വ്യാപാര ആഴ്ചയുടെ ആദ്യദിനത്തിൽ സൂചികകളിൽ ചാഞ്ചാട്ടത്തോടെ തുടക്കം. റഷ്യ യുക്രൈൻ അനിശ്ചിതത്വം തുടരുകയാണെങ്കിലും വിപണി നേട്ടത്തിലാണ് വ്യാപാരം ആരംഭിച്ചത്.
സെൻസെക്സ് 101 പോയന്റ് നേട്ടത്തിൽ 57,964ലിലും നിഫ്റ്റി 36 പോയന്റ് ഉയർന്ന് 17,323ലുമാണ് വ്യാപാരം നടക്കുന്നത്.മാരുതി സുസുകി, ഇൻഫോസിസ്, വിപ്രോ, ടാറ്റ സ്റ്റീൽ, ടെക് മഹീന്ദ്ര, ടൈറ്റാൻ, ടിസിഎസ്, സൺ ഫാർമ തുടങ്ങിയ ഓഹരികളാണ് നേട്ടത്തിൽ.
ഐടിസി, നെസ് ലെ, എൻടിപിസി, ബജാജ് ഫിൻസർവ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഭാരതി എയർടെൽ, റിലയൻസ്, എസ്ബിഐ തുടങ്ങിയ ഓഹരികൾ നഷ്ടത്തിലുമാണ്. നിഫ്റ്റി ഐടി, മീഡിയ, മെറ്റൽ, ഫാർമ സൂചികകൾ ഒരുശതമാനത്തോളം ഉയർന്നു. ബാങ്ക്, എഫ്എംസിജി, റിയാൽറ്റി സൂചികകൾ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളിലും നേട്ടത്തിലാണ് വ്യാപാരം നടക്കുന്നത്.
