ബോളിവുഡിന്റെ താരരാജാവാണ് ഷാരൂഖ് ഖാന്‍. കോടികണക്കിന് ആരാധകരുള്ള താരത്തിനെ പലരും പല കാര്യങ്ങളില്‍ മാതൃകയാക്കാറുണ്ട്. 58 വയസായിട്ടും ഇപ്പോഴും യുവത്വത്തോടു കൂടി നില്‍ക്കാന്‍ കഴിയുന്ന താരത്തിന്റെ ഒരു ദിവസം എങ്ങനെയാണ്, എന്തൊക്കെയാണെന്ന് അറിയാന്‍ ആരാധകര്‍ക്ക് ഏറെ താല്പര്യമുണ്ട്. ഇപ്പോഴിതാ അതിനെ കുറിച്ച് മനസ് തുറന്നിരിക്കുകയാണ് ഷാരൂഖ്.
‘ദി ഗാര്‍ഡിയന്’ നല്‍കിയ അഭിമുഖത്തിലാണ് താരം തന്റെ ഒരു ദിവസത്തെ ദിനചര്യയെ കുറിച്ച് പറയുന്നത്. ‘നാല് മണിക്കൂര്‍ മാത്രമാണ് ഞാന്‍ ഉറങ്ങുന്നത്. രാവിലെ 5 മണി മുതല്‍ ഒന്‍പത് മണിവരെയാണ് ഉറങ്ങാനെടുക്കുന്ന സമയം. ജോലി കഴിഞ്ഞ് വരാന്‍ രാത്രി രണ്ട് മണിയാകും, 30 മിനിറ്റ് ജിമ്മില്‍ ചെലവഴിക്കും വര്‍ക്ക് ഔട്ടും കുളിയും കഴിഞ്ഞ് ഉറങ്ങാന്‍ പോകും. വലിയ അളവിലുള്ള ഭക്ഷണം ഒരു ദിവസം ഒരൊറ്റ തവണ മാത്രമേ കഴിക്കാറുള്ളു’- ഷാരൂഖ് പറയുന്നു.
ഫാഷന്‍ സെന്‍സിലും യുവാക്കള്‍ക്ക് മാതൃകയാണ് താരം. അടുത്തിടെയുള്ള ഷാരൂഖിന്റെ എയര്‍പോര്‍ട്ട് ലുക്കും സോഷ്യല്‍ മീഡിയയില്‍ തരംഗമായിരുന്നു. താരത്തിന്റെ ഔട്ട് ഫിറ്റ് സിംപിള്‍ ആയിരുന്നെങ്കിലും അദ്ദേഹത്തിന്റെ ആക്സസറീസും പ്രത്യേകിച്ച് ഹെര്‍മെസ് എച്ച്എസി ഹാക്ക് എ ഡോസ് ബാക്ക്പാക്കിലായിരുന്നു ആരാധകരുടെ ശ്രദ്ധ.
