പ്രതിരോധ വകുപ്പിന് കീഴിൽ ഇന്തോ ടിബറ്റൻ ബോർ‌ഡർ പൊലീസിൽ അവസരം. 51 ഒഴിവുകളാണുള്ളത്. കോൺസ്റ്റബിൾ (ടെയ്ലർ), കോൺസ്റ്റബിൾ (കോബ്ലർ) തസ്തികകളിലേക്കാണ് നിയമനം. ഓഗസ്റ്റ് 18 വരെ ഉദ്യോഗാർത്ഥികൾക്ക് അപേക്ഷിക്കാം. 18-23 വയസാണ് പ്രായപരിധി. അപേക്ഷകർ പത്താം ക്ലാസ് പാസായിരിക്കണം. ബന്ധപ്പെട്ട ട്രേഡിൽ രണ്ട് വർഷത്തെ പ്രവൃത്തിപരിചയം അല്ലെങ്കിൽ ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ട് / വൊക്കേഷണൽ ഇൻസ്റ്റിറ്റ്യൂട്ടിൽ നിന്നുള്ള ഒരു വർഷത്തെ സർട്ടിഫിക്കറ്റ്, ട്രേഡിൽ കുറഞ്ഞത് ഒരു വർഷത്തെ പരിചയം. അല്ലെങ്കിൽ ട്രേഡിൽ ഇൻഡസ്ട്രിയൽ ഇൻസ്റ്റിറ്റ്യൂട്ടിൽ നിന്ന് രണ്ട് വർഷത്തെ ഡിപ്ലോമ ഉള്ളവരാകണം.
ഇന്ത്യയൊട്ടാകെയാകും നിയമനം. പ്രതിമാസം 21,700-69,100 രൂപയാണ് ശമ്പളം. എസ്.സി, എസ്.ടി, സ്ത്രീകൾ, മുൻ സൈനികരുടെ ആശ്രിതർ എന്നിവർക്ക് ഫീസില്ല. മറ്റുള്ളവർ 100 രൂപ ഓൺലൈനായി ഫീസടയ്‌ക്കണം. കൂടുതൽ വിവരങ്ങൾ recruitment.itbpolice.nic.in-ൽ.
