March, 2022 | 20-20 Journals

ഉറക്കം കുറവാണെങ്കിൽ ആഹാരത്തിൽ ഉൾപ്പെടുത്തി കഴിക്കാം ഈ ഭക്ഷണങ്ങൾ

രാത്രിയിൽ ഏറെ നേരം കഴിഞ്ഞിട്ടും ഉറക്കം കിട്ടാത്തതിനാൽ ഉറക്കഗുളികയെ ആശ്രയിക്കുന്നവരും കുറവല്ല. ഉറക്കക്കുറവ് ശരീരികമായ ബുദ്ധിമുട്ടുകൾക്കൊപ്പം മാനസികമായ പ്രശ്നങ്ങളും ഉണ്ടാക്കുന്നു. നല്ല ഉറക്കം ഹൃദ്രോഗങ്ങൾ, പൊണ്ണത്തടി, പ്രമേഹം എന്നിവയെ ചെറുക്കുന്നുവെന്നും മാനസികസമ്മർദങ്ങൾ കുറയ്ക്കുന്നുവെന്നും പഠനങ്ങളിൽ കണ്ടെത്തിയിട്ടുണ്ട്. ചില ഭക്ഷണങ്ങൾ നല്ല ഉറക്കത്തിന് സഹായിക്കുമെന്ന് ന്യൂട്രീഷണിസ്റ്റുമാർ പറയുന്നു. നമ്മൾ എന്തു കഴിക്കുന്നുവെന്നതും ഉറക്കത്തെ സ്വാധീനിക്കുന്നതായി അവർ ചൂണ്ടിക്കാട്ടുന്നു.

വളരെ വൈകി ഭക്ഷണം കഴിക്കുന്നതും കലോറി കൂടുതൽ അടങ്ങിയ ഭക്ഷണം കഴിക്കുന്നതും ഉറക്കെ സ്വാധീനിക്കുന്ന ഘടകങ്ങളാണ്. അതേസമയം, ചില ഭക്ഷണങ്ങൾ മനസ്സ് ശാന്തമാക്കുന്നതിനും ഉറക്കത്തിന്റെ ഗുണമേന്മവർധിപ്പിക്കുന്നതിനും സഹായിക്കുന്നുമെന്ന് വിദഗ്ധർ പറയുന്നു.

> പാൽ

ചെറുചൂടുള്ള ഒരു ഗ്ലാസ് പാൽ ഉറക്കത്തിന് മുമ്പ് കുടിക്കുന്നത് നല്ല ഉറക്കം കിട്ടാൻ സഹായിക്കുമെന്ന് പഠനങ്ങളിൽ കണ്ടെത്തിയിട്ടുണ്ട്. പാലിൽ ഒരു നുള്ള് ജാതിക്കാപൊടിയോ, മഞ്ഞൾപ്പൊടിയോ ചേർത്ത് കഴിക്കുന്നും നല്ലതാണ്. പാലിലടങ്ങിയ വിറ്റാമിൻ ബി, ഡി എന്നിവയും മെലാടോണിൻ എന്നിവയും നല്ല ഉറക്കം കിട്ടുന്നതിന് സഹായിക്കുന്നു.

> കിവി പഴം

ഉറക്കം മെച്ചപ്പെടുത്താൻ കിവി പഴം സഹായിക്കുമെന്ന് പഠനത്തിൽ കണ്ടെത്തിയിട്ടുണ്ട്. ധാതുക്കളും വിറ്റാമിനുകളും ധാരാളമായി അടങ്ങിയ പഴങ്ങളിലൊന്നാണ് കിവി പഴം. വിറ്റാമിൻ സി, ഇ എന്നിവയും പൊട്ടാസ്യം, ഫോളേറ്റ് എന്നിവയും കിവിയിൽ അടങ്ങിയിരിക്കുന്നു. ഉറങ്ങുന്നതിന് രണ്ട് മണിക്കൂർ മുമ്പ് കിവി പഴം കഴിക്കുന്നത് വേഗത്തിൽ ഉറങ്ങുന്നതിനും കൂടുതൽ സമയം നന്നായി ഉറങ്ങുന്നതിനും സഹായിക്കുന്നതായി പഠനത്തിൽ കണ്ടെത്തിയിട്ടുണ്ട്. കിവിയിലെ ആന്റിഓക്സിഡന്റ് ഘടകങ്ങളും സെറോടോണിന്റെ അളവുമാണ് ഉറക്കത്തിന് സഹായിക്കുന്നത്.

> വാഴപ്പഴം

വാഴപ്പഴം കഴിക്കുന്നത് നല്ല ഉറക്കത്തിന് സഹായിക്കുമെന്ന് ആയുർവേദത്തിൽ വ്യക്തമാക്കുന്നു. വാഴപ്പഴത്തിലുള്ള മഗ്നീഷ്യം, പൊട്ടാസ്യം എന്നിവ ശരീരത്തിലെ പേശികളെ ശാന്തമാക്കുകയും സെറാടോണിൻ ഉത്പാദനത്തെ ത്വരിതപ്പെടുത്തുകയും ചെയ്യുന്നു.

> ട്രാറ്റ് ചെറി(പൂനെസ്)

ഉറക്കത്തിന് ഏറെ സഹായിക്കുന്ന പഴങ്ങളിലൊന്നാണ് ട്രാറ്റ് ചെറി. വിറ്റാമിൻ ബി6, കാൽസ്യം, മഗ്നീഷ്യം എന്നിവയുടെ കലവറയാണ് ചെറി. ഇവ ഉറക്കത്തിന് സഹായിക്കുന്ന ഹോർമോണായ മെലാറ്റോണിന്റെ ഉത്പാദനത്തിന് ഇത് സഹായിക്കുന്നു.ഈ ചെറി ഉണക്കി തയ്യാറാക്കുന്ന പൂനെസും നല്ല ഉറക്കം കിട്ടുന്നതിന് സഹായിക്കുന്നു. ചെറി ഉറങ്ങുന്നതിന് അരമണിക്കൂർ മുമ്പോ അത്താഴത്തിനൊപ്പമോ കഴിക്കാം. ചെറുചൂടുള്ള പാലിൽ ചേർത്ത് ഇത് കഴിക്കുന്നതും നല്ലതാണ്.

> നട്സ്

ബദാം, വാൾനട്സ്, പിസ്ത, കശുവണ്ടി എന്നിവയെല്ലാം നല്ല ഉറക്കം കിട്ടാൻ സഹായിക്കുന്നതായി പഠനങ്ങളിൽ കണ്ടെത്തിയിട്ടുണ്ട്. മെലാടോണിൻ, മഗ്നീഷ്യം, സിങ്ക് എന്നിവയെല്ലാം നട്സിൽ ധാരാളമായി അടങ്ങിയിട്ടുണ്ട്. ആൽമണ്ട് ബട്ടറും പീനട്ട് ബട്ടറും വാഴപ്പഴത്തിനൊപ്പം ചേർത്ത് കഴിക്കാവുന്നതാണ്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Popular

പെട്രോളിനും ഡീസലിനും പിന്നാലെ പാചക വാതകത്തിനും വില കൂട്ടി

ഒരിടവേളക്ക് ശേഷം പെട്രോളിനും ഡീസിലിനും വില വർധിപ്പിച്ചതിന് പിന്നാലെ ഗാർഹിക ആവശ്യത്തിനുള്ള പാചക വാതകത്തിനും വില കൂട്ടി. സിലിണ്ടറിന് 50 രൂപയാണ് വർധിപ്പിച്ചത്. 2021 ഒക്ടോബർ ആറിന് ശേഷം ആദ്യമായിട്ടാണ് ഗാർഹിക പാചകവാതകത്തിന് വില വർധിപ്പിക്കുന്നത്. ഇതോടെ കൊച്ചിയിൽ ഗാർഹിക സിലിണ്ടറിന് ഡെലിവറി ചാർജുകളില്ലാതെ 956 രൂപ നൽകേണ്ടി വരും.

141 ദിവസത്തെ ഇടവേളക്ക് ശേഷം കഴിഞ്ഞ ദിവസം ഇന്ധനവില വർധിപ്പിച്ചിരുന്നു. രാജ്യത്ത് വിവിധയിടങ്ങളിലായി ഡീസലിന് 85 പൈസ വരെയും പെട്രോളിന് 88 പൈസ വരെയുമാണ് കൂട്ടിയത്.കൊച്ചിയിൽ തിങ്കളാഴ്ച 104.17 രൂപയായിരുന്ന പെട്രോളിന് 87 പൈസ കൂടി 105.04 രൂപയായി. ഡീസലിന് 91.42-ൽ നിന്ന് 85 പൈസ കൂടി 92.27 ലുമെത്തി. ചൊവ്വാഴ്ചയോടെ ഉയർന്ന വില പ്രാബല്യത്തിൽ വന്നു.

നവംബറിൽ ദീപാവലിയോടനുബന്ധിച്ചാണ് അവസാനമായി വില പരിഷ്കരിച്ചത്. റഷ്യ-യുക്രൈൻ സംഘർഷപശ്ചാത്തലത്തിൽ ക്രൂഡ് ഓയിൽ വില 130 ഡോളറിന് മുകളിലേക്കെത്തിയപ്പോഴും രാജ്യത്ത് പെട്രോൾ, ഡീസൽവിലയിൽ മാറ്റം വരുത്തിയിരുന്നില്ല. നിലവിൽ 115 ഡോളറിനുമുകളിലാണ് ക്രൂഡ് ഓയിൽ വില.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Bussiness

സെൻസെക്സിൽ 150 പോയന്റ് നഷ്ടം: നിഫ്റ്റി 17,100ന് താഴെ

അസംസ്കൃത എണ്ണവിലയിലെ വർധനവും മറ്റ് ആഗോള കാരണങ്ങളും രണ്ടാംദിവസവും വിപണിയെ ബാധിച്ചു. സെൻസെക്സ് 135 പോയന്റ് നഷ്ടത്തിൽ 57,147ലും നിഫ്റ്റി 29 പോയന്റ് താഴ്ന്ന് 17,088ലുമാണ് വ്യാപാരം ആരംഭിച്ചത്.പ്രമുഖ റേറ്റിങ് ഏജൻസിയായ ഫിച്ച് രാജ്യത്തെ ജിഡിപി വളർച്ചാനിരക്ക് 8.5ശതമാനമായി കുറച്ചു. ആഗോള വിപണിയിലെ അസംസ്കൃത എണ്ണവില വർധന കണക്കിലെടുത്താണിത്.

ഹിന്ദുസ്ഥാൻ യുണിലിവർ, ഏഷ്യൻ പെയിന്റ്സ്, അൾട്രടെക് സിമെന്റ്സ്, നെസ് ലെ, ബ്രിട്ടാനിയ തുടങ്ങിയ ഓഹരികളാണ് നഷ്ടംനേരിട്ടത്. ഒഎൻജിസി, ഹിൻഡാൽകോ, ടാറ്റ സ്റ്റീൽ, വിപ്രോ, കോൾ ഇന്ത്യ തുടങ്ങിയ ഓഹരികൾ നേട്ടത്തിലുമാണ്.നിഫ്റ്റി മെറ്റൽ, മീഡിയ, ഫാർമ ഒഴികെയുള്ള സൂചികകളെല്ലാം നഷ്ടത്തിലാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളിലും ചാഞ്ചാട്ടം പ്രകടമാണ്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Job Vacancies

ലോ യൂണിവേഴ്സിറ്റിയിൽ അധ്യാപക ഒഴിവുകൾ

ഡൽഹിയിലെ നാഷണൽ ലോ യൂണിവേഴ്സിറ്റിയിൽ അധ്യാപകതസ്തികകളിലേക്ക് അപേക്ഷ ക്ഷണിച്ചു. പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ, അക്കാഡമിക് ഫെലോസ് (കരാർ നിയമനം) തസ്തികകളിലാണ് ഒഴിവ്.അപേക്ഷ ഓൺലൈനായി സമർപ്പിക്കണം.യോഗ്യത, പ്രായം, പരിചയം എന്നിവ യു.ജി.സി. നിബന്ധനകൾക്ക് വിധേയമായിട്ടാണ്.

കോൺസ്റ്റിറ്റിയൂഷണൽ ലോ ജൂറിഡൻസ്, ക്രിമിനൽ ലോ, കോർപ്പറേറ്റ് ലോസ്, ഇന്റലക്ച്വൽ പ്രോപ്പർട്ടി റൈറ്റ്സ്, ഇന്റർനാഷണൽ ലോ, കോംപറ്റീഷൻ ലോ, ടാക്സേഷൻ ലോ, ലോ ആൻഡ് ടെക്നോളജി, ഫിനാൻഷ്യൽ ലോസ്, റെഗുലേറ്ററി സ്റ്റഡീസ് ആൻഡ് ക്ലിനിക്കൽ ലീഗൽ എജുക്കേഷൻ വിഷയങ്ങളിൽ സ്പെഷ്യലൈസ് ചെയ്തവർക്കും അവസരമുണ്ട്.അപേക്ഷാഫീസ്: 1000 രൂപ.. അവസാന തീയതി: മാർച്ച് 31, വിശദ വിവരങ്ങൾക്ക് വെബ്സൈറ്റ് സന്ദർശിക്കാം
https://nludelhi.ac.in/home.aspx

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Education

കുസാറ്റിൽ ഇന്റഗ്രേറ്റ്ഡ് എം.എസ്.സി കംപ്യൂട്ടർ സയൻസ്

വിദേശ സർവകലാശാലകളുമായും വ്യവസായ മേഖലയിൽ ആഗോള കമ്പനികളുമായും സഹകരണം; പ്ലസ്ടു പഠനം കഴിഞ്ഞുവരുന്ന വിദ്യാർഥികൾക്ക് പ്രോജക്ടുകളിൽ പങ്കാളികളാകാനും ആർട്ടിഫിഷ്യൽ ഇന്റലിജൻസ്, ഡേറ്റ സയൻസ് മേഖലയിൽ പഠനത്തിനും ഗവേഷണത്തിനും അവസരം. ബിരുദം മുതൽ ബിരുദാനന്തര ബിരുദവരെയുള്ള പഠനം സർവകലാശാലയിൽ. ഇതെല്ലാം കൊച്ചി ശാസ്ത്ര-സാങ്കേതിക സർവകലാശാല (കുസാറ്റ്) യിലെ പഞ്ചവത്സര സംയോജിത എം.എസ്സി. കംപ്യൂട്ടർ സയൻസ് കോഴ്സിന്റെ പ്രത്യേകതകളാണ്.

കേരള സർക്കാരിന്റെ അറിവിൽ അധിഷ്ഠിതമായ സമ്പദ്ഘടന എന്ന ലക്ഷ്യത്തിന്റെ ഭാഗമായി തൊഴിലധിഷ്ഠിത പുതുതലമുറ കോഴ്സുകൾ ആരംഭിക്കുകയെന്ന ലക്ഷ്യത്തിന്റെ ഭാഗമായാണ് കംപ്യൂട്ടർ സയൻസിൽ അഞ്ചുവർഷത്തെ സംയോജിത കോഴ്സ് തുടങ്ങിയത്. സർക്കാർ-സ്വകാര്യ മേഖലയിൽ ജോലിക്കും ആർട്ടിഫിഷ്യൽ ഇന്റലിജൻസ്, ഡേറ്റാ സയൻസ് ഉൾപ്പെടെയുള്ള മേഖലകളിൽ ഗവേഷണത്തിനുമുള്ള അവസരം ഇതിലൂടെ വിദ്യാർഥികൾക്ക് ലഭിക്കുന്നു.

മികച്ച പരിശീലനവും പഠിച്ചത് പ്രയോഗിക്കാനുള്ള അവസരങ്ങളും നൽകുകയാണ് കോഴ്സ്. കംപ്യൂട്ടർ സയൻസിന്റെ അടിസ്ഥാന പാഠങ്ങൾമുതൽ ഉന്നതതലംവരെയുള്ള പരിശീലന പരിപാടിയാണ് കോഴ്സിൽ ഉൾപ്പെടുന്നത്. വ്യവസായലോകവുമായുള്ള പ്രോജക്ടുകൾക്ക് പ്രാധാന്യം നൽകുന്നു. ആറാമത്തെ സെമസ്റ്റർമുതൽ പ്രോജക്ടുകളിലും വിദേശ സർവകലാശാലകളുമായുള്ള സഹകരണത്തിലും വിദ്യാർഥികൾക്ക് ഭാഗമാകാം. 650 ടെറാ ഫ്ലോപ്സ് കംപ്യൂട്ടിങ് കപ്പാസിറ്റിയുള്ള അത്യാധുനിക കംപ്യൂട്ടർ ലാബ് കോഴ്സിന്റെ ഭാഗമായി കുസാറ്റിൽ ഒരുങ്ങുന്നുണ്ട്. വൻകിട ഐ.ടി. കമ്പനികളിൽ ജോലിക്കും ആർട്ടിഫിഷ്യൽ ഇന്റലിജൻസ്, ഡേറ്റ സയൻസ് മേഖലകളിലെ ഗവേഷണത്തിനും അവസരമുണ്ട്.

വിദേശ സർവകലാശാലകളുമായുള്ള സഹകരണം വിദ്യാർഥികൾക്ക് വിഷയത്തിൽ ഒട്ടേറെ അവസരങ്ങൾ നൽകുന്നു. നോർവേയിലെ നോർവീജിയൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി, യു.കെ.യിലെ ക്വീൻസ് യൂണിവേഴ്സിറ്റി, സിങ്കപ്പൂർ നന്യാങ് ടെക്നോളജിക്കൽ യൂണിവേഴ്സിറ്റി എന്നിവരുമായി വിവിധ മേഖലയിൽ കംപ്യൂട്ടർ സയൻസ് വിഭാഗം സഹകരിക്കുന്നുണ്ട്. വിദേശരാജ്യങ്ങളിൽ ഗവേഷണത്തിനും ജോലിക്കുമുള്ള അവസരങ്ങൾ ഇതുവഴി ലഭിക്കും.

കാറ്റ് : പ്ലവിന് ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങൾ പഠിച്ച് 75 ശതമാനം മാർക്ക് നേടിയവർക്ക് അപേക്ഷിക്കാം. പൊതു പ്രവേശനപരീക്ഷ (കാറ്റ്) വഴിയാണ് പ്രവേശനം. കെ.വി.പി.വൈ. സ്കോളർഷിപ്പ് നേടിയവർ കാറ്റ് എഴുതണമെന്നില്ല. കാറ്റ് അപേക്ഷ നൽകണം. വിവരങ്ങൾക്ക്:admissions.cusat.ac.in.അവസാന തീയതി: മാർച്ച് 25 (പിഴയോടെ 31 വരെ).

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Bussiness

സെൻസെക്സിൽ 100 പോയന്റ് നേട്ടം: നിഫ്റ്റി 17,300 കടന്നു

വ്യാപാര ആഴ്ചയുടെ ആദ്യദിനത്തിൽ സൂചികകളിൽ ചാഞ്ചാട്ടത്തോടെ തുടക്കം. റഷ്യ യുക്രൈൻ അനിശ്ചിതത്വം തുടരുകയാണെങ്കിലും വിപണി നേട്ടത്തിലാണ് വ്യാപാരം ആരംഭിച്ചത്.

സെൻസെക്സ് 101 പോയന്റ് നേട്ടത്തിൽ 57,964ലിലും നിഫ്റ്റി 36 പോയന്റ് ഉയർന്ന് 17,323ലുമാണ് വ്യാപാരം നടക്കുന്നത്.മാരുതി സുസുകി, ഇൻഫോസിസ്, വിപ്രോ, ടാറ്റ സ്റ്റീൽ, ടെക് മഹീന്ദ്ര, ടൈറ്റാൻ, ടിസിഎസ്, സൺ ഫാർമ തുടങ്ങിയ ഓഹരികളാണ് നേട്ടത്തിൽ.

ഐടിസി, നെസ് ലെ, എൻടിപിസി, ബജാജ് ഫിൻസർവ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഭാരതി എയർടെൽ, റിലയൻസ്, എസ്ബിഐ തുടങ്ങിയ ഓഹരികൾ നഷ്ടത്തിലുമാണ്. നിഫ്റ്റി ഐടി, മീഡിയ, മെറ്റൽ, ഫാർമ സൂചികകൾ ഒരുശതമാനത്തോളം ഉയർന്നു. ബാങ്ക്, എഫ്എംസിജി, റിയാൽറ്റി സൂചികകൾ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളിലും നേട്ടത്തിലാണ് വ്യാപാരം നടക്കുന്നത്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Main Stories

നിരവധി സ്ഥാപനങ്ങളിൽ വിവിധ തസ്തികകളിലേക്ക് ഒഴിവുകൾ

.പറ്റ്‌ന ഹൈക്കോടതി റിക്രൂട്ട്മെന്റ് 2022: പറ്റ്ന ഹൈക്കോടതി സ്‌റ്റെനോഗ്രാഫർ തസ്തികയിലെ 129 ഒഴിവുകളിലേക്ക് അപേക്ഷ ക്ഷണിച്ചിട്ടുണ്ട്. തത്പരരായ ഉദ്യോഗാർത്ഥികൾക്ക് മാർച്ച് 29നുള്ളിൽ patnahighcourt.gov.in എന്ന വെബ്‌സൈറ്റ് മുഖേന അപേക്ഷകൾ സമർപ്പിക്കാം. സീനിയർ സെക്കന്ററി പരീക്ഷയിൽ മികച്ച വിജയം നേടിയവരും ഇംഗ്ലീഷ്, ഹിന്ദി ഭാഷകളിൽ ടൈപ്പിങ്ങിന് പ്രാവീണ്യം ഉള്ളവരുമായ ഉദ്യോഗാർത്ഥികൾക്ക് അപേക്ഷിക്കാം. അപേക്ഷകർ അംഗീകൃത ബോർഡിൽ നിന്നോ സർവകലാശാലയിൽ നിന്നോ ഇന്റർമീഡിയറ്റ്/പ്ലസ് ടു പരീക്ഷയിൽ വിജയിച്ചവരായിരിക്കണം. കൂടാതെ ഇംഗ്ലീഷ് ഷോർട്ട്ഹാൻഡ്. ഇംഗ്ലീഷ് ടൈപ്പിങ് എന്നിവയിൽ സർട്ടിഫിക്കറ്റ് നേടിയിരിക്കണം.

ബറോഡ ഉത്തർപ്രദേശ് ബാങ്ക് റിക്രൂട്ട്മെന്റ് 2022: ബറോഡ യുപി ബാങ്ക് വിവിധ മേഖലകളിൽ 250 അപ്പ്രന്റൈസ്ഷിപ്പ് തസ്തികകളിലേക്ക് അപേക്ഷ ക്ഷണിച്ചിട്ടുണ്ട്. barodaupbank.in എന്ന വെബ്‌സൈറ്റിലൂടെ അപേക്ഷിക്കാം. ഒരു ഓൺലൈൻ പരീക്ഷയിലെയും തുടർന്ന് പ്രാദേശിക ഭാഷയിൽ നടത്തുന്ന പരീക്ഷയിലെയും പ്രകടനത്തെ മുൻനിർത്തിയായിരിക്കും നിയമനം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് 12 മാസത്തെ പരിശീലനം നൽകും. പരിശീലന കാലയളവിൽ 9,000 രൂപ സ്റ്റൈപ്പൻഡ് ലഭിക്കും

തമിഴ്നാട് ടിഇടി 2022: തമിഴ്നാട് ടീച്ചേർസ് എലിജിബിലിറ്റി പരീക്ഷയുടെ (TET) വിജ്ഞാപനം trb.tn.nic.in എന്ന വെബ്‌സൈറ്റ് വഴി പുറത്തിറക്കിയിട്ടുണ്ട്. അപ്ലിക്കേഷൻ പ്രക്രിയ മാർച്ച് 14ന് ആരംഭിക്കും. ഏപ്രിൽ 13ന് വൈകുന്നേരം 5 മണി വരെ അപേക്ഷകൾ സമർപ്പിക്കാം. പരീക്ഷയിൽ രണ്ട് പേപ്പറുകളാണ് ഉണ്ടാവുക. ഒന്നാം ക്ലാസ് മുതൽ അഞ്ചാം ക്ലാസ് വരെ പഠിപ്പിക്കാൻ ആഗ്രഹിക്കുന്നവർക്കുള്ളതാണ് പേപ്പർ 1. ആറ് മുതൽ എട്ട് വരെ ക്ലാസുകളിൽ പഠിപ്പിക്കാൻ ആഗ്രഹിക്കുന്നവർക്കാണ് പേപ്പർ 2 .ഖൽസ കോളേജ്, ഡൽഹി സർവകലാശാല: ഡൽഹി സർവകലാശാലയിലെ എസ്‌ജിടിബി ഖൽസ കോളേജിൽ അസിസ്റ്റന്റ് പ്രൊഫസർ തസ്തികയിലെ 66 ഒഴിവുകളിലേക്ക് അപേക്ഷ ക്ഷണിച്ചിട്ടുണ്ട്. colrec.du.ac എന്ന വെബ്‌സൈറ്റിൽ മാർച്ച് 20 വരെ അപേക്ഷ സമർപ്പിക്കാം. പ്രാഥമിക സ്‌ക്രീനിങ്ങിന് ശേഷം നടത്തുന്ന അഭിമുഖ പരീക്ഷയുടെ അടിസ്ഥാനത്തിലായിരിക്കും നിയമനം. ഉദ്യോഗാർഥികളുടെ ബിരുദ, ബിരുദാനന്തര കോഴ്‌സുകളിലെ മാർക്ക്, നെറ്റ് പരീക്ഷയിലെ സ്‌കോർ, പ്രവൃത്തി പരിചയം, മറ്റ് അവാർഡുകൾ എന്നിവ അടിസ്ഥാനമാക്കിയായിരിക്കും സ്ക്രീനിങ്.

നാഷണൽ മിനറൽ ഡെവലപ്മെന്റ് കോർപ്പറേഷൻ: നാഷണൽ മിനറൽ ഡെവലപ്മെന്റ് കോർപ്പറേഷൻ ലിമിറ്റഡ് വിവിധ ട്രെയ്ഡുകളിൽ അപ്പ്രന്റൈസ്‌ഷിപ്പ് പരിശീനത്തിനായി വാക്ക്-ഇൻ ഇന്റർവ്യൂ നടത്തുമെന്ന് അറിയിച്ചിട്ടുണ്ട്. ഉദ്യോഗാർത്ഥികൾ ആദ്യം apprenticeshipindia.gov.in എന്ന വെബ്‌സൈറ്റിൽ രജിസ്റ്റർ ചെയ്യുക. മാർച്ച് 10ന് ആരംഭിക്കുന്ന ഇന്റർവ്യൂ മാർച്ച് 25 വരെ നീണ്ടുനിൽക്കും ഇന്ത്യൻ ആർമി എസ്‌എസ്‌സി ടെക്നിക്കൽ: ഷോർട്ട് സർവീസ് കമ്മീഷനിൽ 191 ഒഴിവുകളിലേക്ക് ഇന്ത്യൻ ആർമി അപേക്ഷ ക്ഷണിച്ചിട്ടുണ്ട്. താത്പര്യമുള്ള ഉദ്യോഗാർത്ഥികൾക്ക് joinindianarmy.nic.in എന്ന വെബ്‌സൈറ്റ് മുഖേന അപേക്ഷകൾ സമർപ്പിക്കാം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് ചെന്നൈയിലെ ഓഫീസേഴ്‌സ് ട്രെയിനിങ് അക്കാദമിയിൽ പരീശീലനം നൽകും. 49 ആഴ്ചകൾ നീണ്ടു നിൽക്കുന്നതായിരിക്കും പരിശീലനം. 2022 ഒക്ടോബറിലാണ് കോഴ്‌സുകൾ ആരംഭിക്കുക

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Education Popular

ടെക്നിക്കൽ ഹൈസ്കൂൾ പ്രവേശന അപേക്ഷ; ഏപ്രിൽ 6 വരെ

ഏഴാം ക്ലാസ് ജയിച്ച കുട്ടികൾക്ക് ഹൈസ്കൂൾ പഠനത്തോടൊപ്പം സാങ്കേതിക പരിശീലനവും നൽകി, തൊഴിലിനു സജ്ജരാക്കുന്ന സ്ഥാപനങ്ങളാണ് സംസ്ഥാനത്തെ 39 സർക്കാർ ടെക്നിക്കൽ ഹൈസ്കൂളുകൾ. വരുന്ന അധ്യയനവർഷത്തേക്കുള്ള അപേക്ഷ ഏപ്രിൽ 6 വരെ നൽകാം. സാധാരണ സ്കൂളുകളിലെ 8,9,10 ക്ലാസുകളിലെപ്പോലെയാണു പഠനം. കൂടുതലായി സാങ്കേതിക വിഷയങ്ങളിലെ തിയറിയും പ്രാക്ടിക്കലും. ടിഎച്ച്എസ് സർട്ടിഫിക്കറ്റ് എസ്എസ്എൽസിക്കു തുല്യമാണ്.

ഒന്നാം വർഷം അടിസ്ഥാന സാങ്കേതിക പരിശീലനം. രണ്ടും മൂന്നും വർഷങ്ങളിൽ ഇഷ്ടപ്പെട്ട ട്രേഡിൽ വിശേഷ പരിശീലനം. അധ്യയന മാധ്യമം മുഖ്യമായി ഇംഗ്ലിഷ്. 8, 9 ക്ലാസുകളിൽ “എൻറിച് യുവർ ഇംഗ്ലിഷ് കോഴ്സ്’. പരിശീലനത്തിനു കൂടുതൽ നേരം വേണ്ടതിനാൽ സ്കൂൾ സമയം 9 മുതൽ 4.30 വരെ. പോളിടെക്നിക് കോളജ് പ്രവേശനത്തിനു ടിഎച്ച്എസുകാർക്കു 10% സംവരണം (ഉദ്ദേശം 1200 സീറ്റ്).

ഏഴാം ക്ലാസ് ജയിച്ച്, 2022 ജൂൺ ഒന്നിനു 16 വയസ്സു തികയാത്തവരെയാണു പ്രവേശിപ്പിക്കുക. പട്ടിക, ഒഇസി, ഭിന്നശേഷി, വിമുക്തഭട, രാജ്യരക്ഷാ വിഭാഗക്കാർക്കു സംവരണമുണ്ട്. പ്രോസ്പെക്ടസിനും ഓൺലൈൻ അപേക്ഷയ്ക്കും വെബ് www.polyadmission.org/ths. ഒന്നിലേറെ സ്കൂളുകളിലേക്കും വെവ്വേറെ അപേക്ഷിക്കുന്നതിൽ തടസ്സമില്ല.ഏപ്രിൽ 7നു നടത്തുന്ന പ്രവേശനപ്പരീക്ഷയിലെ പ്രകടനത്തിന്റെ അടിസ്ഥാനത്തിലായിരിക്കും തിരഞ്ഞെടുപ്പ്. ഒന്നാം വർഷ വിദ്യാർഥികൾക്കു സ്കൂൾ മാറ്റം കിട്ടില്ല. ട്യൂഷൻ ഫീയില്ല. ക്ലാസുകൾ ജൂൺ ഒന്നിനു തുടങ്ങും.

സ്കൂളുകൾ : 39 ടിഎച്ച്എസ്സുകളിലായി ആകെ 3275 സീറ്റുകൾ: നെടുമങ്ങാട്, നെയ്യാറ്റിൻകര, ശ്രീകാര്യം, കുളത്തൂപ്പുഴ, എഴുകോൺ, ഹരിപ്പാട്, കാവാലം, കൃഷ്ണപുരം, പാമ്പാടി, കുറിച്ചി, പാലാ, തീക്കോയി, കടപ്ലാമറ്റം, കാഞ്ഞിരപ്പള്ളി, ഇലഞ്ഞി, മുളന്തുരുത്തി, ആയവന, വാരപ്പെട്ടി, പുറപ്പുഴ, വണ്ണപ്പുറം, അടിമാലി, തൃശൂർ, കൊടുങ്ങല്ലൂർ, ഷൊർണൂർ, പാലക്കാട്, ചിറ്റൂർ, കോക്കൂർ, കുറ്റിപ്പുറം, മഞ്ചേരി, കോഴിക്കോട്, വടകര, പയ്യോളി, തളിപ്പറമ്പ്, കണ്ണൂർ, നെരുവമ്പ്രം, മൊഗ്രാൽ പുത്തൂർ, ചെറുവത്തൂർ,മാനന്തവാടി, സുൽത്താൻ ബത്തേരി.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Popular Travel

ആനവണ്ടിയിൽ നിലമ്പൂർ ചുറ്റാം; പുതിയ പാക്കേജുമായി കെ.എസ്.ആർ.ടി.സി

നിലമ്പൂർ ചുറ്റിക്കാണാൻ മൂന്നാർ മാതൃകയിൽ വിനോദയാത്രാ പാക്കേജുമായി കെഎസ്ആർടിസി ഡിപ്പോ. “നിലമ്പൂർ ടീക്ക് ലാൻഡ് സഫാരി എന്നു പേരിട്ട സർവീസ് 27ന് തുടങ്ങും. ഞായറാഴ്ചകളിൽ മാത്രമാണ് സർവീസ് ഉദ്ദേശിക്കുന്നത്. രാവിലെ 9ന് നിലമ്പൂർ ഡിപ്പോയിൽ നിന്ന് പുറപ്പെട്ട് വൈകിട്ട് 7ന് തിരിച്ചെത്തുന്ന വിധത്തിലാണ് സർവീസ്.

കനോലി പ്ലോട്ട്, ബംഗ്ലാവ്കുന്ന്, തേക്ക് മ്യൂസിയം, കോഴിപ്പാറ വെള്ളച്ചാട്ടം, കക്കാടംപൊയിൽ കോഴിപ്പാറ വെള്ളച്ചാട്ടം എന്നിവ കാണാം. വിവിധ കേന്ദ്രങ്ങളിലെ പ്രവേശന ഫീസ് അടക്കം ആകെ 610 രൂപയാണ് നിരക്ക്. ഭക്ഷണച്ചെലവ് യാത്രക്കാർ വഹിക്കണം. സംസ്ഥാനത്തിന്റെ വിവിധ ജില്ലകളിൽ നിന്ന് നിലമ്പൂരിലേക്ക് ഒട്ടേറെ വിനോദ സഞ്ചാരികൾ എത്താറുണ്ട്. നിലവിൽ സ്വന്തം വാഹനമുള്ളവർക്കോ ടാക്സികളെ ആശ്രയിച്ചോ ആണ് വിവിധ കേന്ദ്രങ്ങളിൽ എത്താറുള്ളത്.

കെഎസ്ആർടിസി ബസിൽ നിലമ്പൂരിലെത്തുന്നവർക്കും ഇനി ഒരു പകൽ കാണാവുന്നത്രയും സ്ഥലങ്ങളിലെത്തിക്കുകയാണ് പുതിയ പാക്കേജിന്റെ ഉദ്ദേശം. നിലവിൽ മൂന്നാറിലാണ് സമാന പാക്കേജുള്ളത്. മൂന്നാറിൽ നിന്ന് രാവിലെ പുറപ്പെട്ട് വൈകിട്ട് തിരിച്ചെത്തുന്ന വിധത്തിലുള്ള ഈ പാക്കേജിലേക്ക് ബന്ധിപ്പിച്ച് മറ്റ് ഡിപ്പോകളിൽ നിന്ന് “ഉല്ലാസയാത്ര പദ്ധതികൾ പ്രഖ്യാപിച്ചതോടെ വൻ ഹിറ്റായി. സമാന രീതിയിൽ നിലമ്പൂർ ചുറ്റിക്കാണാൻ ആഗ്രഹിക്കുന്നവർക്കും സൗകര്യമൊരുങ്ങുകയാണ്.

ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.

എല്ലാവരും മാസ്‌ക് ധരിച്ചും

സാനിറ്റൈസ് ചെയ്തും സാമൂഹ്യ അകലം പാലിച്ചും

വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് അഭ്യര്‍ത്ഥിക്കുന്നു.

Health Main Stories

കൊളസ്ട്രോൾ ഒഴിവാക്കാം ഈ ഭക്ഷണങ്ങൾ ഒഴിവാക്കുന്നതിലൂടെ

മാറുന്ന ജീവിതശൈലിയും ഭക്ഷണക്രമവുമെല്ലാം നമുക്ക് നൽകിയത് ഒട്ടേറെ ജീവിതശൈലീ രോഗങ്ങളാണ്. രക്തസമ്മർദം, കൊളസ്ട്രോൾ, പ്രമേഹം തുടങ്ങി ജീവനുതന്നെ ഭീഷണിയുള്ള രോഗങ്ങൾ സർവസാധാരണമായിരിക്കുന്നു. ഹൃദ്രോഗത്തിനും ഹൃദയാഘാതത്തിനും പ്രധാന വില്ലൻ കൊളസ്ട്രോൾ ആണ്.

ലോകമെമ്പാടുമുള്ള 2.6 മില്ല്യൺ മരണങ്ങൾക്ക് കൊളസ്ട്രോൾ കാരണമാകുന്നുവെന്ന് ലോകാരോഗ്യസംഘടനയുടെ കണക്കുകൾ വ്യക്തമാക്കുന്നു. പാരമ്പര്യമായി ഈ രോഗം കടന്നുവരാമെങ്കിലും ആരോഗ്യപ്രദമായ ജീവിതശൈലി പിന്തുടരുന്നവരിൽ കൊള്സ്ട്രോളിനുള്ള സാധ്യത കുറവാണെന്ന് ആരോഗ്യവിദഗ്ധർ പറയുന്നു. രക്തപരിശോധനയിലൂടെ കൊളസ്ട്രോൾ കണ്ടെത്തിയാൽ നിർബന്ധമായും ഒഴിവാക്കേണ്ട ചില ഭക്ഷണങ്ങൾ ഉണ്ട്.

> വറുത്തതും പൊരിച്ചതുമായ ഭക്ഷണങ്ങൾ

കൊളസ്ട്രോൾ ഉള്ളവർ ഒഴിവാക്കേണ്ട ഭക്ഷണങ്ങളുടെ പട്ടികയിൽ ഒന്നാം സ്ഥാനത്താണ് എണ്ണയിൽ വറുത്ത
ഭക്ഷണം. ഇത്തരം ഭക്ഷണങ്ങളിൽ എണ്ണയുടെ അളവ് മാത്രമല്ല ഉപ്പ്, കലോറി, കൊഴുപ്പ് എന്നിവയെല്ലാം കൂടുതലായി അടങ്ങിയിട്ടുണ്ട്. കൂടാതെ, വറുത്തതും പൊരിച്ചതുമായ ഭക്ഷണം പതിവായി കഴിക്കുന്നവരിൽ പൊണ്ണത്തടി, രക്താതിസമ്മർദം, ഉയർന്ന കൊളസ്ട്രോൾ എന്നിവയെല്ലാം ഉണ്ടാകാനുള്ള സാധ്യത അധികമാണെന്ന് വിവിധ പഠനങ്ങൾ
വ്യക്തമാക്കുന്നു.

> സംസ്കരിച്ച മാംസം

സംസ്കരിച്ച മാംസത്തിൽ കൊളസ്ട്രോളിന്റെ അളവ് വളരെയധികമാണ്. കൊളസ്ട്രോളുള്ളവരുടെ ഹൃദയാരോഗ്യം സംസ്കരിച്ച മാംസാഹാരം കഴിക്കുന്നതിലൂടെ കൂടുതൽ മോശമാകുമെന്ന് ആരോഗ്യവിദഗ്ധർ ചൂണ്ടിക്കാട്ടുന്നു.

> റെഡ് മീറ്റ്

ഇറച്ചി, പന്നിയിറച്ചി, മാട്ടിറച്ചി എന്നിവയിലെല്ലാം പൂരിതകൊഴുപ്പ് ഉയർന്ന അളവിൽ അടങ്ങിയിട്ടുണ്ട്. ഉയർന്ന കൊളസ്ട്രോൾ ഉള്ളവർ റെഡ് മീറ്റ് കഴിക്കുന്നത് പരമാവധി ഒഴിവാക്കണമെന്ന് ആരോഗ്യവിദഗ്ധർ നിർദേശിക്കുന്നു. അതേസമയം, പ്രോട്ടീൻ, വിറ്റാമിനുകൾ, അയൺ എന്നിവ റെഡ് മീറ്റിൽ ഉയർന്ന അളവിൽ അടങ്ങിയിരിക്കുന്നതിനാൽ ഇത് പൂർണമായും ഒഴിക്കുന്നതും ആരോഗ്യപ്രശ്നങ്ങൾ ഉണ്ടാക്കിയേക്കും. അതിനാൽ,കൊളസ്ട്രോൾ ഉള്ളവർക്ക് റെഡ് മീറ്റ് ഉപയോഗം മൂന്നിലൊന്നായി ചുരുക്കാം.

> ബേക്കഡ് ഫുഡ്

ബേക്ക് ചെയ്തെടുക്കുന്ന ഭക്ഷണങ്ങളിൽ മധുരം, ബട്ടർ എന്നിവ കൂടുതലായുണ്ട്. അതിനാൽ, ഇത്തരം ഭക്ഷണസാധനങ്ങളിൽ അപൂരിത കൊഴുപ്പും കൊളസ്ട്രോളും അധികമായിരിക്കും. ഇത് ഹൃദ്രോഗങ്ങൾക്ക് വഴിവെക്കും.