നെടുമങ്ങാട് സർക്കാർ കോളേജിൽ ഗണിതശാസ്ത്രം, സംസ്‌കൃതം, ഇംഗ്ലീഷ്, സ്റ്റാറ്റിസ്റ്റിക്‌സ് വിഷയങ്ങൾക്ക് ഗസ്റ്റ് അധ്യാപകരുടെ ഒഴിവുണ്ട്. ബന്ധപ്പെട്ട വിഷയത്തിൽ 55 ശതമാനം മാർക്കോടെ ബിരുദാനന്തര ബിരുദമുള്ളവർക്ക് അപേക്ഷിക്കാം. നെറ്റ്, പി.എച്ച്ഡി, എംഫിൽ, കോളേജുകളിലെ അധ്യാപക പരിചയം എന്നിവ അഭിലഷണീയ യോഗ്യതകളാണ്. കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റുകളിൽ പേര് രജിസ്റ്റർ ചെയ്തിട്ടുള്ള ഉദ്യോഗാർഥികൾക്ക് ഇന്റർവ്യൂവിൽ പങ്കെടുക്കാം. സംസ്‌കൃത വിഭാഗത്തിൽ 2 ന് രാവിലെ 10.30 നും ഇംഗ്ലീഷ് വിഭാഗത്തിൽ 11.30 നും ഗണിതശാസ്ത്രത്തിൽ 3 ന് രാവിലെ 11 നും സ്റ്റാറ്റിസ്റ്റിക്‌സ് വിഭാഗത്തിൽ വൈകിട്ട് 3 നുമാണ് ഇന്റർവ്യൂ.
