ഇതിനൊരു പരിഹാരമായി ആന്‍ഡ്രോയ്ഡ് ഉപയോക്താക്കള്‍ക്കായി പുത്തന്‍ ഫീച്ചറുമായി എത്തിയിരിക്കുകയാണ് ഗൂഗിള്‍. ഓട്ടോ ആര്‍ക്കൈവ് എന്നാണ് ഈ ഫീച്ചറിന് പേര് നല്‍കിയിരിക്കുന്നത്. ഓരോ തവണയും സ്റ്റോറേജ് സ്‌പേസ് പ്രശ്‌നങ്ങള്‍ നേരിടുമ്പോള്‍ ആപ്പ് അണ്‍ഇന്‍സ്റ്റാള്‍ ചെയ്യാതെതന്നെ, ഫോണുകളിലെ ആപ്പ് സ്റ്റോറേജ് ഫലപ്രദമായി നിയന്ത്രിക്കുമെന്നതാണ് ആര്‍ക്കൈവിംഗ് ഫീച്ചറിന്റെ പ്രത്യേകത. ഇനി ഫോണില്‍ സ്റ്റോറേജ് ഇല്ലാത്തപ്പോള്‍ ഡീലീറ്റ് ചെയ്യുന്നതിന് പകരം ആ ജോലി ഓട്ടോ ആര്‍ക്കൈവ് ഫീച്ചറിന് വിട്ടുകൊടുത്താല്‍ മതി.
ക്യാമറകളുടെ ക്വാളിറ്റി അനുസരിച്ച് ഫോട്ടോകളുടെയും വീഡിയോകളുടെയും ഫയല്‍സൈസ് വര്‍ധിക്കുന്നതിനാല്‍ 128 ജിബി ഇന്റേണല്‍ സ്റ്റോറേജുള്ള സ്മാര്‍ട്ട്‌ഫോണുകള്‍ക്ക് പോലും ഈ ആപ്പ് ഓട്ടോആര്‍ക്കൈവ് ഫീച്ചര്‍ ഉപകാരപ്പെടും.
