സംസ്ഥാന സർക്കാരിൻ്റെ രണ്ടാം വാർഷികത്തോടനുബന്ധിച്ച് ജില്ലയിൽ നടക്കുന്ന ‘എൻ്റെ കേരളം’ പ്രദർശന വിപണന മേളയിൽ ശനിയാഴ്ച രാവിലെ 9 മണിക്ക് സനീഷ് കുമാർ ജോസഫ് എംഎൽഎ കരിയർ ഗൈഡൻസ് ഇന്ററാക്ടീവ് സെക്ഷൻ ഉദ്ഘാടനം ചെയ്യും.
തുടർന്ന് ഇൻഡസ്ട്രീസ് ഓഫീസർ ബിന്നിമോൻ സംരംഭകത്വ വികസനം എന്ന വിഷയത്തിൽ ക്ലാസ്സെടുക്കും. ഉച്ചയ്ക്ക് 12 മുതൽ 2 മണി വരെ ബാങ്കിന്റെ വിദ്യാഭ്യാസ വായ്പ പദ്ധതികൾ പരിചയപ്പെടുത്തുന്നു.
രാവിലെ 9.30 മുതൽ പ്രധാന വേദിയിൽ കെ ഡിസ്‌കിന്റെ നേതൃത്വത്തിൽ യങ് ഇന്നോവേറ്റേഴ്‌സ് മീറ്റ്.
ഉച്ചയ്ക്ക് രണ്ടുമുതൽ അഞ്ച് വരെ കരിയർ എക്സ്പോ പവലിയനിൽ മൃഗസംരക്ഷണ വകുപ്പ്, ക്ഷീരവികസന വകുപ്പ് എന്നിവരുടെ നേതൃത്വത്തിൽ ബിസിനസ് മീറ്റ്.
റോബോട്ടിക്സ് ആൻഡ് വെർച്വൽ റിയാലിറ്റി സൗജന്യ പരിശീലനത്തിന്റെ ഭാഗമായി എയ്‌റോ മോഡലിംഗ് എന്ന വിഷയത്തിൽ ക്ലാസ്.
വൈകിട്ട് 6 മണിക്ക് ഉപാസന കളരിപ്പയറ്റ് യോഗ ആൻഡ് ഹെൽത്ത് കെയർ സൊസൈറ്റിയുടെ അവതരണമുണ്ടാകും. രാത്രി 7 മണിക്ക് നീലാംബരി ട്രൈബ്സ് വേൾഡ് ക്ലാസ് മ്യൂസിക് നൈറ്റ് ഉണ്ടാകും.
