സൈന്യത്തിൽ ഉന്നത സാധ്യതകളുള്ള നാഷനൽ ഡിഫൻസ്, നേവൽ (NDA&NA) അക്കാദമിയിൽ ഓഫിസർ പരിശീലനത്തിന് ഇപ്പോൾ അപേക്ഷിക്കാം. ആകെയുള്ള 400 ഒഴിവുകളിലേയ്ക്ക് യു.പി.എസ്.സി പരീക്ഷ വഴിയാണ് തെരഞ്ഞെടുപ്പ് .
പ്ലസ് ടു യോഗ്യതയുളളവർക്കാണ് അവസരം. 100 രൂപയാണ് അപേക്ഷാഫീസ്. ഓൺലൈൻ അപേക്ഷ സമർപ്പണത്തിന് ജനുവരി 9 വരെയാണ് അവസരം.
യു.പി.എസ്.സി ദേശീയതലത്തിൽ ഏപ്രിൽ 21ന് നടത്തുന്ന പരീക്ഷയ്ക്ക് തിരുവനന്തപുരം, കൊച്ചി, കോഴിക്കോട്
എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. പരീക്ഷയിലും തുടർന്നുള്ള ഇന്റർവ്യൂവിലും യോഗ്യത നേടുന്നവർക്ക് എൻ.ഡി.എയുടെ ആർമി, നേവി, എയർഫോഴ്സ് വിഭാഗങ്ങളിലും (153ാമത് കോഴ്സിൽ) നേവൽ അക്കാദമിയിലും (115ാമത് കോഴ്സിൽ) പ്രവേശനം ലഭിക്കുന്നതാണ്.
![](https://20-20journals.in/wp-content/uploads/2023/12/www.globalbrightacademy.com-18-1024x1024.jpg)
ആനുകൂല്യങ്ങൾ
തെരഞ്ഞടുക്കപ്പെടുന്നവർക്കുള്ള പരിശീലനം 2025 ജനുവരിയിൽ തുടങ്ങും. പരിശീലനകാലത്തു തന്നെ പ്രതിമാസം 56,100 രൂപ സ്റ്റൈപൻഡ് ലഭിക്കും. പരിശീലനം പൂർത്തിയാക്കുന്നവരെ ലഫ്റ്റനന്റ് പദവിയിൽ 56,100-1,77,500 രൂപ ശമ്പളനിരക്കിൽ ഓഫിസറായി നിയമിക്കും.
അടിസ്ഥാനയോഗ്യത
അവിവാഹിതരായ പുരുഷന്മാർക്കും വനിതകൾക്കും മാത്രമേ അപേക്ഷിക്കാനാകൂ. അപേക്ഷകർ,2005 ജൂലൈ രണ്ടിന് മുമ്പോ 2008 ജൂലൈ ഒന്നിന് ശേഷമോ ജനിച്ചവരാകരുത്.എൻ.ഡി.എ യുടെ ആർമി വിങ്ങിലേക്ക് ഏതെങ്കിലും സ്ട്രീമിലുള്ള പ്ലസ് ടു/തത്തുല്യ ബോർഡ് പരീക്ഷ പാസായിരുന്നാൽ മതി. എന്നാൽ എൻ.ഡി.എ യുടെ എയർഫോഴ്സ്, നേവൽ വിഭാഗങ്ങളിലേക്കും നേവൽ അക്കാദമിയിലേക്കും ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ് ടു/തത്തുല്യ പരീക്ഷ വിജയിക്കേണ്ടതുണ്ട്. അവസാന വർഷ പരീക്ഷയെഴുതുന്നവർക്കും അപേക്ഷിക്കാവുന്നതാണ്. അപേക്ഷകർക്ക് നിർദ്ദിഷ്ട മെഡിക്കൽ, ഫിസിക്കൽ ഫിറ്റ്നസുണ്ടായിരിക്കണം.
![](https://20-20journals.in/wp-content/uploads/2023/12/Add-a-little-bit-of-body-text-1-1024x538.png)
വിവിധ വിഭാഗങ്ങളിലെ ഒഴിവുകൾ
I.എൻ.ഡി.എ.
എൻ.ഡി.എ യുടെ വിവിധ വിഭാഗങ്ങളിൽ താഴെ പറയുന്ന ഒഴിവുകൾ ഉണ്ട്. നിശ്ചിത ഒഴിവുകൾ വനിതകൾക്കായി സംവരണം ചെയ്തിട്ടുണ്ട്.
1.ആർമി 208 (വനിതകൾ 10)
2.നേവി 42 (വനിതകൾ 12)
3.എയർഫോഴ്സ്-ഫ്ലൈയിങ് 92 (വനിതകൾ 2)
4.ഗ്രൗണ്ട് ഡ്യൂട്ടീസ് (ടെക്നിക്കൽ) 18 (വനിതകൾ 2)
5.ഗ്രൗണ്ട് ഡ്യൂട്ടീസ് (നോൺ ടെക്നിക്കൽ) 10 (വനിതകൾ 2)
II.നേവൽ അക്കാദമി
നേവൽ അക്കാദമിയിലെ കേഡറ്റ് എൻട്രി സ്കീമിലുള്ള 30 ഒഴിവുകളിൽ, 9 എണ്ണം വനിതകൾക്കായി സംവരണം ചെയ്തിട്ടുണ്ട്.
വിജ്ഞാപനത്തിന് – http://upsc.gov.in , അപേക്ഷാ സമർപ്പണത്തിന് –
http://upsconline.nic.in
![](https://20-20journals.in/wp-content/uploads/2023/11/poster-3-1024x1024.png)