi.co.in സന്ദർശിക്കുക.
അവസാനതീയതി: ജനുവരി ഏഴ്.
