വാഷിങ്ടണ്‍: നാസയുടെ ആരംഭിക്കാനിരിക്കുന്ന ആര്‍ട്ടെമിസ് ദൗത്യത്തില്‍ ജാപ്പനീസ് ബഹിരാകാശ സഞ്ചാരിയേയും ഉള്‍പ്പെടുത്തുമെന്ന് അമേരിക്കന്‍ പ്രസിഡന്റ് ജോ ബൈഡന്‍. ടോക്യോയില്‍ ബൈഡനും ജാപ്പനീസ് പ്രധാനമന്ത്രി ഫുമിയോ കിഷിദയും തമ്മില്‍ നടത്തിയ കൂടിക്കാഴ്ചയിലാണ് ചാന്ദ്ര ദൗത്യത്തിലെ സഹകരണംപ്രഖ്യാപിച്ചത്. ഭൂമിയെ ചുറ്റുന്ന അന്താരാഷ്ട്ര ബഹിരാകാശ നിലയത്തിനെ പോലെ ചന്ദ്രനെ ചുറ്റുന്ന ലൂണാര്‍ ഗേറ്റ് വേ ഔട്ട് പോസ്റ്റിലേക്ക് ഒരു ജാപ്പനീസ് സഞ്ചാരിയെഎത്തിക്കുന്നതിനും ഭാവിയില്‍ ആര്‍ട്ടെമിസ് പദ്ധതിയുടെ ഭാഗമായി ഒരു ജാപ്പനീസ് സഞ്ചാരിയെ ചന്ദ്രനില്‍ ഇറക്കുന്നതിനും ഇരു രാജ്യങ്ങളും തമ്മില്‍ ധാരണയായി.
