യുഎസ്, യൂറോപ്യൻ വിപണികളിലെ നഷ്ടം രാജ്യത്തെ സൂചികകളെയും ബാധിച്ചു. സെൻസെക്സ് 42 പോയന്റ് നഷ്ടത്തിൽ 58,526ലും നിഫ്റ്റി കാര്യമായ മാറ്റമില്ലാതെ 17,461ലുമാണ് വ്യാപാരം ആരംഭിച്ചത്.
എൻടിപിസി, പവർഗ്രിഡ്, ഭാരതി എയർടെൽ, ബജാജ് ഫിനാൻസ്, ഏഷ്യൻ പെയിന്റ്സ്, മഹീന്ദ്ര ആൻഡ് മഹീന്ദ്ര, എച്ച്ഡിഎഫ്സി ബാങ്ക്, റിലയൻസ് തുടങ്ങിയ ഓഹരികളാകട്ടെ നേട്ടത്തിലാണ്. ഇൻഫോസിസ്, എച്ച്ഡിഎഫ്സി, ടൈറ്റാൻ, അൾട്രടെക് സിമെന്റ്, ഡോ.റെഡ്ഡീസ് ലാബ്, നെസ്ലെ, ഐസിഐസിഐ ബാങ്ക്, എച്ച്സിഎൽ ടെക്, ടെക് മഹീന്ദ്ര, എസ്ബിഐ ലൈഫ് തുടങ്ങിയ ഓഹരികളാണ് നഷ്ടത്തിൽ.
സെക്ടറൽ സൂചികകളിൽ നിഫ്റ്റി മെറ്റൽ, പൊതുമേഖല ബാങ്ക്, എനർജി, റിയാൽറ്റി സൂചികകളാണ് നേട്ടത്തിൽ. ഐടി, ഓട്ടോ സൂചികകൾ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളിലും നേട്ടത്തിലാണ് വ്യാപാരം നടക്കുന്നത്. ഷെൽ കമ്പനികൾവഴി 800 കോടി രൂപ തട്ടിയെടുത്തതായി ആദായ നികുതി വകുപ്പ് കണ്ടെത്തിയതിനെതുടർന്ന് ഹീറോ മോട്ടോർകോർപിന്റെ ഓഹരി വിലയിൽ അഞ്ചുശതമാനം ഇടിവുണ്ടായി.
