പാലാ : ന്യൂസീലൻഡ് പോലീസിലെ ആദ്യ മലയാളി വനിതാ പോലീസ് ഓഫീസറായി മാറിയിരിക്കുകയാണ് പാലാക്കാരി അലീനാ അഭിലാഷ്. റോയൽ ന്യൂസീലൻഡ് പോലീസ് കോേളജിലെ പരിശീലനം പൂർത്തിയാക്കിയ അലീനയുടെ ബിരുദദാനച്ചടങ്ങ് കഴിഞ്ഞ ദിവസം വെല്ലിങ്‌ടണിൽ നടന്നു.ആദ്യ നിയമനം ഓക്ക്‌ലാൻഡിലാണ്. ന്യൂസീലൻഡ് പോലീസിൽ ഓഫീസർ തസ്തിക ആരംഭിക്കുന്നത് കോൺസ്റ്റബിൾ റാങ്കിലാണ്. ഒട്ടാഗോ യൂണിവേഴ്‌സിറ്റിയിൽ സൈക്കോളജിയും ക്രിമിനോളിയും പഠിച്ചശേഷമാണ് പോലീസിൽ ചേർന്നത്.
