തുടർച്ചയായ രണ്ടാം ദിവസവും ഇന്ധന വില കൂട്ടി. പെട്രോൾ ലിറ്ററിന് 90 പൈസയും ഡിസൽ ലിറ്ററിന് 84 പൈസയുമാണ് ഇന്ന് വർധിപ്പിച്ചത്. ഇതോടെ തിരുവനന്തപുരത്ത് പെട്രോൾ വില ലിറ്ററിന് 108.11 രൂപയായി ഉയർന്നു. 95.17 രൂപയാണ് ഡീസൽ വില.
കൊച്ചിയിൽ പെട്രോളിന് 106.08 രൂപയും ഡീസലിന് 93.24 രൂപയുമായി. കോഴിക്കോട് 106.35 രൂപയാണ് പെട്രോൾ വില. ഡീസലിന് 93.45 രൂപയും.കഴിഞ്ഞ രണ്ടുദിവസംകൊണ്ട് ഒരുലിറ്റർ പെട്രോളിന് 1.78 രൂപയും ഡീസലിന് 1.69 രൂപയുമാണ് വർധിച്ചത്.
