ജഗ്വാര്‍ ലാന്‍ഡ് റോവറിന്റെ റേഞ്ച് റോവര്‍, റേഞ്ച് റോവര്‍ സ്‌പോര്‍ട് കാറുകള്‍ ഇന്ത്യയില്‍ അസംബിള്‍ ചെയ്യാന്‍ ടാറ്റ മോട്ടോഴ്‌സ്. കമ്പനിയുടെ പുണെ പ്ലാന്റിലാണ് ഇതിനു സൗകര്യമൊരുക്കിയിരിക്കുന്നത്. 1970 മുതല്‍ ബ്രിട്ടനിലെ സോലിഹള്ളിലാണ് ഈ രണ്ടു മോഡലുകളും ഉത്പാദിപ്പിക്കുന്നത്. ആദ്യമായാണ് ബ്രിട്ടനുപുറത്ത് ജെ.എല്‍.ആറിന്റെ റേഞ്ച് റോവര്‍, റേഞ്ച് റോവര്‍ സ്‌പോര്‍ട് മോഡലുകള്‍ അസംബിള്‍ ചെയ്യുന്നത്.
ഈമാസം അവസാനത്തോടെ ഈ കാറുകള്‍ വിതരണത്തിനെത്തുമെന്ന് ജെ.എല്‍.ആര്‍. മാനേജിങ് ഡയറക്ടര്‍ രാജന്‍ അംബ പറഞ്ഞു. ഇന്ത്യയില്‍ അസംബിള്‍ ചെയ്യുന്നതുവഴി വിലയില്‍ 18മുതല്‍ 22 ശതമാനംവരെ കുറവുവരുമെന്നും അദ്ദേഹം വ്യക്തമാക്കി. റേഞ്ച് റോവറിന്റെ വില നിലവിലെ 3.3 കോടി രൂപയില്‍നിന്ന് 2.6 കോടിയായി കുറയും. റേഞ്ച് റോവര്‍
സ്‌പോര്‍ടിന്റെ വില 1.8 കോടിയില്‍നിന്ന് 1.4 കോടിയായി താഴും.
ആഡംബര കാറുകള്‍ നേരിട്ട് ഇറക്കുമതി ചെയ്യുമ്പോള്‍ 100 ശതമാനം നികുതിയാണ് ഇന്ത്യ ചുമത്തുന്നത്. പുണെ പ്ലാന്റില്‍ നിലവില്‍ റേഞ്ച് റോവര്‍ വേലാര്‍, ഇവോക്,
ജഗ്വാര്‍ എഫ് പേസ്, ഡിസ്‌കവറി സ്‌പോര്‍ട് മോഡലുകള്‍ അസംബിള്‍ ചെയ്യുന്നുണ്ട്. ഇന്ത്യന്‍ വിപണിയില്‍ ജഗ്വാര്‍ ലാന്‍ഡ് റോവര്‍ കാറുകള്‍ക്ക് ആവശ്യം ശക്തമാണ്.
ഇന്ത്യന്‍ വിപണിയിലുള്ള ആത്മവിശ്വാസംകൊണ്ടാണ് റേഞ്ച് റോവര്‍, റേഞ്ച് റോവര്‍ സ്‌പോര്‍ട് മോഡലുകള്‍ ഇവിടെ അസംബിള്‍ ചെയ്യുന്നതെന്ന് ടാറ്റ സണ്‍സ് ചെയര്‍മാന്‍
എന്‍. ചന്ദ്രശേഖരന്‍ വ്യക്തമാക്കി. 2008-ല്‍ ജഗ്വാര്‍ ലാന്‍ഡ് റോവറിനെ ഏറ്റെടുത്തതിന് ചെയര്‍മാന്‍ എമരിറ്റസ് രത്തന്‍ ടാറ്റയോട് അദ്ദേഹം നന്ദി രേഖപ്പെടുത്തി.
അടുത്ത രണ്ടുമൂന്നു വര്‍ഷത്തിനുള്ളില്‍ ഇന്ത്യയില്‍ വില്‍പ്പന ഇരട്ടിയാക്കാനാണ് ജെ.എല്‍.ആര്‍. ലക്ഷ്യമിടുന്നത്. 2023 കലണ്ടര്‍ വര്‍ഷത്തില്‍ ജെ.എല്‍.ആര്‍. ലക്ഷ്യമിടുന്നത്. 2023 കലണ്ടര്‍ വര്‍ഷത്തില്‍ ജെ.എല്‍.ആര്‍. 4436 വാഹനമാണ് ഇന്ത്യയില്‍ വിറ്റഴിച്ചത്. 2022-ലെക്കാള്‍ 81 ശതമാനമാണ് വര്‍ധന. അതേസമയം, ജെ.എല്‍ആര്‍. 4436 വാഹനമാണ് ഇന്ത്യയില്‍ വിറ്റഴിച്ചത്. 2022-ലെക്കാള്‍ 81 ശതമാനമാണ് വര്‍ധന. അതേസമയം, ജെ.എല്‍.ആര്‍. കാറുകള്‍ പൂര്‍ണതോതില്‍ ഇന്ത്യയില്‍ വിറ്റഴിച്ചത്. 2022-ലെക്കാള്‍ 81 ശതമാനമാണ് വര്‍ധന. അതേസമയം, ജെ.എല്‍.ആര്‍. കാറുകള്‍ പൂര്‍ണതോതില്‍ ഇന്ത്യയില്‍ നിര്‍മിക്കാന്‍ പദ്ധതി ഇപ്പോഴില്ലെന്ന് രാജന്‍ അംബ പറഞ്ഞു.
