ഇന്ത്യൻ വിളവെടുപ്പ് ഉത്സവങ്ങളെ വരവേൽക്കുന്നതിന്റെ ഭാഗമായി ബഹ്റൈൻ ലുലു ഹൈപ്പർമാർക്കറ്റിൽ പ്രത്യേക വിലക്കുറവിൽ വൈവിധ്യമാർന്ന ഉത്പന്നങ്ങൾ വിൽപ്പനയ്ക്കെത്തി. വടക്കേ ഇന്ത്യക്കാർ ആഘോഷിക്കുന്ന ലൊഹ്രി, തെക്കേ ഇന്ത്യയിലെ തൈപ്പൊങ്കൽ, മകര സംക്രാന്തി തുടങ്ങിയ ഉത്സവങ്ങൾ പ്രമാണിച്ചാണ് പ്രത്യേക വില്പന. പാരമ്പര്യ രീതികളിലുള്ള ഭക്ഷണങ്ങളും മറ്റു ഉപഭോക്തൃ വസ്തുക്കളും വളരെ കുറഞ്ഞ വിലയിൽ നൽകുന്നുവെന്ന് ലുലു അധികൃതർ അറിയിച്ചു.
കരിമ്പ്, മഞ്ഞൾ ഇലകൾ, മാവിലകൾ, വേരോടു കൂടിയ മഞ്ഞൾ തുടങ്ങി വാതിലുകൾ അലങ്കരിക്കുന്ന ഈറ്റ പോലുള്ള സാധനങ്ങളും പ്രത്യേകമായി ഇന്ത്യയിൽ നിന്നും എത്തിച്ചിരിക്കുന്നു. ശുദ്ധമായ നെയ്യിൽ പാകപ്പെടുത്തിയ മധുര പലഹാരങ്ങളും തൈര് സാദം, തേങ്ങാ ഉപയോഗിച്ചുള്ള ചോറ്, ആലൂ പൊറോട്ട തുടങ്ങി വൈവിധ്യമാർന്ന ഭക്ഷണ പദാർഥങ്ങളും കൂടിയായപ്പോൾ നാട്ടിലാണെന്ന തോന്നൽ തന്നെ ഉപഭോക്താവിന് വരുത്തുകയെന്ന ലക്ഷ്യവും നിറവേറി.
കൂടാതെ വിവിധ തരത്തിലുള്ള സാരികൾ, സൽവാർ കമ്മീസ്, ലെഹങ്ക, കുട്ടികളുടെ പട്ടുപാവാടയും ബ്ലൗസും, പുരുഷന്മാർക്കായുള്ള വിവിധതരം വസ്ത്രങ്ങൾ തുടങ്ങി ഒരു വിപുല ശേഖരമാണ് ലുലുവിൽ ഒരുക്കിയിട്ടുള്ളത്. രണ്ടു സാധനങ്ങൾ വാങ്ങിക്കുമ്പോൾ ഒന്ന് സൗജന്യം എന്ന വില്പനയും ലുലുവിൽ തുടരുന്നു. കൂടാതെ പച്ചക്കറികളും പഴവർഗങ്ങളും വൻവിലക്കുറവിൽ ലഭ്യമാണ്. പ്രത്യേക വില്പന പ്രമാണിച്ചു ആവശ്യത്തിനുള്ള സ്റ്റോക്ക് എത്തിച്ചിട്ടുണ്ടെന്നും അധികൃതർ അറിയിച്ചു.
