നേപ്പാളിൽ എവറസ്റ്റ് കൊടുമുടി കയറുന്നതിനിടെ ശ്വാസതടസ്സത്തെത്തുടർന്ന് വിദ്യാർഥി മരിച്ചു. വണ്ടൂർ തിരുവാലി ചെള്ളിത്തോടിലെ വാളശ്ശേരി സെയ്ഫുള്ളയുടെയും സമീറയുടെയും മകൻ മാസിൻ (19) ആണ് മരിച്ചത്.
മഞ്ചേരി ഏറനാട് നോളജ് സിറ്റിയിൽ ബി.ബി.എ. വിദ്യാർഥിയാണ്. ഒന്നരമാസം മുമ്പാണ് പഠനവുമായി ബന്ധപ്പെട്ട് മാസിൻ ഡൽഹിയിലേക്ക് പുറപ്പെട്ടത്. തുടർന്ന് നേപ്പാളിലെ കാഠ്മണ്ഡുവിലേക്ക് പോയതായും എവറസ്റ്റ് കയറുന്നതിനിടെ വെള്ളിയാഴ്ച ശ്വാസതടസ്സം അനുഭവപ്പെട്ട് മരിച്ചതായുമാണ് ബന്ധുക്കൾക്ക് ലഭിച്ച വിവരം. പിതൃസഹോദരൻ നേപ്പാളിലേക്ക് പുറപ്പെട്ടിട്ടുണ്ട്.മാസിനും കുടുംബവും മഞ്ചേരിക്കടുത്ത് പാണ്ടിയാടാണ് പുതിയ വീടുവെച്ച് താമസിക്കുന്നത്. സഹോദരി: ഷെസ
