Category: Main Stories

Main Stories Popular

ദുബായ് സ്വപ്നം പൂവണിയുമോ; യുഎഇയിൽ 14 മേഖലകളിൽ കൂടി കർശന സ്വദേശിവൽകരണം.

പ്രധാനപ്പെട്ട 14 തൊഴിലിടങ്ങളിൽ നിർബന്ധ സ്വദേശിവൽക്കരണം നടപ്പാക്കി യുഎഇ. 20 മുതൽ 49 വരെ ജീവനക്കാരുള്ള സ്ഥാപനങ്ങളിൽ ഒരു സ്വദേശിയെ നിയമിക്കണ മെന്നാണ് മാനവ വിഭവശേഷി സ്വദേശിവൽക്കരണ മന്ത്രാലയത്തിന്റെ നിർദ്ദേശം. നിയമനം ഡിസംബർ 31 നകം നടപ്പാക്കിയില്ലെങ്കിൽ കനത്ത പിഴ ചുമത്തുമെന്നും മന്ത്രാലയം കമ്പനികൾക്ക് മുന്നറിയിപ്പ് നൽകി.

ഐടി, ഇൻഷുറൻസ് കമ്പനികൾ, റിയൽ എസ്റ്റേറ്റ്, പ്രഫഷനൽ- സാങ്കേതിക മേഖലയിലെ സ്ഥാപനങ്ങൾ,  അഡ്മിനിസ്ട്രേറ്റീവ്, സപ്പോർട്ടീവ്, വിദ്യാഭ്യാസം, ആരോഗ്യ-സാമൂഹിക രംഗം, കല-വിനോദം, ഖനനം–ക്വാറി, നിർമാണ വ്യവസായങ്ങൾ, മൊത്ത-ചില്ലറ വ്യാപാര സ്ഥാപനങ്ങൾ, ഗതാഗതം, സംഭരണ മേഖല, ഹോസ്പിറ്റാലിറ്റി എന്നീ മേഖലകളിലാണ് സ്വദേശി നിയമനം യുഎഇ കർശനമാക്കിയത്. എന്നാൽ, 20ൽ താഴെ തൊഴിലാളികളുള്ള കമ്പനികൾക്കു ഈ നിയമം ബാധകമല്ല.

വേഗത്തിൽ വളരുന്ന, അനുയോജ്യമായ തൊഴിൽ അന്തരീക്ഷവും സാമ്പത്തിക സുസ്ഥിരതയുമുള്ള കമ്പനികളെയാണ് സ്വദേശിവൽക സ്വദേശിവൽക്കരണ നിയമന പരിധിയിൽ ഉൾപ്പെടുത്തിയിട്ടുള്ളത്. സ്വദേശി ജീവനക്കാരുടെ വിശദാംശങ്ങൾ രാജ്യത്തെ ജനറൽ പെൻഷൻ ആൻഡ് സോഷ്യൽ സെക്യൂരിറ്റി അതോറിറ്റിയിൽ റജിസ്റ്റർ ചെയ്യണമെന്നും നിയമനം ലഭിച്ചവരുടെ വേതനം ഡബ്ല്യുപിഎസ് വഴി വിതരണം ചെയ്യണമെന്നും നിർദ്ദേശമുണ്ട്.

ഈ വർഷത്തെ നിയമന ക്വോട്ട നികത്താത്ത കമ്പനികൾക്ക് മന്ത്രാലയം ജനുവരിയിൽ 96,000 ദിർഹം സാമ്പത്തികബാധ്യത ചുമത്തും. അടുത്തവർഷവും നിയമനം പൂർത്തിയാക്കാതിരുന്നാൽ കമ്പനികൾ മന്ത്രാലയത്തിൽ അടയ്ക്കേണ്ടത് 1.08 ലക്ഷം ദിർഹമായിരിക്കും.

Main Stories

നിങ്ങളുടെ ആധാർ കാർഡ് സേഫ് ആണോ..? ചിലപ്പോൾ ദുരുപയോഗം ചെയ്തേക്കാം..ഇക്കാര്യങ്ങള്‍ ശ്രദ്ധിക്കുന്നത് നല്ലതാണ്.

ഒരു ഇന്ത്യന്‍ പൗരന്റെ ഏറ്റവും പ്രധാനപ്പെട്ട രേഖയാണ് ആധാർ കാർഡ്. നമ്മുടെ ബയോമെട്രിക് വിവരങ്ങള്‍ അടക്കമുള്ള രേഖയാണ് ഇത്. സർക്കാർ സേവനങ്ങൾ, ബാങ്കിങ് സൗകര്യങ്ങൾ, ടെലികോം കണക്ഷനുകൾ എന്നിങ്ങനെ നമ്മുടെ വ്യക്തിപരമായ കാര്യങ്ങള്‍ ആക്സസ് ചെയ്യുന്നതിന് ആധാർ നമ്പർ അത്യാവശ്യമാണ്.

ഈ രേഖ ശ്രദ്ധയോടെ കൈകാര്യം ചെയ്തില്ലെങ്കിൽ ദുരുപയോഗം ചെയ്യപ്പെടാനുള്ള സാധ്യതയേറെയാണ്. നിങ്ങളുടെ ആധാർ ദുരുപയോഗം ചെയ്യുന്നുണ്ടോ എന്നറിയാന്‍ ഒരു വഴിയുണ്ട്. ഇതിനായി യൂണീക്ക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യ (UIDAI) ഉപയോക്താക്കള്‍ക്ക് അവരുടെ ആധാർ ഉപയോഗം നിരീക്ഷിക്കാനും സുരക്ഷിതമാക്കാനും സഹായിക്കുന്ന ടൂളുകൾ അവതരിപ്പിച്ചിട്ടുണ്ട്.

ആധാർ ദുരുപയോഗം ചെയ്യുന്നുണ്ടോ എന്നറിയാനായി myAadhaar പോർട്ടലില്‍ പ്രവേശിക്കുക. നിങ്ങളുടെ ആധാർ നമ്പർ, ക്യാപ്‌ച കോഡ് എന്നിവ നൽകി ഒടിപി ഉപയോഗിച്ച് ലോഗിൻ ചെയ്ത് ക്ലിക്ക് ചെയ്യുക. നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒടിപി ലഭിക്കും. നിങ്ങളുടെ അക്കൗണ്ട് ആക്സസ് ചെയ്യാൻ ഇത് സഹായിക്കും. “ഓതന്‍റിക്കേഷൻ ഹിസ്റ്ററി” ഓപ്‌ഷൻ തിരഞ്ഞെടുത്ത് നിങ്ങൾ അവലോകനം ചെയ്യാൻ ആഗ്രഹിക്കുന്ന കാലയളവിനുള്ള തിയതി ശ്രേണി തിരഞ്ഞെടുക്കുക. തുടർന്ന് ലോഗ് പരിശോധിച്ച് പരിചിതമല്ലാത്തതോ സംശയാസ്പദമായതോ ആയ ഇടപാടുകൾ ഉണ്ടോയെന്ന് നോക്കുക.

സംശയാസ്പദമായ പ്രവർത്തനങ്ങൾ കണ്ടെത്തിയാൽ ഉടനെ അത് UIDAI-യിൽ റിപ്പോർട്ട് ചെയ്യണം. ഇതിനായി യുഐഡിഎഐയുടെ ടോൾ ഫ്രീ ഹെൽപ്പ് ലൈനായ 1947ന്‍റെ സഹായം തേടാവുന്നതാണ്. help@uidai.gov.in എന്ന ഇമെയിൽ വിലാസത്തിലേക്കും റിപ്പോർട്ട് അയയ്ക്കാം. ആധാർ ബയോമെട്രിക്സ് ലോക്ക് ചെയ്യാനും അൺലോക്ക് ചെയ്യാനുമുള്ള ഓപ്ഷനും യുഐഡിഎഐ  പറയുന്നുണ്ട്. നിങ്ങളുടെ ആധാർ ബയോമെട്രിക്‌സ് ലോക്ക് ചെയ്യുന്നത് നിങ്ങളുടെ ആധാർ വിശദാംശങ്ങളിലേക്ക് ആർക്കെങ്കിലും ആക്‌സസ് ഉണ്ടെങ്കിലും അവർക്ക് ബയോമെട്രിക് വിവരങ്ങൾ ദുരുപയോഗം ചെയ്യാൻ കഴിയില്ലെന്ന് ഉറപ്പാക്കുന്നു.

Main Stories Popular

മെഗാസീരിയൽ നിരോധിക്കണം,ഒരുദിവസം ഒരുചാനലിൽ 2 സീരിയലുകൾ മതി;സീരിയലുകൾ സെൻസർചെയ്യാൻ വനിതാകമ്മീഷൻ ശുപാർശ.

മലയാള ടെലിവിഷൻ സീരിയൽക്കഥകൾ, എപ്പിസോഡുകൾ എന്നിവ സംപ്രേഷണം ചെയ്യുംമുൻപ്‌ സെൻസർബോർഡിന്റെ പരിശോധന ആവശ്യമാണെന്ന് വനിതാ കമ്മിഷൻ റിപ്പോർട്ട്. മെഗാപരമ്പരകൾ നിരോധിച്ച്, എപ്പിസോഡുകൾ 20 മുതൽ 30 വരെയായി കുറയ്ക്കണം. ഒരുദിവസം ഒരു ചാനലിൽ രണ്ടുസീരിയൽ മതിയെന്നും പുനഃസംപ്രേഷണം അനുവദിക്കരുതെന്നും കമ്മിഷൻ ആവശ്യപ്പെടുന്നു.

സീരിയലുകളുടെ സെൻസറിങ് നിലവിലെ സിനിമാ സെൻസർ ബോർഡിനെ ഏൽപ്പിക്കുകയോ പ്രത്യേകബോർഡ് രൂപവത്കരിക്കുകയോ വേണമെന്നും വനിതാകമ്മിഷന്റെ പഠനറിപ്പോർട്ട് ആവശ്യപ്പെടുന്നു.

മലപ്പുറം, കോട്ടയം, തിരുവനന്തപുരം ജില്ലകളിലെ 13-19 പ്രായക്കാരായ 400 പേരുടെ അഭിപ്രായങ്ങൾ വിലയിരുത്തിയാണ് കമ്മിഷൻ ഇതേക്കുറിച്ച് പഠിച്ചത്. പരമ്പരകളിൽ തെറ്റായ സന്ദേശമുണ്ടെന്ന് 43 ശതമാനംപേർ കുറ്റപ്പെടുത്തി. സീരിയലുകളുടെ പ്രമേയത്തിൽ മാറ്റംവരുത്തണമെന്ന് 57 ശതമാനം പേരും ആവശ്യപ്പെട്ടു.

അസാന്മാർഗിക കഥാപാത്രങ്ങളെ കുട്ടികളടക്കം അനുകരിക്കുന്നതായും പഠനം കണ്ടെത്തി. കേന്ദ്രകഥാപാത്രമാകുന്ന സ്ത്രീകൾ മിക്കപ്പോഴും നെഗറ്റീവ് റോളിലാണ്. യാഥാർഥ്യബോധമുള്ള കഥകൾ കുറവാണ്. ഇത്തരത്തിലുള്ള സീരിയലുകൾ സംപ്രേഷണംചെയ്യുന്നത് കുടുംബങ്ങളെയും കുട്ടികളെയും ബാധിക്കുന്നു. 2017 മുതല്‍ 2022 വരെയാണ് വിവിധ മേഖലകളിലെ പ്രശ്നങ്ങളെപ്പറ്റി കമ്മിഷൻ പഠിച്ചത്.

മറ്റുശുപാർശകൾ ഹ്രസ്വചിത്രങ്ങളും വെബ്‌സീരീസുകളും വിദ്യാഭ്യാസപരിപാടികളും ഉൾപ്പെടുത്തുക, കുട്ടികൾ അമിതമായി സാമൂഹികമാധ്യമങ്ങൾ ഉപയോഗിക്കുന്നത് നിയന്ത്രിക്കുക, അധിക്ഷേപഭാഷ നിരോധിക്കുക, സ്ത്രീകളെ നിന്ദ്യമായി ചിത്രീകരിക്കുന്നതിനെതിരേയുള്ള നിയമം കർശനമായി നടപ്പാക്കണം, അശ്ലീല ഉള്ളടക്കങ്ങൾ തിരയുന്നത് കർശനമായി നിയന്ത്രിക്കുക, ഇക്കാര്യങ്ങൾ നടപ്പാക്കുന്നതിന് ആവശ്യമെങ്കിൽ നിയമനിർമാണം നടത്തുകയും പ്രത്യേകം സമിതികൾ രൂപവത്കരിക്കുകയും വേണം. പരാതിസെല്ലും ആവശ്യമാണ്.

Education Main Stories

ന്യൂനപക്ഷ വിദ്യാർഥികൾക്കുള്ള സ്കോളർഷിപ്പ്; അപേക്ഷ ഡിസംബർ 5 വരെ.

ഐഐടികൾ, ഐഐഎമ്മു കൾ, ഐഐഎസ്‌സി എന്നിവിടങ്ങളിൽ പഠിക്കുന്ന ന്യൂനപക്ഷ വിദ്യാർഥികൾക്കുള്ള സ്കോളർഷിപ്പിന് ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. പിജി, പിഎച്ച്ഡിക്ക് എന്നിവയ്ക്ക് പഠിക്കുന്ന ക്രിസ്ത്യൻ, പാഴ്സി വിദ്യാർഥികൾക്ക് അപേക്ഷിക്കാം. യോഗ്യതാ പരീക്ഷയിൽ (ഡിഗ്രി/ബിഇ/ ബിടെക്) 55 ശതമാനാം മാർക്ക് നേടിയിരിക്കണം.

ഐഐടികളിലും ഐഐഎമ്മുകളിലും രണ്ടു വർഷത്തെ ബിരുദാനന്തര ബിരുദം പഠിക്കുന്ന ഒന്നും രണ്ടും വർഷ വിദ്യാർത്ഥികൾക്കും സ്കോളർഷിപ്പിന് അപേക്ഷിക്കാം. ഒന്നാം/ രണ്ടാം/ മൂന്നാം/ നാലാം/ അഞ്ചാം വർഷ ഐഎംഎസ്സി വിദ്യാർത്ഥികൾക്കും സ്കോളർഷിപ്പിന് അപേക്ഷിക്കാൻ അർഹതയുണ്ട്.

ബിപിഎൽ വിഭാഗത്തിൽപ്പെട്ട വിദ്യാർഥികൾക്ക് മുൻഗണന നൽകും. ബിപിഎൽ അപേക്ഷകരുടെ അഭാവത്തിൽ കുടുംബ വാർഷിക വരുമാനം 8 ലക്ഷം രൂപ വരെയുള്ള എപിഎൽ വിഭാഗക്കാരെയും പരിഗണിക്കും. 50 ശതമാനം സ്കോളർഷിപ് പെൺകുട്ടികൾക്കായി സംവരണം ചെയ്തിട്ടുണ്ട്. ഡിസംബർ 5 നകം പൂർണമായ അപേക്ഷ ലഭ്യമാക്കണം. വിവര ങ്ങൾക്ക്: www.minoritywe Ifare.kerala.gov.in, ഫോൺ: 0471 2300524, 04712302090.

Main Stories Popular

എല്ലാ ഉപഭോക്തൃ സേവനങ്ങളും ഓൺലൈനാക്കാൻ കെഎസ്ഇബി.

കെഎസ്ഇബിയുടെ പുതിയ കണക്ഷൻ എടുക്കുന്നതുൾപ്പെടെ എല്ലാ ഉപഭോക്തൃ സേവനങ്ങളും ഓൺലൈൻ ആക്കുന്നു. ഓൺലൈൻ സേവനങ്ങൾ ഡിസംബർ 1 മുതൽ പ്രാബല്യത്തിൽ വരും. പുതിയതായി ഉപഭോക്തൃ സേവന വിഭാഗം രൂപീകരിക്കാനും തീരുമാനമായി.

ഏതെങ്കിലും ഓഫീസിൽ നേരിട്ട് അപേക്ഷ സ്വീകരിച്ചാൽ കർശന നടപടിയെന്നാണ് ചെയർമാൻ ബിജു പ്രഭാകറിന്റെ മുന്നറിയിപ്പ്. ആദ്യം ലഭിക്കുന്ന അപേക്ഷ ആദ്യം പരിഗണിക്കണം. വിതരണ വിഭാഗം ഡയറക്ടർ ഇത് കൃത്യമായി നിരീക്ഷിച്ച് ഉറപ്പാക്കണം. ഇംഗ്ലീഷിലുള്ള കെഎസ്ഇബിയുടെ വെബ്‌സൈറ്റിൽ മലയാളവും പറ്റുമെങ്കിൽ തമിഴും കന്നട ഭാഷയും ഉൾപ്പെടുത്തണം.

അപേക്ഷകൾ സ്വീകരിച്ചാൽ രണ്ട് പ്രവൃത്തി ദിവസത്തിനുള്ളിൽ തുകയെത്രയെന്ന് അറിയിക്കണം. തുടർ നടപടികൾ വാട്ട്‌സ്ആപ്പിലും എസ്എംഎസ്സായും ഉപഭോക്താവിന് ലഭിക്കുന്നതാണ്. ജനങ്ങളുടെ സേവനത്തിനും പരാതിപരിഹാരത്തിനുമായി വിതരണ വിഭാഗം ഡയറക്ടറുടെ കീഴിൽ കസ്റ്റമർ കെയർ സെല്ല് തുടങ്ങാനും തീരുമാനിച്ചിട്ടുണ്ട്. പരീക്ഷണാടിസ്ഥാനത്തിൽ തിരുവനന്തപുരത്തും എറണാകുളത്തും കോഴിക്കോടും ഓരോ കസ്റ്റമർ കെയർ സെന്റർ വീതം തുടങ്ങും. ഐടി വിഭാഗത്തിന്റെ കീഴിലായിരുന്ന കെഎസ്ഇബിയുടെ 1912 കാൾ സെന്റർ ഇനി കസ്റ്റമർ കെയർ സെല്ലിന്റെ ഭാഗമാവും.

Main Stories

ഒറ്റപ്പെട്ടയിടങ്ങളില്‍ ഇടിമിന്നലോടുകൂടിയ മഴയ്ക്ക് സാധ്യത.

അടുത്ത 3 മണിക്കൂറില്‍ കേരളത്തിലെ കോട്ടയം, ഇടുക്കി, പാലക്കാട് ജില്ലകളില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് ഒരു ജില്ലകളിലും പ്രത്യേക മുന്നറിയിപ്പുകള്‍ നല്‍കിയിട്ടില്ല.കേരള-കര്‍ണാടക തീരത്ത് ഇന്ന് മത്സ്യബന്ധനത്തിന് തടസമില്ല. ലക്ഷദ്വീപ് തീരത്ത് മണിക്കൂറില്‍ 35 മുതല്‍ 45 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

ഇന്നും വൈകുന്നേര സമയങ്ങളില്‍ ഇടിമിന്നലിന് സാധ്യതയുണ്ട്.

ജാഗ്രതാ നിര്‍ദേശങ്ങള്‍

ഇടിമിന്നല്‍ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്‍ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാല്‍ പൊതുജനങ്ങള്‍ താഴെപ്പറയുന്ന മുന്‍കരുതല്‍ കാര്‍മേഘം കണ്ട് തുടങ്ങുന്ന സമയം മുതല്‍ തന്നെ സ്വീകരിക്കേണ്ടതാണ്. ഇടിമിന്നല്‍ എപ്പോഴും ദൃശ്യമാകണമെന്നില്ലാത്തതിനാല്‍ ഇത്തരം മുന്‍കരുതല്‍ സ്വീകരിക്കുന്നതില്‍ നിന്നും വിട്ടുനില്‍ക്കരുത്.

Main Stories

വീടിനുള്ളിലെ ചൂട് 80 ശതമാനം വരെ കുറയ്ക്കാം, കാശും ലാഭം; പ്രചാരമേറി ഈ രീതി.

പ്രകൃതിദത്ത നിർമാണ സാമഗ്രികളുടെ ദൗർലഭ്യവും കുതിച്ചുയരുന്ന വിലയും ബദൽ മെറ്റീരിയലുകൾ ഉപയോഗിക്കാൻ ഉപഭോക്താക്കളെ പ്രേരിപ്പിക്കുന്നു. സിമെന്റും മണലും വെള്ളവും ഉപയോഗിച്ച് പരമ്പരാഗത രീതിയിൽ ചെയ്തിരുന്ന വാള്‍ പ്ലാസ്റ്ററിങ്ങിനും ഏറെ മാറ്റങ്ങൾ വന്നിരുന്നു. മണലിന്റെ ദൗർലഭ്യവും കനത്ത വിലയുമാണ് പാറമണൽപോലുള് ബദൽ മെറ്റീരിയലുകളെക്കുറിച്ച് അന്വേഷിക്കാൻ ഉപഭോക്താക്കളെ പ്രേരിപ്പിക്കുന്നത്. പ്ലാസ്റ്ററിങ്ങിന് ഇന്ന് കൂടുതലായി ഉപയോഗിച്ചു വരുന്നൊരു മെറ്റീരിയലാണ് ജിപ്സം പൗഡർ. സിമെന്റും മണലും ഒഴിവാക്കി പകരം ജിപ്സം പൗഡറും വെള്ളവും മാത്രം ഉപയോഗിച്ച് ഭിത്തി തേയ്ക്കുന്ന രീതിയാണ് ജിപ്സം പ്ലാസ്റ്ററിങ്. ജിപ്സം പ്ലാസ്റ്ററിങ് ചെയ്ത ഭിത്തികളിൽ പെയിന്റിങ് സമയത്ത് പുട്ടിയും ഉപയോഗിക്കേണ്ടി വരില്ല.

ചെലവു കുറഞ്ഞതും മേന്മ കൂടിയതുമായ ഈ രീതിയിലുള്ള മറ്റൊരു ഗുണം സിമെന്റ് പ്ലാസ്റ്ററിനെക്കാൾ മനോഹരമായ ഫിനഫിനിഷിങ്ങ് ലഭിക്കും എന്നതാണ്. വെള്ള നിറത്തിലുള്ള നിരപ്പേറിയ പ്രതലമാണ് ജിപ്സം പ്ലാസ്റ്ററിങ്ങിലൂടെ ലഭി ക്കുന്നത്. വെട്ടുകല്ല്, ഇഷ്ടിക, കോൺക്രീറ്റ് ബ്ലോക്ക്, ഇന്റർ ലോക്ക് ബ്രിക്ക്, സീലിങ് തുടങ്ങി ഏതുപ്രതലത്തിലും ജിപ്സം ഉപയോഗിച്ച് പ്ലാസ്റ്റർ ചെയ്യാൻ കഴിയും. സിമെന്റിനെ അപേക്ഷിച്ചു നോക്കുമ്പോൾ വളരെയെളുപ്പത്തിൽ ജിപ്സം പ്ലാസ്റ്ററിങ് സെറ്റാവുന്നു അതുകൊണ്ടുതന്നെ പ്ലാസ്റ്ററിങ്ങിനു ശേഷം ചുമരിൽ  വെള്ളം നനയ്ക്കേണ്ട ആവശ്യം വരുന്നില്ല.

തേപ്പു കഴിഞ്ഞ ഭിത്തിയിലെ ഈർപ്പം നന്നായി ഉണങ്ങിയതിനുശേഷം ഏതുതരം പെയിന്റും അടിക്കാൻ സാധിക്കും. വെള്ള നിറം തന്നെയാണ് ഭിത്തിക്കുവേണ്ടി തിരഞ്ഞെടുക്കുന്നതെങ്കിൽ പെയിന്റ് കുറേക്കൂടി എളുപ്പമാവും. ഇത്തരം പ്രതലങ്ങളിൽ പെയിന്റ് ചെയ്യുമ്പോൾ കൂടുതൽ കവറേജും ലഭിക്കും.

റെഡി ടു പ്ലാസ്റ്റർ യന്ത്രങ്ങളും വിപണിയിലുണ്ട്. ഒരേ കനത്തിൽ പെട്ടെന്ന് പ്ലാസ്റ്റർ ചെയ്യാമെന്നതാണ് ഇതിന്റെ ഗുണം. എന്നാൽ വെയ്സ്റ്റ് അധികം വരാതിരിക്കാൻ പരിചയസമ്പന്നരായ പണിക്കാരുടെ സേവനം ഉറപ്പുവരുത്തണം.

അതേസമയം, പുറംഭിത്തികളിലോ ഈർപ്പത്തിന്റെ സാധ്യതയുള്ള മുറികളുടെ ചുമരിലോ ജിപ്സം പ്ലാസ്റ്ററിങ് അഭികാമ്യമല. മാത്രമല്ല മൂലകളിൽ ജിപ്സം പ്ലാസ്റ്ററിങ് ചെയ്താൽ അടർന്നു പോകാൻ സാധ്യത കൂടുതലാണ്.

ജിപ്സം പ്ലാസ്റ്ററിങ് : ഗുണങ്ങൾ.

1. വീടിനകത്തെ ചൂട് ഗണ്യമായി കുറയ്ക്കും. സിമെന്റ് പ്ലാസ്റ്ററിങ്ങിനെക്കാൾ 50–80 ശതമാനം ചൂട് കുറവായിരിക്കും. ജിപ്സം പ്ലാസ്റ്ററിങ്ങിൽ.

2. താപസംവഹനശേഷി കുറവായതിനാൽ ഇതുപയോഗി ക്കുമ്പോൾ വൈദ്യുതി ലാഭവും ഊർജസംരക്ഷണവും ഉറപ്പാക്കാം.

3. പ്ലാസ്റ്ററിങ്ങിനു ശേഷം ചുമരുകളിൽ വിള്ളൽ പാടുകൾ ഉണ്ടാവാനുള്ള സാധ്യത കുറവാണ്.

4. ആരോഗ്യത്തിന് ഹാനികരമായ ഘടകങ്ങളൊന്നും തന്നെ ജിപ്സം പ്ലാസ്റ്ററിങ്ങിൽ അടങ്ങിയിട്ടില്ല.

5. ജിപ്സത്തിൽ കൂടിയ തോതിൽ അടങ്ങിയിട്ടുള്ള ക്രിസ്റ്റൽ വാട്ടർ അഗ്നിയെ പ്രതിരോധിക്കാൻ സഹായിക്കും.  തീപിടിത്ത മുണ്ടായാൽ ബ്ലോക്ക് വർക്കിനെയും കോൺക്രീറ്റിനെയും സംരക്ഷിക്കുന്ന കവചമായി വർത്തിക്കുവാൻ ജിപ്സത്തിനു സാധിക്കും.

6. എക്കോസ്റ്റിക് സവിശേഷതകളുള്ള ഉൽപന്നമായതിനാൽ കെട്ടിടത്തിനുള്ളിൽ മികച്ച സംഗീതാസ്വാദനം സാധ്യമാക്കു ന്നു.

7. കൃമികീടങ്ങളുടെയും ചിതലിന്റെയും ആക്രമണത്തെ പ്രതിരോധിക്കുന്നു.

Health Main Stories

രാവിലെ ഉണർന്ന ഉടൻ ഫോൺ ഉപയോഗിക്കാറുണ്ടോ?; ‘കംപ്യൂട്ടർ വിഷൻ സിൻഡ്രോം’ കാഴ്ച തന്നെ ഇല്ലാതാക്കിയേക്കാം.

ഡിജിറ്റൽ ഗാഡ്ജറ്റുകൾ നമ്മുടെ ജീവിതത്തിന്റെ ഭാഗമായിക്കഴിഞ്ഞു. ഏത് മേഖലയിൽ എടുത്തു നോക്കിയാലും മൊബൈൽ ഫോണുകളും ലാപ്ടോപ്പും അടക്കമുള്ള ഗാഡ്ജറ്റുകൾ നിത്യോപയോഗ വസ്തുവായി മാറി. പലരിലും ഡിജിറ്റൽ ഗാഡ്ജറ്റുകൾ ലഹരിയായും മാറിയിട്ടുണ്ട്. എന്നാൽ ഇവ ഉപയോഗിക്കുമ്പോൾ നമ്മളിൽ പലർക്കും ഇതിന്റെ ഭവിഷ്യത്തുകളെക്കുറിച്ച് അറിയണമെന്നില്ല. നേരംപോക്കിനും മറ്റും നിരന്തരം ഉപയോഗിക്കുന്ന ഇത്തരം ഗാഡ്ജറ്റുകൾ നമ്മുടെ ആരോഗ്യത്തിന് ഏറെ ദോഷകരമായി ഭവിക്കുന്നുണ്ട്.

കാഴ്ചക്കുറവ്, കഴുത്തിന് വേദന, ഉറക്കക്കുറവ് തുടങ്ങിവ പതിയെപ്പതിയെ നമ്മെ അലട്ടിത്തുടങ്ങും. ഡിജിറ്റൽ ഗാഡ്ജറ്റുകളുടെ അനിയന്ത്രിതമായ ഉപയോഗം നമ്മുടെ ആരോഗ്യത്തെത്തന്നെ കാർന്നു തിന്നുന്ന അവസ്ഥയിലേക്ക് എത്തിച്ചേരും. ഡിജിറ്റൽ ഗാഡ്ജറ്റുകളുടെ നിരന്തര ഉപയോഗം കണ്ണുകളെ സാരമായിത്തന്നെ ബാധിക്കുമെന്നാണ് വിദഗ്ധർ അറിയിക്കുന്നത്.

സ്ക്രീൻ ടൈം ഏറ്റവുമധികം പണികൊടുക്കുന്നത് കണ്ണുകൾക്കാണ്. ലാപ്ടോപ്പിലും സ്മാർട്ട് ഫോണിലും ഇമചിമ്മാതെ ഒരുപാടുനേരം നോക്കിയിരിക്കുന്നവരാണ് നമ്മളിൽ പലരും. ഇത് നമ്മുടെ കണ്ണിനും കാഴ്ചയ്ക്കും പ്രശ്നം സൃഷ്ടിക്കും. ഇത്തരം അവസ്വസ്ഥതകളെ കംപ്യൂട്ടർ വിഷൻ സിൻഡ്രോം എന്നാണ് പറയുന്നത്.

ലക്ഷണങ്ങൾ:ഈർപ്പം നഷ്ടമാകൽ, കണ്ണിനുചുറ്റും വേദന, കാഴ്ച മങ്ങൽ, തലവേദന.

ഇമചിമ്മാതെ ദീർഘനേരം സ്ക്രീനിൽ നോക്കുമ്പോൾ കണ്ണിലെ ജലാംശം കുറയും. കൺതടങ്ങൾ വരളാനും വേദനയ്ക്കും കാരണമാകും. ശീതീകരിച്ച മുറിയിൽ ദീർഘനേരം ഇരിക്കുന്നതും ഫാനിന് ചുവട്ടിൽ ഇരിക്കുന്നതുമെല്ലാം പ്രശ്നം രൂക്ഷമാക്കും.

ശ്രദ്ധിക്കേണ്ട കാര്യങ്ങൾ:

  1. മൊബൈൽ ഫോൺ കണ്ണിനോട് ചേർത്തുപിടിക്കുന്ന ശീലം ഒഴിവാക്കണം.
  2. കണ്ണിൽ നിന്ന് പരമാവധി രണ്ടടി അകലമെങ്കിലും പാലിക്കുന്നതാണ് നല്ലത്.
  3. മുറിയിലെ വെളിച്ചത്തിനനുസരിച്ച് ഫോണിലെ വെളിച്ചം ക്രമീകരിക്കണം.
  4. കണ്ണിന്റെ അതേ നിരപ്പിൽ തന്നെ ഫോൺ ക്രമീകരിക്കണം.
  5. ആവശ്യമുള്ള സമയത്തുമാത്രം മൊബൈൽ ഫോൺ തുറന്നാൽ മതി.
  6. ആവശ്യമില്ലാത്ത ആപ്പുകളുടെ നോട്ടിഫിക്കേഷനുകൾ സൈലന്റ് ആക്കിയിടാം.
  7. പ്രധാനപ്പെട്ട ജോലികൾ തുടങ്ങുമ്പോൾ നെറ്റ് ഓഫ് ചെയ്തിടാം. കഴിയുമെങ്കിൽ കുറച്ചു സമയത്തേക്ക് ഫോൺ ഓപ് ചെയ്തിടാം. രാവിലെ ഉണർന്ന ഉടൻ ഫോൺ നോക്കുന്ന ശീലം വേണ്ട.
Education Main Stories

ഒരു ദിവസം അഞ്ച്‌ പരീക്ഷ,8 മണിക്കൂർ ദൈർഘ്യം; ഇതാണ് ലോകത്തെ കഠിനമായ പരീക്ഷ.

ലോകത്തെ ഏറ്റവും കഠിനമായ പരീക്ഷയേക്കുറിച്ച് കേട്ടിട്ടുണ്ടോ? ദക്ഷിണ കൊറിയയിലെ സുനെങ് ടെസ്റ്റ് ആണത്. കോളേജ് സ്കോളാസ്റ്റിക് എബിലിറ്റി ടെസ്റ്റ് എന്നും ഈ പരീക്ഷ അറിയപ്പെടുന്നുണ്ട്. എട്ട് മണിക്കൂർ നീളുന്ന ഈ പരീക്ഷയിൽ കൊറിയൻ, മാത്തമാറ്റിക്സ്, ഇഗ്ലീഷ്, കൊറിയൻ ഹിസ്റ്ററി, സോഷ്യൽ സ്റ്റഡീസ് അല്ലെങ്കിൽ സയൻസ് എന്നീ വിഷയങ്ങളെ അടിസ്ഥാനമാക്കിയാണ് പരീക്ഷകൾ നടത്തുക. എല്ലാ വർഷവും നവംബറിൽ നടക്കുന്ന ഈ പരീക്ഷ വിദ്യാർഥികളുടെ ഭാവി നിർണയിക്കുന്നതിന് വലിയ പങ്കുവഹിക്കുന്നുണ്ടെന്നാണ് കണക്കാക്കുന്നത്. 

വളരെ വ്യത്യസ്തമായ പരീക്ഷാരീതിയാണ് സുനെങ് ടെസ്റ്റിലേത്. ഓരോ വിഷയത്തിനും 80 മുതൽ 107 മിനിറ്റുവരെ നീളുന്നതാണ് പരീക്ഷ. ഓരോ പരീക്ഷയ്ക്കും ശേഷം 20 മിനിറ്റാണ് വിശ്രമസമയം. ഉച്ചഭക്ഷണത്തിനായി 50 മിനിറ്റ് സമയമാണ് നൽകുന്നത്. ഇതിനുശേഷമാണ് സാധാരണയായി ഇംഗ്ലീഷ് ടെസ്റ്റ് നടത്തുന്നത്. ലിസണിങ് ടെസ്റ്റ് ആണ് ഇംഗ്ലീഷ് പരീക്ഷയിൽ പ്രധാനപ്പെട്ടത്. അവർ കേൾക്കുന്നതിനെ അടിസ്ഥാനമാക്കിയായിരിക്കും ഉത്തരങ്ങൾ. ഉയർന്ന ഏകാഗ്രതയും ഈ പരീക്ഷയിൽ ആവശ്യമാണ്.

പരീക്ഷയ്ക്ക് ഒരുങ്ങുന്ന വിദ്യാർഥികൾക്ക് പ്രത്യേകം ഭക്ഷണക്രമം പോലും നിർദേശിക്കുന്നുണ്ട്. ജങ്ക് ഫുഡുകൾ പൂർണമായും ഒഴിവാക്കണം. ആപ്പിൾ, വാഴപ്പഴം ഉൾപ്പെടെയുള്ള പഴവർഗങ്ങൾ, പുഴുങ്ങിയ മത്സം തുടങ്ങിയ ലളിതമായ ഭക്ഷണമാണ് വിദ്യാർഥികളോട് നിർദേശിക്കുന്നത്. പരീക്ഷാ ദിനങ്ങളിൽ ആരോഗ്യം നിലനിർത്തുന്നതിനും യാതൊരു തരത്തിലുള്ള രോഗങ്ങൾ വരാതിരിക്കാനുമാണ് വിദ്യാർഥികൾ ഈ ഭക്ഷണക്രമം പിന്തുടരുന്നത്.  കഠിനമായ തയാറെടുപ്പാണ് പരീക്ഷയ്ക്ക് മുന്നോടിയായി വിദ്യാർഥികൾ നടത്തുന്നത്. മോക്ക് ടെസ്റ്റുകളാണ് ഇതിൽ പ്രധാനം. മൂന്ന് മോക്ക് ടെസ്റ്റുകളാണ് സാധാരണയായി ഉണ്ടാകാറുള്ളത്. വിദ്യാർഥികളുടെ നിലവാരം അളക്കുന്നതിനും അതിന്റെ അടിസ്ഥാനത്തിൽ തുടർന്നുള്ള പരിശീലനം നൽകുന്നതിനുമാണിത്. സ്വകാര്യ അക്കാദമികളിൽ പഠിക്കുന്ന വിദ്യാർഥികൾക്കും ഈ മോക്ക് ടെസ്റ്റ് ലഭിക്കാറുണ്ട്.   പരീക്ഷാദിവസം വിദ്യാർഥികൾ പരീക്ഷ കേന്ദ്രങ്ങളിൽ എത്തുന്നത് വൈകാതിരിക്കാനും വലിയ മുൻകരുതലുകൾ ഉണ്ടാകാറുണ്ട്. ഗതാഗത കുരുക്ക് കുറയ്ക്കാൻ സർക്കാരും ഉദ്യോഗസ്ഥരും ആവശ്യമായി നടപടികൾ സ്വീകരിക്കും. ഇതിനായി കമ്പനികളിലും മറ്റും വൈകിയാണ് ജോലികൾ ആരംഭിക്കുന്നത്. പരീക്ഷയുടെ പ്രാധാന്യം ഉൾക്കൊണ്ട് സ്റ്റോക്ക് മാർക്കറ്റിന്റെ പ്രവർത്തനം പോലും വൈകിയാണ് ആരംഭിക്കുന്നത്. ഇംഗ്ലീഷ് ലിസണിങ് ടെസ്റ്റിന്റെ സമയത്ത് വിമാനങ്ങളുടെ ലാൻഡിങും ടേക്ക് ഓഫും പോലും തടയുന്നുണ്ടെന്നതാണ് ഇതിലെ കൗതുകകരമായ കാര്യം.

koottan villa

സുനേംങ് പരീക്ഷ കേവലം ഒരു അക്കാദമിക ചലഞ്ച് എന്നതിനപ്പുറം ഭാവി ജീവിതം രൂപപ്പെടുത്തുന്നതിനുള്ള ചുവടുവയ്പ്പായാണ് കണക്കാക്കുന്നത്. തൊഴിൽ, വരുമാനം എന്നിവയെ സ്വാധീനിക്കുന്നതിനൊപ്പം വിദ്യാർഥികളുടെ സർവകലാശാല പ്ലേസ്മെന്റുകൾ, ഭാവിയിലേക്കുള്ള തൊഴിൽ സാധ്യതകൾ തുടങ്ങി സോഷ്യൽ സ്റ്റാറ്റസ് പോലും നിർണയിക്കുന്നത് ഈ പരീക്ഷയെ അടിസ്ഥാനമാക്കിയാണ്. പരീക്ഷ അവസാനിച്ച് പുറത്തിറങ്ങുമ്പോൾ ഒരു ഉത്സവാന്തരീക്ഷത്തിന്റെ പ്രതീതിയാണുണ്ടാവുക. സംഗീതപരിപാടികളുടെയും മറ്റും അകമ്പടിയോടെയാണ് ഇവിടെ പരീക്ഷ കഴിഞ്ഞിറങ്ങുന്ന വിദ്യാർഥികളുടെ നേട്ടങ്ങൾ ആഘോഷിക്കപ്പെടുന്നത്.

Main Stories

പെട്രോൾ വേണ്ടാത്ത ആക്ടിവ 27ന് പുറത്തിറങ്ങും, ഇലക്ട്രിക് സ്കൂട്ടറിനോടുള്ള ഇഷ്ടക്കേട് മാറും; ഓല അടക്കമുള്ള കമ്പനികൾക്ക് കനത്ത തിരിച്ചടി

കാത്തിരിപ്പുകൾക്ക് വിരാമമിട്ട് ഹോണ്ടയുടെ ആദ്യ ഇലക്ട്രിക് സ്കൂട്ടർ ഈ മാസം 27ന് ഇന്ത്യൻ വിപണിയിൽ എത്തും. ഒരു കാലത്ത് വിപണി അടക്കിവാണ ഹോണ്ട ആക്ടിവയുടെ ഇലക്ട്രിക് പതിപ്പാകുമിതെന്നാണ് സൂചന. Watts ahead എന്ന ടാഗ് ലൈനോടെ വാഹനത്തിന്റെ ടീസർ കമ്പനി പുറത്തുവിട്ടിട്ടുണ്ട്.

ഇന്ത്യൻ വിപണിക്ക് അനുയോജ്യമായ ഇലക്ട്രിക് വാഹനം നിർമിക്കാനുള്ള ശ്രമങ്ങളിലാണ് കഴിഞ്ഞ കുറച്ച് വർഷങ്ങളായി ഹോണ്ട. മോട്ടോർ, ബാറ്ററി പാക്ക്, ചാർജർ, കൺട്രോൾ തുടങ്ങിയ വികസിപ്പിക്കാനുള്ള പേറ്റന്റിന് കഴിഞ്ഞ വർഷം ഹോണ്ട അപേക്ഷിച്ചിരുന്നു. പിന്നാലെ  ആക്ടിവയുടെ ഇലക്ട്രിക് എന്ന് വിശേഷിപ്പിക്കാവുന്ന ഡിസൈനിനും കമ്പനി പേറ്റന്റ് നേടിയിരുന്നു.

ഇലക്ട്രിക് ഇരുചക്ര വാഹന വിപണിയിലെ പ്രധാനികളായ ഓല അടക്കമുള്ള കമ്പനികൾക്ക് കനത്ത തിരിച്ചടിയാകും ഹോണ്ട സ്കൂട്ടർ. ആദ്യഘട്ടത്തിൽ ഇളക്കി മാറ്റാൻ കഴിയാത്ത ബാറ്ററി പാക്കാകും വാഹനത്തിലുണ്ടാവുക. അടുത്ത ഘട്ടത്തിൽ രാജ്യമാകെ ബാറ്ററി സ്വാപിംഗ് ശൃംഖല സ്ഥാപിച്ച് ഊരിമാറ്റാവുന്ന ബാറ്ററിയിലേക്ക് ആക്ടിവ മാറും. ബാറ്ററി മാറ്റിയിട്ട് യാത്ര തുടരാമെന്നതാണ് ഇതിന്റെ എറ്റവും വലിയ സവിശേഷത.

Verified by MonsterInsights