March, 2023 | 20-20 Journals

ആദ്യം ആക്ടീവ ഇലക്ട്രിക്, പുറകെ 10 ‘ഇ’ സ്കൂട്ടറുകൾ; രണ്ടു കൽപിച്ച് ഹോണ്ട.

രാജ്യമാകെ ഇലക്ട്രിക്ക് വാഹന വിപ്ലവത്തിനാണ് സാക്ഷ്യം വഹിച്ചുകൊണ്ടിരിക്കുന്നത്. ഇരുചക്ര വാഹന മേഖലയിലാണ് ഇതു കൂടുതലായും ദൃശ്യമാകുന്നത്.ഇപ്പോഴിതാ ഈ മേഖലയിലെ പുതുമോടികളെ ഞെട്ടിച്ചുകൊണ്ട് ഇലക്ട്രിക്ക് വാഹനം നിര്‍മ്മിക്കാൻ പോകുകയാണ് ഇരുചക്ര വാഹന ലോകത്തെ അതികായനും ജാപ്പനീസ് ജനപ്രിയ ഇരുചക്ര വാഹന ബ്രാൻഡുമായ ഹോണ്ട ടൂ-വീലർ ഇന്ത്യ. കമ്പനി 2023 മാർച്ച് 29-ന് ഇലക്ട്രിക് ഇരുചക്ര വാഹനങ്ങൾക്കായുള്ള പ്ലാൻ വെളിപ്പെടുത്തും. 2024 മാർച്ചോടെ പുറത്തിറക്കാൻ ഉദ്ദേശിക്കുന്ന ആദ്യ ഇലക്ട്രിക് സ്‍കൂട്ടറിന്റെ പ്രധാന വിശദാംശങ്ങൾ പുറത്തിറക്കിയേക്കും എന്നാണ് റിപ്പോര്‍ട്ടുകള്‍.

ഇന്ത്യൻ വിപണിയിൽ ഹോണ്ടയുടെ ആദ്യ ഇലക്ട്രിക് ഓഫർ ആക്ടിവയെ അടിസ്ഥാനമാക്കിയുള്ള ഇലക്ട്രിക്ക് സ്‍കൂട്ടറായിരിക്കുമെന്ന് പ്രതീക്ഷിക്കുന്നു. ഈ മാസം അവസാനത്തോടെ കമ്പനി ഇത് കൺസെപ്റ്റ് രൂപത്തിൽ വെളിപ്പെടുത്തിയേക്കുമെന്ന് റിപ്പോർട്ടുകൾ സൂചിപ്പിക്കുന്നു. പുതിയ ഇലക്ട്രിക് സ്‍കൂട്ടറിൽ ജനപ്രിയ മോഡലായ ആക്ടിവയുടെ നെയിംപ്ലേറ്റ് കമ്പനി ഉപയോഗിച്ചാല്‍ എതിരാളികള്‍ക്ക് തുടക്കത്തില്‍ തന്നെ വലിയ ക്ഷീണമായിരിക്കും സംഭവിക്കുക. കാരണം ഇലക്ട്രിക്ക് സ്‍കൂട്ടറുമായി ജനങ്ങളിലേക്ക് കൂടുതല്‍ എളുപ്പത്തില്‍ എത്താൻ ഈ നീക്കം ഹോണ്ടയെ സഹായിക്കും. ഈ ഇലക്ട്രിക് സ്‌കൂട്ടറിന്റെ വിപണനത്തിനായി ഹോണ്ടയ്ക്ക് അധിക തുക ചെലവഴിക്കേണ്ടിയും വരില്ല. ജാപ്പനീസ് ഇരുചക്രവാഹന നിർമ്മാതാവ് 2025-ഓടെ രണ്ട് ഇലക്ട്രിക് സ്‍കൂട്ടറുകൾ ആഗോളതലത്തിൽ അവതരിപ്പിക്കും. ആക്ടിവ ഇ-സ്‍കൂട്ടർ അതിലൊന്നായിരിക്കും.

ഹോണ്ട ജപ്പാനുമായി സഹകരിച്ച് ഇലക്ട്രിക് ഇരുചക്രവാഹനങ്ങൾ കമ്പനി വികസിപ്പിച്ചുകൊണ്ടിരിക്കുകയാണെന്നും നടപ്പ് സാമ്പത്തിക വർഷാവസാനത്തോടെ ആദ്യ ഇവി സജ്ജമാകുമെന്നും ഹോണ്ട മോട്ടോർസൈക്കിൾ ആൻഡ് സ്‍കൂട്ടര്‍ ഇന്ത്യ (എച്ച്എംഎസ്ഐ) എംഡിയും സിഇഒയുമായ അതുഷി ഒഗാറ്റ വ്യക്തമാക്കി. 2024 മാർച്ചോടെ തങ്ങളുടെ ആദ്യത്തെ ഇലക്ട്രിക് സ്‌കൂട്ടർ ഇന്ത്യയിൽ അവതരിപ്പിക്കാൻ ഹോണ്ട പദ്ധതിയിട്ടിട്ടുണ്ടെന്നും ഒഗാറ്റ വെളിപ്പെടുത്തി.

പുതിയ ഹോണ്ട ആക്ടിവ ഇലക്ട്രിക് സ്‌കൂട്ടറിന് ഫ്ലോർബോർഡിന് കീഴിൽ സ്ഥാപിച്ചിട്ടുള്ള ഒരു നിശ്ചിത ബാറ്ററി പാക്കും പിൻ ചക്രത്തിൽ ഒരു ഹബ് മോട്ടോറും ലഭിക്കാൻ സാധ്യതയുണ്ട്. സ്വന്തമായി വികസിപ്പിച്ച ഇലക്ട്രിക് മോട്ടോറും നിശ്ചിത ബാറ്ററി പാക്കും ഉപയോഗിച്ചാണ് ആക്ടിവ ഇലക്ട്രിക്ക് ഊർജം പകരുന്നത്. എന്നിരുന്നാലും, സ്വാപ്പ് ചെയ്യാവുന്ന ബാറ്ററികളിലും ഹോണ്ട പ്രവർത്തിക്കുന്നതായി പറയപ്പെടുന്നു.

ഹോണ്ട 2025-ഓടെ ആഗോളതലത്തിൽ 10 പുതിയ ഇലക്ട്രിക് ഇരുചക്രവാഹനങ്ങൾ പുറത്തിറക്കാൻ ഒരുങ്ങുകയാണ്. ഭാവി ഇലക്ട്രിക് ഇരുചക്രവാഹനങ്ങളില്‍ ഒന്നിന്‍റെ ഡിസൈൻ സ്കെച്ചുകളും അടുത്തിടെ ചോർന്നിരുന്നു. 2025ഓടെ കമ്പനി അവതരിപ്പിക്കാൻ ഉദ്ദേശിക്കുന്ന 10 ഇലക്ട്രിക് ബൈക്കുകളിൽ ഒന്നാണിത് എന്നാണ് റിപ്പോര്‍ട്ടുകള്‍.

പ്ലസ് ടു വിദ്യാർഥിയെ കളിക്കളത്തിൽനിന്ന് പിടച്ചുകൊണ്ടുപോയി പരീക്ഷ എഴുതിച്ച് പ്രിൻസിപ്പാൾ

കുട്ടിയുടെ വീട്ടിലെത്തി അന്വേഷിച്ചപ്പോൾ അയല്‍വാസികളാണ് കളിക്കാന്‍ പോയതാകുമെന്ന സംശയം പ്രിൻസിപ്പാളിനോട് പറഞ്ഞത്

തിരുവനന്തപുരം: പരീക്ഷ എഴുതാതെ കളിക്കളത്തിലേക്ക് പോയ പ്ലസ് ടു വിദ്യാർഥിയെ സ്വന്തം കാറിലെത്തി പ്രൻസിപ്പാൾ പിടിച്ചുകൊണ്ടുപോയി പരീക്ഷാ ഹാളിലെത്തിച്ചു. നെയ്യാറ്റിന്‍കര വിദ്യാധിരാജ വിദ്യാനിലയം സ്കൂളിലാണ് സംഭവം. പ്രിന്‍സിപ്പല്‍ ഋഷികേശനാണ് പരീക്ഷ എഴുതാതെ മുങ്ങിയ വിദ്യാർഥിയെ കളിക്കളത്തിൽനിന്ന് കൂട്ടിക്കൊണ്ടുവന്നത്. ഇരുമ്ബില്‍ സ്വദേശിയായ പ്ലസ് ടു സയൻസ് വിദ്യാര്‍ത്ഥിയാണ് ബയോളജി പരീക്ഷ എഴുതാതെ മുങ്ങിയത്.

ഇക്കഴിഞ്ഞ ശനിയാഴ്ചയാണ് സംഭവം ഉണ്ടായത്. രാവിലെ 10.30നാണ് പരീക്ഷ തുടങ്ങേണ്ടിയിരുന്നത്. എന്നാൽ 9.30 ആയപ്പോൾ കഴിഞ്ഞ ദിവസം പരീക്ഷ എഴുതിയ വിദ്യാർഥി സ്കൂളിൽ എത്തിയിട്ടില്ലെന്ന് അധ്യാപകർ മനസിലാക്കി. ഇക്കാര്യം പ്രിൻസിപ്പാളിനെ അറിയിച്ചു

വിദ്യാർഥിയുടെ മാതാപിതാക്കളെ ഫോണിൽ ബന്ധപ്പെടാൻ ശ്രമിച്ചെങ്കിലും പരാജയപ്പെട്ടു. ഇതോടെ പ്രിൻസിപ്പാൾ കാറുമായി വിദ്യാർഥിയെ അന്വേഷിച്ച് ഇറങ്ങുകയായിരുന്നു. വീട്ടിലെത്തി അന്വേഷിച്ചപ്പോൾ മാതാപിതാക്കൾ ജോലിക്ക് പോയെന്ന് മനസിലായി.

അയല്‍വാസികളാണ് കുട്ടി കളിക്കാന്‍ പോയതാകുമെന്ന സംശയം പ്രിൻസിപ്പാളിനോട് പറഞ്ഞത്. തുടർന്ന് നടത്തിയ അന്വഷണത്തിലാണ് വീടിന് സമീപത്തെ മൈതനാത്തു കളിച്ചുകൊണ്ടിരിക്കുന്ന വിദ്യാർഥിയെ കണ്ടെത്തിയത്. കളിച്ചുകൊണ്ടു നിന്ന വേഷത്തില്‍ തന്നെ കുട്ടിയെ കാറിൽ കയറ്റി, സമീപത്തെ കടയിൽനിന്ന് പേനയും വാങ്ങി നല്‍കി സ്കൂളിലേക്ക് കൊണ്ടുപോയി.

കൃത്യം 10.30 ആകുന്നതിന് നിമിഷങ്ങൾക്ക് മുമ്പ് തന്നെ പ്രിൻസിപ്പാൾ വിദ്യാർഥിയെയുംകൊണ്ട് ഹാളിലെത്തിച്ച് പരീക്ഷ എഴുതിപ്പിക്കുകയായിരുന്നു. ശനിയാഴ്ച ആയതിനാല്‍ പരീക്ഷ കാണില്ലെന്ന് വിചാരിച്ച്‌ കളിക്കാന്‍ പോയെന്നാണ് വിദ്യാര്‍ത്ഥി പ്രിൻസിപ്പാളിനോട് പറഞ്ഞത്.

Main Stories

ആറും നാലും വയസുള്ള ചേച്ചിമാരുടെ കുട്ടിക്കളിയില്‍ പൊലിഞ്ഞത് രണ്ട് മാസം പ്രായമുള്ള കുഞ്ഞ്.

നാലും ആറും വയസുള്ള കുട്ടികളുടെ കളിയില്‍ പൊലിഞ്ഞത് രണ്ട് മാസം മാത്രം പ്രായമുള്ള അനിയത്തി. മധ്യപ്രദേശിലെ നര്‍മ്മദാപുരത്താണ് സംഭവം. ടെഡ്ഡി ബിയറിനെ കുളിപ്പിക്കുന്നതുപോലെ അനിയത്തിയെ ഇരുവരും ചേര്‍ന്ന് ബക്കറ്റില്‍ മുക്കി കുളിപ്പിക്കുകയായിരുന്നു. ഇതിനിടെ കുഞ്ഞ് മരിക്കുകയായിരുന്നുവെന്ന് പൊലീസ് കണ്ടെത്തി.

കഴിഞ്ഞ ബുധനാഴ്ചയാണ് കുഞ്ഞിനെ ബക്കറ്റില്‍ മരിച്ച നിലയില്‍ കണ്ടെത്തുന്നത്. അമ്മ അടുക്കളയില്‍ ആയിരുന്ന സമയത്താണ് കുട്ടികള്‍ അനിയത്തിയെ എടുത്തുകൊണ്ടുപോയത്. ആദ്യം ഇവരുടെ ടെഡ്ഡി ബിയറിനെ ബക്കറ്റില്‍ മുക്കി കുളിപ്പിച്ച് ഉണക്കാന്‍ വെച്ചു. പിന്നീട് ഇളയ കുഞ്ഞിനെയും എടുത്തുകൊണ്ടുപോയി ഇതേ രീതിയില്‍ കുളിപ്പിക്കുകയായിരുന്നു. ഇടയ്ക്ക് കുഞ്ഞ് ബക്കറ്റിലേക്ക് വഴുതി വീണു. പരിഭ്രാന്തരായ കുട്ടികള്‍, ബക്കറ്റ് അടപ്പുകൊണ്ട് മൂടിവച്ചു. കുഞ്ഞ് മരിച്ചതില്‍ ദുരൂഹതയുണ്ടെന്ന ആരോപണത്തെത്തുടര്‍ന്ന് പൊലീസ് നടത്തിയ ചോദ്യം ചെയ്യലിലാണ് കുട്ടികള്‍ തങ്ങള്‍ക്ക് പറ്റിയ അബദ്ധം വെളിപ്പെടുത്തിയതെന്ന് പൊലീസ് പറഞ്ഞു.

Education Main Stories Popular

സ്‌കൂള്‍ പ്രവേശനത്തിന് ഓണ്‍ലൈന്‍ സംവിധാനവുമായി ആന്ധ്രപ്രദേശ് സർക്കാർ

മാര്‍ച്ച് 22 മുതല്‍ ഏപ്രില്‍ 10 വരെ പ്രവേശനത്തിനായി അപേക്ഷ സമര്‍പ്പിക്കാം

സ്വകാര്യ സ്‌കൂളുകളിലെ 25 ശതമാനം സംവരണ സീറ്റുകളിലേക്കുള്ള പ്രവേശനം ഏകീകരിക്കുന്നതിനായി ഓണ്‍ലൈന്‍ സംവിധാനമൊരുക്കി ആന്ധ്രപ്രദേശ് സര്‍ക്കാര്‍. സാമൂഹിക, സാമ്പത്തിക പശ്ചാത്തലം മാനദണ്ഡമാകാതെ എല്ലാ കുട്ടികള്‍ക്കും പ്രവേശനം സാധ്യമാക്കുന്നതിന് പുതിയ സംവിധാനം ഉപകരിക്കുമെന്നാണ് സര്‍ക്കാര്‍ കണക്കുകൂട്ടല്‍. മാര്‍ച്ച് 22 മുതല്‍ ഏപ്രില്‍ 10 വരെ പ്രവേശനത്തിനായി അപേക്ഷ സമര്‍പ്പിക്കാം.

വിദ്യാഭ്യാസ അവകാശ നിയമം സെക്ഷന്‍ 12(1) (c) പ്രകാരം സ്വകാര്യ സ്‌കൂളുകളിലെ (അണ്‍എയ്ഡഡ്/ഐ.ബി/ഐ.സി.എസ്.ഇ, സി.ബി.എസ്.ഇ, സ്‌റ്റേറ്റ് സിലബസ്) 25 ശതമാനം സീറ്റുകള്‍ സാമ്പത്തികമായും സാമൂഹികമായും പിന്നാക്കം നില്‍ക്കുന്ന കുട്ടികള്‍ക്കായി സംവരണം ചെയ്യണം. ഈ സീറ്റുകളിലേക്കുള്ള പ്രവേശനമാണ് ഓണ്‍ലൈന്‍ പ്രവേശന സംവിധാനം വഴി സര്‍ക്കാര്‍ നടപ്പാക്കാനൊരുങ്ങുന്നത്. സംവരണം നടപ്പാക്കി രണ്ടാം വര്‍ഷത്തിലാണ് സര്‍ക്കാര്‍ വിദ്യാര്‍ഥികള്‍ക്കായി ഓണ്‍ലൈന്‍ സംവിധാനവും ഒരുക്കിയിരിക്കുന്നത്.

കഴിഞ്ഞ അധ്യയന വര്‍ഷമാണ് സാമ്പത്തികമായി പിന്നാക്കം നില്‍ക്കുന്ന വിദ്യാര്‍ഥികള്‍ക്കായി സ്വകാര്യ സ്‌കൂളുകളില്‍ ആന്ധ്രസര്‍ക്കാര്‍ സംവരണം നടപ്പാക്കിയത്. രാജ്യത്ത് നിരവധി സംസ്ഥാനങ്ങളില്‍ ഇതിനോടകം പദ്ധതി നടപ്പാക്കുകയും പ്രവേശനം ഓണ്‍ലൈന്‍ സംവിധാനം വഴി ഏകീകരിക്കുകയും ചെയ്തിട്ടുണ്ട്. അപേക്ഷാസംബന്ധിയായ സംശയങ്ങള്‍ ദൂരീകരിക്കുന്നതിനായി 14417 എന്ന ഹെല്‍പ് ലൈന്‍ നമ്പറിലേക്ക് വിളിക്കാം. വിശദവിവരങ്ങള്‍ക്കായയി cse.ap.gov.in. പരിശോധിക്കാം.

International Main Stories Popular Travel

നെടുമ്പാശേരി വിമാനത്താവളത്തിലെ റൺവേ തുറന്നു; ആദ്യം ലാൻഡ് ചെയ്തത് ഡൽഹിയിൽനിന്നുള്ള എയർഇന്ത്യ വിമാനം

കൊച്ചി: ഹെലികോപ്ടർ തകർന്നുവീണതിനെ തുടർന്ന് താൽക്കാലികമായി അടച്ച നെടുമ്പാശേരി വിമാനത്താവളത്തിലെ റൺവേ തുറന്നു. ഡൽഹിയിൽ നിന്നുള്ള എയർ ഇന്ത്യ വിമാനം നെടുമ്പാശേരിയിൽ ഇറങ്ങി. നേരത്തെ തിരുവനന്തപുരത്തേക്ക് തിരിച്ചുവിട്ട മസ്ക്കറ്റിൽനിന്നുള്ള ഒമാൻ എയർ, മാലിയിൽ നിന്നുള്ള ഇൻഡിഗോ വിമാനങ്ങളും കൊച്ചിയിലേക്ക് തിരിക്കും.

കൊച്ചിയിലേക്കുള്ള കൂടുതൽ വിമാനങ്ങൾ തിരിച്ചുവിടുകയാണെങ്കിൽ സ്വീകരിക്കാൻ തയ്യാറാണെന്ന് തിരുവനന്തപുരം വിമാനത്താവള അധികൃതർ വ്യക്തമാക്കിയിരുന്നു. അതിന് പിന്നാലെയാണ് നെടുമ്പാശേരിയിലെ റൺവേ തുറന്നത്

നെടുമ്പാശേരി വിമാനത്താവളത്തിൽ ഇന്ന് ഉച്ചയോടെയാണ് ഹെലികോപ്റ്റർ തകർന്നുവീണത്. കോസ്റ്റ് ഗാർഡിന്റെ ഹെലികോപ്റ്ററാണ് തകർന്നു വീണത്. പരിശീലന പറക്കലിനിടെയാണ് അപകടം സംഭവിച്ചതെന്നാണ് വിവരം. അപകടത്തിൽ ആളപായമില്ല.

അപകടസമയത്ത് മൂന്നു പേരാണ് ഹെലികോപ്റ്ററിനുള്ളിൽ ഉണ്ടായിരുന്നത്. ഇതിൽ ഒരാൾക്ക് പരുക്കേറ്റതായാണ് വിവരം. അപകടത്തെ തുടർന്ന് റൺവേ അടച്ചിട്ടിരിക്കുകയാണ്. ഇതേത്തുടർന്നാണ് അന്താരാഷ്ട്ര വിമാന സർവീസകൾ ഉൾപ്പടെ തിരുവനന്തപുരത്തേക്ക് തിരിച്ചുവിട്ടത്.

Main Stories Popular

ഇന്നസെന്റിന്റെ വിയോഗത്തിൽ പ്രധാനമന്ത്രി നരേന്ദ്ര മോദി അനുശോചിച്ചു

ജനജീവിതത്തെ നർമം കൊണ്ട് നിറച്ച ഇന്നസന്റ് എന്നും ഓർമിക്കപ്പെടും’ പ്രധാനമന്ത്രി

കൊച്ചി: അന്തരിച്ച നടനും ചാലക്കുടി മുൻ എംപിയുമായ ഇന്നസെന്റിന് (75) വിടചൊല്ലി സിനിമാ ലോകവും ആരാധകരും. ഇൻഡോർ സ്റ്റേഡിയത്തിൽ പൊതുദർശനം ആരംഭിച്ചു. മന്ത്രിമാരായ കെ രാജൻ, ആർ ബിന്ദു ഉൾപ്പടെയുള്ളർ ഇൻഡോർ സ്റ്റേഡിയത്തിൽ എത്തിച്ചേർന്നിട്ടുണ്ട്. 11 മണിവരെ ഇൻഡോർ സ്റ്റേഡിയത്തിൽ പൊതുദർശനം തുടരും.

ഉച്ചയ്ക്ക് 12 മുതൽ 3.30 വരെ തൃശൂർ ഇരിങ്ങാലക്കുട ടൗൺ ഹാളിൽ പൊതുദർശനം ഉണ്ടാകും. വൈകീട്ട് മൂന്നര മുതൽ ചൊവ്വാഴ്ച രാവിലെ പത്ത് വരെ വീട്ടിൽ പൊതുദർശനം. തുടർന്ന് ഇരിങ്ങാലക്കുട കത്തീഡ്രൽ പള്ളി സെമിത്തേരിയിൽ സംസ്കാരം നടക്കും. അതുല്യ കാലാകാരനെ ഒരു നോക്ക് കാണാനായി ആയിരങ്ങൾ ആണ് സ്റ്റേഡിയത്തിൽ എത്തിച്ചേരുന്നത്.

Main Stories Popular

ഇന്ത്യയുടെ പുരോഗതിയിൽ സ്ത്രീകൾ നിർണായക പങ്ക് വഹിക്കുന്നു

ഇന്ന്, ഇന്ത്യയുടെ സാധ്യതകൾ ഒരു പുതിയ വീക്ഷണകോണിൽ നിന്നാണ് ഉയർന്നുവരുന്നത്, അതിൽ നമ്മുടെ സ്ത്രീ ശക്തി വളരെ വലിയ പങ്ക് വഹിക്കുന്നു’ പ്രധാനമന്ത്രി നരേന്ദ്ര മോദി

ന്യൂഡൽഹി: ഇന്ത്യയുടെ പുരോഗതിയിൽ സ്ത്രീകള്‍ നിർണായക പങ്ക് വഹിക്കുമെന്ന് പ്രധാനമന്ത്രി നരേന്ദ്ര മോദി. 99-ാമത് മൻ കീ ബാത്ത് പരിപാടിയെ അഭിസംബോധന ചെയ്തുകൊണ്ട് പ്രധാനമന്ത്രി സംസാരിക്കുകയായിരുന്നു. “ഇന്ന്, ഇന്ത്യയുടെ സാധ്യതകൾ ഒരു പുതിയ വീക്ഷണകോണിൽ നിന്നാണ് ഉയർന്നുവരുന്നത്, അതിൽ നമ്മുടെ സ്ത്രീ ശക്തി വളരെ വലിയ പങ്ക് വഹിക്കുന്നു” അദ്ദേഹം പറഞ്ഞു.

“ദ എലിഫന്റ് വിസ്‌പറേഴ്‌സ് എന്ന ഡോക്യുമെന്ററിക്ക് ഓസ്‌കാർ പുരസ്‌കാരം നേടി നിർമ്മാതാവ് ഗുണീത് മോംഗയും സംവിധായിക കാർത്തികി ഗോൺസാൽവസും രാജ്യത്തിന് പ്രശംസ നേടിക്കൊടുത്തു. ഈ വർഷം ആദ്യം ഇന്ത്യയുടെ അണ്ടർ 19 വനിതാ ക്രിക്കറ്റ് ടീം ടി-20 ലോകകപ്പ് നേടി ചരിത്രം സൃഷ്ടിച്ചു” മോദി പറയുന്നു.

75 വർഷത്തിനിടെ നാഗാലാൻഡിൽ ആദ്യമായാണ് രണ്ട് വനിതാ നിയമസഭാംഗങ്ങൾ വിധാൻസഭയിലെത്തുന്നത്. യുഎൻ മിഷന്റെ കീഴിലുള്ള സമാധാന പരിപാലനത്തിൽ മുഴുവൻ സ്ത്രീകളുമുള്ള പ്ലാറ്റൂണിനെയും ഇന്ത്യ വിന്യസിച്ചിട്ടുണ്ട്. സ്ത്രീകൾ എല്ലാ മേഖലകളിലും കരുത്ത് പ്രകടിപ്പിക്കുന്നുണ്ടെന്ന് മോദി അഭിപ്രായപ്പെട്ടു.

എല്ലാ മാസത്തേയും അവസാന ഞായറാഴ്ച്ച ഓൾ ഇന്ത്യാ റേഡിയോയിലൂടെ പ്രധാനമന്ത്രി രാജ്യത്തെ അഭിസംബോധന ചെയ്യുന്ന പരിപാടിയാണ് മൻ കീ ബാത്ത്. ഇതിന്റെ നൂറാമത്തെ എപ്പിസോൺ ഏപ്രിൽ 30 നാണ്. 2014 ഒക്‌ടോബർ മൂന്നിനാണ് പ്രധാനമന്ത്രി മോദി തന്റെ ആദ്യ മൻ കീ ബാത്ത് പ്രസംഗം നടത്തിയത്.

Uncategorized

Демо Игровые Автоматы В Казино а 2024 Играть Онлайн В Слоты бесплатно И Без Регистраци

March 26, 2023

20-20Journals

Демо Игровые Автоматы В Казино а 2024 Играть Онлайн В Слоты бесплатно И Без Регистрации Игровые…

Uncategorized

İdman Mərcləri Və Onlayn Kazino 500 Bonus Qazanın Başlanğıc

March 26, 2023

20-20Journals

İdman Mərcləri Və Onlayn Kazino 500 Bonus Qazanın BaşlanğıcTəklif olunan idmanlar arasında lap məşhur çempionat, turnir…

Main Stories

വിമാനത്താവളത്തിൽ ഹെലികോപ്ടർ തകർന്നുവീണതിന് പിന്നാലെ കൊച്ചിയിലേക്കുള്ള രണ്ട് വിമാനങ്ങൾ തിരുവനന്തപുരത്തേക്ക് തിരിച്ചുവിട്ടു.

നെടുമ്പാശേരി വിമാനത്താവളത്തിൽ ഹെലികോപ്ടർ തകർന്നുവീണതിന് പിന്നാലെ ഇവിടേക്കുള്ള രണ്ടുവിമാനങ്ങൾ തിരുവനന്തപുരത്തേക്ക് വഴിതിരിച്ചുവിട്ടു. മസ്ക്കറ്റിൽനിന്നുള്ള ഒമാൻ എയർ, മാലിയിൽ നിന്നുള്ള ഇൻഡിഗോ വിമാനങ്ങളാണ് തിരുവനന്തപുരത്തേക്ക് തിരിച്ചുവിട്ടത്. കൊച്ചിയിലേക്കുള്ള കൂടുതൽ വിമാനങ്ങൾ തിരിച്ചുവിടുകയാണെങ്കിൽ സ്വീകരിക്കാൻ തയ്യാറാണെന്ന് തിരുവനന്തപുരം വിമാനത്താവള അധികൃതർ വ്യക്തമാക്കിയിട്ടുണ്ട്.

Month: March 2023