ഭീഷണിയായി അമീബിക് മസ്തിഷ്കജ്വരം.

അമീബ, അതീവ അപകടകാരി

∙ തലച്ചോറിലെ കോശങ്ങളെ അമീബ തിന്നു നശിപ്പിക്കുന്നതിലൂടെ വരുന്ന പ്രൈമറി അമീബിക് മെനിഞ്ജോ എൻസഫലൈറ്റിസ് എന്ന മസ്തിഷ്ക ജ്വരം (പിഎഎം) അതിമാരകമാണ്. രോഗം വന്നു കഴിഞ്ഞാൽ രക്ഷപ്പെടാനുള്ള സാധ്യത 3% മാത്രമാണ്.

∙ വേനലാണ് അമീബയുടെ ഇഷ്ടകാലം. മലിനജലത്തിലും മണ്ണിലും ജീവിക്കുന്ന അമീബ അൽപം ചൂടുള്ള വെള്ളത്തിൽ കാണും. 46 ഡിഗ്രി സെൽഷ്യസാണ് ഏറ്റവും അനുകൂല ചൂട്.

∙ അമീബയുള്ള വെള്ളം കുടിച്ചാൽ രോഗബാധയുണ്ടാകില്ല. വെള്ളം മൂക്കിലൂടെ ശിരസ്സിൽ എത്തുന്നതാണു പ്രശ്നം.

∙ തലച്ചോറിൽ എത്തുന്ന അമീബ പെറ്റുപെരുകും. കോശങ്ങളെ തിന്നു നശിപ്പിക്കും. തലവേദന, പനി, വിശപ്പില്ലായ്മ, ഛർദി, തൊണ്ടവേദന, മനോനില തെറ്റുക തുടങ്ങിയവയാണു ലക്ഷണങ്ങൾ

ജലജന്യ രോഗങ്ങളുടെ പിടിയിൽ കേരളം

മലിനജലം ഉപയോഗിക്കുന്നതിലൂടെയും ഭക്ഷണപ്രശ്നങ്ങളിലൂടെയും ഈ വർഷം കടുത്ത വയറിളക്കം ബാധിച്ച് സർക്കാർ ആശുപത്രികളിൽ പ്രവേശിപ്പിക്കപ്പെട്ടത് 2,58,769 പേർ. ദിവസം 5000 പേർ ചികിത്സ തേടുന്നതായാണ് ആരോഗ്യവകുപ്പന്റെ കണക്ക്. ഹെപ്പറ്റൈറ്റിസ് എ ബാധിച്ച് ഈ വർഷം ചികിത്സ തേടിയത് 2884 പേരാണ്. 23 പേർ മരിച്ചു.