കൊച്ചി വാട്ടർ മെട്രോ ലിമിറ്റഡിൽ 50 ഒഴിവ്. തുടക്കത്തിൽ ഒരു വർഷ കരാർ നിയമനം. ഡിസംബർ 1വരെ ഒാൺലൈനായി അപേക്ഷിക്കാം. തസ്തിക, ഒഴിവ്, യോഗ്യത, ശമ്പളം:
∙ടെർമിനൽ കൺട്രോളർ (20): ഏതെങ്കിലും ടെക്നിക്കൽ ഫീൽഡിൽ ഡിപ്ലോമ/ബിടെക്, 3 വർഷ പരിചയം, 35,000.
∙ബോട്ട് മാസ്റ്റർ (15): a) സെക്കൻഡ് ക്ലാസ് മാസ്റ്റർ സർട്ടിഫിക്കറ്റ്.
b) പ്ലസ് ടു/പത്താം ക്ലാസും ഐടിഐയും. 5 വർഷ പരിചയം, 40,000.
ബോട്ട് ഒാപ്പറേറ്റർ (15): a) സെക്കൻഡ് ക്ലാസ് എൻജിൻ ഡ്രൈവർ ആൻഡ് സ്രാങ്ക് സർട്ടിഫിക്കറ്റ്. b) പ്ലസ് ടു/പത്താം ക്ലാസും ഐടിഐയും. 2വർഷ പരിചയം, 35,000.
കാഴ്ച ശക്തി (ബോട്ട് മാസ്റ്റർ, ബോട്ട് ഒാപ്പറേറ്റർ)–കണ്ണട ധരിക്കാതെ: ദൂരക്കാഴ്ച: വലതു കണ്ണ്–6/6 സ്നെല്ലൻ, ഇടതു കണ്ണ്–6/6 സ്നെല്ലൻ. സമീപക്കാഴ്ച: വലതു കണ്ണ്–0.5 സ്നെല്ലൻ, ഇടതു കണ്ണ്–0.5സ്നെല്ലൻ. വർണാന്ധത, കോങ്കണ്ണ് എന്നിവ പാടില്ല. പ്രായപരിധി: 45. അർഹർക്ക് ഇളവ്.
