പസഫിക്ക് സമുദ്രം ചൂടു പടിക്കുന്നത് ഇന്ത്യന്‍ മണ്‍സൂണിനെ പ്രതികൂലമായി ബാധിക്കാറുണ്ട്. എല്‍നിനോ എന്ന ഈ പ്രതിഭാസം ഈ വര്‍ഷം കാണപ്പെടുന്നതാണ് മഴ കുറയുമെന്ന പ്രവചനത്തിന് അടിസ്ഥാനം. എന്നാല്‍ സാധാരണ പോലെ മഴ ലഭിക്കുമെന്നും കേരളമുള്‍പ്പെടെയുള്ള പല സംസ്ഥാനങ്ങളിലും അധികം മഴ കിട്ടാനിടയുണ്ടെന്നുമാണ് കേന്ദ്രകാലാവസ്ഥാ വകുപ്പ് പറയുന്നത്.
രാജ്യത്ത് ലഭിക്കേണ്ട മഴയുടെ 75 ശതമാനവും കാലവര്‍ഷക്കാലത്താണ് ലഭിക്കുന്നത്. 54 ശതമാനം കൃഷി പൂര്‍ണമായും മണ്‍സൂണ്‍മഴയെ ആശ്രയിച്ചാണ്. വരുന്ന ഒരാഴ്ചക്കുള്ളില്‍ മണ്‍സൂണിന്‍റെ വരവിനെ കുറിച്ച് കാലാവസ്ഥാ വകുപ്പ് കൂടുതല്‍വ്യക്തമായ വിവരങ്ങള്‍ ലഭ്യമാക്കും. ജൂണ്‍ മുതല്‍ സെപ്റ്റംബർ വരെയുള്ള കാലവര്‍ഷക്കാലത്ത് ശരാശരി 87 സെന്‍റിമീറ്റര്‍ മഴയാണ് രാജ്യത്താകമാനം ലഭിക്കുന്നത്.
