വാക്സിനേഷൻ ഊർജ്ജിതമാക്കുന്നതിനിടെ കുട്ടികൾക്കുള്ള വാക്സിനേഷന് തുടക്കം കുറിക്കാൻ യുഎഇ. മൂന്ന് വയസ്സ് മുതൽ 17 വരെ പ്രായമുള്ള കുട്ടികൾക്ക് സിനോഫാം വാക്സിൻ ഡോസുകൾ നൽകുമെന്ന് യുഎഇ ആരോഗ്യ-പ്രതിരോധ മന്ത്രാലയം തിങ്കളാഴ്ച പ്രഖ്യാപിച്ചു. നേരത്തെ മുതിർന്നവർക്കുള്ള വാക്സിനേഷനാണ് യുഎഇ ആരംഭിച്ചത്.
വിപുലമായ ക്ലിനിക്കൽ പരീക്ഷണങ്ങളും പരീക്ഷണങ്ങളും നടത്തിയ ശേഷം കുട്ടികൾക്കുള്ള സിനോഫാം വാക്സിന് അടിയന്തിര അംഗീകാരം ലഭിക്കുമെന്ന് മന്ത്രാലയം വ്യക്തമാക്കിയിട്ടുണ്ട്. അടിയന്തിര ഉപയോഗത്തിനുള്ള അംഗീകാരവും അംഗീകൃത നിയന്ത്രണങ്ങൾക്ക് അനുസൃതമായ പ്രാദേശിക വിലയിരുത്തലുകളെയും അടിസ്ഥാനത്തിലായിരിക്കും വാക്സിൻ നൽകുക. 2021ൽ അബുദാബിയിൽ ആരംഭിച്ച സിനോഫാം ഇമ്യൂൺ ബ്രിഡ്ജ് പഠനത്തിൽ 900 കുട്ടികളിലാണ് വാക്സിൻ പരീക്ഷിച്ചത്.
