മസ്‌കറ്റ്: വിദേശ തൊഴിലാളികളെ ഒമാനിലേക്ക് കൊണ്ടുവരുന്നതിന് പെര്‍മിറ്റുകള്‍ ലഭിക്കുന്നതിനുള്ള ഇലക്ട്രോണിക് സേവനങ്ങള്‍ താത്ക്കാലികമായി നിര്‍ത്തിവെയ്ക്കും. മെയ് 31 ചൊവ്വാഴ്ച ഒരു ദിവസത്തേക്കാണ് സേവനങ്ങള്‍ താത്ക്കാലികമായി നിര്‍ത്തിവെക്കുക. മെയ് 31 ചൊവ്വാഴ്ച വൈകുന്നേരം മൂന്ന് മണി മുതലായിരിക്കും ഇലക്ട്രോണിക് സേവനങ്ങള്‍ നിര്‍ത്തിവെക്കുകയെന്ന് ഒമാന്‍ തൊഴില്‍ മന്ത്രാലയത്തിന്റെ അറിയിപ്പില്‍ വ്യക്തമാക്കുന്നു. ഇലക്ട്രോണിക് സേവനങ്ങള്‍ ജൂണ്‍ 1 ബുധനാഴ്ച പുനഃരാരംഭിക്കുമെന്ന് തൊഴില്‍ മന്ത്രാലയം പ്രസ്താവനയില്‍ വ്യക്തമാക്കി.
