Month: January 2024
“വാർദ്ധക്യത്തിലും മധുര പതിനേഴ് പോലെ! പത്ത് വയസ് കുറയ്ക്കാൻ ഈ പത്ത് ശീലം”
വാർദ്ധക്യത്തെ തടുക്കാൻ ആർക്കും കഴിയില്ല, എന്നാൽ വാർദ്ധക്യത്തെ പിടിച്ചുനിർത്താൻ കഴിയുന്നതാണ്. പ്രായമാകുന്നതും ജീവിത ശൈലിയും തമ്മിൽ ബന്ധപ്പെട്ട് കിടക്കുന്നു. ഇന്ന് എന്താണോ ചെയ്യുന്നത് അതാണ് നാളെയിൽ പ്രകടമാകുന്നത്. അടിസ്ഥാനപരമായി എട്ട് മണിക്കൂർ ഉറക്കം, കൃത്യമായ വ്യായാംമ, പോഷസമൃദ്ധമായ ഭക്ഷണക്രമം എന്നിവയ്ക്ക് പുറമേ മറ്റ് ചില കാര്യങ്ങൾ കൂടി ചെയ്യുന്നത് ആരോഗ്യത്തിനും യുവത്വം നിലനിർത്തുന്നതിനും സഹായിക്കുന്നു. പ്രായമാകുന്നതിനെ തടുക്കാൻ ഇക്കാര്യങ്ങൾ ശീലമാക്കാം..
![](https://20-20journals.in/wp-content/uploads/2024/01/Add-a-little-bit-of-body-text-6-1024x1024.jpg)
1) അതിരാവിലെയുള്ള നടത്തം
നടക്കുന്നതോ അല്ലെങ്കിൽ മറ്റേതെങ്കിലും തരത്തിലുള്ള ശാരീരിക പ്രവർത്തനങ്ങളിൽ ഏർപ്പെടുന്നത് ശരീരത്തിന് ഏറെ ഗുണങ്ങൾ നൽകുന്നു. ഊർജ്ജ നില വർദ്ധിക്കുന്നതിനും രക്തചംക്രമണം മെച്ചപ്പെടുന്നതിനും രാവിലെയുള്ള നടത്തം സഹായിക്കും. പ്രമേഹം, ഹൃദയ സംബന്ധമായ അസുഖങ്ങൾ തുടങ്ങിയ മാറാരോഗങ്ങളെ പ്രതിരോധിക്കാൻ വരെ നടത്തം സഹായിക്കുന്നു.
2) ഭക്ഷണത്തിനൊപ്പം നെയ്യ്.
ആരോഗ്യകരമായ കൊഴുപ്പിന്റെ ഉറവിടമാണ് നെയ്യ്. ചർമ്മത്തിൽ ജലാംശം നിലനിർത്തുന്നതിനും നെയ്യ് സഹായിക്കുന്നു. ചർമ്മത്തിനെ ചുളിവുകളിൽ നിന്ന് സംരക്ഷിച്ച് ചെറുപ്പം നിലനിർത്തുന്നു.
![](https://20-20journals.in/wp-content/uploads/2023/05/WhatsApp-Image-2021-05-28-at-10.24.09-AM.jpeg)
3) പ്രോട്ടീൻ സമ്പുഷ്ടമായ ആഹാരം കഴിക്കുക.
പേശികൾക്ക് ആരോഗ്യം നൽകുന്നതിൽ പ്രധാന പങ്ക് വഹിക്കുന്നവയാണ് പ്രോട്ടീൻ. കൊഴുപ്പ് അടിഞ്ഞ് കൂടുന്നത് തടയുന്നതിനും പ്രോട്ടീൻ സമ്പുഷ്ടമായ ആഹാരം സഹായിക്കുന്നു.
4) സൺസ്ക്രീനിന്റെ ഉപയോഗം.
സൂര്യനിൽ നിന്നുവരുന്ന ദോഷകരമായ അൾട്രാ വയലറ്റ് രശ്മികളിൽ നിന്ന് സംരക്ഷണമേർപ്പെടുന്നതിനായി സൺസ്ക്രീൻ ഉപയോഗിക്കുന്നത് നല്ലതാണ്. ഇത് അകാല വാർദ്ധക്യത്തിൽ നിന്ന് സംരക്ഷിക്കും. ഒപ്പം ചർമ്മത്തിന് തിളക്കവും സംരക്ഷണവും നൽകുന്നു.
![https://chat.whatsapp.com/I4d1IW3Kx7ALsQUjUtVZo9](https://20-20journals.in/wp-content/uploads/2023/01/WhatsApp-Image-2023-01-17-at-20.07.27-2-723x1024.jpeg)
5) തലയോട്ടിയിൽ എണ്ണ തേച്ച് മസാജ് ചെയ്യുക.
യുവത്വം നിലനിർത്തുന്നതിൽ അറെ പ്രാധാന്യമുള്ള ഒന്നാണ് തലമുടി. തലമുടിയുടെ ആരോഗ്യത്തിനായി തലയോട്ടിയിൽ എണ്ണ തേച്ച് മസാജ് ചെയ്യുന്നത് ശീലമാക്കണം. ഇതിനൊപ്പം പോഷക സമ്പന്നമായ ആഹാരവും കഴിക്കേണ്ടതാണ്.
6) ആരോഗ്യകരമായ ചർമ്മത്തിന് കൊളാജൻ.
ചർമ്മത്തിന്റെ ഇലാസ്തികതയും നിലനിർത്താൻ കൊളാജൻ സപ്ലിമെന്റ് സഹായിക്കും. ജലാംശം നിലനിർത്തുന്നതിനും പ്രായമാകുന്നതിന്റെ ഘടകങ്ങൾ ലഘൂകരിക്കുന്നതിനും കൊളാജൻ സഹായിക്കുന്നു.
![friends catering](https://20-20journals.in/wp-content/uploads/2021/07/friends-catering-1024x1004.jpeg)
7) ചിയ, ഫ്ളക്സ് സീഡുകൾ ഭക്ഷണത്തിൽ ഉൾപ്പെടുത്തുക.
നല്ല ആരോഗ്യത്തിന് നല്ല ദഹനം പ്രധാനമാണ്. നല്ല ദഹനത്തിന് നല്ല കുടലും വേണം. കുടലിന്റെ ആരോഗ്യത്തിനായി ചിയ വിത്തുകളും ചണ വിത്തുകളും ഭക്ഷണത്തിൽ ഉൾപ്പെടുത്തുക. ചെറുപ്പത്തിനൊപ്പം കരുത്ത് നൽകാനും ഇത് സഹായിക്കുന്നു.
8) നാരങ്ങയോ നെല്ലിക്കയോ കഴിക്കുക.
ശരീരത്തിന് ആവശ്യമായ വിറ്റാമിനുകളും ആന്റി ഓക്സിഡന്റുകളും നൽകാൻ നെല്ലിക്കയോ നാരങ്ങയോ ഭക്ഷണത്തിൽ ഉൾപ്പെടുത്തുന്നത് നല്ലതാണ്. പ്രതിരോധ ശേഷി വർദ്ധിപ്പിക്കുന്നതിനും യുവത്വം നിലനിർത്താനും ഇത് സഹായിക്കുന്നു.
![](https://20-20journals.in/wp-content/uploads/2023/12/WE-ARE-1024x1024.jpg)
9) കഫീൻ ഒഴിവാക്കുക.
അധികമായി കഫീൻ അടങ്ങിയ ആഹാരം കഴിക്കുന്നത് പോഷകങ്ങളുടെ ആരോഗ്യത്തെ പ്രതികൂലമായി ബാധിക്കും. ചായയും കാപ്പിയും പരിധി വിട്ട് കുടിക്കുന്നത് നിർത്തുന്നത് യുവത്വം നിലനിർത്താൻ സഹായിക്കും.
10) അര മണിക്കൂറിൽ അധികം ഇരിക്കരുത്.
ഉദാസീനമായ ജീവിതരീതി വലിയ രോഗങ്ങൾക്ക് കാരണമാകും. 30 മുതൽ 35 മിനിറ്റിൽ കൂടുതൽ ഇരിക്കാതിരിക്കാൻ ശ്രദ്ധിക്കണം. പ്രമേഹം, ഹൃദയാഘാതം തുടങ്ങിയ രോഗങ്ങൾക്കും ഇത്തരം ജീവിത രീതി കാരണമാകും. അതിനാൽ ദീർഘനേരം ഇരിക്കുന്നത് ഒഴിവാക്കുക.
കിവി മുതൽ വാഴപ്പഴം വരെ; ഉറക്കമില്ലായ്മ നിങ്ങളെ അലട്ടുന്നുണ്ടെങ്കിൽ ഡയറ്റിൽ ഉൾപ്പെടുത്താം
ഒട്ടുമിക്ക ആളുകളും നേരിടുന്ന ഒരു പ്രശ്നമാണ് ഉറക്കമില്ലായ്മ. നമ്മുടെ മൊത്തത്തിലുള്ള ആരോഗ്യത്തിന് ഉറക്കം ആവശ്യമാണ്. ശാരീരിക ആരോഗ്യം, വൈജ്ഞാനിക പ്രവർത്തനം, വൈകാരിക സന്തുലിതാവസ്ഥ എന്നിവയ്ക്ക് വളരെ ആവശ്യമാണ്. ഉറക്കമില്ലായ്മയെ ചെറുക്കുന്നതിനുള്ള ഫലപ്രദമായ ചില വഴികളുണ്ട്. ജീവിതശൈലി ക്രമീകരണങ്ങൾ, വിശ്രമ ടിപ്പുകൾ, ഭക്ഷണക്രമം എന്നിവയൊക്കെ ഇതിൽ പെടുന്നു.
![](https://20-20journals.in/wp-content/uploads/2023/12/WE-ARE-1024x1024.jpg)
ഉറക്കത്തിൽ ഭക്ഷണത്തിന്റെ സ്വാധീനം വളരെ പ്രധാനപ്പെട്ടതാണ്. ചില ഭക്ഷണങ്ങൾക്ക് ഉറക്കത്തിന്റെ ഗുണനിലവാരം വർദ്ധിപ്പിക്കാൻ കഴിയുന്ന ഗുണങ്ങളുണ്ട്. ഇവിടെ ഉറക്കമില്ലായ്മയ്ക്ക് പരിഹാരമായ ചില ഭക്ഷണങ്ങളെക്കുറിച്ചാണ് പറയുന്നത്. ഏതൊക്കെയാണ് ആ 5 ഭക്ഷണങ്ങൾ എന്ന് നോക്കാം..
കൊഴുപ്പുള്ള മത്സ്യം: സാൽമൺ. ട്രൗട്ട് തുടങ്ങിയ കൊഴുപ്പുള്ള മത്സ്യങ്ങൾ ഒമേഗ 3, ഫാറ്റി ആസിഡുകളുടെ മികച്ച സ്രോതസ്സുകളാണ്. ഇത് മെച്ചപ്പെട്ട ഉറക്കത്തിനും ഗുണനിലവാരമുള്ള ഉറക്കത്തിനും സഹായകമാണ്. ഒമേഗ 3 സെറോടോണിന്റെ അളവ് നിയന്ത്രിക്കാനും വിശ്രമം പ്രോത്സാഹിപ്പിക്കാനും ഉറങ്ങാനും സഹായിക്കും.
![](https://20-20journals.in/wp-content/uploads/2023/05/WhatsApp-Image-2021-05-28-at-10.24.09-AM-1.jpeg)
വാഴപ്പഴം: മഗ്നീഷ്യം, പൊട്ടാസ്യം എന്നിവയുടെ നല്ല ഉറവിടമാണ് വാഴപ്പഴം. ഈ ധാതുക്കൾ സ്വാഭാവിക പേശി റിലാക്സന്റുകളായി പ്രവർത്തിക്കുന്നു. ഇത് പിരിമുറുക്കം ലഘൂകരിക്കുന്നു. ശരീരത്തെ ശാന്തമായി ഉറങ്ങാൻ സഹായിക്കുന്നു. വാഴപ്പഴം കഴിക്കുന്നത് നിങ്ങളുടെ ഉറക്കമില്ലായ്മയ്ക്ക് പരിഹാരമാകും,
ബദാം: മഗ്നീഷ്യം ധാരാളമായി ബദാമിൽ അടങ്ങിയിട്ടുണ്ട്. ഉറക്കമില്ലായ്മ പരിഹരിക്കാനുള്ള പ്രകൃതിദത്തമായ പരിഹാരമാണ് ബദാം. മഗ്നീഷ്യം മസിൽ റിലാക്സന്റായി പ്രവർത്തിക്കും. നാഡീവ്യവസ്ഥയെ ശാന്തമാക്കുകയും വിശ്രമം പ്രോത്സാഹിപ്പിക്കുകയും ചെയ്യും. വൈകുന്നേരം ലഘു ഭക്ഷണമായി ബാദാം കഴിക്കുന്നത് ഉറക്കമില്ലായ്മയുടെ പ്രശ്നം പരിഹരിക്കാൻ സഹായിച്ചേക്കാം. ബദാം കഴിക്കുന്നത് കൂടുതൽ വിശ്രമവും തടസ്സമില്ലാത്തതുമായ ഉറക്കം രാത്രിയിൽ നൽകുന്നു.
![friends catering](https://20-20journals.in/wp-content/uploads/2021/07/friends-catering-1024x1004.jpeg)
കിവി: ഉറക്കമില്ലായ്മയുടെ പ്രശ്നം നിങ്ങൾക്ക് ഉണ്ടെങ്കിൽ മികച്ച പരിഹാരമാണ് കിവി പഴം. കിവിയിൽ സെറോടോണിൻ, ആന്റിഓക്സിഡന്റുകൾ, ഫോളേറ്റ് എന്നിവ കിവിയിൽ ധാരാളമുണ്ട്. ഉറക്കത്തിന്റെ ഗുണനിലവാരവും ദൈർഘ്യവും മെച്ചപ്പെടുത്താൻ സഹായിക്കുന്നു.
ഉറങ്ങാൻ പോകുന്നതിന് മുമ്പ് കിവി കഴിക്കുന്നത് ഉറക്കത്തിന്റെ പാറ്റേണുകൾ നിയന്ത്രിക്കാൻ സഹായിക്കും എന്നാണ് പറയപ്പെടുന്നത്. ഇത് ഉറക്കത്തിന് അനുയോജ്യമായ ഭക്ഷണത്തിന് രുചികരവും പോഷകപ്രദവുമായ കൂട്ടിച്ചേർക്കലായി മാറുന്നു. ഉറക്കമില്ലായ്മയുടെ പ്രശ്നം നിങ്ങൾ നേരിടുന്നുണ്ടെങ്കിൽ ഈ ഭക്ഷണ സാധനങ്ങൾ പരീക്ഷിച്ച് നോക്കൂ ഫലം ഉണ്ടാവും. നല്ല ഉറക്കം ലഭിക്കും. മൊത്തത്തിലുള്ള ആരോഗ്യത്തിനും ഗുണമാണ്