November, 2021 | 20-20 Journals

തണുപ്പ് കാലത്ത് മഞ്ഞള്‍ ഭക്ഷണത്തില്‍ ഉറപ്പായും ഉള്‍പ്പെടുത്തണം; കാരണങ്ങള്‍ ഇവ

ഇന്ത്യയിലെ ഏത് അടുക്കളയിലും നിര്‍ബന്ധമായും കണ്ടെത്താന്‍ സാധിക്കുന്ന ഒരു വിഭവമാണ് മഞ്ഞള്‍. നമ്മുടെ കറികള്‍ക്ക് രുചി മാത്രമല്ല ഗുണവും പകരുന്ന ഒരു അദ്ഭുത കൂട്ടാണ് മഞ്ഞള്‍ പൊടി. മഞ്ഞളില്‍ അടങ്ങിയിരിക്കുന്ന കുര്‍കുമിന്‍ ആന്റിഫംഗല്‍, ആന്റിബാക്ടീരിയല്‍, ആന്റിവൈറല്‍ ഗുണങ്ങള്‍ ഉള്ളതാണ്. കോവിഡ് കാലത്ത് ശരീരത്തിന്റെ പ്രതിരോധ ശേഷി വര്‍ധിപ്പിക്കാന്‍ നാം വ്യാപകമായി ഉപയോഗപ്പെടുത്തിയതും മഞ്ഞളിനെയാണ്.

തണുപ്പ് കാലമെത്തുന്നതോടെ വരാന്‍ ഇടയുള്ള പല രോഗങ്ങള്‍ക്കുമുള്ള പരിഹാരമാണ് മഞ്ഞള്‍. ഇനിയുള്ള മാസങ്ങളില്‍ നമ്മുടെ നിത്യാഹാരത്തില്‍ മഞ്ഞള്‍ ഉള്‍പ്പെടുത്തണമെന്ന് പറയാനുള്ള കാരണങ്ങള്‍ ഇനി പറയുന്നവയാണ്.

1. തണുപ്പ് കാലത്തെ സൈനസിന് ശമനം

തണുപ്പു കാലത്തു വരുന്ന സൈനസ് രോഗം, സന്ധിവേദന, ദഹനപ്രശ്‌നം, ചുമ, ജലദോഷം എന്നിവയ്‌ക്കെല്ലാം ആശ്വാസം നല്‍കാന്‍ മഞ്ഞളിന്റെ ഉപയോഗം കൊണ്ടു സാധിക്കും. പാലിലോ, ചായയിലോ ഒരു നുള്ള് മഞ്ഞൾപ്പൊടി ചേര്‍ത്തു കഴിക്കുന്നത് ഈ രോഗങ്ങള്‍ക്ക് ഉടനടി ശമനം നല്‍കും. രക്തത്തിലെ പഞ്ചസാരയുടെ തോത് കുറയ്ക്കാനും നിത്യവുമുള്ള മഞ്ഞളിന്റെ ഉപയോഗത്തിലൂടെ സാധിക്കും.

2. അവധിക്കാലത്തെ എക്‌സ്ട്രാ ഭാരം കുറയ്ക്കാം

മഞ്ഞു കാലം പലര്‍ക്കും അവധിക്കാലം കൂടിയാണ്. കയ്യിലൊരു പെഗ് റമ്മും പ്ലേറ്റില്‍ ചിക്കന്‍ 65 വോ ബീഫ് റോസ്‌റ്റോ ആയി ചടഞ്ഞ് കൂടിയിരിക്കാന്‍ പലരും ആഗ്രഹിക്കുന്ന കാലഘട്ടം കൂടിയാണ് ഇത്. തണുപ്പ് കാലത്തെ ഈ മടി പിടിക്കല്‍ വണ്ണം കൂട്ടാനും സാധ്യതയുണ്ട്. ഇതിനെല്ലാം പരിഹാരമാണ് മഞ്ഞളിന്റെ ഉപയോഗം. ചയാപചയം മെച്ചപ്പെടുത്താനും കരളിന്റെ ആരോഗ്യത്തിനും ആന്റിഓക്‌സിഡന്റ് ഗുണങ്ങളുള്ള മഞ്ഞള്‍ സഹായിക്കും.

3. വയറിന്റെ കൂട്ടുകാരന്‍

ചര്‍മത്തിനും മുടിക്കും മാത്രമല്ല ശരീരത്തിനും ശൈത്യകാലം പണി തരും. കടുത്ത തണുപ്പിനെ അതിജീവിക്കാന്‍ കൊഴുപ്പും പ്രോട്ടീനും അടങ്ങിയ ഭക്ഷണം കഴിക്കേണ്ട സാഹചര്യമുണ്ട്. ചൂടുള്ള പാനീയങ്ങളും ഇടയ്ക്കിടെ കഴിക്കാന്‍ ഇക്കാലയളവില്‍ തോന്നും. ഇതെല്ലാം ദഹന സംവിധാനത്തിന്റെ താളം തെറ്റിക്കാം. മഞ്ഞള്‍ ഭക്ഷണത്തില്‍ ഉള്‍പ്പെടുത്തുന്നത് പിണങ്ങിയിരിക്കുന്ന ദഹന വ്യവസ്ഥയ്ക്കും ആശ്വാസം പകരും.

4. ആയുര്‍വേദ ഗുണങ്ങള്‍

ആന്റി ഓക്‌സിഡന്റ് ഗുണങ്ങളുള്ള മഞ്ഞള്‍ ഉള്ളില്‍ ചെല്ലുമ്പോള്‍ ശരീരം ഉള്ളിലെ വിഷാംശം പുറന്തള്ളും. ചര്‍മത്തിന് തിളക്കം നല്‍കാനും ഇതിലൂടെ മഞ്ഞളിനാകും.

5. പനിക്കാലത്തിന് ബെസ്റ്റ്

കോവിഡുമായി മല്ലടിക്കുന്ന രാജ്യത്തിന് തണുപ്പ് കാലത്തെ പനി കേസുകള്‍ വെല്ലുവിളിയാണ്. ബാക്ടീരിയല്‍ അണുബാധ ചെറുക്കാനും തൊണ്ട വേദനയ്ക്ക് ആശ്വാസം പകരാനുമെല്ലാം മഞ്ഞള്‍ ചേര്‍ത്ത പാല്‍ സഹായിക്കും. ഗര്‍ഭിണികള്‍ അടക്കമുള്ളവര്‍ക്ക് പനി വരാതെ കാക്കാന്‍ ശുദ്ധമായ മഞ്ഞള്‍ പൊടിയാക്കി കഴിക്കുന്നത് ഉപകരിക്കും.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories

പെട്രോൾ വിലവർധനവിനൊപ്പം ജനങ്ങളെ നട്ടം തിരിക്കുന്ന റീച്ചാർജ് നിരക്ക് വർധന

ഭക്ഷ്യവസ്തുക്കൾക്ക്, ഇന്ധനത്തിന്, പാചകവാതകത്തിന് എന്നുവേണ്ട എല്ലാ ആവശ്യവസ്തുക്കൾക്കും വിലവർധിക്കുകയാണ്. നാമറിയാതെ നമ്മുടെ അവശ്യവസ്തുവായി മാറിയ മൊബൈൽ ഇന്റർനെറ്റിനും വിലവർധിപ്പിക്കാനുള്ള നീക്കത്തിലാണ് കമ്പനികൾ.

മൊബൈൽ റീച്ചാർജ് വിലവർധന സാധാരണ ജനങ്ങളെ ചെറുതൊന്നുമല്ല ബാധിക്കുക. 20 മുതൽ 25 ശതമാനം വരെയുള്ള വിലവർധനയാണ് പ്രതീക്ഷിക്കുന്നത്. സമൂഹത്തിന്റെ എല്ലാ മേഖലകളിലും ഇന്ന് ഇന്റർനെറ്റ് അധിഷ്ടിത പ്രവർത്തനങ്ങൾ കടന്നുവന്നിട്ടുണ്ട്. ഭക്ഷണം, സാമ്പത്തികം, പഠനം, ഉല്ലാസം തുടങ്ങിയ എല്ലാറ്റിനും ഇന്ന് ഇന്റർനെറ്റ് ഒഴിച്ചുകൂടാനാവാത്തതാണ്. കോവിഡിന്റെ ആരംഭം മുതലാണ് കുട്ടികളുടെ പഠനവും ഓൺലൈനിലേക്ക് മാറിയത്. കോവിഡിന് ശേഷം സ്കൂൾ-കോളേജുകൾ തുറന്നുവെങ്കിലും ഒരേസമയം പകുതി കുട്ടികൾ മാത്രമാണ് സ്കൂളുകളിൽ നേരിട്ടെത്തുന്നത്.

ബാക്കിയുള്ളവർ ഓൺലൈൻ ക്ലാസുകളിൽ പങ്കെടുക്കണം. എന്നാൽ, സാമ്പത്തികമായി പിന്നാക്കംനിൽക്കുന്ന വിദ്യാർഥികളുടെ മാതാപിതാക്കൾ മൊബൈൽ റീച്ചാർജിങ് വലിയ ഭാരമാകും. ഓൺലൈനായി നടക്കുന്ന വിവിധ കോഴ്സുകളും ട്യൂഷൻ ക്ലാസുകൾക്കും വിലവർധന ഭീഷണിയാണ്. ഓൺലൈൻ യോഗങ്ങളും കൂട്ടായ്മകളുമാണ് ഇന്ന് നാടെങ്ങും. സുഹൃത്തുക്കളും കുടുംബക്കാരുമൊക്കെ ഒത്തുചേരുന്നത് ഇപ്പോൾ സൈബർ ഇടങ്ങളിലാണ്. ഇതിനുപുറമേ സിനിമാടിക്കറ്റുകൾ, സർക്കാരിന്റെ വിവിധ സേവനങ്ങൾ, ബില്ലുകൾ, നികുതി, ബസ്-തീവണ്ടി ടിക്കറ്റുകൾ എന്നുവേണ്ട എല്ലാ മേഖലകളിലും ഇന്റർനെറ്റ് ഒഴിച്ചുകൂടാനാവാത്ത ഒന്നായി. വർക്ക് ഫ്രം ഹോമിന്റെ ഭാഗമായി വീട്ടിലിരുന്ന് ജോലിചെയ്യുന്നവരും ഇന്ന് കുറവല്ല.

4-ജി നെറ്റ്വർക്കുകൾ അതിവേഗ ഇന്റർനെറ്റ്സൗകര്യം നല്കിയതോടെയാണ് നാം ഇന്റർനെറ്റുകളുടെ വരുതിയിലായിത്തീർന്നത്. എയർടെല്ലാണ് നിരക്ക് വർധനയുമായി ആദ്യമെത്തിയത്. 598 രൂപയ്ക്ക് ഒന്നര ജി.ബി. ഇന്റർനെറ്റും കോൾബാലൻസും 84 ദിവസത്തേക്ക് നല്കുന്ന ഡാറ്റാ പാക്കിന് 26-മുതൽ 710 രൂപ നല്കണം. 26-ന് മുൻപ് റീച്ചാർജ് ചെയ്യുന്നവർക്ക് 20 ശതമാനം കിഴിവും കമ്പനി വാഗ്ദാനം ചെയ്യുന്നുണ്ട്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

International Main Stories Travel

എവിടെ നോക്കിയാലും തത്തകൾ മാത്രമുള്ള ദ്വീപ്, ആൻഡമാനിലെ പാരറ്റ് ഐലൻഡ്

ആൻഡമാൻ നിക്കോബാർ ദ്വീപുകളിൽ സ്ഥിതി ചെയ്യുന്ന ഏറ്റവും മനോഹരമായ ദ്വീപുകളിൽ ഒന്നാണ് തത്ത ദ്വീപ് അഥവാ പാരറ്റ് ഐലൻഡ്. ആൻഡമാൻ നിക്കോബാർ ദ്വീപുകളിൽപ്പെടുന്ന ബരാതാങ് ദ്വീപിന്റെ ഭാഗമായ ഈ ദ്വീപ് പക്ഷി പ്രേമികളുടെ പറുദീസയാണ്. അപൂർവയിനം പക്ഷികൾ ഉൾപ്പെടുന്ന വൈവിധ്യമാർന്ന ജൈവപ്രകൃതിയാണ് ഈ ദ്വീപിനെ വ്യത്യസ്തമാക്കുന്നത്. പ്രധാനമായും വിവിധയിനം തത്തകളുടെ ആവാസകേന്ദ്രമാണ് ഇവിടം.

മനുഷ്യവാസമില്ലാത്ത ഈ ദ്വീപിൽ ആയിരക്കണക്കിന് തത്തകളെ കാണാം. കുടുംബത്തോടൊപ്പം ഉല്ലാസയാത്ര നടത്താൻ പറ്റിയ ഏറ്റവും മികച്ച ഒരിടമാണ് ഇവിടം. ഇടതൂർന്ന കണ്ടൽക്കാടുകളും ചുറ്റുമുള്ള കടൽക്കാഴ്ചകളുമെല്ലാം സഞ്ചാരികൾക്ക് ഏറെ ആനന്ദം പകരും എന്നതിൽ സംശയമില്ല. കൂടാതെ, ത്രസിപ്പിക്കുന്ന നിരവധി ആക്ടിവിറ്റികളുമുണ്ട്.

* കടലിലെ അസ്തമയങ്ങളുടെ മായികഭംഗി

വൈകുന്നേരങ്ങളിലാണ് പാരറ്റ് ദ്വീപ് ഏറ്റവും മനോഹരമാകുന്നത്. കടലിന്റെ നീലയും സൂര്യന്റെ ഓറഞ്ചും തത്തകളുടെ പച്ചയും ഒത്തുചേരുമ്പോൾ ആ കാഴ്ച കാണുന്ന കണ്ണുകളുടെ അനുഭൂതി പറഞ്ഞറിയിക്കാനാവില്ല. വൈകുന്നേരങ്ങളിൽ കണ്ടൽകാടുക്കിടയിൽ കൂടണയാൻ എത്തുന്ന തത്തകളുടെ കാഴ്ച കാണാൻ എത്തുന്ന സഞ്ചാരികൾ നിരവധിയാണ്. ഈ സമയത്തുള്ള ബോട്ട് യാത്രയും ഏറെ ജനപ്രിയമാണ്.

* സഞ്ചാരികൾക്കായുള്ള ആക്ടിവിറ്റികൾ

വെറും കാഴ്ചകൾ കാണുക മാത്രമല്ല, സാഹസികത ഇഷ്ടപ്പെടുന്നവർക്കായി നിരവധി ആക്റ്റിവിറ്റികളും പാരറ്റ് ഐലന്റിലുണ്ട്. സ്കൂബ ഡൈവിംഗ് നടത്തി കടലിനടിയിലെ ജീവികളെ കാണാം, അവയ്ക്ക് തീറ്റ കൊടുക്കാം. ശാന്തമായ കടലിലൂടെ നോർക്കലിംഗ് നടത്താം. ജലപ്പരപ്പിലൂടെ ജെറ്റ് സ്കീയിൽ തെന്നി നീങ്ങാം. ഇത്തരം ആക്ടിവിറ്റികൾക്കെല്ലാം സഹായിക്കുന്ന പരിശീലകരും ഇവിടെയുണ്ട്.

* അടുത്തുണ്ട്, മറ്റനേകം കാഴ്ചകൾ

2005 ലെ സുനാമി സമയത്ത് പൊട്ടിത്തെറിച്ച ജൽകി എന്നറിയപ്പെടുന്ന അഗ്നിപർവ്വതം സ്ഥിതിചെയ്യുന്ന ബരാതാങ് ദ്വീപ്, ബരാതാങ് ജെട്ടിയിൽ നിന്ന് ഏകദേശം 50 മിനിറ്റ് സഞ്ചരിച്ചാൽ എത്തുന്ന ചുണ്ണാമ്പുകല്ല് ഗുഹകൾ, നീൽ ദ്വീപിൽ സ്ഥിതി ചെയ്യുന്ന തിരക്കില്ലാത്തതും മനോഹരവും വൃത്തിയുള്ളതുമായ സീതാപൂർ ബീച്ച്, നോർക്കെലിംഗ്, സ്കൂബ ഡൈവിംഗ് തുടങ്ങിയ വിവിധ തരത്തിലുള്ള കായിക വിനോദങ്ങൾക്ക് അവസരമുള്ള നോർത്ത് ബേ ബീച്ച്, ബ്രിട്ടീഷുകാർ ഉപയോഗിച്ചിരുന്ന ജയിൽ ഉള്ള വൈപ്പർ ദ്വീപ് എന്നിവയെല്ലാം പാരറ്റ് ദ്വീപിനരികിലാണ്. ഈ യാത്രയിൽ ഇവിടങ്ങളിലേക്കും യാത്ര ചെയ്യാം.

* സന്ദർശിക്കാൻ ഏറ്റവും മികച്ച സമയം

ശൈത്യകാലം മുതൽ വേനൽക്കാലത്തിന്റെ ആരംഭം വരെയുള്ള സമയമാണ് ഇവിടം സന്ദർശിക്കാൻ ഏറ്റവും അനുയോജ്യം. മറ്റു സമയങ്ങളിൽ ഇവിടെ സാധാരണയായി വീശുന്ന കാറ്റുകൾ യാത്ര അപകടകരമാക്കിയേക്കാം. കണ്ടൽക്കാടുകൾക്ക് ചുറ്റുമുള്ള വെള്ളത്തിൽ മുതലകളുണ്ടെന്നും പറയപ്പെടുന്നു. അതിനാൽ ബോട്ടിൽ യാത്ര ചെയ്യുമ്പോൾ ശരീരഭാഗങ്ങൾ വെള്ളത്തിൽ ഇടാതെ സൂക്ഷിക്കണം.

* എങ്ങനെ എത്താം?

പോർട്ട് ബ്ലെയറാണ് പാരറ്റ് ദ്വീപിന് ഏറ്റവും അടുത്തുള്ള വിമാനത്താവളം. ബരാതാങ് ജെട്ടിയിൽ നിന്ന് 30 കിലോമീറ്റർ അകലെയാണ് പാരറ്റ് ദ്വീപ്. ഇവിടെ നിന്നും അര മണിക്കൂർ ബോട്ട് യാത്ര ചെയ്തു. പാരറ്റ് ഐലന്റിൽ എത്താം. വിനോദ സഞ്ചാരികൾക്കായി സ്ഥിരമായുള്ള ജെട്ടി സർവീസുകൾ ഇവിടെയുണ്ട്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Bussiness Main Stories

കുതിപ്പു തുടർന്ന് റബർ വിപണി

കുതിപ്പ് തുടർന്നു റബർ വിപണി. 2012 നു ശേഷം റബർ വില 188 രൂപയി ലെത്തി. 190 രൂപയ്ക്കു വരെ ഇന്നലെ വ്യാപാരം നടന്നു. ശക്തമായി മഴ തുടരുന്നതിനാൽ ഉൽപാദനത്തിൽ ഗണ്യമായ കുറവുണ്ടാകുന്നതാണു പ്രദേശിക വിപണി വില ഉയരാൻ ഇടയാക്കുന്നത്.

വിദേശ വിപണിയിലും നേരിയ വർധനയുണ്ട്. ഇന്നലെ ആർഎസ്എസ് രണ്ടിന് 149.94 രൂപയും മൂന്നിന് 148.70 രൂപയുമാണ് ബാങ്കോക്ക് വില. സ്ഥിതി തുടർന്നാൽ വില വീണ്ടും ഉയരുമെന്നാണു വിപണി വൃത്തങ്ങൾ നൽകുന്ന സൂചന.

മൂന്നു മാസം മുമ്പ് വില 180 രൂപയിൽ എത്തിയിരുന്നുവെങ്കിലും പിന്നീട് താഴ്ന്നിരുന്നു. ആഭ്യന്തര വിപണിയിൽ അനുഭവപ്പെടുന്ന ദൗർലഭ്യവും ഇറക്കുമതിയുടെ കുറവും വില ഉയരാൻ ഇടയാക്കുന്നുണ്ട്. 60 ശതമാനം ലാറ്റക്സിനു 134.15 രൂപയിലേക്ക് ഉയർന്നതും കർഷകർക്കു നേട്ടമായി.

അന്താരാഷ്ട്ര മാർക്കറ്റിൽ സ്വാഭാവിക റബറിന്റെ ലഭ്യതയിൽ രണ്ടു ലക്ഷത്തിന്റെ കുറവ് സാമ്പത്തിക വർഷം അവസാനിക്കുമ്പോൾ നേരിടുമെന്നുള്ള പ്രചരണം വില ഉയരാൻ ഇടയാക്കുന്നുണ്ട്. ഈ സീസണിൽ ഇതുവരെ പൂർണതോതിൽ ഉത്പാദനം സംസ്ഥാനത്ത് ആരംഭിക്കുവാൻ കഴിയാത്തതിനാൽ കർഷകർക്ക് വില വർധനവിന്റെ നേട്ടം ലഭിക്കുന്നില്ല.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Job Vacancies Main Stories

സെന്‍ട്രല്‍ കോള്‍ഫീല്‍ഡ് 539 ഒഴിവ്

റാഞ്ചിയിലുള്ള സെൻട്രൽ കോൾഫീൽഡ്സ് ലിമിറ്റഡിൽ വിവിധ ട്രേഡുകളിലായി 539 അപ്രന്റിസ് ഒഴിവ്.

* ഒഴിവുള്ള ട്രേഡുകൾ

ഇലക്ട്രീഷ്യൻ 190, ഫിറ്റർ 150, മെക്കാനിക് റിപ്പയർ ആൻഡ് മെയിന്റനൻസ് ഓഫ് വെഹിക്കിൾ 50, സി.ഒ.പി.എ. 20, മെഷീനിസ്റ്റ് 10, ടർണർ 10, ഇലക്ട്രോണിക് മെക്കാനിക്സ് 10, പ്ലംബർ 7, ഫോട്ടോഗ്രാഫർ 3, ഫ്ളോറിസ്റ്റ് ആൻഡ് ലാൻഡ്സ്കേപ്പർ 5, ബുക്ക് ബൈൻഡർ 2, കാർപെന്റർ 2 , ഡെന്റൽ ലബോറട്ടറി ടെക്നീഷ്യൻ 2, ഫുഡ് പ്രൊഡക്ഷൻ 1, ഫർണിച്ചർ ആൻഡ് കാബിനറ്റ് മേക്കർ 2, ഗാർഡനർ 10, ഹോർട്ടികൾച്ചർ അസിസ്റ്റന്റ് 5, ഓൾഡ് ഏജ് കെയർ ടേക്കർ 2, പെയിന്റർ 2, റിസപ്ഷനിസ്റ്റ്/ഹോട്ടൽ ക്ലാർക്ക്/ഫ്രണ്ട് ഓഫീസ് അസിസ്റ്റന്റ് 2, സ്റ്റിവാർഡ് 6, ടെയ്ലർ 2, അപ്ഹോൾസ്റ്റർ 1, സെക്രട്ടേറിയൽ അസിസ്റ്റന്റ് 5, സിർഡാർ 10, അക്കൗണ്ടന്റ്/അക്കൗണ്ട്സ് എക്സിക്യുട്ടീവ് 30

* യോഗ്യത

പത്താംക്ലാസ് പാസ്. ബന്ധപ്പെട്ട വിഷയത്തിൽ എൻ.സി.വി.ടി./എസ്.സി.വി.ടി. അംഗീകാരത്തോടെയുള്ള ഐ.ടി.ഐ.യും. ജാർഖണ്ഡിൽനിന്ന് ഐ.ടി.ഐ. പാസായവർക്കും പ്രോജക്ട് അഫക്റ്റഡ് പീപ്പിൾ വിഭാഗത്തിലുള്ളവർക്കും മുൻഗണന ലഭിക്കും.

പ്രായം: 18-35 വയസ്സ്. സ്റ്റൈപെൻഡ്:7,000 രൂപ. അപേക്ഷ: www.apprenticeshipindia.gov.in എന്ന വെബ്സൈറ്റ് വഴിയാണ് അപേക്ഷ സമർപ്പിക്കേണ്ടത്. വിവരങ്ങൾക്ക്: www.cetnralcoalfields.in അവസാന തീയതി: ഡിസംബർ അഞ്ച്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories

44 തസ്തികകളിലേക്ക് പി.എസ്.സി വിജ്ഞാപനം

കേരള പബ്ലിക് സർവീസ് കമ്മിഷൻ 44 തസ്തികകളിലേക്ക് അപേക്ഷ ക്ഷണിച്ചു. വിവരങ്ങൾക്ക്: www.keralapsc.gov.in അപേക്ഷിക്കേണ്ട അവസാന തീയതി: ഡിസംബർ 22.

ജനറൽ റിക്രൂട്ട്മെന്റ് സംസ്ഥാനതലം

കൃഷി ഓഫീസർകേരള സംസ്ഥാന ഭൂവിനിയോഗ വകുപ്പ് റിസർച്ച് ഓഫീസർ പുരാവസ്തു വകുപ്പ് ഡ്രാഫ്റ്റ്സ്മാൻ ഗ്രേഡ് I/ഓവർസിയർ ഗ്രേഡ് I (സിവിൽ)ഹാർബർ എൻജിനിയറിങ് വകുപ്പ് സാർജന്റ്കാഴ്ചബംഗ്ലാവും മൃഗശാലയും ഡേറ്റാ എൻട്രി ഓപ്പറേറ്റർ കേരള അഡ്മിനിസ്ട്രേറ്റിവ് ട്രിബ്യൂണൽ പി.ഡി. ടീച്ചർ (പുരുഷന്മാർ മാത്രം)

ജയിൽ ജനറൽ മാനേജർ (പ്രോജക്ട്)കേരള സ്റ്റേറ്റ് കോഓപ്പറേറ്റിവ് കയർ മാർക്കറ്റിങ് ഫെഡറേഷൻ ലിമിറ്റഡ് വർക്സ് മാനേജർകേരള സ്റ്റേറ്റ് കോഓപ്പറേറ്റീവ് കയർ മാർക്കറ്റിങ് ഫെഡറേഷൻ ലിമിറ്റഡ് പ്ലാന്റ് എൻജിനിയർ (മെക്കാനിക്കൽ) കേരള സ്റ്റേറ്റ് കോഓപ്പറേറ്റിവ് കയർ മാർക്കറ്റിങ് ഫെഡറേഷൻ ലിമിറ്റഡ് ടെലിഫോൺ വിദ്യാഭ്യാസംമെഡിക്കൽ വിദ്യാഭ്യാസം അസിസ്റ്റന്റ് ഗ്രേഡ് II (തസ്തിക മാറ്റം)കേരള സംസ്ഥാന മലിനീകരണ നിയന്ത്രണ ബോർഡ് ജൂനിയർ സയന്റിഫിക് അസിസ്റ്റന്റ് കേരള സംസ്ഥാന മലിനീകരണ നിയന്ത്രണ ബോർഡ് സ്റ്റെനോ ഗ്രാഫർകേരള സ്റ്റേറ്റ് ഇൻഡസ്ട്രിയൽ എന്റർപ്രൈസസ് ലിമിറ്റഡ്

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories Travel

വരുന്നൂ റെയിൽവേയുടെ വിനോദസഞ്ചാര തീവണ്ടി, ഇനി ട്രെയിനിൽ ട്രിപ്പടിക്കാം

യാത്രാ, ചരക്കു തീവണ്ടികൾക്കു പുറമേ, റെയിൽവേയുടെ വിനോദസഞ്ചാര തീവണ്ടികൾ വരുന്നു. പൊതു, സ്വകാര്യ മേഖലയിൽ ‘ഭാരത് ഗൗരവ് ട്രെയിൻസ്’ എന്ന പേരിൽ ആരംഭിക്കുന്ന വണ്ടികൾ ചരിത്ര, സാംസ്കാരിക പ്രാധാന്യമുള്ള പ്രദേശങ്ങളിലേക്കാണ് സർവീസ് നടത്തുക.

ആർക്കും റെയിൽവേയിൽനിന്ന് വണ്ടി ഏറ്റെടുത്ത് കോച്ചുകൾ പരിഷ്കരിച്ച് സർവീസ് നടത്താം. സ്വകാര്യ മേഖലയിലുള്ളവരും ഒഡിഷ, രാജസ്ഥാൻ, കർണാടകം, തമിഴ്നാട് എന്നീ സംസ്ഥാനങ്ങളിലെ ടൂറിസം വകുപ്പുകളും ഇതിൽ വലിയ താത്പര്യം കാണിച്ചിട്ടുണ്ടെന്ന് റെയിൽവേ മന്ത്രി അശ്വനി വൈഷ്ണവ് വാർത്താസമ്മേളനത്തിൽ പറഞ്ഞു.

ഏതാണ്ട് 150 വണ്ടികൾക്ക് ആവശ്യമായ 3,033 കോച്ചുകൾ ഇതിനായി നീക്കിവെച്ചിട്ടുണ്ട്. 14 മുതൽ 20 വരെ കോച്ചുകൾ ഓരോ വണ്ടിയിലുമുണ്ടാവും. നടത്തിപ്പുകാർക്ക് സ്ഥലങ്ങളുടെ പ്രാധാന്യത്തിന്റെ അടിസ്ഥാനത്തിൽ വണ്ടിക്ക് പേര് നൽകാം. ഉദാഹരണത്തിന് സിഖ് മതവുമായി ബന്ധപ്പെട്ട സ്ഥലങ്ങളിലേക്കാണെങ്കിൽ ഗുരുകൃപ ട്രെയിൻ എന്നോ ശ്രീരാമനുമായി ബന്ധപ്പെട്ട സ്ഥലങ്ങളിലേക്കുള്ള വണ്ടിക്ക് രാമായണ ട്രെയിൻ എന്നോ ആവാം. ഏറ്റെടുക്കുന്ന പ്രമേയത്തിനു ചേരുന്നവിധം കോച്ചുകൾ പരിഷ്കരിക്കാം.

പാർക്കിങ്, വെള്ളം, വൈദ്യുതി തുടങ്ങിയ റെയിൽവേയുടെ സംവിധാനങ്ങൾ നൽകും. തീവണ്ടിയാത്ര, ഹോട്ടലിലെ താമസം, ഭക്ഷണം, ചരിത്ര/സാംസ്കാരിക പ്രാധാന്യമുള്ള പ്രദേശങ്ങളിലേക്കുള്ള സന്ദർശനം, ടൂർ ഗൈഡുകൾ തുടങ്ങിയവയെല്ലാം ഉൾപ്പെടുത്തിയുള്ള പാക്കേജ് സേവനദാതാക്കൾക്ക് നിശ്ചയിക്കാം. നൽകുന്ന സേവനങ്ങളുടെ ഗുണനിലവാരത്തിന്റെ അടിസ്ഥാനത്തിൽ പാക്കേജുകളിൽ വ്യത്യാസം വരുത്താം. എങ്കിലും നിരക്ക് അമിതമാകാൻ പാടില്ല.

ടൂറിസം വണ്ടികൾ തുടങ്ങുന്നത് സ്വകാര്യവത്കരണമല്ലെന്ന് മന്ത്രി വിശദീകരിച്ചു. സ്വകാര്യ സംരംഭകർക്കു മാത്രമല്ല, റെയിൽവേയുടെ ഉപസ്ഥാപനമായ ഐ.ആർ.സി.ടി.സി.ക്കും സംസ്ഥാന സർക്കാരുകൾക്കും ഈ മേഖലയിലേക്ക് വരാം. വ്യക്തികൾ, പാർട്ണർഷിപ്പ് സ്ഥാപനങ്ങൾ, കമ്പനികൾ, സൊസൈറ്റി, ട്രസ്റ്റ്, സംയുക്ത സംരംഭകർ എന്നിവർക്കെല്ലാം അപേക്ഷിക്കാം. കോച്ചുകൾക്കായുള്ള അപേക്ഷകൾ സ്വീകരിച്ചുതുടങ്ങി. ഒരുലക്ഷം രൂപയാണ് രജിസ്ട്രേഷൻ ഫീസ്. ഒരു വണ്ടിക്ക് ഒരു കോടി രൂപ മുൻകൂറായി കെട്ടിവെക്കണം. രണ്ടു മുതൽ 10 വരെ വർഷം ഉപയോഗാനുമതി നൽകും.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories

പ്രതിസന്ധിഘട്ടം കഴിഞ്ഞു: ആഘോഷനാളുകൾ വരവായി

കോവിഡ് ലോക്ഡൗണിൽ കൂടുതൽ ഇളവുകൾ വരുകയും നിയന്ത്രണങ്ങൾ മാറുകയും ചെയ്തതോടെ തിരുനാളുകൾക്കും ഉത്സവങ്ങൾക്കും ആഘോഷപരിപാടികൾക്കും തുടക്കമായി.

നിലവിലുള്ള നിയന്ത്രണങ്ങൾ കർശനമായി പാലിച്ചും സാമൂഹിക അകലവും ആൾക്കൂട്ടവും പരമാവധി ഒഴിവാക്കിയാണ് ആ ഘോഷ പരിപാടികൾ. രണ്ടു വർഷമായി ആഘോഷങ്ങളില്ലാതെ നടന്നിരുന്ന തിരുനാളുകൾ വീണ്ടും സജീവമായി. പള്ളികളിൽ ഇപ്പോൾ 200 പേർക്കാണ് ഒരേ സമയം വിശുദ്ധ കുർബാനയിൽ പങ്കെടുക്കാൻ അനുമതി. ആളുകളുടെ എണ്ണം പരിമിതപ്പെടു തിയതിനാൽ തിരുക്കർമങ്ങളുടെ എണ്ണവും കൂട്ടിയിട്ടുണ്ട്. ജില്ലയിലെ ആദ്യ തിരുനാളായ ഏറ്റുമാനൂർ ക്രിസ്തുരാജ പള്ളിയിലെയും കോട്ടയം ക്രിസ്തു കത്തിഡ്രലിലെയും രാജത്വ തിരുനാൾ കഴിഞ്ഞ ഞായറാഴ്ചയായിരുന്നു.

ഏറ്റുമാനൂർ പള്ളിയിൽ വാഹനത്തിൽ രൂപം പ്രതിഷ്ഠിച്ചു
വിവിധ വാർഡുകളിലൂടെ പ്രദക്ഷിണമുണ്ടായിരുന്നു. മീനച്ചിൽ താലൂക്കിലെ ആദ്യതിരുനാളായ പ്രവിത്താനം പള്ളിയിലെ തിരുനാൾ കഴിഞ്ഞ ദിവസമായിരുന്നു. തിരുനാളിനോടനുബന്ധിച്ച് ഇടവകാംഗങ്ങളുടെ വെർച്വൽ കലാസന്ധ്യയുമുണ്ടായിരുന്നു.

28നാണു പ്ലാശനാൽ പള്ളിയിൽ തിരുനാൾ, ചങ്ങനാശേരി പ്രദേശത്തെ ആദ്യ തിരുനാളായ ചെത്തിപ്പുഴ പള്ളിയിലും കഴിഞ്ഞ ദിവസമായിരുന്നു തിരുനാൾ. പ്രസിദ്ധമായ നെടുംകുന്നം തിരുനാൾ 28നാണ് കോവിഡ് നിയ ന്ത്രണങ്ങൾ നിലനിൽക്കുന്നതി നാൽ പുഴക്കുനേർച്ച ഒഴിവാക്കിയാണ് ഇത്തവണയും തിരുനാ ളാഘോഷം, തൃക്കൊടിത്താനം തിരുനാളും 28നാണ്. ഡിസംബർ മാസത്തിലെ പ്രധാനതിരുനാളായ പാലാ അമലേത്ഭവ ജൂബിലിയും ചങ്ങനാശേരി പാറേൽ പള്ളി തിരുനാളിനും ഒരുക്കങ്ങൾ തുടങ്ങി.

പാലാ ജൂബിലിക്ക് ഇത്തവണ രഥത്തിലാണു പ്രദക്ഷി ണം. പട്ടണ പ്രദക്ഷിണം ഒഴിവാക്കി പ്രധാനതിരുനാൾ ദിനമായ എട്ടിനു കൊട്ടരമറ്റത്തേക്കും ളാലം പാലം ജംഗ്ഷനിലേക്കുമാണു പ്രദക്ഷിണം, ആളുകൾക്ക് വഴിയരികിൽനിന്നു പ്രദക്ഷിണത്തിൽ പങ്കുചേരാം. നാടകമേള, ടൂവീലർ ഫാൻസിഡ്രസ്സ്‌, ഡബ്ലോ മത്സരങ്ങൾ ഒഴിവാക്കിയിട്ടുണ്ട്. പാറേൽ പള്ളിയിൽ പള്ളി നിർമാണം നടക്കുന്നതിനാൽ മൈതാനത്ത് പന്തലിട്ടാണു തിരുക്കർമങ്ങൾ നടക്കുന്നത്.

വാഹനത്തിൽ പ്രദക്ഷിണവും ക്രമീക രിച്ചിട്ടുണ്ട്. ക്ഷേത്രങ്ങളിലെ ഉത്സ വങ്ങളും ആരംഭിച്ചു. കുമാരനല്ലൂർ ദേവീക്ഷേത്രത്തിൽ കഴിഞ്ഞയാഴ്ച ഭക്തിനിർഭരമായി തൃക്കാർത്തിക മഹോത്സവം ആഘോഷിച്ചു.തിരുനാ ക്കര ക്ഷേത്രത്തിലെ ആനി ഉത്സവം വിപുലമായ ചടങ്ങുകളോടെയാണ് നടന്നത്.വൈക്കം ക്ഷേത്രത്തിലെ അഷ്ടമി ഉത്സവം 27നാണ്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

International Main Stories Tech

അബുദാബി നിരത്തിലോടാൻ ഡ്രൈവറില്ലാ ടാക്‌സികൾ ഉടൻ

നിരത്തുകളിൽ ഡ്രൈവർരഹിത ടാക്സികൾ പരീക്ഷണാടിസ്ഥാനത്തിൽ ഓട്ടമാരംഭിക്കുന്നു. അബുദാബി സ്മാർട്ട് സമ്മിറ്റിന്റെ ഭാഗമായി യാസ് ഐലന്റിലാണ് മേഖലയിലെ ആദ്യത്തെ ഡ്രൈവർ രഹിത ടാക്സികൾ സർവീസ് നടത്തുക. ഈ മാസംതന്നെ ടാക്സികൾ അബുദാബി നിരത്തുകളിൽ ഓടിത്തുടങ്ങുമെന്ന് ജി42-ന്റെ കീഴിലുള്ള ബയാനത് അറിയിച്ചു. വൈകാതെ മറ്റ് എമിറേറ്റുകളിലേക്കും സേവനം സജീവമാക്കാനാണ് പദ്ധതി.

മുനിസിപ്പാലിറ്റി ഗതാഗതവകുപ്പ് ബയാനതുമായി ഒപ്പുവെച്ച ഉടമ്പടി പ്രകാരമാണിത്. യാസ് ഐലന്റിലെ ഒമ്പത് ഇടങ്ങളെ ബന്ധിപ്പിച്ചുകൊണ്ട് അഞ്ച് ടാക്സികളാണ് പ്രാരംഭഘട്ടത്തിൽ സർവീസുകൾ നടത്തുകയെന്ന് ബയാനത് സി.ഇ.ഒ. ഹസൻ അൽ ഹൊസാനി പറഞ്ഞു.

മൂന്ന് ഇലക്ട്രിക് കാറുകളും രണ്ട് ഹൈബ്രിഡ് കാറുകളുമായിരിക്കും സർവീസ് നടത്തുക. ഹോട്ടലുകൾ, ഭക്ഷണശാലകൾ, മാളുകൾ എന്നിവയെ ബന്ധപ്പെടുത്തിയാണ് സർവീസ് നടക്കുക. സ്വയംനിയന്ത്രിത കാറുകളുടെ യാത്രാവഴികൾ സമഗ്രഗതാഗതകേന്ദ്രമാണ് ചിട്ടപ്പെടുത്തുന്നത്. സമഗ്രമായ സുരക്ഷാ പരിശോധനകളും പൂർത്തിയായതായി അധികാരികൾ വ്യക്തമാക്കി.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories

വീണ്ടും കനത്തമഴ: വെള്ളക്കെട്ടിൽമുങ്ങി നാട്‌

ചൊവ്വാഴ്ച ഉച്ചയ്ക്കുശേഷം പെയ്ത മഴയിൽ കുറവിലങ്ങാട്, ഉഴവൂർ, മരങ്ങാട്ടുപിള്ളി പഞ്ചായത്തുകളിൽ വ്യാപകനാശം നേരിട്ടു. എം.സി. റോഡിലും തിരുവല്ല-നെടുമ്പാശേരി കെ.ആർ. നാരായണൻ ഹൈവേ, പാലാ-വൈക്കം, പാലാ -എറണാകുളം എന്നീ പ്രധാന റോഡുകളിലടക്കം വെള്ളംകയറി ഗതാഗതം തടസ്സപ്പെട്ടു. ശക്തായ ഇടിമിന്നലും അനുഭവപ്പെട്ടു. കുറവിലങ്ങാട് പള്ളിക്കവലയിൽ വെള്ളംകയറി മണിക്കൂറുകളോളം ഗതാഗതം ഭാഗികമായി തടസ്സപ്പെട്ടു. നിരവധി കടകളിലും വെള്ളംകയറി നാശം നേരിട്ടു.

പാലാ-വൈക്കം റോഡ് പാലാ-വൈക്കം റോഡിൽ തോട്ടുവ സഹകരണ ബാങ്ക് ശാഖയ്ക്ക് സമീപം വെള്ളംകയറി ഗതാഗതം ഭാഗികമായി തടസ്സപ്പെട്ടു. പൈക്കാട് ഭാഗത്ത് റോഡരികിൽ മൺതിട്ട ഇടിഞ്ഞ് റബ്ബർ മരങ്ങൾ റോഡിലേക്ക് പതിച്ചു. റബ്ബർ വീണ് വൈദ്യുതിത്തൂണുകളും വിതരണക്കമ്പികളും റോഡിലേക്ക് പതിച്ചു. ഒന്നര മണിക്കൂറോളം ഗതാഗതം തടസ്സപ്പെട്ടു. വാഹനം ഇടവഴികളിലൂടെ തിരിച്ചുവിട്ടു. അഗ്നിരക്ഷാസേന, പോലീസ്, കെ.എസ്.ഇ.ബി. ഉദ്യോഗസ്ഥർ, നാട്ടുകാർ തുടങ്ങിയവർ ചേർന്നാണ് മരങ്ങൾ വെട്ടിനീക്കിയും വൈദ്യുതി വിതരണ കമ്പികൾ നീക്കിയും ഗതാഗതം പുനഃസ്ഥാപിച്ചത്. കുറവിലങ്ങാടിനും മരങ്ങാട്ടുപിള്ളിക്കും ഇടയിലും വിവിധ സ്ഥലങ്ങളിൽ വെള്ളക്കെട്ട് ഉണ്ടായി.

കുറിച്ചിത്താനം കവലമുതൽ ശ്രീധരിക്കവല വരെ ഹൈവേ മുങ്ങി മരങ്ങാട്ടുപിള്ളി കുറിച്ചിത്താനം കവല മുതൽ ശ്രീധരിക്കവല വരെ വിവിധ സ്ഥലങ്ങളിൽ റോഡ് വെള്ളത്തിലായി ഗതാഗതം ഭാഗികമായി തടസ്സപ്പെട്ടു. വാഴ്ചപ്പാറയിലും വെള്ളക്കെട്ട് ഉണ്ടായി. മരങ്ങാട്ടുപിള്ളി കവല മുതൽ കടപ്ലാമറ്റം വരെയുള്ള ഭാഗത്തും വെള്ളക്കെട്ട് ഉണ്ടായി. പാലാ റോഡിൽ ആണ്ടൂർ ഭാഗത്തും വെള്ളംകയറി.

വീടുകളിലും വ്യാപാരസ്ഥാപനങ്ങളിലും വെള്ളംകയറി വയലാ ഹയർ സെക്കൻഡറി സ്‌കൂൾ കവലയിൽ തോട്ടിലെ വെള്ളംകയറി. വയലാ-കൂടല്ലൂർ റോഡിലും വെള്ളംകയറി. ഹോട്ടൽ, രണ്ട് തുണിക്കടകൾ എന്നിവിടങ്ങളിലും വെള്ളംകയറി.

മാറൊഴുക തോട്ടിലെ തടയണ കവിഞ്ഞ് കാളികാവ് ശ്രീപോർക്കലി ക്ഷേത്രവും വെള്ളത്തിലായി. ചുറ്റുമതിലും ഇടിഞ്ഞു. ക്ഷേത്രത്തിന് സമീപം താമസിക്കുന്ന പൊന്മലചെരുവിൽ സുനു, കൊച്ചുപറമ്പിൽ സന്തോഷ്, കളരിക്കൽ ജയപ്രകാശ് എന്നിവരുടെ അടക്കം ആറ് വീടുകളിലും വെള്ളംകയറി. ഉഴവൂർ-മോനിപ്പള്ളി റോഡിൽ കുരിശുപള്ളി കവലയിലുണ്ടായ വെള്ളക്കെട്ട് ഗതഗതം തടസ്സപ്പെടുത്തി.