നാളികേര ഉത്പാദനത്തിൽ കേരളത്തെ കടത്തിവെട്ടി കർണാടക. രാജ്യത്തെ നാളികേര വിപണിയിൽ ദക്ഷിണേന്ത്യൻ സംസ്ഥാനമായ കർണാടകയാണ് ഒന്നാമത്. 2016 മുതൽ ഏറ്റവും കൂടുതൽ നാളികേര ഉത്പാദിപ്പിക്കുന്ന സംസ്ഥാനമാണിത്.
കേന്ദ്രത്തിന്റെ നാളികേര വികസന ബോർഡിന്റെ (സിഡിബി) കണക്കനുസരിച്ച് 2022-2023 ൽ കർണാടക ഉത്പാദിപ്പിച്ചത് 595 കോടി തേങ്ങയാണ്. 563 കോടിയുമായി കേരളം തൊട്ടുപിന്നിലുണ്ട്. 2021-22 കാലയളവിൽ കേരളം 552 കോടിയും കർണാടക 518 കൊടിയുമായിരുന്നു നാളികേര ഉത്പാദനം.
2023 -24 ലെ ആദ്യ രണ്ട് പാദങ്ങളിലെ സിഡിബിയുടെ താൽക്കാലിക എസ്റ്റിമേറ്റ് പ്രകാരം, കേരളം ബഹുദൂരം പിന്നോട്ട് പോയി. നാളികേര ഉത്പാദനത്തിൽ 726 കോടിയുമായി കർണാടക ഒന്നാം സ്ഥാനത്തെത്തിയപ്പോൾ തമിഴ്നാടാണ് (578 കോടി) രണ്ടാം സ്ഥാനത്ത്. 564 കോടിയുമായി കേരളം മൂന്നാം സ്ഥാനത്തേക്ക് പിന്തള്ളപ്പെട്ടു. ഇന്ത്യയുടെ നാളികേര ഉത്പാദനത്തിന്റെ 28.5 ശതമാനവും കർണാടകയാണ് സംഭാവന ചെയ്യുന്നത്. ബോൾ കൊപ്ര ഉത്‌പാദനത്തിലും കർണാടക കേരളത്തെ പിന്തള്ളി.
