ഓടുന്ന തീവണ്ടിയിൽ നിന്നും കാൽതെറ്റി പ്ലാറ്റ്ഫോമിലേക്ക് വീണ യാത്രക്കാരനെ അത്ഭുതകരമായി രക്ഷപ്പെടുത്തി. കോർബ എക്സ്പ്രസിലെ യാത്രക്കാരനെയാണ് ആർ.പി.എഫ് ജീവനക്കാർ രക്ഷപ്പെടുത്തിയത്. ട്രയിൻ : ഒലവക്കോട് റയിൽവെ സ്‌റ്റേഷനിൽ നിർത്താറായപ്പോഴാണ് അപകടം. തിങ്കളാഴ്ച്ച ഉച്ചക്കാണ് സംഭവം.
ട്രെയിനിലെ വാതിലിന് സമീപം നിൽക്കുകയായിരുന്ന യാത്രക്കാരൻ കാൽ തെറ്റി പുറത്തേക്ക് വീഴുകയായിരുന്നു. ഇത് ശ്രദ്ധയിൽപ്പെട്ട ആർപിഎഫ് ഉദ്യോഗസ്ഥനായ കെവി മനോജ് ഓടിയെത്തി യുവാവിനെ പിടിച്ച് പ്ലാറ്റ്ഫോമിലേക്ക് വലിച്ചു കയറ്റി.
