ഓൾ കേരള ട്രെയിനിങ് ഇൻസ്റ്റിറ്റ്യൂട്ട്സ് വെൽഫെയർ അസോസിയേഷൻ സംസ്ഥാന കമ്മിറ്റിയുടെ നേതൃത്വത്തിൽ ജൂലൈ 23 വെള്ളിയാഴ്ച സെക്രട്ടറിയേറ്റിനു മുന്നിൽ രാവിലെ 10 മണി മുതൽ നിരാഹാര സത്യാഗ്രഹം നടത്തുന്നു. കോവിഡ് മൂലം തകർന്ന സാങ്കേതിക വിദ്യാഭ്യാസ മേഖലയ്ക്ക് ഉത്തേജക പാക്കേജ് അനുവദിക്കുക, ഓൺലൈൻ ക്ലാസുകൾ പ്രായോഗികം അല്ലാത്തതിനാൽ കൊവിഡ് മാനദണ്ഡം പാലിച്ച് സാങ്കേതിക വിദ്യാഭ്യാസ സ്ഥാപനങ്ങൾ തുറക്കാൻ അനുവദിക്കുക, വാടക, ഇലക്ട്രിസിറ്റി ബിൽ എന്നിവയിൽ ഇളവ് അനുവദിക്കുക, ബാങ്കുകളുടെ ജപ്തി നടപടികൾ നിർത്തി വെയ്പ്പിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട് നടത്തുന്ന സമരം ബഹുമാനപ്പെട്ട പ്രതിപക്ഷ നേതാവ് ശ്രീ. വി.ഡി സതീശൻ എംഎൽഎ ഉദ്ഘാടനം ചെയ്യുന്നു.
വിവിധ രാഷ്ട്രീയ, സാമൂഹിക, സാംസ്കാരിക നേതാക്കൾ പങ്കെടുക്കുന്ന സമരത്തിൽ ഓൾ കേരള ട്രെയിനിങ് ഇൻസ്റ്റ്യൂട്ട്സ് വെൽഫെയർ അസോസിയേഷൻ സംസ്ഥാന പ്രസിഡന്റ് ശ്രീ കെ എസ് അനിൽകുമാർ (കണ്ണൂർ), സംസ്ഥാന സെക്രട്ടറി ശ്രീ. എ. ഷഹീർ (കൊല്ലം), സംസ്ഥാന ട്രഷറർ ശ്രീ. മനോജ് കുമാർ (കോട്ടയം) എന്നിവരാണ് നിരാഹാരം അനുഷ്ഠിക്കുന്നത്. പ്രസ്തുത സമരത്തിൽ എല്ലാ ജില്ലാ ഭാരവാഹികളും പങ്കെടുക്കുമെന്ന് ഓൾ കേരള ട്രെയിനിങ് ഇൻസ്റ്റിറ്റ്യൂട്ട്സ് വെൽഫെയർ അസോസിയേഷൻ സംസ്ഥാന കമ്മിറ്റി അറിയിക്കുന്നു.
