കോവിഡ് തീവ്രതയിലും നിയന്ത്രണങ്ങളിലും കുറവു വന്നതോടെ മാസ്ക്, സാനിറ്റൈസർ, കയ്യുറ തുടങ്ങിയവയുടെ വിലയിടിഞ്ഞു. ആവശ്യക്കാർ കുറഞ്ഞതോടെ ഇവ വിറ്റഴിക്കാൻ ഫാർമസികളടക്കം ഓഫറുകൾ പ്രഖ്യാപിച്ചു തുടങ്ങി.
വൈറ്റമിൻ മരുന്നുകൾക്കും വില കുറഞ്ഞു. ഒന്നോ രണ്ടോ കവർ മാം മറ്റും വാങ്ങിയാൽ ഒരെണ്ണം സൗജന്യമാക്കിയാണു പല ഫാർമസികളുടെയും മത്സരം. 20 മുതൽ 60% വരെയാണ് വിലക്കുറവ്. 15 ദിർഹത്തിനു വിറ്റിരുന്ന മാസ്കുകൾ ഏഴര ദിർഹത്തിനു കിട്ടും. 12 ദിർഹത്തിന്റേതിനു നാലര ദിർഹം.
190 ദിർഹത്തിനു വിറ്റിരുന്ന വൈറ്റമിൻ മരുന്നുകളുടെ വില 100 ദിർഹമായി. 27 ദിർഹമുണ്ടായിരുന്ന കയ്യുറയ്ക്കു 17 ദിർഹം. മറ്റു കടകളിലും വിലക്കുറവുണ്ട്. കഴിഞ്ഞ മൂന്നാഴ്ചയ്ക്കിടയിലാണു വില കുത്തനെ ഇടിഞ്ഞതെന്ന് ഉപയോക്താക്കൾ പറയുന്നു.
