ലോകത്തെ ഏറ്റവും വലിയ കൂട്ടായ്മയാണ് ഒളിമ്പിക്സ്. ഇരുനൂറിലേറെ രാജ്യങ്ങളും പതിനായിരത്തിലേറെ താരങ്ങളും അണിനിരക്കുന്ന മഹാമേള. അത് പാരീസിലാകുമ്പോൾ ആവേശം വായനക്കാരിലെത്തിക്കാൻ മാതൃഭൂമിയും ഒരുങ്ങി. 26-ന് തുടങ്ങുന്ന ഒളിമ്പിക്സ് നേരിട്ടു റിപ്പോർട്ടുചെയ്യാൻ മാതൃഭൂമി സീനിയർ സബ് എഡിറ്റർ കെ. സുരേഷ് പാരീസിലെത്തി. ഒളിമ്പിക്സ് മത്സരങ്ങളും പാരീസ് ജീവിതവും അടുത്തറിഞ്ഞ് സുരേഷ് തയ്യാറാക്കുന്ന റിപ്പോർട്ടുകൾ ഇന്നുമുതൽ മാതൃഭൂമിയിൽ വായിക്കാം.
![](https://20-20journals.in/wp-content/uploads/2024/04/Blue-Building-a-Better-World-Instagram-Post-2-1024x1024.png)
കാസർകോട് ജില്ലയിലെ കുണ്ടംകുഴി സ്വദേശിയായ കെ. സുരേഷ് 2006-ലാണ് മാതൃഭൂമിയിൽ പത്രപ്രവർത്തകനായി ചേർന്നത്. 2012 മുതൽ സ്പോർട്സ് വിഭാഗത്തിൽ. ദേശീയ ഗെയിംസ്, അണ്ടർ-17 ഫുട്ബോൾ ലോകകപ്പ്, അന്താരാഷ്ട്ര ക്രിക്കറ്റ് മത്സരങ്ങൾ, ഐ.എസ്.എൽ. ഫുട്ബോൾ തുടങ്ങി ഒട്ടേറെ കായികമേളകൾ റിപ്പോർട്ടുചെയ്തിട്ടുണ്ട്.