സമുദ്ര സംരക്ഷണത്തിന് ആഗോള ഉടമ്പടി നടപ്പിലാക്കാന്‍ യു.എന്‍. ലോകനേതാക്കള്‍ സമുദ്രങ്ങളെ സംരക്ഷിക്കാനുള്ള കൂടുതല്‍ പദ്ധതികള്‍ വിഭാവനം ചെയ്യേണ്ടിയതിന്റെ അനിവാര്യതയും സംഘടന ചൂണ്ടിക്കാട്ടി. വെള്ളിയാഴ്ച ലിസ്ബണില്‍ നടന്ന കോണ്‍ഫറന്‍സില്‍ 140 രാജ്യങ്ങളില്‍ നിന്നുള്ള പ്രതിനിധികള്‍ പങ്കാളികളായി. മറ്റ് രാജ്യങ്ങളുടെ നിയമപരിധിയില്‍ ഉള്‍പ്പെടാത്ത തുറന്ന സമുദ്ര പ്രദേശങ്ങളുടെ സംരക്ഷണമാണ് ആഗോള ഉടമ്പടി ലക്ഷ്യം വെയ്ക്കുന്നത്. ദേശീയ അതിര്‍ വരമ്പുകളില്ലാതെയുള്ള ആഗോള ഉടമ്പടി സമുദ്ര സംരക്ഷണത്തിന് അനിവാര്യമാണെന്നും ഓഗസ്റ്റോടെ ഇത്തരത്തിലൊരു പദ്ധതി ആവിഷ്‌കരിക്കുകയാണ് ലക്ഷ്യമെന്നും സംഘടന കൂട്ടിച്ചേര്‍ത്തു.
