ഗതാഗത നിയമങ്ങള് കര്ശനമാക്കി നടപ്പാക്കുകയാണ് മോട്ടോര് വാഹന വകുപ്പ്. എഐ ക്യാമറ ഇതിനോടകം തന്നെ പ്രവര്ത്തനമാരംഭിച്ചു. ഈ നിരീക്ഷണ ക്യാമറകള് നിയമലംഘകരെ കൃത്യമായി തിരിച്ചറിയുകയും നിയമങ്ങള് ലംഘിക്കുമ്പോള് അവരുടെ ചിത്രങ്ങള് പകര്ത്തുകയും തെളിവുകള് സഹിതം പൊലീസിന് അയയ്ക്കുകയും ചെയ്യും. ഇനി ക്യാമറ ഇല്ലാത്ത സ്ഥലങ്ങളില് പൊലിസ് പരിശോധനയ്ക്കുണ്ടാകും. പലപ്പോഴും ട്രാഫിക് നിയമങ്ങള് ലംഘിച്ചാല് പിഴശിക്ഷയാണ് ലഭിക്കുക. ഓരോ നിയമലംഘനത്തിനും അതിന്റെ തീവ്രതയും തരവും അനുസരിച്ച് വിവിധ ശിക്ഷകളും പിഴകളുമാകും ചുമത്തുക.
![](https://20-20journals.in/wp-content/uploads/2023/03/WhatsApp-Image-2023-03-30-at-10.16.29-AM-1024x724.jpeg)
സിഗ്നലുകളിലും മറ്റും പൊലീസുകാര് കൃത്യനിര്വഹണം നടത്തുന്ന വേളയില് ഏതെങ്കിലും വാഹനങ്ങള് നിയമംലംഘിച്ച് കടന്ന് പോയാല് അവര് മൊബൈല് ഫോണില് പകര്ത്താറുണ്ട്. ഉദാഹരണത്തിന് ഇരുചക്ര വാഹനത്തില് മൂന്ന് പേരെ കയറ്റി ഓടിക്കുന്നതാണ് കാണുന്നതെങ്കില് വാഹന ഉടമക്ക് ഈ ഫോട്ടോ തെളിവായി സ്വീകരിച്ച് പിഴ ചുമത്തും. അതുപോലെ സിഗ്നലുകളില് ഹെല്മെറ്റില്ലാതെ വാഹനമോടിക്കുന്നവരുടെ ചിത്രങ്ങള് പൊലീസുകാര് പകര്ത്തുന്നതും നിങ്ങളുടെ ശ്രദ്ധയില് പെട്ടിട്ടുണ്ടാകും.
നിങ്ങളുടെ വാഹനം മുകളില് പറഞ്ഞ രീതിയിലോ സ്പീഡ് ക്യാമറയിലോ മറ്റോ കുടുങ്ങിയിട്ടുണ്ടോ എന്ന് പരിശോധിച്ചറിയാനും. എങ്ങനയെന്ന് നോക്കാം.
![SAP TRAINING](https://20-20journals.in/wp-content/uploads/2023/03/www.globalbrightacademy.com-15-1024x1024.jpg)
- https://echallan.parivahan.gov.in/ എന്ന വെബ്സൈറ്റ് സന്ദര്ശിക്കുക.
ശേഷം ചെക്ക് ഓണ്ലൈന് സര്വീസസില് ‘ഗെറ്റ് ചലാന് സ്റ്റാറ്റസ്’ ഓപ്ഷനില് ക്ലിക്ക് ചെയ്യുക. - ആ സമയം തുറക്കുന്ന വിന്ഡോയില് 3 വ്യത്യസ്ത ഓപ്ഷനുകള് ദൃശ്യമാകും. ചലാന് നമ്പര്, വാഹന നമ്പര്, ഡ്രൈവിംഗ് ലൈസന്സ് നമ്പര് എന്നിവ കാണാം.
- ഉദാഹരണമായി വാഹന നമ്പര് എടുത്താല് വാഹന രജിസ്ഷ്രേന് നമ്പര് രേഖപ്പെടുത്തുക. അതിന് താഴെ എഞ്ചില് അല്ലെങ്കില് ഷാസി നമ്പര് രേഖപ്പെടുത്തുക.
അതിന് കീഴെ കാണുന്ന ക്യാപ്ച തെറ്റാതെ രേഖപ്പെടുത്തി ഗെറ്റ് ഡീറ്റെയില്സ് കൊടുത്താല് നിങ്ങളുടെ വാഹനത്തിന്റെ ചലാന് വിവരങ്ങള് അറിയാന് സാധിക്കും. - നിങ്ങളുടെ വാഹനത്തിന് നിയമലംഘനത്തിന് എന്തെങ്കിലും പിഴ ലഭിച്ചിട്ടുണ്ടെങ്കില് അത് ദൃശ്യമാകും.
![](https://20-20journals.in/wp-content/uploads/2023/01/WhatsApp-Image-2023-01-17-at-20.07.27-723x1024.jpeg)