പുതിയ അധ്യയന വര്ഷത്തെ പ്ലസ് വണ് പ്രവേശനത്തിന് ജൂണ് രണ്ടു മുതല് അപേക്ഷിക്കാം. കഴിഞ്ഞ വര്ഷത്തേതു പോലെ അഞ്ചുഘട്ടങ്ങളിലായി പ്രവേശന നടപടികള് പൂര്ത്തീകരിക്കാനാണ് സര്ക്കാര് ധാരണ. ജൂലൈ ആദ്യം ക്ലാസുകള് ആരംഭിക്കാനാണ് സര്ക്കാര് ലക്ഷ്യമിടുന്നത്. സംസ്ഥാനത്തെ പ്ലസ് വണ് സീറ്റ് ക്ഷാമം പരിഹരിക്കാനായി ഓരോ ജില്ലയിലും ആവശ്യാനുസരണം സീറ്റ് വര്ധിപ്പിച്ച് നല്കാന് വിദ്യാഭ്യാസ വകുപ്പ് തീരുമാനിച്ചു. ഇതനുസരിച്ച് പാലക്കാട് മുതല് കാസര്കോട് വരെയുള്ള വടക്കന് ജില്ലകള്ക്കാവും കൂടുതല് സീറ്റുകള് അനുവദിക്കുക. വിദ്യാഭ്യാസ ജില്ലയനുസരിച്ച് ലഭ്യമായ സീറ്റുകളുടെയും അപേക്ഷകരുടെയും കണക്കെടുക്കാനും തീരുമാനിച്ചിട്ടുണ്ട്
![](https://20-20journals.in/wp-content/uploads/2023/05/Beige-Dark-Green-Bright-Orange-Clean-Corporate-Generic-Charity-Square-Charity-Instagram-Post-1024x1024.jpg)
വിദ്യാഭ്യാസ ജില്ലയുടെ അടിസ്ഥാനത്തില് കണക്കെടുത്ത് സീറ്റുകള് വര്ധിപ്പിക്കുന്നതാണ് പരിഗണനയിലുള്ളത്. ഒന്നാം അലോട്ട്മെന്റിനു ശേഷം ഇക്കാര്യത്തില് തീരുമാനമെടുക്കുമെന്നാണ് അറിയുന്നത്. കഴിഞ്ഞ അധ്യയന വര്ഷം അനുവദിച്ച 81 ബാച്ചുകളും നിലനിര്ത്തും. ഇത്തവണ 4,17,864 ലക്ഷം കുട്ടികളാണ് എസ്എസ്എല്സി ജയിച്ച് ഉപരിപഠനത്തിന് യോഗ്യത നേടിയത്. സിബിഎസ്ഇ ഉള്പ്പെടെയുള്ള ബോര്ഡുകളില് നിന്ന് 75000 കുട്ടികള് ഉന്നത വിദ്യാഭ്യാസത്തിന് കേരളത്തില് അപേക്ഷിക്കും. പ്ലസ് വണ്, ഐടിഎ, പോളിടെക്ക്നിക്ക് ഉള്പ്പെടെ നാലുലക്ഷത്തി അറുപത്തി അയ്യായിരത്തോളം സീറ്റുകളാണ് ഉള്ളത്. മലബാര് മേഖലയിലാണ് വന്തോതില് സീറ്റുകളുടെ കുറവുള്ളത്..
![](https://20-20journals.in/wp-content/uploads/2023/01/WhatsApp-Image-2023-01-17-at-20.07.27-723x1024.jpeg)