കുട്ടികള്‍ക്കിടയില്‍ മുന്‍വര്‍ഷത്തെ പാഠപുസ്തകത്തിന് കിട്ടിയ സ്വീകാര്യത പുതുക്കിയ പുസ്തകത്തിന് കിട്ടിയിട്ടില്ലെന്നാണ് അധ്യാപകരുടെ അനുഭവം. പഴയപോലെ പഠനം ആസ്വാദ്യകരമാകുന്ന സാഹചര്യം പുതിയ പുസ്തകത്തിനില്ലെന്നും അധ്യാപകര്‍ പറയുന്നു. ഒന്നാംക്ലാസ് പാഠപുസ്തകത്തിന്റെ ഉള്ളടക്കത്തിലെ ബാഹുല്യമാണ് പ്രധാനമായും അധ്യാപകര്‍ പങ്കുവെച്ചത്. പാഠ്യപദ്ധതി പരിഷ്കരണത്തിന്റെ ഭാഗമായി ഈ അധ്യയനവർഷം പുതുതായി ഇറക്കിയ ഒന്നാംക്ലാസ് പാഠപുസ്തകം വീണ്ടും മാറ്റുന്നു. ഒന്നാം ക്ലാസുകാർക്ക് അനുയോജ്യമല്ലാത്ത ഉള്ളടക്കമാണെന്ന വിമർശനമുയർന്നതിനെത്തുടർന്നാണിത്. അടുത്ത അധ്യയനവർഷത്തേക്കുള്ള പാഠപുസ്തക നിർമാണ ശില്പശാല കഴിഞ്ഞദിവസം കോഴിക്കോട്ട് നടന്നു.
ഈ വർഷം പുതുക്കിയ ഒന്ന്, മൂന്ന്, അഞ്ച്, ഏഴ്, ഒൻപത് ക്ലാസുകളിലെ പാഠപുസ്തകങ്ങൾ സംബന്ധിച്ച് എസ്.സി.ആർ.ടി. അധ്യാപകരിൽനിന്ന് ഗൂഗിൾഫോം വഴി അഭിപ്രായം തേടിയിരുന്നു. ഇതിൽ ലഭിച്ച പ്രതികരണത്തിന്റെ കൂടി അടിസ്ഥാനത്തിലാണ് തിരുത്തൽ. എസ്.സി.ആർ.ടി. പ്രതിനിധികളും പാഠപുസ്തക നിർമാണസമിതി അംഗങ്ങളും വിവിധ ജില്ലകളിൽനിന്നുള്ള ഒന്നാംക്ലാസ് അധ്യാപകരുമാണ് പങ്കെടുത്തത്.
കുട്ടികൾക്കിടയിൽ മുൻവർഷത്തെ പാഠപുസ്തകത്തിന് കിട്ടിയ സ്വീകാര്യത പുതുക്കിയ പുസ്തകത്തിന് കിട്ടിയിട്ടില്ലെന്നാണ് അധ്യാപകരുടെ അനുഭവം. പഴയപോലെ പഠനം ആസ്വാദ്യകരമാകുന്ന സാഹചര്യം പുതിയ പുസ്തകത്തിനില്ലെന്നും അധ്യാപകർ പറയുന്നു. ഒന്നാംക്ലാസ് പാഠപുസ്തകത്തിന്റെ ഉള്ളടക്കത്തിലെ ബാഹുല്യമാണ് പ്രധാനമായും അധ്യാപകർ പങ്കുവെച്ചത്.
ഒന്നാംപാഠംതന്നെ പൂർത്തിയാക്കാൻ മാസങ്ങൾ വേണ്ടിവന്നെന്നാണ് വിമർശനം. പഠനാനുബന്ധ പ്രവർത്തനങ്ങളുടെ എണ്ണക്കൂടുതലും കുട്ടികളെ മടുപ്പിക്കുന്നു. അധ്യയനദിവസങ്ങൾ പലകാരണങ്ങളാൽ നഷ്ടപ്പെടുമ്പോൾ പാഠഭാഗങ്ങൾ ഓടിച്ചുതീർക്കേണ്ട സാഹചര്യമാണ്. പ്രവർത്തനപുസ്തകത്തിൽ ഏറെ ചെയ്തുതീർക്കാനുള്ളതിനാൽ കുട്ടികൾക്ക് മറ്റ് ക്ലാസ് റൂം അനുഭവങ്ങൾക്ക് സമയംകിട്ടുന്നില്ല. പാഠപുസ്തകത്തിനൊപ്പം പ്രവർത്തനപുസ്തകവും അധ്യാപകസഹായിയും പരിഷ്കരിക്കാനാണ് തീരുമാനം.
സംസ്ഥാനത്ത് ആദ്യമായാണ് അധ്യാപകരുടെയും വിദ്യാർഥികളുടെയും അഭിപ്രായം പരിഗണിച്ച് പാഠപുസ്തകം പരിഷ്കരിക്കുന്നതെന്നാണ് എസ്.സി.ആർ.ടി.ഇ.യുടെ അവകാശവാദം. എന്നാൽ, ഈ വർഷത്തെ ഒന്നാംക്ലാസുകാരെ പരീക്ഷണത്തിന് വിട്ടുകൊടുത്തതുവഴി അവർക്കുണ്ടായ പഠനപ്രയാസങ്ങൾക്ക് ആര് ഉത്തരം പറയുമെന്നാണ് അധ്യാപകരുടെ ചോദ്യം.
