ഇന്ന് മിക്കവീടുകളിലും ഒഴിവാക്കാൻ പറ്റാത്ത വിഭവമായി ചപ്പാത്തി മാറിയിട്ടുണ്ട്. കാർബോഹൈഡ്രേറ്റ് തീരെ കുറഞ്ഞ, പ്രോട്ടീൻ അടങ്ങിയ ആരോഗ്യപ്രദമായ ആഹാരമാണിത്. എന്നാൽ, നല്ല വട്ടത്തിലുള്ള, മൃദുവായ ചപ്പാത്തി കുഴച്ചുണ്ടാക്കുക എന്നത് മിക്കവർക്കും ബുദ്ധിമുട്ടേറിയ കാര്യമാണ്. ഇതിന് ടിപ്സ് പങ്കുവെച്ചിരിക്കുകയാണ് പ്രശസ്ത ഷെഫായ പങ്കജ് ബദൗരിയ. ഇൻസ്റ്റഗ്രാമിൽ പങ്കുവെച്ച വീഡിയോയിലൂടെയാണ് അവർ എളുപ്പത്തിൽ, മൃദുവായ ചപ്പാത്തി തയ്യാറാക്കുന്ന രീതി പരിചയപ്പെടുത്തിയിരിക്കുന്നത്.ചപ്പാത്തിക്കുള്ള മാവ് കുഴച്ചശേഷം 15 മിനിറ്റോളം കാത്തിരിക്കുക.
![](https://20-20journals.in/wp-content/uploads/2022/06/Copy-of-GLOBAL-BRIGHT-ACADEMY-PALA-2-576x1024.jpg)
1. ചപ്പാത്തിക്കുള്ള മാവ് കുഴയ്ക്കുന്നതിന് മുമ്പായി പൊടിയിൽ എണ്ണയും ഉപ്പും ചേർക്കുക.
2. മാവ് കുഴയ്ക്കുന്നതിന് പച്ചവെള്ളം ഉപയോഗിക്കുന്നതിന് പകരം ചെറിയ ചൂട് വെള്ളം ഉപയോഗിക്കുക.
3. ചപ്പാത്തിക്കുള്ള മാവ് കുഴച്ചശേഷം 15 മിനിറ്റോളം കാത്തിരിക്കുക
4. 15 മിനിറ്റിന് ശേഷം ഒരു മിനിറ്റോളം മാവ് ഒന്നുകൂടി കുഴയ്ക്കുക.
5. ചപ്പാത്തി എപ്പോഴും മീഡിയം ഫ്ളെയിമിൽ പാകം ചെയ്തെടുക്കുക.
ബലൂൺ പോലെ വീർത്തുവരുന്ന മൃദുവായ ചപ്പാത്തി തയ്യാറാക്കുന്നതിന് ഈ എളുപ്പവഴികൾ പരിചയപ്പെടാം എന്ന ക്യാപ്ഷനോടെയാണ് പങ്കജ് ബദൗരിയ വീഡിയോ പങ്കുവെച്ചിരിക്കുന്നത്
![](https://20-20journals.in/wp-content/uploads/2022/06/f312b204-faeb-454d-9d10-80508ef02c42-723x1024.jpg)