സംസ്ഥാനത്ത് പ്ലാസ്റ്റിക് കാരി ബാഗുകള്ക്കുള്ള നിരോധനം ഹൈക്കോടതി റദ്ദാക്കി. സംസ്ഥാന സര്ക്കാരിന് ഇതിനുള്ള അധികാരമില്ലെന്ന് കോടതി പറഞ്ഞു.
പ്ലാസ്റ്റിക് വേയ്സ്റ്റ് മാനേജ്മെന്റ് ചട്ടപ്രകാരം ഇത്തരത്തില് നിയന്ത്രണം ഏര്പ്പെടുത്താന് അധികാരമുള്ളത് കേന്ദ്രസര്ക്കാരിനാണ്. സംസ്ഥാനത്തിന് ഇത്തരമൊരു അധികാരമില്ലെന്നുമുള്ള സാങ്കേതിക കാരണം ചൂണ്ടിക്കാട്ടിയാണ് കോടതി നടപടി.
60 ജിഎസ്എമ്മിന് താഴെയുള്ള പ്ലാസ്റ്റിക് ബാഗുകള്ക്ക് നിരോധനമേര്പ്പെടുത്തികൊണ്ടുള്ള സംസ്ഥാന സര്ക്കാര് ഉത്തരവിനെതിരെ സമര്പ്പിച്ച ഹര്ജിയിലാണ് കോടതി ഉത്തരവ്. ഇത് സംസ്ഥാന സര്ക്കാരിന്റെ അധികാരപരിധിയില് വരുന്ന വിഷയമല്ലെന്ന് ചൂണ്ടിക്കാട്ടിയായിരുന്നു ഹര്ജി.