Month: May 2024

Main Stories

കൊക്കോ വില പറക്കുന്നു.

കൊക്കോ കർഷകരെ രോമാഞ്ചം കൊള്ളിച്ച്‌ ഉൽപന്ന വില നാലക്കത്തിലേക്ക്‌ പ്രവേശിച്ചു. ഇന്ത്യൻ വിപണിയുടെ ചരിത്രത്തിൽ ആദ്യമായി കൊക്കോ വില കിലോ 1000 രൂപയിലേക്ക്‌ ചുവടുവെച്ചത്‌ സംസ്ഥാനത്തെ കർഷകരെ തോട്ടങ്ങളിൽ സജീവമാക്കി. ആഗോളതലത്തിൽ കൊക്കോ ക്ഷാമം രൂക്ഷമായതാണ്‌ വില ഉയർത്തി ചരക്ക്‌ സംഭരിക്കാൻ ചോക്ലറ്റ്‌ നിർമാതാക്കളെയും ബേക്കറി വ്യവസായികളെയും പ്രേരിപ്പിച്ചത്‌.

ചോക്ലറ്റ്‌ നിർമാണത്തിൽ ഒഴിച്ചു കൂടാനാവാത്ത വിഭവമെന്നനിലക്ക്‌ എന്തു വിലക്കും കൊക്കോ ശേഖരിക്കാൻ ബഹുരാഷ്‌ട്ര കമ്പനികൾ ആഗോളതലത്തിൽ വില ഉയർത്തി ചരക്ക്‌ സംഭരിക്കുകയാണ്‌. പശ്ചിമാഫ്രിക്കൻ രാജ്യങ്ങളിൽ പ്രതികൂല കാലാവസ്ഥയിൽ ഉൽപാദനം കുത്തനെ കുറഞ്ഞതിനാൽ ആറുമാസം കൊണ്ട്‌ നിരക്ക്‌ ടണ്ണിന്‌ 4000 ഡോളറിൽനിന്ന് 12,000 ഡോളർവരെ ചുവടുവെച്ചു.

 കേരളത്തിൽ നിരക്ക്‌ 220 രൂപയിൽനിന്നുള്ള കുതിച്ചു ചാട്ടത്തിൽ ഇതിനകം 1020 രൂപവരെ ഉയർന്ന്‌ ഇടപാടുകൾ നടന്നു. അടുത്ത മാസം ഹൈറേഞ്ചിൽ പുതിയ കൊക്കോ വിൽപനക്ക്‌ സജ്ജമാകുന്നതോടെ വിലയിൽ ചാഞ്ചാട്ടത്തിന്‌ ഇടയുണ്ട്‌. വിപണിയിൽ ലഭ്യത ഉയർന്നാൽ 900-840 റേഞ്ചിൽ ഉൽപന്നത്തിന്‌ താങ്ങ്‌ പ്രതീക്ഷിക്കാം. തമിഴ്‌നാട്‌, കർണാടകം, ആന്ധ്ര സംസ്ഥാനങ്ങളിൽ കൊക്കോ വിളയുന്നുണ്ടെങ്കിലും ഹൈറേഞ്ച്‌ കൊക്കോക്കാണ്‌ ഏറ്റവും ഉയർന്ന വില.
റബറിന്‌ തിരിച്ചടി
ഏറെ പ്രതീക്ഷകളോടെയാണ്‌ റബർ ഉൽപാദകർ ഏപ്രിലിൽ വിപണിയിലെ ഓരോ ചലനങ്ങളെയും നിരീക്ഷിച്ചത്‌. മാർച്ച്‌ അവസാനം കിലോ 190 രൂപ വരെ ഉയർന്ന നാലാം ഗ്രേഡ്‌ റബർ വില 200ലേക്ക്‌ ചുവടുവെക്കുമെന്ന്‌ കണക്ക്‌ കൂട്ടലിൽ വൻകിട തോട്ടങ്ങളും ചെറുകിട കർഷകരും ചരക്ക്‌ പിടിച്ചെങ്കിലും ടയർ ലോബിയുടെ സംഘടിത നീക്കം മൂലം നിരക്ക്‌ 179ലേക്ക്‌ ഇടിഞ്ഞു.

പ്രതികൂല കാലാവസ്ഥയിൽ ടാപ്പിങ്‌ സ്‌തംഭിച്ചതിനാൽ വിപണികളിൽ ഷീറ്റ്‌ ക്ഷാമം രൂക്ഷമാണ്‌. അഞ്ചാം ഗ്രേഡ്‌ 176 രൂപയായി താഴ്‌ന്നു. വിദേശ മാർക്കറ്റുകളിലും റബറിന്‌ തിരിച്ചടി നേരിട്ടു. ജപ്പാൻ, ചൈനീസ്‌ റബർ അവധി വിലകളിൽ അനുഭവപ്പെട്ട വിൽപന തരംഗം മുഖ്യ കയറ്റുമതി രാജ്യങ്ങളായ തായ്‌ലന്റിലും മലേഷ്യയിലും റബറിന്‌ തിരിച്ചടിയായി.
ഏഷ്യൻടയർ ഭീമൻമാർ ഷീറ്റ്‌ സംഭരണത്തിൽ കാകാണിച്ച തണുപ്പൻ മനോഭാവം വിലത്തകർച്ചക്ക്‌ ഇടയാക്കി.

Main Stories

ഇന്ത്യൻ മഹാസമുദ്രം ചൂടാകുന്നു; സമുദ്ര ആവാസവ്യവസ്ഥയ്ക്കും ഭീഷണി.

ഇന്ത്യൻ മഹാസമുദ്രം ചൂടാകുന്നു എന്ന് പുതിയ പഠനം. ചുഴലിക്കാറ്റുകളും കനത്ത മഴക്കും സാധ്യതയുണ്ടെന്ന് ഇന്ത്യൻ മഹാസമുദ്രത്തിന്‍റെ താപനത്തെ കുറിച്ച് അടുത്തിടെ നടത്തിയ പഠനം മുന്നറിയിപ്പ് നൽകി. പുണെയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജിയിലെ റോക്സി മാത്യു കോളിൻ്റെ നേതൃത്വത്തിൽ നടത്തിയ പഠനത്തിൽ ഇന്ത്യൻ മഹാസമുദ്രവും ചുറ്റുമുള്ള രാജ്യങ്ങളും ഏറ്റവും ഉയർന്ന അപകടസാധ്യതയിലാണെന്ന് അടിവരയിടുന്നു. 40 രാജ്യങ്ങളാണ് ഇന്ത്യൻ മഹാസമുദ്രത്തോട് അതിർത്തി പങ്കിടുന്നത്. ആഗോള ജനസംഖ്യയുടെ മൂന്നിലൊന്ന് ആളുകൾ ഇവിടെയാണ് താമസിക്കുന്നത്. പ്രദേശത്തിന്‍റെ കാലാവസ്ഥ മാറ്റങ്ങൾ സാമൂഹികവും സാമ്പത്തികവുമായ പ്രത്യാഘാതങ്ങൾ സൃഷ്ടിക്കുന്നുണ്ട്.

സമുദ്രജലത്തിന്‍റെ താപനിലയിലെ ഏറ്റവും ഉയർന്ന വർധനവ് കാരണം ഇന്ത്യയിലും പരിസര പ്രദേശങ്ങളിലും ഗുരുതരമായ പ്രത്യാഘാതങ്ങൾക്ക് സാധ്യതയുണ്ടെന്ന് ഗവേഷകർ പറയുന്നു. ഇന്തോ-പസഫിക് മേഖലയിലുടനീളം തീവ്രമായ കാലാവസ്ഥ സംഭവങ്ങൾക്ക് കാരണമാകും.1980 നും 2020 നും ഇടയിൽ ഇന്ത്യൻ മഹാസമുദ്രത്തിന്‍റെ താപനില വർഷം മുഴുവനും 26 മുതൽ 28 ഡിഗ്രി സെൽഷ്യസ് വരെയായിരുന്നു. എന്നാൽ ഈ കാലയളവിൽ താപനില 28 ഡിഗ്രി സെൽഷ്യസിന് മുകളിൽ ആവുമെന്നും 1950-കൾക്ക് ശേഷം അതിതീവ്ര ചുഴലിക്കാറ്റുകളും കനത്ത മഴയും ഇനിയും വർധിക്കുമെന്ന് പഠനങ്ങൾ പറയുന്നു.സമുദ്രത്തിലെ ചൂട് തരംഗങ്ങൾ ഇന്ത്യൻ മഹാസമുദ്രത്തെ ഒരു സ്ഥിരമായ താപ തരംഗാവസ്ഥയിലേക്ക് തള്ളിവിടാൻ സാധ്യതയുണ്ട്. ഈ ഉഷ്ണതരംഗങ്ങൾ ചുഴലിക്കാറ്റുകളുടെ സഞ്ചാരം വേഗത്തിലാക്കുകയും പവിഴപ്പുറ്റുകളുടെയും സമുദ്ര ആവാസവ്യവസ്ഥയുടെയും നാശത്തിനും കാരണമാകുന്നു. ഇത് മത്സ്യമേഖലക്കും കാര്യമായ ഭീഷണി ഉയർത്തുന്നുണ്ട്. ഇന്ത്യൻ മഹാസമുദ്രത്തിലെ താപനം ഉപരിതലത്തിൽ മാത്രം ഒതുങ്ങുന്നതല്ല. 2000 മീറ്റർ ആഴത്തിൽ വരെ വ്യാപിക്കുന്നു. സമുദ്രത്തിലെ ചൂട് കൂടുന്നത് സമുദ്രനിരപ്പ് ഉയരുന്നതിനും കാരണമാകുന്നു. ഇത് ഹിമാനികൾ, കടൽ ഹിമപാളികൾ എന്നിവ ഉരുകുന്നതിനേക്കാൾ അപകട സാധ്യതയുണ്ടെന്ന് ഗവേഷകർ ആശങ്കപ്പെടുന്നു.

Main Stories

കടുത്ത വൈദ്യുതി പ്രതിസന്ധി നേരിട്ടിട്ടും ലോഡ് ഷെഡ്ഡിങ് ഇല്ല; യുഡിഎഫ് ഭരണകാലത്ത് ലോഡ് ഷെഡ്ഡിങ് സമയം 45 മിനിട്ട്.

കടുത്ത വൈദ്യുതി പ്രതിസന്ധി നേരിട്ടിട്ടും സംസ്ഥാനത്ത് ഷെഡ്ഡിങ് ഉണ്ടാകില്ല എന്ന കെഎസ് ഇ ബി യുടെ പ്രഖ്യാപനം ജനങ്ങൾക്ക് ആശ്വാസമേകുന്നതാണ്. ഷെഡ്ഡിങ്ങില്ലാതെ മറ്റ് വഴികൾ നിർദ്ദേശിക്കാൻ കെഎസ്ഇബിയോട് സർക്കാർ ആവശ്യപ്പെട്ടിരിക്കുകയാണ്.അതേസമയം യു ഡി എഫ് ഭരണകാലത്ത് ലോഡ് ഷെഡ്ഡിങ് സമയം 45 മിനിറ്റായിട്ടാണ് വർധിപ്പിച്ചിരുന്നത്‌. 2014 യു ഡി എഫ് സർക്കാരിന്റെ കീഴിലായിരുന്നു ഈ വൈദ്യുതി നിയന്ത്രണം. വൈദ്യുതി ലഭ്യതയില്‍ 620 മെഗാവാട്ടിന്‍റെ കുറവുണ്ടായതിനെത്തുടര്‍ന്നായിരുന്നു അന്ന് ലോഡ് ഷെഡ്ഡിങ് സമയം കൂട്ടിയത്. മഴ നന്നായി ലഭിക്കുന്നതു വരെയായിരുന്നു യു ഡി എഫ് സർക്കാരിന്റെ കാലത്തെ ലോഡ് ഷെഡ്ഡിങ് .

ഇത്തരം ഒരു സാഹചര്യത്തിൽ നിന്നാണ് ഇന്ന് ലോഡ് ഷെഡ്ഡിങ് ഇല്ല എന്ന എൽ ഡി എഫ് സർക്കാരിന്റെ തീരുമാനം അഭിനന്ദാർഹമാകുന്നത്. ഈ വേനൽ കാലത്തും ജനങ്ങളെ ബുദ്ധിമുട്ടിക്കാതെ വൈദ്യുതി നിയന്ത്രണം ഉണ്ടാകില്ല എന്ന പ്രഖ്യാപനവും അനുചിതമായി മറ്റ് വഴികൾ തേടി പ്രതിസന്ധികൾക്ക് പരിഹാരം കാണുന്ന സർക്കാരിന്റെ നടപടികളുടെ ഉദാഹരണമാണ്.

Main Stories

ഗുഡ്സ് വാഹനങ്ങളിൽ കൊണ്ടുപോകേണ്ട വസ്തുക്കൾ ഇരുചക്രവാഹനങ്ങളിൽ കൊണ്ടുപോകരുത് .

ഇരുചക്രവാഹന യാത്രക്കാർക്ക് ആയുള്ള മുന്നറിയിപ്പ് പങ്കുവെച്ചിരിക്കുകയാണ് കേരള മോട്ടോർ വാഹന വകുപ്പ്. ഗുഡ്സ് വാഹനങ്ങളിൽ കൊണ്ടുപോകേണ്ട വസ്തുക്കളും ഭാരമുള്ള വസ്തുക്കളും ഇരുചക്ര വാഹനങ്ങളിൽ കൊണ്ടുപോകരുത് എന്നാണ് മോട്ടോർ വാഹന വകുപ്പ് നിർദ്ദേശിക്കുന്നത്. ചെറിയ സാമ്പത്തിക ലാഭത്തിനായി ഗുഡ്സ് വാഹനങ്ങളിൽ കൊണ്ടു പോകേണ്ടുന്ന വസ്തുക്കൾ മോട്ടോർ സൈക്കിളിൽ കയറ്റുന്നത് നിയവിരുദ്ധമാണ് എന്നും മോട്ടോർ വാഹന വകുപ്പ് അറിയിക്കുന്നു. സമൂഹമാദ്ധ്യമങ്ങളിൽ പങ്കുവെച്ച പോസ്റ്റിലൂടെയാണ് മോട്ടോർ വാഹന വകുപ്പ് മുന്നറിയിപ്പ് നിർദ്ദേശം നൽകിയിരിക്കുന്നത്.
.

മോട്ടോർ വാഹന വകുപ്പിന്റെ സമൂഹമാദ്ധ്യമ പോസ്റ്റിന്റെ പൂർണ്ണരൂപം വായിക്കാം,

സുരക്ഷാ മാനദണ്ഡങ്ങൾ പാലിച്ചു കൊണ്ട് രണ്ടു പേർക്ക് യാത്ര ചെയ്യുന്നതിനായി രൂപ കല്പന ചെയ്തിട്ടുള്ള വാഹനമാണ് മോട്ടോർ സൈക്കിൾ. ബോഡിയുടെ ബാലൻസിങ് മോട്ടോർ സൈക്കിൾ ഓടിക്കുമ്പോൾ വളരെ പ്രാധാന്യം അർഹിക്കുന്ന ഒരു ഘടകമാണ്. മോട്ടോർ സൈക്കിളിൽ കയറ്റുന്ന വസ്തുക്കൾ സുരക്ഷിതമായ റൈഡിങ്ങിനെ പ്രതികൂലമായി ബാധിക്കുന്നു. പ്രത്യേകിച്ചും വശങ്ങളിലേക്ക് തള്ളി നിൽക്കുന്നവ. ചെറിയ സാമ്പത്തിക ലാഭത്തിനായി ഗുഡ്സ് വാഹനങ്ങളിൽ കൊണ്ടു പോകേണ്ടുന്ന വസ്തുക്കൾ ഇത്തരത്തിൽ മോട്ടോർ സൈക്കിളിൽ കയറ്റുന്നത് നിയവിരുദ്ധമാണ്. ഇത് വാഹനത്തിൽ യാത്ര ചെയ്യുന്നവരുടെയും മറ്റ് റോഡ് ഉപയോക്താക്കളുടെയും ജീവൻ അപകടത്തിലാക്കാൻ തക്ക സാധ്യതയുള്ളതാണ്. നിയമവിധേയമായി,സുരക്ഷിതമായി വാഹനങ്ങൾ ഉപയോഗിക്കൂ…..സുരക്ഷിതമായി ലക്ഷ്യ സ്ഥാനത്ത് എത്തിചേരൂ.നമ്മുടെ ജീവൻ പോലെത്തന്നെ അമൂല്യമാണ് മറ്റുള്ളവരുടെയും ജീവൻ.

Main Stories

മേഖല തിരിച്ച് വൈദ്യുതി നിയന്ത്രണം വേണമെന്ന് കെഎസ്ഇബി; ആദ്യഘട്ടം മലബാർ മേഖലയിൽ.

Main Stories

അഭിമാനമാകാൻ സഞ്ജു സാംസൺ.

ജൂൺ രണ്ടുമുതൽ 29 വരെ വെസ്റ്റ് ഇൻഡീസിലും അമേരിക്കയിലുമായി നടക്കുന്ന ഐ.സി.സി ട്വന്റി-20 ലോകകപ്പിനുള്ള ഇന്ത്യൻ ടീം പ്രഖ്യാപനത്തിനായി കാത്തിരിപ്പിലായിരുന്ന ഇന്ത്യൻ ക്രിക്കറ്റ് ആരാധകർക്കിടയിലെ പ്രധാന ചോദ്യം മലയാളി താരം സഞ്ജു സാംസണിന് അവസരമുണ്ടാകുമോ എന്നതായിരുന്നു. മിക്ക ഇന്ത്യൻ ടീം പ്രഖ്യാപനങ്ങളിലും ഒഴിവാക്കപ്പെടുന്നവരുടെ നിരയിലെ ആദ്യസ്ഥാനം സഞ്ജുവിനായിരുന്നു. ഇടയ്ക്കിടെ ലഭിച്ച അവസരങ്ങളിലാവട്ടെ, ടീമിൽ സ്ഥാനമുറപ്പിക്കാൻ ആവശ്യമായ മികവ് പുറത്തെടുക്കാൻ കഴിഞ്ഞതുമില്ല. ഇക്കുറി ഐ.പി.എല്ലിലെ പ്രകടനത്തിന്റെ കൂടി അടിസ്ഥാനത്തിലാകും ലോകകപ്പ് ടീമിനെയെടുക്കുക എന്ന് സെലക്ടർമാർ നേരത്തേ വ്യക്തമാക്കിയിരുന്നതാണ് സഞ്ജുവിന്റെ സാദ്ധ്യതകൾ സജീവ ചർച്ചയാക്കിയത്. മുൻതാരങ്ങളുൾപ്പടെ വിലയിരുത്തിയതുപോലെ വിക്കറ്റ് കീപ്പർ ബാറ്ററായി സഞ്ജുവിന് അവസരം നൽകിയാണ് കഴിഞ്ഞ ദിവസം ഇന്ത്യൻ ടീമിനെ പ്രഖ്യാപിച്ചത്.തന്നെയും ടീമിൽ ഉൾപ്പെടുത്തിയ വാർത്ത അറിഞ്ഞ ശേഷം സഞ്ജു തന്റെ ഇൻസ്റ്റഗ്രാം അക്കൗണ്ടിൽ ഒരു ഫോട്ടോയും അടിക്കുറിപ്പുമിട്ടു. ഇന്ത്യൻ ടീമിന്റെ ജാക്കറ്റ് അണിഞ്ഞു നിൽക്കുന്ന തന്റെ ചിത്രവും, ‘ വിയർപ്പ് തുന്നിയ കുപ്പായം” എന്ന വരികളുമായിരുന്നു ഈ വൈറൽ പോസ്റ്റ്! മഞ്ഞുമ്മൽ ബോയ്സ് എന്ന ചിത്രത്തിനു വേണ്ടി വേടൻ എന്ന പേരിൽ അറിയപ്പെടുന്ന മലയാളി റാപ്പർ ഹരിദാസ് മുരളി രചിച്ച പാട്ടിന്റെ ആദ്യ വരികളാണിത്. ആ നിമിഷത്തിൽ സഞ്ജുവിന് തന്റെ ജീവിതവും കരിയറുമായി ഏറ്റവുമധികം താദാത്മ്യം നൽകാൻ കഴിയുന്ന വരികൾ ഇതുതന്നെയായിരുന്നു. ഒരുപാട് അവഗണനകൾക്കും ഒഴിവാക്കലുകൾക്കും ശേഷം കഠിനാദ്ധ്വാനത്തിലൂടെ ഇന്ത്യൻ ടീമിൽ തന്റേതായ ഇടം പിടിച്ചുവാങ്ങുകയായിരുന്നു സഞ്ജു.

ഈ സീസൺ ഐ.പി.എല്ലിലെ മികച്ച പ്രകടനമാണ് സഞ്ജുവിന് ഇന്ത്യൻ ടീമിലേക്കുള്ള വഴിതുറന്നത്. രാജസ്ഥാൻ റോയൽസിന്റെ ക്യാപ്ടനായ സഞ്ജു സീസണിൽ ഒൻപത് മത്സരങ്ങളിൽ നിന്ന് നാല് അർദ്ധസെഞ്ച്വറികളടക്കം 385 റൺസ് നേടിക്കഴിഞ്ഞു.ഐ.പി.എല്ലിൽ ആദ്യ മത്സരങ്ങളിൽ മികവു കാട്ടുകയും പിന്നീട് സ്ഥിരത കാട്ടാതിരിക്കുകയും ചെയ്യുന്നു എന്ന പരാതിക്ക് ഇക്കുറി ഇടം നൽകിയില്ല. റൺ സ്കോറിംഗിൽ ഒന്നാം സ്ഥാനത്തുള്ള വിരാടിനേക്കാൾ ബാറ്റിംഗ് ആവറേജിലും സ്ട്രൈക്ക് റേറ്റിലും മുന്നിലാണ് സഞ്ജു. 2015-ൽ ഇന്ത്യൻ ടീമിൽ അരങ്ങേറിയെങ്കിലും സഞ്ജുവിന് 25 അന്താരാഷ്ട്ര ട്വന്റി- 20 മത്സരങ്ങളിൽ മാത്രമാണ് അവസരം ലഭിച്ചത്. ആദ്യമായാണ് ഒരു ഐ.സി.സി ടൂർണമെന്റിനുള്ള ടീമിലെത്തുന്നത്. കഴിഞ്ഞ വർഷം ഏകദിന ലോകകപ്പിനുള്ള ടീമിൽ സഞ്ജുവിനെ ഉൾപ്പെടുത്തിയിരുന്നില്ല. അതിനു ശേഷം ദക്ഷിണാഫ്രിക്കൻ പര്യടനത്തിലെ ഏകദിന പരമ്പരയിൽ കളിക്കുകയും ഇന്ത്യൻ കുപ്പായത്തിലെ ആദ്യ സെഞ്ച്വറി നേടുകയും ചെയ്തിരുന്നു.

 

കെ.എൽ. രാഹുൽ, ശുഭ്മാൻ ഗിൽ, റിങ്കു സിംഗ്, ഇഷാൻ കിഷൻ, ശ്രേയസ് അയ്യർ തുടങ്ങിയവർക്ക് ഇടം നേടാനാകാത്ത ടീമിലേക്കാണ് സഞ്ജു എത്തിയിരിക്കുന്നത്. സെലക്ടർമാരുടെ മാത്രമല്ല,​ ആരാധകരുടെയും പ്രതീക്ഷകൾ സഫലമാക്കേണ്ട വലിയ ഉത്തരവാദിത്വം സഞ്ജുവിനുണ്ട്. ഇന്ത്യൻ ടീമിൽ കയറിയും ഇറങ്ങിയും പലതവണ എത്തിയ സഞ്ജുവിന് തന്റെ സ്ഥാനം സ്ഥിരമാക്കാനുള്ള സുവർണാവസരവുമാണിത്. അത് മറ്റാരെക്കാളും നന്നായി അറിയുന്നതും സഞ്ജുവിനാണ്. അതുകൊണ്ടുതന്നെ ഇനിയും വിയർപ്പൊഴുക്കാൻ സഞ്ജു തയ്യാറാകും, തീർച്ച. 1983-ൽ ആദ്യ ഏകദിന ലോകകപ്പ് നേട്ടത്തിലെ 15 അംഗ ടീമിൽ മറുനാടൻ മലയാളിയായ സുനിൽ വൽസനുണ്ടായിരുന്നു. 2007-ലെ ട്വന്റി-20 ലോകകപ്പിലെയും 2011-ലെ ഏകദിന ലോകകപ്പിലെയും കിരീട‌ങ്ങളിൽ ശ്രീശാന്തിന്റെ കയ്യൊപ്പുണ്ടായിരുന്നു. ഇന്ത്യയുടെ അടുത്ത ലോകകപ്പ് നേട്ടത്തിലെ മലയാളി സ്പർശമായി മാറാൻ സഞ്ജുവിന് കഴിയട്ടെ.

Main Stories

ഉഷ്ണതരം​ഗം; അതീവ ജാ​ഗ്രത വേണം, നിർദേശങ്ങൾ കർശനമായി പാലിക്കണമെന്ന് ദുരന്ത നിവാരണ അതോറിറ്റി.

സംസ്ഥാനത്ത് ചൂട് കൂടുന്ന സാഹചര്യത്തിൽ മുന്നറിയിപ്പുമായി സംസ്ഥാന ദുരന്ത നിവാരണ അതോറിറ്റി.വിവിധ ജില്ലകളിൽ ഉഷ്ണ തരംഗ സാധ്യത തുടരുന്നതിനാൽ അതീവ ജാഗ്രത വേണ്ട സാഹചര്യമാണെന്നും പൊതുജനങ്ങളും ഭരണ-ഭരണേതര സംവിധാനങ്ങളും വേണ്ട ജാഗ്രത പാലിക്കണമെന്നുംമുന്നറിയിപ്പുകൾ പാലിക്കണമെന്നും ദുരന്ത നിവാരണ അതോറിറ്റി അറിയിച്ചു.

ആലപ്പുഴ, പാലക്കാട്, തൃശ്ശൂർ, കോഴിക്കോട് ജില്ലകളിലെ ചില പ്രദേശങ്ങളിൽ മെയ് 02, 03 തീയതികളിൽ ഉഷ്‌ണതരംഗ സാധ്യത തുടരുന്നതിനാൽ കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിട്ടുണ്ട്. തുടർച്ചയായ ദിവസങ്ങളിൽ അതിതീവ്രമായ ചൂട് രേഖപ്പെടുത്തിയതിന്റേയും അടുത്ത ദിവസങ്ങളിലും പാലക്കാട് ജില്ലയിൽ 40 ഡിഗ്രി സെൽഷ്യസ് വരെയും കൊല്ലം, തൃശൂർ, കോഴിക്കോട് ജില്ലകളിൽ 39 ഡിഗ്രി സെൽഷ്യസ് വരെയും, ആലപ്പുഴ, കോട്ടയം, പത്തനംതിട്ട, കണ്ണൂർ ജില്ലകളിൽ 38 ഡിഗ്രി സെൽഷ്യസ് വരെയും, തിരുവനന്തപുരം, എറണാകുളം, മലപ്പുറം, കാസർഗോഡ് ജില്ലകളിൽ ഉയർന്ന താപനില 37°C വരെയും താപനില ഉയരുമെന്ന പ്രവചനത്തിന്റെയും അടിസ്ഥാനത്തിലാണ് ഉഷ്ണതരംഗ മുന്നറിയിപ്പ്.

ഉഷ്ണതരംഗ സാധ്യതയുള്ളതിനാൽ സൂര്യാഘാതവും സൂര്യാതപവും ഏൽക്കാൻ സാധ്യത കൂടുതലാണ്.സൂര്യാഘാതം മരണത്തിലേക്ക് വരെ നയിച്ചേക്കാമെന്നും നിർദേശങ്ങൾ കർശനമായി പാലിക്കണമെന്നും ദുരന്ത നിവാരണ അതോറിറ്റി വ്യക്തമാക്കി.




 

ദുരന്ത നിവാരണ അതോറിറ്റിയുടെ നിർദേശങ്ങൾ 

.പകൽ സമയത്ത് പുറത്തിറങ്ങുന്നത് പരമാവധി ഒഴിവാക്കുക.

.ശരീരത്തിൽ നേരിട്ട് വെയിലേൽക്കുന്ന എല്ലാതരം പുറം ജോലികളും, കായിക വിനോദങ്ങളും, മറ്റ് പ്രവർത്തനങ്ങളും പൂർണ്ണമായും നിർത്തി വെക്കുക.

.ധാരാളമായി വെള്ളം കുടിക്കുക

.കായികാദ്ധ്വാനമുള്ള ജോലികളിൽ ഏർപ്പെടുന്നവർ ഇടവേളകൾ എടുത്തും വിശ്രമിച്ച് കൊണ്ടും മാത്രം ജോലിയിൽ ഏർപ്പെടുക…….

.നിർജലീകരണം ഉണ്ടാക്കുന്ന മദ്യം, കാർബണേറ്റഡ് പാനീയങ്ങൾ, ചായ കാപ്പി എന്നിവ പകൽ സമയത്ത് പൂർണ്ണമായും ഒഴിവാക്കുക
.വൈദ്യുത ഉപകരണങ്ങൾ നിരന്തര ഉപയോഗം മൂലം ചൂട് പിടിച്ചും, വയർ ഉരുകിയും തീപിടുത്തത്തിന് സാധ്യത ഉള്ളതിനാൽ ഓഫീസുകളിലുംഉപയോഗം ഇല്ലാത്ത മുറികളും ഉള്ള ഫാൻ, ലൈറ്റ്, എ.സി എന്നിവ ഓഫ് ചെയ്ത് സൂക്ഷിക്കുക.
.വീട്ടിലും ഓഫീസിലും തൊഴിലിടത്തിലും വായു സഞ്ചാരം ഉറപ്പാക്കുക.

.മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ (ഡംപിങ് യാർഡ്), ചപ്പ് ചവറുകളും, ഉണങ്ങിയ പുല്ലും ഉള്ള ഇടങ്ങളിൽ എന്നിവടങ്ങളിൽ തീപിടുത്ത സാധ്യത കൂടുതലാണ്. ഇവിടങ്ങളിൽ ഫയർ ഓഡിറ്റ് നടത്തേണ്ടതും കൃത്യമായ സുരക്ഷാ മുൻകരുതൽ സ്വീകരിക്കുകയും ചെയ്യേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ജാഗ്രത പാലിക്കുക.

.വിദ്യാർഥികളുടെ കാര്യത്തിൽ സ്കൂള്‍ അധിക‍ൃതരും രക്ഷിതാക്കളും പ്രത്യേകശ്രദ്ധ പുലര്‍ത്തേണ്ടതാണ്. കുട്ടികൾക്ക് കൂടുതൽ വെയിലേൽക്കുന്ന പരിപാടികൾ ഒഴിവാക്കുകയോ

സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്കൂളുകള്‍ രാവിലെ 11 മുതല്‍ 3 വരെ കുട്ടികള്‍ക്ക് നേരിട്ട് ചൂട് ഏല്‍ക്കുന്നില്ല എന്ന് ഉറപ്പ് വരുത്തുക.

.കിടപ്പ് രോഗികൾ, പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങൾ മൂലമുള്ള അവശത അനുഭവിക്കുന്നവർ തുടങ്ങിയ വിഭാഗങ്ങൾക്ക് പ്രത്യേകകരുതൽ 

ഉറപ്പാക്കണം.

.എല്ലാവിധ പൊതുപരിപാടികളും വൈകുന്നേരങ്ങളിലേക്ക് മാറ്റി വക്കുന്നത് ഉചിതമായിരിക്കും.

.പൊതുജനങ്ങൾ സ്വയം നിയന്ത്രണം ഏർപ്പെടുത്തി പരമാവധി പുറത്തിറങ്ങാതെ സുരക്ഷിതരായി ഇരിക്കണം എന്ന് അഭ്യർത്ഥിക്കുന്നു.


Main Stories

ദേശീയ പ്രാധാന്യം ഇല്ലെന്ന്; 18 സ്മാരകങ്ങളുടെ സംരക്ഷിത പദവി ഒഴിവാക്കി എ.

May 2, 2024
20-20Journals

ദേശീയ പ്രാധാന്യം ഇല്ലെന്ന് ചൂണ്ടിക്കാണിച്ച് 18 സ്മാരകങ്ങളെ സംരക്ഷിത പദവിയിൽ നിന്ന് ഒഴിവാക്കാൻ ആര്‍ക്കിയോളജിക്കല്‍ സര്‍വേ ഓഫ് ഇന്ത്യ(എ.എസ്.ഐ)തീരുമാനിച്ചു.ദേശീയ പ്രാധാന്യം, വാസ്തുവിദ്യ,…

Main Stories

ഒരു വർഷത്തിനുള്ളിൽ പണം ഇരട്ടി, കണ്ണും പൂട്ടി വാങ്ങാൻ 4 പൊതുമേഖലാ ഓഹരികൾ, വിശദമായി അറിയാം

ഓഹരി വിപണിയിലെ നിക്ഷേപത്തെ ഗൗരവത്തോടെ സമീപിക്കുന്നവരുടെ ആദ്യ ചോയിസ് പൊതുമേഖലാ ഓഹരികളായിരിക്കും. കഴിഞ്ഞ കുറച്ചു വർഷങ്ങളായി മികച്ച വരുമാനം നൽകാൻ പൊതുമേഖലാ ഓഹരികൾക്ക് സാധിക്കുന്നു എന്നത് തന്നെയാണ് ഈ തിരഞ്ഞെടുപ്പിന് പിന്നിൽ. എസ് ആൻ്റ് പി ബിഎസ്ഇ പൊതുമേഖലാ സൂചിക കഴിഞ്ഞ ഒരു വർഷത്തിനിടെ 95.02 ശതമാനം നേട്ടമുണ്ടാക്കി എന്നാണ് കണക്കുകൾ സൂചിപ്പിക്കുന്നത്


സമീപ ഭാവിയിൽ മികച്ച നേട്ടം നൽകാൻ സാധ്യതയുണ്ടെന്ന് വിദഗ്ധർ വിലയിരുത്തുന്ന നാല് പൊതുമേഖലാ ഓഹരികളെക്കുറിച്ച് നമുക്ക് വിശദമായി നോക്കാം.

1. നാഷണൽ തെർമൽ പവർ കോർപ്പറേഷൻ  1975ല്‍ സ്ഥാപിതമായ ഇന്ത്യയിലെ ഏറ്റവും വലിയ വൈദ്യുതി ഉല്‍പ്പാദന കമ്പനിയാണ് നാഷണല്‍ തെര്‍മല്‍ പവര്‍ കോര്‍പ്പറേഷന്‍. കണ്‍സള്‍ട്ടന്‍സി, പ്രോജക്ട് മാനേജ്മെന്റ്, മേല്‍നോട്ടം, ഊര്‍ജ്ജ വ്യാപാരം, എണ്ണ- വാതക പര്യവേക്ഷണം, കല്‍ക്കരി ഖനനം എന്നിവ പോര്‍ട്ട്‌ഫോളിയോയുടെ ഭാഗമാണ് എൻടിപിസിയുടെ വിപണി മൂല്യം 3.52 ലക്ഷം കോടി രൂപയാണ്, പിഇ അനുപാതം 19.36 ആണ്.

ഓഹരി വിപണിയിലെ പ്രകടനം ബിഎസ്ഇയിൽ 4.27 ശതമാനം ഇൻട്രാഡേ നേട്ടത്തോടെ 363 രൂപയാണ് നിലവിൽ എൻടിപിസിയുടെ ഓഹരി വില. ഈ വർഷം ഇതുവരെ സ്റ്റോക്ക് 17.32 ശതമാനം ഉയർന്നു. കഴിഞ്ഞ ഒരു വർഷത്തിനിടെ ഏകദേശം 106.37 ശതമാനം വരുമാനം നൽകാനും ഓഹരിക്ക് സാധിച്ചു.

2. ഗെയ്ൽ (ഇന്ത്യ) ലിമിറ്റഡ് രാജ്യത്തെ ഏറ്റവും വലിയ പൊതുമേഖല സംയോജിത പ്രകൃതി വാതക കമ്പനിയാണ് ഗെയിൽ ഇന്ത്യ ലിമിറ്റഡ്. 1984-ലാണ് കമ്പനി സ്ഥാപിച്ചത്. 1.37 ലക്ഷം കോടി രൂപയാണ് കമ്പനിയുടെ വിപണി മൂലധനം. പിഇ അനുപാതം 18.91 ആണ്.


നിലവിലെ ഓഹരി വില 0.26 ശതമാനം ഇൻട്രാഡേ ഇടിവോടെ 209 രൂപയാണ് നിലവിൽ ഗെയിലിന്‍റെ ഓഹരി വില. ഈ വർഷം ഇതുവരെ 25.68 ശതമാനം വളർച്ച കൈവരിച്ചു. ഒന്നും മൂന്നും വർഷത്തെ വരുമാനം 94.87 ശതമാനവും 128.29 ശതമാനവുമാണ്. ബിഎസ്ഇ വിശകലനം അനുസരിച്ച് ഒരു ദശാബ്ദത്തിനുള്ളിൽ 201.59 ശതമാനം റിട്ടേണാണ് ഈ ഓഹരികൾ നൽകിയത്.

3. ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ രാജ്യത്ത് ഏറ്റവും ലാഭം കരസ്ഥമാക്കുന്ന പൊതുമേഖല സ്ഥാപനമാണ് ഓയില്‍ & നാച്ചുറല്‍ ഗ്യാസ് കോര്‍പ്പറേഷന്‍ അഥവാ ഒഎന്‍ജിസി. 1956-ലാണ് ആരംഭം. മഹാരത്ന പദവിയുള്ള ഈ കമ്പനി ഏറ്റവും വലിയ ഇന്ധന പര്യവേക്ഷകരും ഉത്പാദകരും കൂടിയാണ്. ഒഎൻജിസിയുടെ വിപണി മൂല്യം 3.55 ലക്ഷം കോടി രൂപയാണ്.

ഓഹരി വിപണിയിലെ പ്രകടനം ബിഎസ്ഇയിൽ -0.16 ശതമാനം ഇടിവോടെ 282.85 രൂപയാണ് നിലവിൽ ഒഎൻജിസി ഓഹരിയുടെ വില. ഓഹരി ഈ വർഷം ഇതുവരെ 37.81 ശതമാനം വളർച്ച കൈവരിച്ചു. 160.57 ശതമാനമാണ് കഴിഞ്ഞ മൂന്ന് വർഷത്തെ വരുമാനം. 4. ഇന്ത്യൻ റെയിൽവേ ഫിനാൻസ് കോർപ്പറേഷൻ ആസ്തികള്‍ ഏറ്റെടുക്കുന്നതിനും സൃഷ്ടിക്കുന്നതിനും ധനസഹായം നല്‍കുന്നതിനായി സാമ്പത്തിക വിപണികളില്‍ നിന്ന് പണം കടമെടുക്കുന്ന സ്ഥാപനം. ഇത് പിന്നീട് ഇന്ത്യന്‍ റെയില്‍വേയ്ക്ക് ഫിനാന്‍ഷ്യല്‍ ലീസായി പാട്ടത്തിന് നല്‍കുന്നു. ഐആർഎഫ്‌സിയുടെ വിപണി മൂല്യം 2.05 ലക്ഷം കോടി രൂപയാണ്.

4. ഇന്ത്യൻ റെയിൽവേ ഫിനാൻസ് കോർപ്പറേഷൻ ആസ്തികള്‍ ഏറ്റെടുക്കുന്നതിനും സൃഷ്ടിക്കുന്നതിനും ധനസഹായം നല്‍കുന്നതിനായി സാമ്പത്തിക വിപണികളില്‍ നിന്ന് പണം കടമെടുക്കുന്ന സ്ഥാപനം. ഇത് പിന്നീട് ഇന്ത്യന്‍ റെയില്‍വേയ്ക്ക് ഫിനാന്‍ഷ്യല്‍ ലീസായി പാട്ടത്തിന് നല്‍കുന്നു. ഐആർഎഫ്‌സിയുടെ വിപണി മൂല്യം 2.05 ലക്ഷം കോടി രൂപയാണ്. നിലവിലെ ഓഹരി വില 157.25 രൂപ എന്നതാണ് ബിഎസ്ഇയിൽ നിലവിൽ കമ്പനിയുടെ ഓഹരി വില. കഴിഞ്ഞ മൂന്ന് വർഷമായി സ്റ്റോക്ക് സ്ഥിരമായ പോസിറ്റീവ് റിട്ടേൺ നൽകി. കഴിഞ്ഞ ഒരു വർഷത്തിനിടെ 394.50 ശതമാനം റിട്ടേണാണ് ഓഹരി നൽകിയത്. അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.


Education Main Stories

വിമാനം പറത്തണോ? ഉഡാൻ അക്കാദമിയിൽ നിന്നും കൊമേഴ്സ്യൽ പൈലറ്റ് ലൈസൻസിന് ഇപ്പോൾ അപേക്ഷിക്കാം.

രാജ്യത്തിനകത്തും പുറത്തും മികച്ച തൊഴിൽ സാധ്യതയുള്ള എയർലൈൻ- പൈലറ്റ് പരിശീലനത്തിന് ഇന്ത്യയിലെ ഏറ്റവും മികച്ച കേന്ദ്രമാണ് സിവിൽ വ്യോമയാന മന്ത്രാലയത്തിന്റെ നിയന്ത്രണത്തിലുള്ള സ്വയംഭരണ സ്ഥാപനമായ ഇന്ദിരഗാന്ധി ഉഡാൻ അക്കാദമി. അമേഠിയിൽ സ്ഥിതി ചെയ്യുന്ന അക്കാദമിയിലെ പുതിയ ബാച്ചിലേയ്ക്കുള്ള പ്രവേശനത്തിന്, മേയ് 9 വരെ ഓൺലൈൻ അപേക്ഷ സമർപ്പിക്കാം. ജൂൺ 3ന് തിരുവനന്തപുരം, ചെന്നൈ, ബെംഗളൂരു, മുംബൈ, ഡൽഹി അടക്കം 18 കേന്ദ്രങ്ങളിൽ ഓൺലൈൻ ആയി എഴുത്തു പരീക്ഷ നടക്കും. ആകെ 125 സീറ്റുകളാണുള്ളത്. കേന്ദ്രമാനദണ്ഡപ്രകാരം വിവിധ വിഭാഗങ്ങൾക്ക് സംവരണമുണ്ട്. സെപ്റ്റംബർ മുതൽ 4 ബാച്ചുകളിലായി 3 മാസം വീതം ഇടവിട്ടു പ്രവേശനം നടത്തും.

എഴുത്തുപരീക്ഷയിൽ മികവുള്ളവർക്കു പൈലറ്റ് അഭിരുചി / സൈക്കോമെട്രിക്‌ ടെസ്‌റ്റ്, ഇന്റർവ്യൂ എന്നിവയുണ്ട്. പൈലറ്റ് അഭിരുചി പരീക്ഷയ്ക്കു ജീവിതത്തിൽ ഒരു ചാൻസ് മാത്രമേ ലഭിക്കൂ. ഡയറക്‌ടർ ജനറൽ ഓഫ് സിവിൽ ഏവിയേഷന്റെ നിർദേശാനുസരണമുള്ള മെഡിക്കൽ സർട്ടിഫിക്കറ്റ് ഹാജരാക്കണം. പ്രവേശനസമയത്ത് ക്ലാസ് 2 മെ‍ഡിക്കൽ എക്സാമിനറുടെ സർട്ടിഫിക്കറ്റ് മതി. പിന്നീട് ക്ലാസ് വണ്ണിന്റെയും വേണ്ടിവരും.

പരിശീലനത്തിന്റെ മൂന്നു ഘട്ടങ്ങൾ

 

1.സ്‌റ്റുഡന്റ് പൈലറ്റ് ലൈസൻസ്
2.പ്രൈവറ്റ് പൈലറ്റ് ലൈസൻസ്
3.കമേഴ്സ്യൽ പൈലറ്റ് ലൈസൻസ്

24 മാസമാണ്, കോഴ്സ് കാലയളവ്. വനിതകൾക്കും അപേക്ഷിക്കാനവസരമുണ്ട്.

ആർക്കൊക്കെ അപേക്ഷിക്കാം

ആബ് ഇനിഷ്യോ ടു സിപിഎൽ’ പ്രോഗ്രാമിൽ ചേരാൻ ഇംഗ്ലിഷ്, മാത്തമാറ്റിക്‌സ്, ഫിസിക്‌സ് ഇവയോരോന്നിനും 50% എങ്കിലും മാർക്കോടെ പ്ലസ്‌ ടു പരീക്ഷ പാസ്സായിരിക്കണം. എന്നാൽ പട്ടികജാതി/വർഗ്ഗ /പിന്നാക്ക / സാമ്പത്തിക പിന്നാക്ക വിഭാഗക്കാർക്ക് 45% മാർക്കു മതി. ഇപ്പോൾ ഫലം പ്രതീക്ഷിച്ചിരിക്കുന്നവർക്കും അപേക്ഷിക്കാവുന്നതാണ്.കോഴ്സിനു ചേരുമ്പോൾ 17 വയസ്സ് തികഞ്ഞവരും അവിവാഹിതരുമായിരിക്കണം. അപേക്ഷാർത്ഥിക്ക്, 158 സെന്റീമീറ്റർ ഉയരം നിർബന്ധമായും വേണം.

കോഴ്സ് ഫീസ്

തെരഞ്ഞെടുക്കപ്പെട്ടാൽ ട്രെയ്നിങ് ഫീസായി, 45 ലക്ഷം രൂപ നൽകണം. ഇത് 4 ഗഡുക്കളായി അടയ്‌ക്കാൻ സൗകര്യമുണ്ട്. ഇതുകൂടാതെ പഠനോപകരണങ്ങൾക്കും മറ്റുമായി 2 ലക്ഷം രൂപ വേറെ വേണം. ഹോസ്‌റ്റൽ ചെലവ് പ്രതിമാസം 15,000/- വരും. എല്ലാ വിഭാഗക്കാരും ഇതേ ക്രമത്തിൽ ഫീസടയ്ക്കണം. ഇതിനു സമാന്തരമായി അധികഫീസ് നൽകി, 3 വർഷ ബിഎസ്‌സി ഏവിയേഷൻ ബിരുദ കോഴ്‌സിനും പഠിക്കാനവസരമുണ്ട്.

അഡ്രസ്
Indira Gandhi Rashtriya Uran Akademi, Fursatganj Airfield, Amethi (U.P.) – 229302

ഫോൺ
0535-2978000,

മെയിൽ
ops@igrua.gov.in ,

വെബ്സൈറ്റ്
https://igrua.gov.in.

Verified by MonsterInsights